سؤالي أهوا ----> لييش؟؟؟؟

[دنياء غريبه]

ليش نتنقع بالمستشفى من الصبح لين الظهر من الزحمه وعلى اساس دوور واحترام القوانيين وجيك ناس تدخل بدون رقم ولاتسمك دور ولاشي ::verymad::

يمكن لانو حكومه او بدون مـــــــوعـــد ..!


​

 

[جواهر]

الله لا يحوجج لمستشفى مبارك تخافين تمرضين بسبته واغلب مستشفياتنا مصخره تروحين الخاص ارحم لج خخخخ

هههههههههه ماراح احتاجه بالمره
الخاص زي ماقلتي نهيبه وحراميه هذاك اليوم عشان خالتي تروح تضرب ابره خسرت 3000 ريال حق الاشعه كبروها وهي صغيره مع انها اشعه عاديه وماتحتاجها وسوها وقالوا حالتك مثل ماهي تحتاجي الابره ::verymad::

يمكن لانو حكومه او بدون مـــــــوعـــد ..!


​

حكومي صح بس ع مستوى يتعالج فيه كبار الشخصيات بس عاد قسمهم غير باقي المرضى

 

[away1979]

ليش اذا كنت متشفق للتلفزيون تلقى برامجه وافلامه تبط الجبد

واذا مو ملقيله بال تلقى احسن البرامج والافلام ​

 

[لون الورد]

ليش لما اتيين تحطين راسج على المخده و تنامين

كل يهال البيت يتذكرون انهم مشتاقين لج و ودهم يلعبون معاج

و لما تقفلين الدار تلاقين طيران مو طق على الباب

 

[هيفا]

ليش لما تكون مستعجل وتسوق السياره بسرعه وتناشب واحد بالطريج علشان يفتحلك الطريج اخر شي تصيدك الاشاره واللي ناشبته يسفط يمك عالبرااااد لاااا ويعطيك نظرة شماته ​

 

[النايفه]

ليش نكرف كرررف بالدوام ولما ينكسر ظفرنا ما يعطونا بدل:/

 

[B-A-1983-A-B]

ليش نكرف كرررف بالدوام ولما ينكسر ظفرنا ما يعطونا بدل:/

عفوا


شنو الي تبين حقه بدل !!!! ​

 

[away1979]

ليش يغارون منك إذا كشخت وتعطرت

مو النظافه من الايمان ​

 

[النايفه]

عفوا


شنو الي تبين حقه بدل !!!! ​

بدل عوار إيد :d

 

[النايفه]

ليش يغارون منك إذا كشخت وتعطرت

مو النظافه من الايمان ​

يمكنك من ربع قلم والعاشق اللي مايتسبحون الأ بالأعياد والعيد الخمسين للإستقلال


عشان جذيه مستنكرين ويغارون

 

[عاشق ليفربولA]

السلام عليكم
ليش الواحد يتجاوز الخط المسموح عند الأشراة
ع الرغم عارف مراح يمشي الا بعد الضوء الأخضـــر

 

[جواهر]

ليش اذا كنت متشفق للتلفزيون تلقى برامجه وافلامه تبط الجبد

واذا مو ملقيله بال تلقى احسن البرامج والافلام ​

راح عليك فلم خطير

 

[away1979]

راح عليك فلم خطير

ليش ماعلمتيني كنت نايم ​

 

[دنياء غريبه]

هههههههههه ماراح احتاجه بالمره
الخاص زي ماقلتي نهيبه وحراميه هذاك اليوم عشان خالتي تروح تضرب ابره خسرت 3000 ريال حق الاشعه كبروها وهي صغيره مع انها اشعه عاديه وماتحتاجها وسوها وقالوا حالتك مثل ماهي تحتاجي الابره ::verymad::






حكومي صح بس ع مستوى يتعالج فيه كبار الشخصيات بس عاد قسمهم غير باقي المرضى

من جدك حكومي ويتعالج فيه كبار الشخصيات ..! وش اسم المستشفى هذا ​

.

 

[النايفه]

ليش ما يحطون نيرسري بالدوام حق عيالنا؟؟ :/

 

[يوسف_007]

اللي يجواب على السؤال هذا

أعطيه جائزه وثمينه بعد

ليش الحين أشخاص تروح منهم مثل العسل إنت وياهم

ومابينكم أي شي أو أخر مره تصادفتم ماحصل أي شي

وفجأه يتغيرون عليك 180 درجه ليش هل هذا مرض العصر ​

 

[كوهجي]

اللي يجواب على السؤال هذا

أعطيه جائزه وثمينه بعد

ليش الحين أشخاص تروح منهم مثل العسل إنت وياهم

ومابينكم أي شي أو أخر مره تصادفتم ماحصل أي شي

وفجأه يتغيرون عليك 180 درجه ليش هل هذا مرض العصر ​

اللي فهمته ..

قصدك ليش الناس تتغير من غير سبب.. صح ؟

الصراحه هو في سبب ..

ومثل مايقولون اذا عُرف السبب بطل العجب .

السبب متعلق باحد الطرفين أو تدخل طرف ثالث !!

الاسباب المتعلقه بالطرفين ..

سوء فهم لسلوك معين ..أو عباره .

ولم يجرأ احد الطرفين طلب تفسير له أو توضيحه .

البعض يبحث في صداقاته عن مصلحه شخصيه ..

و قد انتهت .

اختلاف وجهات النظر ، يراها البعض بما انك لست معه ..

اذا انت ضده .

أما عن تدخل طرف أخر ..

الحسد والغيره مرض العصر خاصه للذين لايجدون مايشغلهم

ان شاء الله أكون فدتك بشي

​

 

[النايفه]

سؤالي اهوا ليش الإنسان الطيب بهالدنيا يتغير بسهوله!!
وينسى العشره والأيام الطيبه؟!
وعلى أدنى زله أو غلطه من الطرف الأخر ينسف ذكرياته الحلوه ؟!

الكلام مو موجه لأحد هذا شي شفته بعيني بالدوام!!

وحده من البنات صار بينها وبين رفيجتها سوء تفاهم راحت الأولى قالت للثانيه طلعي من مكتبي ولا تحاجيني وجاتني الثانيه تبجي تقول طردتني وصرخت علي ورحت أكلمها وأحسفها وأقول لها ليش يفلانه تقول كنت متنرفزه ومعصبه وصج فلانه طيبه وما تستاهل،،
لكن عقب ما هديت الأمور وناديتها عشان تعتذر لها كانت اللي لها الحق خذت حقها أضعاااف مضاعفه ووالله أنصدمت ماعطتها فرصه على طول أشتغلت عليها وحرضت البنات عليها،،، بس والله قلت كلمه لوجه الله قلت لها يافلانه إنتي عندج عيال وتراج فجرتي بالخصومه ومصختيها واهيا غلطت عليج لكن ماعطيتها الفرصه تعتذر وتستسمح منج وتطيب خاطرج جدام الكل،،،أنا أشوف تصرفج مو تصرف وحده تأمل بإستمرار العلاقه الطيبه والعشره لا إنتي إسلوبج اسلوب اللي بايعتها وهالإنسانه ماعاد تهمج،،
ردها كان ايه ماعاد تهمني واهيا اهانتني ووحده بوحده!!!

انصدمت

معقول شخص تسلم عليه كل يوم وتاكل وتشرب وتشاركه همومه يصير ولا شي!!
وعشان شنو عشان مكتب!!

الله يالدنيا صج ماتسوا،، الله يكفينا شر بليس وحضرته،،،

 

[هيفا]

يالنايفه صدقيني الانسان اللي صج طيب يظل طيب

لكنه بشر ممكن انه يخطئ ويندم وحتي لو مو اهو المخطئ صدقيني بالنهايه بيحط اللوم علي نفسه وبيحط عذر للناس

حتى لو يتنرفز حتى لو يعصب ويقط كلمه صدقيني بيتحسف

انا عن نفسي من النوع اذا حيل تنرفزت اقول كلام ما اثمنه بس بسرعه اتحسف حتي لو في سبب قوي لردة فعلي

ومن كلمه وحده حلوه وفيها طيب اخق وارجع لطبيعتي مره ثانيه

اللي يعرفني عدل يعرف ان هذا طبعي

وبالنهايه احب كل الناس تكون راضيه وماحب الزعل

حتي اهلي اذا صار بين احد فيهم زعل تحوشني حاله نفسيه

 

[كوهجي]

اختي النايفه ..

الانسان مركب فيه الخير وفيه الشر .

يعني كل انسان ممكن يتحول من طبع الي أخر حسب الظروف المحيطه فيه

أما سؤالج تغير الانسان الطيب ..

-- ممكن اذا حس الطيب انه مستغل فيتحول الي منتقم شرس .

-- ماكانت الطيبه الا قناع وسقط وانكشف الوجه الحقيقي .

-- ثوره غضب مؤقته ويعود الي طبيعته بعد انتهاءها .

--مجرد راي

​