═︻▄█▒ ............... أبوفطيرة ...... الجزء 3 .............. ▒█▄︻═

[المنظور الشامل]

هلا بجيراني وعزوتي

ويحالتنا وأحنا منورين صفحتنا

بومهدي مشكور على الخبر ولنا اجتماع مع الوزير بالقريب العاجل انطر منا تفاصيل اكثر
شباب بالنسبه للاسعار لنشوفه بكشف العدل غير والي بالسوق والواقع شئ ثاني نبي تحليل بوخليفه بحكم خبرتك مع بو سالم

 

[عذبي 71]

يا هلا اخوي ياسلام وابشر بالخير ان شالله
بس انت هم مقاطع ما ينسمع لك حس نبي نشوف مشاركاتك الحلوه
وانا ما انسى لوحة wanted
اللي حطيتها بموضوع مطلوب ارض بسعر 85
حركاتك فله يابوفيصل..
،،،،،،،،،،
بوراشد صبحك الله بالخير
لو تلف يوم واحد بالسوق تكتشف عجايب
ناس تبيعك الاحلام يعطيك قسايم باسعار حلوه ومواقع عجيبه وتقوله تم شريت ..
وتنطر عليه ايام تالي ايقولك طلع راعيها يبي وايد وانا اسف غلطان برقم القسيمه وغيره من حجي يخليك ماتثق باغلب المعروض بالسوق
على سبيل المثال عرض علينا دلال بلوك 6 اراضي بقطعه 1 احسن قطعه بالمنطقه وهالاراضي عند المدخل شارع واحد وامامهم حديقه عامه وخدمات بسعر 115
في حين اسعار السوق للموقع الداخلي 117 ومراجعه 116
فقلنا للدلال شرينه قالي ابعث رقم المشتري المدني واسمه مسج وسويلك عرض سعر وبكره الخبر
قلتله انت مفوض الى 117
ومن يومها كل ما ادق عليه مايرد
ودقيت عليه من رقم ثاني قالي اسف ياخوي راعيهم غيير رايه
طبعا ماغيير رايه الا هو عنده سالفه طويله
وناس ماتقبض من وراها شي

 

[المنظور الشامل]

هلا بو خليفه أذا كان عندك واحد يعز عليك ويدر بعطبك رقم مكتب مسمار بمطرقه وكلمته وحده مو أثنين لو عطاك سعر أهو السعر ويمكن يضغط ويعطيك سعر حلو تدلل أنت بس

 

[yasalam]

السلام عليكم يالربع ..
اليوم زرت الفريج وطقيتلي صورتين وحدة عامة و وحدة خاصة لبومهدي العزيز.

ان مدخل المنطقة من ناحية فحيحيل تم ترصيفه بالكامل والفريج تم تكحيله وتلميعه
الامور طيبة ومغرية .. خوش منطقة وعلينا بالعافية
مرفق صورة في يناير وصورة اليوم أبريل 2011

وعلى قولة المراسلين بالتلفزيون
العضو ياسلام .. منتدى المؤسرنت .. أبوفطيرة :d

 

[المهندس77]

تسلم ايدك ومشكور وماقصرت على الصورة الحلوة

 

[عذبي 71]

شهالابداع ياسلام شهالصور الرائعه
بصراحه فريج امبين من لون التراب فريج اجاويد واطياب
والاسفلت مشاء الله ماخذ راحته ومتوبك جنه قزاز مغسول بماي وصابون
الف مبروك الكحل وفال للشموع
وتسلم عالمجهود الرائع
والموتر الابيض باحمر اللي بالصورة اذا للبيع عطني خبر

 

[القصاص 2]

السلام عليكم ورحمة الله وبركاتة
جزاك الله خير يا سلام صور طيبه والامور طيبه ولله الحمد وشكرا

 

[ابوهاجر الشمري]

السلام عليكم
مشكورين علي المجهود الطيب
بس ضاقت خلوقنا لماعرفنا خبر انتهاء البنيه التحتيه اخر السنه
اول شي قالوا شهر 2 بعدين 6 بعدين 8 والحين اخر السنه
ملينا نطالع اراضينا وبعضنا عليهم قروض ومحنا قادرين نبني
ليش مايصرحون بالبناء االحين والخدمات تخلص مع انتهاء بنياننا اذا الشوارع خالصه شنو المانع (بس يبونا نتحسر ويمكن ناس تموت وهم مالحقواعلي قسايمهم )

 

[MUSAED77]

السلام عليكم والله يا شباب أنا رحة المنطقه والوضع حده ما عجبني المفروض المنطقة تكون خالصة والآن يجب تركيب الكربسون الأحمر. والوضع للحين ما خلصوا القار وكل المنطقة حفريات ما تدري راسها من كرياسها وما اتوقع في شي واضح قبل شهر 10 أهي والفنيطيس واحد اللهم القار

 

[عذبي 71]

ابشر بالخير يا بوهاجر ويامساعد ​

بهديكم 21 صورة من بوفطيره لتطمئن قلوبكم وترون بأعينكم ان الأمور تسيير بخير وكل شي ماشي حسب الأصول وكما تتمنوه يا أهل بوفطيره الطيبيين..​

 

[عذبي 71]

وتابعوا معانا الشغل​

 

[عذبي 71]

وتابعوا معانا الشغل​

 

[عذبي 71]

تابع يا سلام والقصاص وبودانه وبوراشد ومهندس وبوعبدالله ودي اربح وجميع الاخوة​

 

[عذبي 71]

يا محلا بوفطيره​

 

[عذبي 71]

بأمانة اشرايكم​

 

[MUSAED77]

يعيييييييش عذبي يعييييييش عذبي :d والله انك عزيز يا عذبي وغيرت فكرتي بس اتوقع هذي الصور ناحية قطعه 1'2'3'5 اما بالمسلم للقطع 8'7'6'5 فالشغل أبطئ بس إحنا شهر 4 المفروض المنطقه تكون جاهزه للتسليم للبلدية وهي تبدا بالترخيص لنا ....
علي العموم مجهود ممتاز وانا اقدر يا عذبي ومشكور *

 

[بوعبدالله2007]

جهد تشكر عليه يابوخليفه وماقصرت وانا اقول للربع تري الصبر زين وهانت انشاء الله

 

[yasalam]

الله الله عليك ياعذبي.
الصور جات بوقتها. ولهنا على معرفة اخر المستجدات بالمنطقة.
الزيارة القادمة لي بتكون لكل القطع و باكل من الكنار اذا ضل منه شي من ودي اربح.
بس البلاط الاحمر ماعطيته صفة مثل العادة.
الشبة شمعة والرصيف جوهرة والقار كحلة.
هانت هانت يالربع وشكرا لكم. *

 

[المنظور الشامل]

مشكور بو خليفه على المجهود الرائع وصور أكثر من رائعه ومن جميع وتغطيه وتحليل من جميع الجوانب .

وهذا المعهود من الجيران الاعزاء والذي أكن لهم كل محبه وتقدير .

الحمدلله على الخير والنعمه والصحه والعافيه والباقي كله يهون

وفات الكثير ما تبقى إلا القليل .

يوم الأحد الفائت كان لي زيارة سريعه لإدارة خدمه المواطن للأستفار عن تراخيص البناء وكان ذلك بسب التخطيط للسفر بالصيف مع الاهل ولكن لم أجد الجواب الوافي بسب حوسه بالوزارة بسب التغير الوزاري وكان الجميع ماله خلق وكأن الوزير ابوه أو عمه .

انتظروا مني تحليل واقعي عن التأخير في منح تصاريح البناء خلال الايام القادمه وهذا وعد .

 

[القصاص 2]

السلام عليكم ورحمة الله وبركاتة
بسم الله ما شاء الله تبارك الرحمن
ايش هذي المفاجئة اللى تشرح الصدر نجي لثمار ابوفطيرة الطيبة او الى اعمدة الانارة او نجي الى الطابوق الاحمر المتشابك الذي يدل على انتهاء الضاحية او نقول وضع اللمسات الاخيرة على الضاحية الله يجزاك خير يا عذبي جهودك ومشاركاتك دائما تبرد القلب ولكن انه عندس كم شغله
ماهو حفر الخدمات اللى جابة بالصور للقسائم اللى به حفرتين بالطول

وعندي طلب
تقدر تقول للاخوان الذين يعملون بالطابوق الاحمر وضع بعض الطابوق الابيض لياخذ شكل الشماغ
مداعبة وشكرا