المشكله هناك تفاوت بين الرواتب يعني جامعي معاشه 1400 دينار وجامعي اخر معاشه 760 دينار.. أهم بعالجون هالمشكله انت تقولي نسبة مئوية! , انا مع كل الزيادات دام البلد بخير.. والمال السايب يعلم السرقة, واذا لا سمح الله صار شئ وهبط برميل النفط 7 دولار خلهم يسون خطة تقشف ويخفظون رواتبنا 50% ...
لان سواء زايدو رواتب الموظفين ولا مازادو الفلوس بتروح يا على مشاريع فاشله يا لصندوق السرقات القادمه.
طبعا أكو جامعي معاشه 1400 وجامعي معاشه 760 ،، هو كل جامعي مثل الثاني ؟
تقارن واحد درس 7 سنوات وبعدها ماجستير ودكتوراه وزماله وخفارات وسهر ليالي ومسؤوليه.. الخ ،، مع واحد درس 4 سنوات وقال أنا جامعي ؟
بعدين فيه وظائف يسمونها تخصصات نادره ، المساله مو جامعي و 4 سنوات دراسه وبس ! أكيد فيه أسباب وبدلات لفرق الراتب هذا !
فهذي ليش مشكله لازم يحلونها ؟ كل واحد ياخذ على قد تعبه ومجهوده وندره تخصصه ،، وبعدين هذا جم دفع قسط تأمينات شهري طول حياته وذاك جم دفع ،، والا مو مهم ؟
العداله انهم اذا بيعطون يعطون الجميع نفس الزياده مو هذا 200 وهذا 75 !!
وانا ما أتكلم عن يعطون زيادات والا ما يعطون ،، أنا مع يعطون الجميع بالتساوي بالضبط مثل ما ساووا بزيادة ال50 دينار بين الجميع .
وأرد واقول اذا ما كبحوا جماح زيادة أسعار السلع والكماليات غير المبرر ،، ترى ماكو فايده من هذي الزيادات ، بيشفطونها التجار ،، وبلا رحمه .
