أحس انني بموت

[زهره]

أعاني من صداع ازلي
يعني 3 مرات بالاسبوع أول
بعدين صار مره باليوم واعالجه بمسكن
الحين اعاني من اسبوعين وآخذ مسكنات 3 او 4 مرات باليوم ولا اكو فايده
الصداع صار ازمه بحياتي

عندكم حل

 

[مـــهــــــا]

سلامتج من الموت

اسمعي هذا الكلام من خبرتي اذا استمر الصداع فيه ثلاث اسباب
بعيد عن فقر الدم والحمل وفيه شي مابي اذكره
اولا يمكن عندج جيوب انفيه وثانيا النظر يعني عيونج تعورج ثالثا هوا فالراس والهوا فالراس يكثر فالصيف لانج تطلعين بره ويكون الجو حار وتدخلين على التكيف .. وهم فالشتا بس بالصيف اكثر

لاتهملين في الصداع وسلامتج
الله يجمع لج بين الاجر والعافيه

 

[B-A-1983-A-B]

الطبيب زين وانا اخوج سوي اشعة مقطعية عشان يعرفون اسباب الالم وان شاء الله مافيج الا العافية
والف لاباس وماتشوفين شر

 

[نجوم777]

أقرى سوره البقره وداومى عليها .....

 

[العاشق]

اربطي راسج يمكن يخف وماتشوفين شر


انا والله نفسج صارلي سبوع لدرجه قمت ادخن قلت ابيه يهدا وخرطي ​

 

[بوالعيس بيك]

سلامتج وماتشوفين شر

لاتهملين نفسج ترا المسكنات مضاعفاتها خطره علي المدي الطويل
جربي الطب العربي أو الشعبي

ومالج إلا هيفا

 

[داشه عرض!!]

الله يشافيج يارب
سوي تحليل يمكن نقص فيتامين او شي لا سمح الله

ولاتفكرين بالشي اللي يكدرج وايد

 

[نجوم777]

جربتى اللبخه على الراس ....جربيها وادعيلى ....

 

[هيفا]

سلامات ما تشوفين شر

انتي يمكن هالصداع من المشكله اللي عندج بالمعده

او من ادويه معينه تاخذينها ما توالمج

انا خواتي ثنتين يعانون من صداع مزمن

وحده طلع فيها صداع نصفي وعندها مشاكل ثانيه بالراس وماتقدر تنام الا بحبوب منومه

والثانيه يوم سوت فحوصات طلعت الغده عندها مفنقشه ميته من زمان واهي ماتدري

سوي فحوصات شامله واكيد بتعرفين السبب

يامعوده لا تموتين وتخليني بروحي

 

[زهره]

سويت تحاليل هالسنه 4 مرات
ما فيني شي
نظري البس عدسات
نوم انام زين

يمكن هوا؟

شسوي شلون اطلعه؟
صايره صعيديه ما ادري عمانيه حاطه فكس ولافه راسي وبالعه اهي فوارات اهي حبوب
ماكو فايده
ببجي من هالعوار

 

[العاشق]

سلامتج وماتشوفين شر

لاتهملين نفسج ترا المسكنات مضاعفاتها خطره علي المدي الطويل
جربي الطب العربي أو الشعبي

ومالج إلا هيفا

هيفاااااااا بربيع الهوا عندها فوق نقي مومثلنا ​

 

[ورد و هيل]

ماتشووووووفين شر

زهررررة


الله يشااافيج و يعااافيج


يمكن صداااع نصفي



-

 

[زهره]

الصداع النصفي هذا من زمان من الولاده يمكن

الحين المشكله انه مو راضي يروح
اقعدني من النوم

 

[بوالعيس بيك]

هيفاااااااا بربيع الهوا عندها فوق نقي مومثلنا ​

ههههههههههههههههههههههههه

يالقصاصه شكلك ماتطول الاوكسجين ​

 

[زهره]

ههههههههههههههههههههههههه

يالقصاصه شكلك ماتطول الاوكسجين ​

جمال خلك الحين من الاكسجين
اريد حلا

 

[قلم حر]

ما تشوفين شر

عندي صاحبي نفس المشكله وتطورت وصارت دوخه

وما يقدر يوقف ويحس براسه مروحه وقام يشوف الارض

كلها تدور فيه وبعد الافحوصات والاشعه المقطعيه

تبين انه الحبيب ما ينام الا ياخذ قطره للانف ومسببه

له التهاب بالاذن الوسطى

عاد انتي شوفي شنو الدوا اللي تاخذينه باستمرار

يمكن هو السبب

وقولي آمين ان شاء الله بالقريب العاجل تبشرينا انج

صرتي زينه ​

 

[بوالعيس بيك]

جمال خلك الحين من الاكسجين
اريد حلا

أنا أقول يبيلج معالج شعبي

وان شالله الاخوان والاخوات يفيدونج
وأتوقع علاجج بسيط وسهل

ياجماعه إللي يعرف معالج شعبي يقول حق زهره جزاكم الله خير​

 

[النايفه]

سلامات زهره وما تشوفين شر،،، أنتي والله أعلم فيج فرغ بالراس يعني الفص اليمين واليسار بالراس مبتعدين عن بعض وبالطب العربي عندنا يقيس لج حجم الراس وإذا فيج فرغ لازم لبخة أعشاب مع ربط الراس وتكون على مراحل والريحة مالت الأعشاب يالطيف بس كللل اللي سووها طابوا ولله الحمد ومشهوره هالشغله.
يعلج ما تشوفين شر عاد توني بالعه بندول راسي بينفجر منصداع

 

[قلم حر]

مشكله الحريم >>>> شده على الياء

بس يبيلهم دقة سلف وكلهم يشتكون من عوار ومن مرض

وبالعروس اتطامر اعلى من الكنغر


​

 

[زهره]

ماكو شي يديد استعملته

وقبل جم سنه سويت اشعه رنين وقالو فيني نقط بالرس وما يدرون شنو اهيه

اقول هالنقط بالمخيخ اللي هو مسئول عن شخصية الانسان

يعني شخصيتي منقطه

وما سوولي شي

بعد الكويت ما يحتاج اوصف

انزين اذا احد جرب الحجامه او شي طب شعبي؟

ما يسوون بمستشفيات الخاصه حجامه؟ جنه مره سمعت