شركة المخازن العمومية (( أجيليتي )) ...... 3

[عجبي]

يا جماعه اعتبروها اشاعه الي وصلي ان في اخبار ايجابيا بين اجليلتي والجيش الامريكي الخبر مو متاكد منه لحد ياخذ ابكلامي يمكن تطلع اشاعه انشاء الله يطلع الخبر صحيح للحين ما في اي شي ماكد ولا احد يشتري او يبيع وياخذ ابكلامي لما يطلع شي رسمي اتخذ القرار الحين لحد ياخذ اي قرار موفقين

طلع اشاعة والا خبر صحيح بعنا بربح وأخذنا المقسوم بفضل من الله
والله يباركك للجميع

 

[المحلل المالي75]

شنو سبب الصعود الطيب ....!! من 250 فلس إلي 320 فلس ؟

ياليت خبر أو شيئ أكيد

 

[الوحيد 1974]

شنو سبب الصعود الطيب ....!! من 250 فلس إلي 320 فلس ؟

ياليت خبر أو شيئ أكيد

الظاهر عيال العيسى ناويين على السهم بالصعود يالحبيب .

 

[albostan]

يا جماعه اعتبروها اشاعه الي وصلي ان في اخبار ايجابيا بين اجليلتي والجيش الامريكي الخبر مو متاكد منه لحد ياخذ ابكلامي يمكن تطلع اشاعه انشاء الله يطلع الخبر صحيح للحين ما في اي شي ماكد ولا احد يشتري او يبيع وياخذ ابكلامي لما يطلع شي رسمي اتخذ القرار الحين لحد ياخذ اي قرار موفقين

يا خوفي يعيدون نفس المسرحيه القديمه يرفعون أجلتي و نزلون الرابطه و بعدين يرفعون الرابطه و ينزلون أجلتي . المنطق يقول إن الجيش الأمريكي يفكر بسحب العقد من إنهام لأنهم حراميه و تم محاكمة أجلتي لأنهم حراميه شلون يعطون عقد حق إجلتي الحراميه . هذا المنطق يقول بس شنو صاير الله أعلم و الله يرزق الجميع

 

[فيلادلفيا]

امس تم شرا اجل بكثره الظاهر فيه شي

 

[aboazoz77]

امس تم شرا اجل بكثره الظاهر فيه شي

صحيح كلامك بناء على اتصال من صديق ابلغنى عن صديق دائما يجلس معاه بالبورصه واخذ يوم الثلاثاء او الاربعاء آجل ولم يبلغه ولا الشباب اللى يجلسون معاه بالبورصه وقد علموا اليوم منه وبكل وقاحه طلع الاوراق اللى تثبت كلامه ولما اعتبوا عليه قال اسمحولى اللى بلغنى حلفنى وقالى صاحبى تقريبا احنا قطعنا علاقتنا معاه لاننا زفيناه زف ومايدرون شبيصير باجر هل بيجى باجر عادى ووجه مغسول بمرق ويقعد والا شنو بالضبط
المهم قلت له طيب ماسألتوه ليش معلق قال السبب شراء الكويتيه وسلامتكم والسعر اللى شرى فيه تقريبا 255 فلس والكميه 150الف رزقته بالحيل طيبه الله يوفقه بس ليش النحاسه مايعلم ربعه؟::verymad::

 

[albederi]

سهم اجيليتي بعد ان كسر الترند الصاعد كان يستهدف سعر 250 وبالفعل وصل الى الهدف وكان هناك دخول عند هذه الاسعار مابين 250 الى 246 بهدف ( المضاربه ) وارتد السهم من هذا الدعم في الاسبوع الماضي وتعتبر اشارة دخول مبدئيه والان السهم عند مستوي الترند الهابط مثل ماهو واضح بالشارت مابين 295 الى 310 اى اقفال فوق هذا المستوي سيكون عندنا هدف 385 بعد كسر 330 340 355

عن المحلل المالي / حمود العازمي

 

[خالدالروقى]

للرفع------------------------------------

 

[ليث متواضع]

سهم أجيليتي سهم أستثماري له مستقبل في القريب العاجل إن شاء الله

 

[q8_king1]

يتطلع المستثمرون في سوق الكويت للأوراق المالية كما يتطلع المراقبون في الداخل والخارج الى طريقة وآلية الشفافية في العهد الجديد الذي يفترض أنه بدأ منذ أشهر، وهو عهد قانون سوق المال.
الا أنه يبدو أن ممارسات الماضي لم تتغير، حيث اثار اهتمام أوساط السوق الصعود اللافت لسهم أجيليتي بنحو %26 تقريباً خلال 4 أيام تداول فقط من دون أن تستفسر البورصة أو الهيئة عن ماهية الصعود، أو توضح الشركة للمساهمين اسباب ذلك، أو تعلن أنه لا شيء لديها يدعم الصعود وأنه لا علاقة لهذه التداولات بأي صفقات أو عقود أو تسويات أو غيرها محتملة في القريب العاجل.
وكان سهم اجيليتي سجل اقفالاً نهاية تعاملات الاسبوع الماضي عند مستوى 270 فلساً، واغلق امس عند مستوى 340 فلساً، أي بدأ رحلة الحد الأعلى اعتباراً من الأحد محققاً مكاسب كبيرة ولافتة دون سؤال من الجهات الرقابية أو ايضاح من الشركة التي تسرب أنها مهتمة بخصخصة «الكويتية» وتبين زيف ذلك، فاستفاد مضاربون ومسربو الشائعات، والشركة تصرفت كما لو أن شيئاً لم يكن!
http://www.alqabas.com.kw/Article.aspx?id=734279&date=15092011

 

[alshammery]

سوقنا وكلنا نعرفة ناس تنشر اشاعات ويشترون مع اول الاشاعة وعندما تقترب الاشاعة من نهايتها يبدا البيع اجيايتى تحرك على اى اساس قبل كم يوم امريكا تقول استكملنا باقى انسحابنا من العراق يعنى مافى عقود عراقية جديدة ولا حتى اتكمال عقود سابقة الكويتية اعتقد سالفتها طويلة للتخصيص

 

[Horizen]

وحتي لو يشترون الكويتية يعني تتوقعون راح يربحون مليار لاوالله خساير يخساير المشوار طويل وأشاعات كثيرة دربالكم من هالقروب

 

[رابح رابح]

اتبع العقل والمنطق ولا تتبع العاطفه
السهم نزوله كان واضح من يومين
بسبب جني ارباح من المحافظ التابعه للتأمينات الاجتماعيه والبنك التجاري
مضاربات في مضاربات
لو فيه خير ماعافه الطير

 

[ابو ناهي]

اتبع العقل والمنطق ولا تتبع العاطفه
السهم نزوله كان واضح من يومين
بسبب جني ارباح من المحافظ التابعه للتأمينات الاجتماعيه والبنك التجاري
مضاربات في مضاربات
لو فيه خير ماعافه الطير

كلامك سليم


لاكن انظر للشارت الأسبوعي للسهم

 

[ليث متواضع]

اتبع العقل والمنطق ولا تتبع العاطفه
السهم نزوله كان واضح من يومين
بسبب جني ارباح من المحافظ التابعه للتأمينات الاجتماعيه والبنك التجاري
مضاربات في مضاربات
لو فيه خير ماعافه الطير

الأخ رابح رابح كلامك عين الصواب اللي يستغل الظروف الحاليه ويقتنص الفرص رابح رابح إن شاء الله

 

[بوعبدالمحسن]

كلمة لكن تكتب في هالطريقة وليس لاكن

 

[رابح رابح]

اعتقد السهم راح ينخفض سعره تدريجيا ويتم تجميعه لحين الاعلان عن نتائج مناقصة الخطوط الجويه الكويتيه
واذا كان كما قيل سيدخل طرفا ضمن كنسورتيوم (هذا الاحتمال كبير)
فاعتقد انه سيكون ضمن كنسورتيوم شركة الجزيره للطيران وليس الوطنيه
حيث ان احد بنود المناقصه ان يكون احد اطراف الكنسورتيوم شركة طيران ذات سمعه جيده[/color][/size]

 

[كلك نضر]

السلام عليكم ورحمة وبركاته

اسعد الله صباحكم

ان شاء الله نشوف السهم مرتفع ويعوض خسايرنا فيه لا نا تعبنا حيل ونطلب من الاخوان المحللين تحليل السهم والى وين اتجاهه
مع الشكر

 

[كلك نضر]

وحلالاه لو اعرف محامي الشركه مال قضية
الشركة كان دقيت عليه وعرفت شنو اللي صاير بالضبط
يعني القضيه معانا ولا ضدنا صارت تسويه ولالا بس نرجع ونقول

الله كريم وعسى ان تكرهو شي وهو خير لكم ننطر ونشوف تاليها مع الشركه

 

[q8_king1]

يريت نشوف تحليل للسهم وهل السهم لة مستقبل ام نبيع احسن