═︻▄█▒ ............... أبوفطيرة ...... الجزء 3 .............. ▒█▄︻═

[القصاص 2]

السلام عليكم ورحمة الله وبركاتة
الله يجزاك خير يا بو صالح والحمدالله على السلامة وابشرك ما حصل الا الخير ولا في شي وعذبي قال انه بريح كم يم من الكتابو وبيجي وانه اعطية المهله الى يوم الجمعه اذا لي خاطر عنده يرجع وشكرا

 

[bu sale7]

السلام عليكم. هلا اخوي القصاص ان شاء الله ما حصل الا كل خير. بو خليفه عزيز علينا كلنا.

 

[المنظور الشامل]

هلا بالشباب

شلونكم قرب الفرج والصبر زين

لا تحاتي يا سلام الأمور بطريقها للحل

ومهندسنا 77 معانا أول بأول

وبالتوفيج

 

[بوعبدالله2007]

مافي الا العافيه هذا انما يدل علي كثر محبينك يابوخليفه لان هذا حصاد مازرعت ماشاءالله عليك
وتبقي عزيز وفي وسط القلب يافارس صفحه ضاحيه بوفطيره

 

[yasalam]

بوراشد وبومهدي اليوم ياتني فكرة جنونية بس يبيلها قعدة معاكم ودراسة مستفيضة.
بما ان قسايمنا قراب فاعتقد ان لو نكلم شركة مقاولات تبني الثلاث قسايم يطلع البنا رخيص علينا خصوصا ان الشركة عمالها بيشتغلون بالقسايم جنب بعض والمواد مع العمال بكونون متوفرين بمكان مشترك. ولا شرايكم؟*

 

[المهندس77]

الي تامر عليه اخوي الحبيب
yasalam
انت وأخوي العزيز ابو راشد
وأتمنى بوخليفه يشاركنا (عذبي)


 

[Om-mubarak]

السلاام عليكم ..
عفوا انا وحده احتاج مساعدتكم شوي و جان زين القى رد على استفساري ..
اول شي أبي اعرف منطقة بوفطبره وين فيه بالضبط؟؟؟
أنا إذا بدخل القرين من طريق الفحيحيل قبل لا ادخل لفة القرين في على يميني ارض فاضيه فيها شبات و فيها جم بيت توهم ينبنوووون (مقابل نادي ضباط الشرطه) هل هذي ابو فطيره ؟؟ و إذا هذي ابو فطيره فشلون انتو تنتظرون تصريح البناء مع إني اشوف وايد بيوت بدو يبنون ؟؟؟؟
ثانيا إذا ابي اشتري ارض في هذي المنطقه تقدرون تساعدوني برقم دلال شاطر يدورلي ارض؟؟؟
ومشكورين و اسفه على الإزعاج

 

[laalaa]

ام مبارك اللي فيها بيوت تنبني هذي المسيلة..بعدها تشوفين منطقة كلها حفر تو الشغل فيها هذي فنيطيس و بعدها منطقة فيها شوارع و شبات هذي بوفطيرة

 

[بــوعبدالله]

شايفة ماكدونلدز اللي بالقرين

قباله هذي بوفطيرة

 

[المنظور الشامل]

السلاام عليكم ..
عفوا انا وحده احتاج مساعدتكم شوي و جان زين القى رد على استفساري ..
اول شي أبي اعرف منطقة بوفطبره وين فيه بالضبط؟؟؟
أنا إذا بدخل القرين من طريق الفحيحيل قبل لا ادخل لفة القرين في على يميني ارض فاضيه فيها شبات و فيها جم بيت توهم ينبنوووون (مقابل نادي ضباط الشرطه) هل هذي ابو فطيره ؟؟ و إذا هذي ابو فطيره فشلون انتو تنتظرون تصريح البناء مع إني اشوف وايد بيوت بدو يبنون ؟؟؟؟
ثانيا إذا ابي اشتري ارض في هذي المنطقه تقدرون تساعدوني برقم دلال شاطر يدورلي ارض؟؟؟
ومشكورين و اسفه على الإزعاج

هلا أم مبارك وحياج الله بينا وأحنا بخدمتج

بو فطيره وأنتي رايحه تجاه الفحيحيل قبل لا توصلين العقيله على اليمين

أنتي قصدج المسيله إلي بعد عماير صباح السالم أهي إلي فيها بيوت تنبني واسعارها نار

الارخص بوفطيره
وبعدين الفنيطيس

وأبشري تره سكان شرق القرين كلهم ناس وعيال حموله وما عليهم قصور طبعا باقي المناطق

وبالتوفيج أن شاء الله

 

[المنظور الشامل]

بوراشد وبومهدي اليوم ياتني فكرة جنونية بس يبيلها قعدة معاكم ودراسة مستفيضة.
بما ان قسايمنا قراب فاعتقد ان لو نكلم شركة مقاولات تبني الثلاث قسايم يطلع البنا رخيص علينا خصوصا ان الشركة عمالها بيشتغلون بالقسايم جنب بعض والمواد مع العمال بكونون متوفرين بمكان مشترك. ولا شرايكم؟*

هلا بالحبيب معاك أنت وبومهدي قلباً وغالباً

أنا بهذيك الساعه لما أقعد معاكم وملي عيني بشوفتكم


بو خليفه رقمك راح من تلفوني دق علي لو تكرمت

 

[yasalam]

الوزير علي قناة الراي وقعد يتكلم عن المنطقة

 

[yasalam]

التصاريح بعد موافقة الكهربة !
يقول بيعطينا قريبا والكهربا بتوصل بعد انتهاء بنيان البيت بعد سنتين!
ويقول فنيطيس بعد بوفطيرة ابسنة الله يعينهم.

 

[MUSAED77]

مشكور يا ياسلام ما شفت اللقاء ممكن احد يحط لنا المقطع او الحوار ومشكورين
بالتفصيل الممل

 

[MUSAED77]

مثل ما قلت لكم لا توجد تراخيص قبل سنة 2012 لا وبعد توصيل الكهرباء مو اقل من سنتين
بذمتكم وين التخطيط والكهرباء عندها وفر مو اقل من 1400 ميغا انا قلت لكم انه المهندس اللي ماسك مشروع ابوفطيره من جماعتي ويقول التاخير مو اقل من 6 اشهر هذا اذا بعد ما جدت ضروري اخري متنا حراااااااااام والله

 

[yasalam]

انا مسجله بالرسيفر
بس ماعتقد يصير احطه بالمنتدي.
عموما الوزير قال ان الامير وصاه بسرعة اعطاء التصاريح
قال كل شي تمام من البلدية والاشغال الكل موافق ولكن باقي وزارة الكهربا والماي يوافقون.
بعدين قال انه كلم وزير الكهربا قبل ٣ ايام بهالخصوص واعطاه كتاب للموافقة وناطر الرد.
بعدين قال انه التصاريح بتنعطى قبل الانتهاء من المحولات بمعنى ان الناس تبني بسنتين وحزتها الكهربا منتهية وواصلة اكيد. بس من كلامه ان التصاريح قريبا جدا.
واخيرا قال ان تصاريح البنا لفنيطيس بتكون بعد بوفطيرة بسنة.
وشكرا*

 

[مهندس وافتخر]

السلام عليكم شباب شخباركم
ياجماعه انا بره الديره بين فتره وفتره ادش هالصفحة وبصراحة مستغرب انكم زعلانين من كلام الوزير ( طبعا انا ماشفت الكلام بس بناء على كلامكم ) يعني انا باسالكم سؤال الحين لو في كهرباء وفي تصاريح بناء شكثر يبيلكم عشان تسكنون ؟
اولا :- تصميم البيت وتصاريح البناء يبيلها من 3-6 اشهر عالاقل هذا اذا الواحد فينا مرته عاقله اما لو مثل باجي الحريم بتغير المخطط مليون مره !! يعني انت ماراح تبني قبل 2012
ثانيا :- يبيلكم جم عشان تختارون المقاول وتسوون معملة البلدية وتبنون الهيكل الاسود قول 6اشهر !! هذا غير ترك البنيان الاسود فترة 3-5 اشهر عشان يريح البنيان ... يعني اذا انت باني حد الدوسة ماراح تقدر تشطب الا باخر 2012 واذا عندك سرداب او 3 ادوار دشينا ب اول 2013 ان شاء الله.
ثالثا :- التشطيب وما ادراك ما التشطيب قصة طويله عريضة اقل مافيها سنة اذا تبي تبني شغل صح اما التجاري فتقدر 6 اشهر .
يعني بالنهاية لو الكهرباء وصلت اليوم وطلعت تصاريح البناء راح تاثث بيتكم اول 2014 هذا غير ان في ناس ماراح تسكن الا اول السنة الدراسية .
وبالتالي انا اشوف كل شي ماشي تمام انتو حسبالكم البنيان سهل !! يبيله شغل شغل

 

[laalaa]

مقابلة الوزير فاضل صفر..بالدقيقة ٢٧:٣٦ يبدي الكلام عن شرق القرين و التراخيص
http://www.youtube.com/watch?v=Epj3BpBZvSE&feature=youtube_gdata_player

 

[MUSAED77]

مشكور لالا نبي ردود فعل الشباب بعد غبار نبي سوالف عن الموضوع انا متشائم انه التراخيص راح تطول شرايكم لانه المناسيب في الجهه اليسار تو الناس عليها الشركه شبه واقفه*

 

[بــوعبدالله]

................................