الشركة الاهلية القابضة ( أهلية )

[BOAHMAD]

المشكله اني اقعد اكتب فوق العشر دقايق وقبل لا اعتمد المشاركه اتعوذ من الشيطان وامسح

 

[( عتيج )]

ما ألومك من النار اللي فيك تجاه السهم وما خسرك
آنا والله مثلك لكن خففت من السهم وخليت شي بسيط للزمن

 

[BOAHMAD]

بعد التحري والسؤال طلع البايع خلال اليومين الماضيين شعاع كابيتل
والشاري مجموعة متفرقه من المضاربين والمساهمين

 

[$بوجاسم$]

اخوي بوحمد ما اتوقع ١٠٠ مليون تداول واكثر التدوال كان شراء على ١٣،٥ فلس يكون مضاربين + متداولين انا اعتقد هناك شئ اخر وانشاءالله يكون ايجابي للسهم ممكن يكون تسويه معينه على اسهم ومن بعدها راح يكون لكل حادث حديث الله يصبر ملاكه ويعوضهم يارب بدال الدبل ٣ دبلات للسهم انشاءالله. (تفاؤلوا بالخير تجدوه)

 

[الاسمنت الابيض]

شنو تاثير خبر شطب غلف انفست علي السهم
الربع الثالث جم كان ربح الشركة

 

[الاسمنت الابيض]

6 مارس المقبل
إعادة مزاد «أريبكو» القابضة

​

محمد شعبان
علم انه تم تحديد 6 مارس المقبل لإعادة مزاد شركة اريبكو القابضة التي تعود ملكيتها لكبار الملاك في الشركة الأهلية القابضة.
وأفادت مصادر ان إدارة التنفيذ كانت قبلت تظلم المدين مع إعادة تحديد موعد على أن يتم تحديد سعر أفضل.
من جهة ثانية، أوضحت المصادر ان شركة اريبكو القابضة عليها ديون تبلغ نحو 50 مليون دينار كويتي.
وان هذه الديون مأخوذة في عين الاعتبار، وبالتالي لا يمكن المبالغة بالسعر، حيث إن الشركة تحتاج إلى جهود لإعادة تعديل أوضاعها.
تجدر الإشارة إلى أن بنكا تجاريا محليا هو صاحب المديونية التي يقوم حاليا بتسييل أصولها مقابل مديونية متعثرة.
من جهة أخرى، أشارت المصادر إلى ان هناك بنوكا أخرى حالياً تقوم باتخاذ إجراءات قانونية، وأخذ موافقات من وزارة العدل لتنفيذ تسييل بعض التسهيلات لديها.

 

[الاسمنت الابيض]

شنو تاثير الخبر

 

[( عتيج )]

عادة كما كانت وعدنا للقاع مره اخرى
ما قلت لكم سهم أجرب

 

[ابوعجيم]

قايلكم لها يوم محد يسمع الكلام

خلكم هالاسبوع تقفل فوق ١٥ بإذن الله

ليتنا من حجنا سالمين.....اشرايك اخوي مفلس ليش ماسكر فوق ال15 ؟

 

[( عتيج )]

لان المقاومه الشرسه ١٣،٥
للمره الثانيه يصل لها السهم ولم يتجاوزها
الثالثه ثابته بإذن الله تعالى

رجاء من الاخ بو عمر إعطاء التحليل المفيد مع الشكر الخاص

 

[ابوعجيم]

لان المقاومه الشرسه ١٣،٥
للمره الثانيه يصل لها السهم ولم يتجاوزها
الثالثه ثابته بإذن الله تعالى

رجاء من الاخ بو عمر إعطاء التحليل المفيد مع الشكر الخاص

يعطيك العافيه اخوي مفلس.... بس اذا ماتجاوزها والسوق مرتفع والاسهم مرتفعه متى راح يتجاوزها؟؟

اعتقد اللي صاير بيع على السهم والخروج منه من قبل الملاك الله لايوفقهم يمكن الارباح موشي او راح يتوقف السهم

وشطب غلف انفست اثرت عليه .. يعني الامور سلبيه وراااايحه فيها

 

[( عتيج )]

الاهليه في وادي والسوق في وادي

عمرها ما طلعت مع السوق

لي احمر السوق تشوفها بالعلالي لوحدها
وان شاء الله ما يحمر السوق الا بعد ان
ابيع كل الأسهم اللي عندي هههههههههههه

لا يوم نزول السوق قبل يومين الاهليه كانت طالعه

 

[( عتيج )]

فال الله ولا فالك اخوي ليش التشاؤم جذي
واحباط حاملي السهم ياليت نتكلم بالمفيد وليس الإحباط
للمتداولين تفائلون خيرا تجدووه

 

[BOAHMAD]

اخوي مفلس من البورصه
انا مسحت المشاركه اللي كنت اكتبها وارد امسحها من اسبوع
وان شاءالله مايصير الاّ الخير

 

[الاسمنت الابيض]

شنو اللي كل ماتكتبة تمسحة
!!!!!!
اكتب وخل الشباب يعرفون
وشكرا

 

[( عتيج )]

اخوي العزيز ياليت ماتمسح اذا كان الشي اللي تكتبه ينفع اخوانك
ومتأكد منه ١٠٠ ٪ وبأثباتات
ولكم جزيل الشكر

 

[BOAHMAD]

الحمدالله وبفضل الله عندي معارف باغلب الشركات واسمع اخبار لكن مااكتب الخبر الاّ اكون متاكّد منه 100%
وخصوصا الاهليّه
لكن مشاركتك خلتني امسح مشاركتي واعتذر عن الكتابه باي موضوع سلبي وماراح اكتب الاّ الشي اللي يفرحك

 

[( عتيج )]

الحمدالله وبفضل الله عندي معارف باغلب الشركات واسمع اخبار لكن مااكتب الخبر الاّ اكون متاكّد منه 100%
وخصوصا الاهليّه
لكن مشاركتك خلتني امسح مشاركتي واعتذر عن الكتابه باي موضوع سلبي وماراح اكتب الاّ الشي اللي يفرحك

كل الشكر لك عزيزي
لكن آنا طالبك تنورنا ولو بنصيحه
حتى لو تكتبها بطريقه محرفه او شعر
تراك ياخوي عيشتنا بقلق وحيره

 

[الصابري]

السلام عليكم مافيه اخبار عن الاسهم المريض مادري متي يبي يشوف النور سنه علي الوضع هذا

 

[ابوعجيم]

نبي لو مره وحده نقول مبرووووك التعليقه حالها حال باقي الاسهم........

الاسهم اللي كانت نفس سعرها الحين ماشاءالله شفطواااااالها