═︻▄█▒ ............... أبوفطيرة ...... الجزء 3 .............. ▒█▄︻═

[عذبي 71]

على راسي من فوق كل اللي علقوا عالصور
واللي شافوا الصور وماعلقوا هم على راسي بس بانتظار تعليقكم ..

ردود الى الاعزاء:
بوفيصل2008: مولدات كهرباء ..
ودي اربح: قلنا شرق القرين غير ومميزة وماصدقونا وهذا انت يالحبيب قلت بوفطيرة صديقة البيئة..
مساعد77: تسلم يالحبيب عالاخبار الطيبه والفرحة لن تكتمل الا بانجاز المرحلة الثانية
بوفلجه: اذا كان الكلام من ذهب فالصور من ابوفطيره..ولايهونون عيال الفنيطيس ..
بودانه: تسلم ياجار الخير وانتو كلكم الخير والبركه..
ياسلام: لو تشوف الصابون اللي طلع من الشبات يوم شبوها .. تتعجب..
بوعبدالله2007: الله يجمعنا على الخير والمحبه والالفة والتآخي
ونحن البوفطيراويين .. فطرتنا محبة بعضنا ومحبة ارضنا.. وهذا اللي زاد اسعار الاراضي..
ramblas: جعلك الله من المحسنين .. وانت والجيران الجدد رجلكم مبروكه عالمنطقة..
بوصالح: اذا صابونهم ابو رغوة .. قاعنا سبب الغبار..
وابو الدليل العقاري هذا اللي قدر عليه..*

 

[ودي اربح]

صبحكم الله بالخير

بو عذبي طاق براسي امر بوفطيرة منوره الحين او لا

 

[بلسم الروح]

اخوي عذبي تسلم الانامل اللي صورت هذه الصور اللي تشرح الصدر وتضيع كدر الهموم السياسيه في البلد

بارك الله فيك على المجهود الطيب بصراحه انت انسان راقي ويشرفنا ان نكون جيرانك يالغالي تعبت نفسك ورحت صورت بالحر بس علشان ترسم البسمه علينا

الله يحفظك ويطول بعمرك وهذه بوسه على راسك ياخوي وسامحنا على القصور

والشكر موصول لكل الاخوان اللي يشاركون بالموضوع سواء بالاخبار او التعليقات والف ميروك للي شروا اراضي في منطقتنا

 

[ابو نجم]

جزاك الله خير اخوي عذبي وبارك الله فيك على جهودك
دائما سباق ومبادر في الطيب وهذه من شيم الرجال ولا قصور في اخواني الباقين كلهم خير وبركه
لكن حضرتك على راس القائمه اللتي وضعتها لسكان اخواني ابوفطيره (العمده)
بارك الله في الجميع ووفقنا رب العالمين في الدنيا والآخره

 

[عذبي 71]

انا اللي اتشرف فيك ياجاري الغالي يابلسم الروح واسمح لي ابادلك العناق واقبل راسك الكريم وكم اتمنى ان تنقضي الايام بسرعه لنلتقي معاك ومع الحبيب بونجم اللي نورنا بجيرته وبكلماته العطره.. واشهد انك وفيت بالوعد يابونجم ونزلت عند رغبتنا وآنستنا بمشاركاتك القيمة..
ودي اربح دار سكنت فيها بجنب هالاجاويد دوم منوره

كما ارحب بالاخ الجار الجديد الغالي مهندس وافتخر ونسال الله ان يهنيه بقسيمته ويفتح له ابواب الخير والسعاده ويعينه على اعمارها وبنائها وينورها بالذكر والعباده..
واما بخصوص تساؤلك يامهندسنا فالبلدية مقصرة جدا بالدور الاعلامي رغم ضغطنا عليها من خلال العرائض والمقالات واللقاءات..
وتوقعاتي الشخصية بترخيص البناء قبل نهاية السنه اذا الله اراد..
اما الاسعار فلن تقل الزوايا٤٠٠م بعد التصريح بالبناء عن ١٨٠ الف..
والله ولي التوفيق.

 

[مهندس وافتخر]

مشكور اخ عذبي وماقصرت يالحبيب ... وان شاء الله نتوفق باراضينا

 

[ودي اربح]

حياك الله يا مهندس بين اخوانك

 

[bu sale7]

صباح الخير

 

[yasalam]

اليوم وانا رايح الدوام وعلى طريجي ناظرت المنطقة وانا ماشي بالسيارة ..
شركة المجموعة المشتركة شغالين مثل خلية النحل والسيارات ماليه القطع ونفس الشي بالنسبة للعمال..
قاعدين يتسابقون بتركيب البلاط الاحمر..
يعني اختصرلكم الوضع اهناك بانهم خالصين والموضوع منتهي .

واعتقد اذا ماني غلطان .. يتهيألي اني شفت مدخل المنطقة من شارع فحيحيل متقير (متأسفلت) .
طبعا قطع الشركة الكويتية الاولى خااامووووووووش ::verymad::

 

[بودانة]

مشكور يا سلام على الافادة وانشاءالله الفال حق كل القطع

 

[ودي اربح]

صباح الخير

صباح الجوووووري

اليوم وانا رايح الدوام وعلى طريجي ناظرت المنطقة وانا ماشي بالسيارة ..
شركة المجموعة المشتركة شغالين مثل خلية النحل والسيارات ماليه القطع ونفس الشي بالنسبة للعمال..
قاعدين يتسابقون بتركيب البلاط الاحمر..
يعني اختصرلكم الوضع اهناك بانهم خالصين والموضوع منتهي .

واعتقد اذا ماني غلطان .. يتهيألي اني شفت مدخل المنطقة من شارع فحيحيل متقير (متأسفلت) .
طبعا قطع الشركة الكويتية الاولى خااامووووووووش ::verymad::

يا سلام على تقريرك يا سلام
مشكور يا الغالي على هذا التقرير واتمني موافاتنه بكل معلومة

مشكور يا سلام على الافادة وانشاءالله الفال حق كل القطع

بو دانه اشلونك بشرني عنك


اهالي بو فطيرة الجدد اشلووووونكم وان شاء الله كل منكم راح قسيمته وفحصها عدل

 

[بودانة]

يا هلا ودى اربح بشرنى عنك انشاء الله تكون بخير

 

[بو فراس]

السلام عليكم

شلون الجيران ؟؟ نتمنى ان شاء الله ان يكون الكل بخير


العزيز ((عذبي 71))

بصراحه افحمتنا بصور عواميد الاناره المنوره .. ادمعت عيني .. اول ماشفت الصور .. رحت قسيمتي وفتحت الشبّه .. ومدّيت وايراتي .. وقمت اشحن الإي فون .. من بدايتها لازم نشفط الكهربا شفط

تسلم ايدك على هالصور والمجهود .. واسفين على الغيبه .. تدري القطاع النفطي والبتروكيماويات ومايسوي

الله يعطيكم العافيه .. وتحياتي للجميع

 

[القصاص 2]

السلام عليكم ورحمة الله وبركاتة

ما شاء الله تبارك الرحمن هو وصل الكهرب يا اخوان اجل كيف يقولون انه لا يوجد كهرب وشكرا

 

[ودي اربح]

للفحص فقط تمهيدا للتسليم

 

[بودانة]

السلام عيكم يا شباب شالاخبار اليوم محد مداوم بالصفحة
انا من باشر بحط بصمة وبعدها بابلش أخصم

 

[بوعبدالله2007]

لا تزعل يابودانه وانا تراني مداوم بس معفي من الكرت

 

[بودانة]

بلشنا واصطات يا بوعبداللة على الاعفاءات تستاهل ودوام الحال من المحال

 

[القصاص 2]

السلام عليكم ورحمة الله وبركاتة
كيف الحال يا اخوان
وكيف ابوالفطيرة وشكرا

 

[ودي اربح]

صبحكم الله بالخير