أحس انني بموت

[زهره]

انتى تبين حجامه والا لا كيفج ....؟؟؟؟؟

ابي حجامه
بس جذي قعد اسأل لانه ما قط سمعت عن التدخين والصداع

 

[ليث متواضع]

الشيشه وما أدراك ما الشيشه

 

[نجوم777]

ابي حجامه
بس جذي قعد اسأل لانه ما قط سمعت عن التدخين والصداع

دزيت الرقم خاص لج ...دقى هو مركز للحجامه مصرح له ....بالفروانيه ...عند البصمات القديمه ....واذا مااشالو التلفون ...خلنى اعطيج وراها حرمه تسوى بجنوب الجهرا بس موعد هذى .....

 

[زهره]

الشيشه وما أدراك ما الشيشه

الريحه وما ادراك ما الريحه

 

[نواره1]

سلامات حبيبتي وما تشوفين شر
عنوانج خرعني .. !!!!!!!!!!!!!!!
الله يعطيج طولت العمر ..

بقولج شي ..


من ثلاث شهور صابني صداع قوي واصلني شهرين من غير انقطاع .. من قوة الصداع كنت أربط راسي على قولتك كأني صعيديه ..
ومن الخوف .. كنت أخاف أسوي تخطيط و أنصدم .. لأن من قوة الصداع المتواصل قلت أكيد فيه شي كبير ...

والله يجزاها ألف خير عمتي ... عالجتني بعلاج شعبي .. اللي هي اللبخه و الأعشاب ........... شخصت حالتي .. و قالتلي ألف بالميه ( هوا في الراس ) طلع فيني هوا براسي .. و الأعشاب كلها اسحبت الهوا ..
وطبعا لها طريقه في الإستعمال ..
و ترى استعمالها بس ثلاث مرات و بتحسين بالفرق من أول استعمال .. والحمدلله تشافيت و افتكيت من الصداع بعد استعمالها


هالسوالف يعرفونها حريم قبل .. يعني دام سويتي تحاليل وما فيج شي .. يعني هوا في الراس .. لأن المستشفى ما يعرفون لهالشي إلا ( الطب الشعبي )
و سلامات مره ثانيه ...
العلاج موجود عند الحواج أو إذا تعرفين حريم يعالجون الراس تحصلين أرقامهم بمنتدى كويتيات

 

[مـــهــــــا]

الحجامه أم ابراهيم 65058460

معالجه أم عايد 99426224


قدامج العافيه

 

[جواهر]

الله يشافيك ويعافيك يازهرهـ


احيانا يكون من الاسنان والله اعلم

قبل لاتسوين حجامه اكشفي على الجيوب الانفيه والاذن اذا تمام ومافي اي التهابات تطمني بالاول وبعدين توكلي ع الله وسوي الحجامه او اللبخه اللي يقولون عنها

والله يشافيك

 

[صقر3]

الله يشافيك ويعافيك يازهرهـ


احيانا يكون من الاسنان والله اعلم

قبل لاتسوين حجامه اكشفي على الجيوب الانفيه والاذن اذا تمام ومافي اي التهابات تطمني بالاول وبعدين توكلي ع الله وسوي الحجامه او اللبخه اللي يقولون عنها

والله يشافيك

اللبخه هي علاج للفري ويعرفون اذا كان في راس فري او لا عندهم مقاسات للراس اذا كان فيج فرري ولي اعرفه اللبخه يسونها بشتاء اما صبخه يسونها بصيف اسأل الله بشفاء العاجل *

 

[الذيبة]

آلـــف لأبـــــاااس عــلــيج

آجــــرر وعـــافــيـــة الــكــل مــاشــاءالله فــيـه الـخــيــر وماقصرر

لو يثبت هالموضوع قلم حرر حتى اناا ادوخ مدري اشفيني

<<<<<< الحيين يقوول اذا انتي ماتدرين اناا ادري



الــذيييــبة



.​

 

[Low Fat]

سلامات ماتشوفين شر أخت زهره

أرقي نفسج وخصوصآ سورة الفاتحه مع تكرارها والنفث على مكان الألم

وبإذن الله يغدي شرج ,,​

 

[النجدي2007]

اختي زهرة اخاف فيج فري هو اعراضة مثل ماذكرتي تري علاجة سهل وبسيط بس يبيلج مدة تقريبا اسبوعين ويقولون ان في مرة تعالج الفري في منطقة الجهراء اذا لج معارف في الجهرة خليهم يدلونج عليها . وعسي الله يشافيج ويشفي كل مريض مسلم

 

[داشه عرض!!]

شفتي 50 مشاركه الكل يبي يعطيج علاج عشان صماخج شفتي شكثر انتي محبوبه يالله استانسي عشان دماغج يرتاح ولا ادفن رمتج بالقاع علي قوله جدي قلم حر ودي اشوف رمتي قبل لا تنرقع بالقاع ههههههه

 

[كوهجي]

سلامات

ماتشوفين شر

الله يشافيج ويشافي كل مريض ​

 

[بو شيشه]

سلامات و ما تشوفين شر
جربي الحجامة و ان شاء الله تخفف عليج

 

[* نجمه *]

سلامات وما تشوفين شر وعليج بأم عايد الأخت مها حطت رقمها هاذي معروفه للفري ،، وماجوره.

 

[إبن الوليد]

قصت عليكم زهره

زهره تقول انها سوت كل الفحوصات ، ومافيها إلا العافيه

واللي حصل انها تتسبح واجد ، وماتنشف شعرها واذونها على طول

ويلفحها التكييف ، ودخل شويه هواء بارد لراسها فقط

يعني بس تبخر اذونها تصير 100 % ​

 

[الكويت2009]

اختي

الله يشافيج ويشافي مرضى المسلمين

اولا: ارقى نفسج وعليج بكثرة الدعاء لله سبحانه ومعاها انتقلي للخطوه الثانيه
ثانيا : سوي اشعه مقطعيه على راسج
اذا مابينت شي وقالوا مافي شي
تروحين للخطوه الثالثه
ثالثا : شوفي طبيب عرب يمكن فيج فري بالرأس

والله تعالى اعلم

 

[زهره]

مشكورين ما قصرتوا
توني اصحي
امس بعتها حطيت 3 حبوب فوار من النوع القوي وشربتهم وفوقهم حبه تدوخ عشان اقدر انام

بروح الطبيب الحين بشوف اذا فيني جيوب والا اذن ملتهبه واذا قال ما فيج بدق علي الارقام اللي عطيتوني اياها

 

[nabhaan79]

شوفي حطي إيدينج على راسج

وإخذي نفس لآخر شي وبعد طلعي الهوا

وقولي مع تطليع الهوا

بسم الله على راسي

سويها سبع مرات أو أكثر

وانا حسب ما ذكرتي والله العالم تحتاجين رقيه شرعيه وودي أعرف العوار وين محله

هل بالجبهه من أمام الرأس

أو يسار

أو خلف الرأس وينزل على الرقبه والكتوف

وهذا رقم حجامه تجيج البيت ويزكيها أحد الحجامين وديري بالج لا تحجمين وإنتي صايمه ترا هالموضوع فيه خلاف هل تفطرين أو لأ وإنت إطلعي من الخلاف وإحجمي بالليل مثلا ...

الحجامه نسيبه
97851743

 

[nabhaan79]

والعوار اللي في بطنج

روحي للعطار وإشتري سنا مكي

وفوريه بماي وشربي الماي

وطبعا عليج بالعسل

ترا سالفة البطن مع عوار الرأس تعطي إنطباع 70% إن هالمسأله تحتاج رقية شرعية والله تعالى أعلم