أمري لله بعترف
قبل مده كنت مع اخوي الله يرحمه ويغفرله في رحلة علاج طويله وتوفاة الله هناك
امي وابوي كانو حيل متعلقين فيني انا وخوي هذا بالذات لان اهو اكبر واحد فينا وانا اصغر اخواني الجعده الزبده كانت نفسيتهم حيل تعبانه وكنت احاتيهم وكانو يسألوني عن اخوي مايدرون شنو فيه وكنت اجذب عليهم وانا ماعرف اجذب وماتعودت على الجذب وعلى منو اغلا الناس عندي
بالاظافه الى بنتي الصغيره كل ماحاجيتها تبجي باااااااااابااااااااا تعاااااااالي
بعد رجعتي للكويت عقب هالاحداث هذي كلها وزيادتها ومحاولتي لترميم ومعالجه وتعويض تقصيري بحق من لهم حق علي وتعويض غيابي كل هذي المده وجاني مولود جديد اكثر من خمس اشهور عمره وانا ماشفته
ومحاتاتي لولد اخوي
قعدة اطحن بعمري لين تعبت وجاني رفيف بعيني طنش جم يوم وزاد رحت للدكتور حولني طبيب اعصاب وكانت دكتوره بالغاريه جدا ذربه قعدة تسال جان تقول هذي سببها نفسيتك ولازم تاخذ حبوب مهدئه لمده شهرين
نقدت على نفسي صراحه كنت اعتبر نفسي قوي تاليتها معطيني وصفة حبوب مهدئه طلعت من المستشفى دقيت على طول على مكتب السفريات وحجزت لبنان لي ولصديق دق علي بالصدفه وقلت بسافر قال معاك
رحت لبنان جم يوووووم ريحت بالي بهالجو الحلو رديت مافيني الا العافيه
ورأيت مايقصده الله سبحانه بقوله
(,لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ .,)
وقول الرسول عليه الصلاة والسلام
إن لبدنك عليك حقا، وإن لأهلك عليك حقا، وإن لربك عليك حقا؛ فأعط لك ذي حق حقه". ...)فدريت ان لازم اداري عمري موشرط عشاني انا ولاكن عشان اهلي وناسي اللي محتاجيني
ولما شفت بعض السلوكيات على ولد اخوي سألت طبيب نفسي وستشرته
كاشخص متخصص
وعتقد مافيها شيء وانا بنفس الوقت مع رأي اخوي قلم تماما
ادري طولت
