مزبلة الأرض ... عفوا مفخرة الأرض ,,, التيوتا تغدر بصاحبها وتسير لوحدها بسرعة 200 !!!

[بو بـدر]

انا عاجبني بالموضوع نقطة وحده بعض الاخوان ذكرو قوة تواجد الكوري حالياً بالسوق " هواندي , كيا " وغيرهم

وهذي بداية حلوه ان البعض صارو من هل منطلق يفكرون بالكوري والشخص المتابع للسيارات يشوف نتائج المالية لشركة كيا وهواندي 2010 و 2011 وراح ينصدم

والصدمة الأكبر نتائج تويوتا

ودام السالفة فيها صدمات خل يشوف الازيرا 2012 كشكل ومواصفات وسعر

 

[تركي فيصل]

ما ننكر ان تيوتا سعر مرتفع ومواصفات اقل لكن خلاص في قناعه عند الاغلبيه وهي الاهم
ان السعر شبه ثابت مع ان ثبات السعر بالارتفاع الدائم للين الياباني ولكن هذي القناعه الثابته والمهمه
فأتركو أذواق الناس للناس ولا نتدخل بالرغبات​

 

[B-A-1983-A-B]

والله مواتر شركة كيا غير نمونة وشي حلو ومرتب بس لو يضبطون الناس بسعر قطع الغيار خصوصا القطع الستهلاكية جان الكوري يكتسح السوق .... سيارت هونداي حلوة بس اسعار السيارة عندهم اغلا من التويوتا والنسيان !!!

 

[أعرابي]

ياحبيبي التيوتا قبل كانت من افضل الشركات الحين زبالة والناس للحين مغشوشة وخصوصا احنا يالعرب
سؤال ليش سيارات التيويتا الكورلا والكامري والاورين لمى يصير لها حادث تقول واحد ماسك ورزقة ومقطعها والله انها ورق ليش ديكورها يتخلخل
موتعصب بس الحق يقال التيوتا الجيل الجديد فاشل فاااااشل والكوري احسن منة

أغلب الشركات أعتمدوا تقنية في صنع السيارات أبتكرتها شركة مرسيدس عام 1980 و هي هشاشة مقدمة و مؤخرة السيارة و تحطمها عند الحادث لتمتص الصدمة و تكون كالأسفنجة بينما المتانة تكون لمقصورة القيادة . وذلك يقلل من أثر الصدمة على الركاب و على خزان الوقود الموجود تحت المقعد الخلفي أي في نطاق المقصورة العالي المتانة .
ولذلك لا تستغرب من تحطم السيارات بسهولة و تكورها من الأمام أو الخلف ,
و يكون بالعلم أكثر السيارات اليوم بدون شاصي (ثلاث أجزاء أو قشرة واحدة هيكل كامل بدون شاصي ) و هذا أفضل لتتركز المتانة حول المقصورة و تخف قوة الصدمة عن الركاب .
أما الديكور الداخلي لتويوتا فالكل يعلم إنه الأقل تلفا و تأثرا بحرارة الجو عندنا .

 

[أعرابي]

لما تسأل عن أفضل سيارة غالبا الجواب تويوتا و لما تقول ليش الجواب
-تحافظ على السعر (هذا السبب يمكن مو ضروري للي يبي يستعمل لكن يمكن تمل من السيارة و خرابها و تبيعها)
- قطع غيارها متوفرة و رخيصة (الأهم متوفرة في السكراب يعني السيارة منتشرة لأن الوكالات أغلبها غالية )
-أقل أعطال
-أخر شي صدقوني الراحة لأن مستوى الراحة متقارب و تحقق الأسباب السابقة يؤيد و يرقع كل شي .
لكن مع تويوتا الأمر مختلف كيف تحققت لها كل الاسباب السالفة .
- لتويوتا مراكز تطوير ف كل قارة فتصنع السيارة حسب ظروف أي منطقة على كوكب الأرضhttp://toyotadesign.wordpress.com/2...s-development-base-in-australia-and-thailand/
- تقشف تويوتا فلكل مجموعة من السيارات قطع و محركات واحدة مثلا (فورتنر ,برادو,أينوفا , باص هاي أيس,هايلكس,هاف لوري دينا ,تشترك بمحرك 4سلندر 2700سي سي و هذا يوفر قطع الغيار و تكلفة الإنتاج .
و قطع أخرى كثيرة مشتركة الغريب بعضها لموديلات قديمة و يركب لموديلات حديثة .
- للأسف تويوتا تمادت في التقشف فأكثرت من المواد الرخيصة في صنع سياراتها و زادت من المساحات الزجاجية و البلاستيكية فيها منذ أزمة الإقتصاد العالمي , لكن جميع شركات العالم تقشفت معها في محاولة لتخفيض تكلفة المنتج , فإذا كان ذلك النهج سيء فهي أفضل الأسوء .

 

[maax1]

ياحبيبي التيوتا قبل كانت من افضل الشركات الحين زبالة والناس للحين مغشوشة وخصوصا احنا يالعرب
سؤال ليش سيارات التيويتا الكورلا والكامري والاورين لمى يصير لها حادث تقول واحد ماسك ورزقة ومقطعها والله انها ورق ليش ديكورها يتخلخل
موتعصب بس الحق يقال التيوتا الجيل الجديد فاشل فاااااشل والكوري احسن منة

على طارى الحوادث الله يحميكم

واحد من الربع على افالون 2007 يمشى وجدامه جمس اكاديا 2007الاكاديا وقف فجأه ودعمه الافالون من الخلف والله بصدفه انا وقفت عنده وطلعت اعرف صاحب الاكاديا

اضرار الافالون مدقر يمين وليت يمين وكبوت ودعاميه وجسر دعاميه معفوسه الواجهه
والغريب الاكاديا بس الدعاميه فيها شخطات سطحيه كسر النيكل فقط حتى عدسات السنسر مافيهم شى استغربت الافالون وجهه رايح والاكاديا ما تأثر حيل

المهم صادفت الشخصين على مراحل
راعى الافالون يقول كلفتنى 560 د مع اجور الكراج والصبغ
القطع اصلى ماحصل شى فى السكراب

وصاحب الاكاديا يقول كلفت 120د الدعاميه وتركيب 10 لان لونها اسود اصلا
بدون صبغ

مثل ماتفضلت الوجهه تنتفت مثل الورق والسرعه كانت تحت 40كم
وداخل المنطقه بين لبيوت مو خط سريع
والوكيل اسعار القطع عنده بسعر قطع المورسيدس غااااااالى على شنو ​

 

[FreeTrader]

انا من مستخدمين تيوتا ولكزس من اكثر 25 سنه وعندي سيارات امريكيه ايضا من فتره طويله استخدمها
الخدمه ممتازه .. افضل من الغانم بالنسبه للخدمه بمليون مره
عن وعن تجربه مصداقيه اكثر من الغانم بعد ماغشوني في بعض القطع ورفعت عليهم شكوى

اكيد في ناس ماتحب التيوتا وايضا في ناس ما تحب سيارات اخرى لان هذي غايه الناس لاتدرك
بس عن تجربه الساير ممتاز ولا يخلو اي كراج من المشاكل

 

[maax1]

لتوضيح الصوره

[/url][/IMG]

 

[bo7amad-q8]

ياجماعه لتيوتا كان لها اسم وتاريخ قديم ايام الكراون والكريسيدا واللاندكروز وهي سياره عاديه مافيها شي من الفخامه وسعارها كانت بمتناول الجميع يعني الموظف العادي يقدر يشتريها وسمعتها كانت برخص ثمنها وقوتها بس ماكانت تقيم بانها اقوى سياره او افخم سياره او سعرها غالي بس الحين اهي مزبلة السيارات تصنيعها باستراليا والبدي خفيف والمكينه زباله والمكيف لك عليه والمصيبه الحين بالسعر يعني شنو لاند كروز موديل 99 سعره 4الى 5 الاف دينار ليش موعارف يعني هل اهو مصنوع من ذهب ولا اللي بيستعمله يبكون ملك ولا الموتر ماخرب ولا يندعم موعارف ؟

 

[Se7T]

لتوضيح الصوره

[/url][/img]

مشاركة ولا اروع اخوي ماكس ولا يهونون باقي الإخوان

اليوم بجريدة الشاهد مواطن علق معاه مثبت السرعه اللي اهوا دائما بسيارات التيوتا
بس موكاتبين شنو السيارة
توقعاتي انها طيوطا النكبة

 

[أعرابي]

لتوضيح الصوره

[/url][/img]

صح هذا الحادث منطقي و يصير مع أي صالون في العالم مهما كان نوعها لو مرسيدس لأن مستوى الشبك و الأضواء و غطاء المحرك بمستوى إرتفاع دعامية الجيب و لأن الجيب لديه ميزة الإرتفاع و بنية الهيكل فيه أقوى من الصالون , وهذا ليس تعصب لتيوتا لكن كلمة حق و شي معروف حادث بين جيب و صالون تأكد إنه مو لصالح الصالون .

 

[أعرابي]

و أذكر بهالمناسبة حادث حصل لي و الله شخصيا عندما توقفت بسبب حادث على الدائري الرابع جاء صاحب بيوك رودماستر مسرع و صدم سيارتي و كانت سيارتي كرسيدا موديل 90 و تحطمت سيارته من أعلى الدعامية مع الشبك و الراديتر و لم تعد تعمل بينما سيارتي شق صغير بدبة القزوز , و السبب سيارته عند مسك البريك نزلت دعاميتها لتحت مستوى دعامية الكرسيدا و دعامية الكرسيدا ما عليها و لا شخط من الحادث ,طبعا ما أقول لمتانة الكرسيدا مع إنها أخر صالون لها شاصي لكن لعيب في أكثر الصوالين الأمريكية سابقا و هو إنخفاض مقدمتها لعطيتها بريك .

 

[ma7aamd75]

والله انا ضد الساير بس هالخبر مايدش العقل اي سياره الدوسه مالت البانزين اتعلق واكثر شي اللي يذكر الشفر مديل الثمانينات كان يعلق اول شي تسويه اتبوش القير لين ماتوقف السياره واذا اهو مافكر يبوش القير الشرطه اللي كلمهم ماذكروه بهالشي خبر اشاعه ومافيه شي من الصحه

 

[الطاحونة]

أنا أذكر أني قرأت موضوع مشابه قبل سنه ويمكن بجريدة عكاظ بس كان على طريق مكه المدينه وتعلق التحكم على نفس السرعه اللي تم تثبيت عليها السرعه ومو راضي يفصل والسائق دق على الطوارىء ولكن للأسف وجدوا الجيب لاندكروز قالب ومتحطم بعد 50 كم من المكان اللي طلب النجده منه ... رحمة الله عليهم لأنهم كانوا 3 شباب ...

يا أخوان أحذروا لأن البرادو أول ما طلع كان عنده مشكلة التاير الأيسر الأمامي كان يفلت وصارت كذا حاله لغاية ما تم تضبيط الأمر ... لذلك اللاندكروز يعاني من تعليق التحكم ... وكذلك التاهو فيه مشكلة الكهربا تطفي فجأه وهو وكاله جديد ... واليوكن فيه مشكلة طرمبة البنزين من زمان مو راضين يحلونها ...

 

[B-A-1983-A-B]

الددسن زين وسعره حلو كلا يقدر علية فكة وكالة فل اوبشن مايطلع عليك 5 ونص وكان الله غفورا رحيما

 

[شيخ عرب]

ما في مثل الامريكي مع العلم هم صارت الشركات تخفف بالسياره عشان مصرف البنزين
مثال اللي عنده يوكن يديد وكان مستخدم ٢٠٠٦ وتحت يحس بخفه السياره٢٠٠٧ وفوق
براي ما في مثل اليوكن بالعالم وأحسن موديل منه لحد الان دينالي ٢٠٠٦
صج اليديد فخامه اكثر ولكن القديم متانه وثبات علي الطريق
وهم الاسكاليد ماله مثيل هذي

 

[S c O r P i O n]

اليوكن الجديد اثبت من القديم بواااجد وفرق بالرساوة القديم اريح من الجديد

 

[Se7T]

بعض اصحاب العقول النيرة ماخذين الموضوع شخصانية وكأنهم واحد كرسيدا والثاني هايلكس والثالث كرولا
الموضوع لإنارة عقول بعض ممن لا يرون الا تيوتا لآنهم لم يجربو في حياتهم الا الطيوطا لذلك لايستطيعون تغير طيوطا

 

[نبض الهواجر]

السلام الساير سياره كانت من افضل السايرات قبل سنة 2007 وبعدها فشلت لكن ربعنا يمشون بسمعته القديمه وكبر دليل الكامري ولا سيدكم من الشعر بيت انا امس كنت عند ولد عمي موتره ماشي 5الف يقول بدخله التصليح قتله الموتر جديد وشفيه قالي القاردن الخلفي ظرب عندي والوكاله معطتني موعد بشهر 9 بعد العيد وانا موتر واقف من شهر 6 وش الوكاله هذي الي تبيع موتر ماله قطع غيار وش الموتر الي قاردن يخترب الله يعز حسان الي رقاااهم وعلهم كيف يصبغون ديكور الخشب

 

[أعرابي]

بعض اصحاب العقول النيرة ماخذين الموضوع شخصانية وكأنهم واحد كرسيدا والثاني هايلكس والثالث كرولا
الموضوع لإنارة عقول بعض ممن لا يرون الا تيوتا لآنهم لم يجربو في حياتهم الا الطيوطا لذلك لايستطيعون تغير طيوطا

لا يا خوي أنت ماخذ الموضوع بشخصانية لا و بعاطفية بعد و كأن بينك و بين الساير خلاف شخصي , أبشرك كلها حديدة لا قامت عندنا و لا قعدت . لكن الأرقام لا تكذب 65% من مبيعات السيارات الجديدة في السعودية من نصيب تويوتا إلا إذا كنت تكره السيارة فهذا من حقك و من حقك تطرح رايك , لكن مو من حقك تفرض رايك على الناس .