((@ استشارات واستفسارات فنيّة @)) ...... 2

[3lgm]

الله يعطيك الصحة والعافية ومشكور وماقصرت

يابو مبارك

واذا ماعليك كلافة وتحملنا والله يجزاك عنا خير

القرين للكيماويات___ مشاعر

ولك جزيل الشكر

أنا اللي بطلبكم تتحملون تأخيري عليكم , وحقكم علي والسموحة يا جماعة الخير .

 

[كيزر]

الله يعطيك العافيه بومبارك
لوسمحت تحليل سهم انوفست
جزاك الله خير

 

[mohieddin]

جزاك الله خير يالغالى
حبيت أمسى عالزعيم

 

[3lgm]

ابومبارك يعطيك الصحه والعافيه اتوقع بوبيان دق وين القاع مالها واشرايك باسواق وقناة الجزيره هههههههه عفوا طيران الجزيره اختار سهم لوخيروك بين هالثلاثه اسواق طيران الجزيره بوبيان دق منو تختار وشاكر فضلك

هاهاها , الله يكافينا شر قناة الجزيرة والله يعافيك ويحفظك يا الغالي , أسواق هني :

http://www.indexsignal.com/forum/showpost.php?p=3347042&postcount=180

قناة الجزيرة 116 الدعم 122 مقاومة ان اخترقها يطير للـ130 .

بوبيان دق كان دعمه 110 وانكسر اليوم , الدعم الجاي 102 , 114 مقاومة .

يخوك بالنسبة للاختيار صعب اختار الأسهم المذكورة كلها زينة , لكن أنا أستانس على الجزيرة ليش عمرها ما خسرتني وحركتها سهل التنبؤ فيها , بوبيان دق عمري ما ربحت منها كل مرة قاعد أقطها براس مالها والحمدلله هذا الشي صار اليوم من باعو على الـ108 عرضت بالـ110 وما أدري من وين طلعلي ولد حلال الله يجزاه كل خير وفكني من اللي عندي , أسواق أخاف منه هذه الأسهم عنيفة ويبيلها شباب , احنا راحت علينا خيي .

 

[3lgm]

جزاك الله خير يالغالى
حبيت أمسى عالزعيم

يا هلا وغلا بالفطحل محيي الدين , شلونك حجي عساك بخير , ويمسيك ربي بالنور والسرور يا الغالي .

 

[aljoker]

جزاك الله خير بو مبارك دايما في خدمة اخوانك

 

[3lgm]

يعطيك العافية يابومبارك

الصفوة لو تكرمت
وشاكرلك

إن صمل وما كسر الـ21 , 20,5 , ثم اخترق الـ26 , إبشر بالـ30 .

حاليا الدعم 21 والمقاومة 22 وراها 24 , وموفق يا الغالي .

 

[امرك عجيب]

انت شيخ الشباب يبو مبارك مشكور وماقصرت انا معجب بالحكمه اللى كاتبها تحت لانها ادق وصف للبورصه والمتداولين

 

[صبا]

رد

بومبارك الله يعافيك ممكن سهم النخيل

 

[3lgm]

مساك الله بالخير بومبارك

ماعليك امر يالحبيب ممكن الأنماء و الصفاة و جزاك الله خير اخوي

الانما 114 مقاومة 95 الدعم , إذا مفكر تدخل ياريت تصبر شوي ليش مؤشرات السهم حيل متشبعة بالشرا ولازم ينزل علشان تنشف المؤشرات .

الصفاة كسر دبل توب هدفه 59 , مقاومته 67 ان اخترقها يفتلت لي الـ75 بحول الله , الدعم الحالي 61 .

 

[أبو محمد 776]

مرحبا

مرحبا أخوى علقم مشكور على كل جهودك ممكن سهم منازل واذا فيه سهم كويس ورخيص للمضاربه لاتخلينا ولك الف شكر مقدما

 

[skyme]

السلام عليكم

ممكن صلبوخ

 

[3lgm]

الله يعطيك العافيه بومبارك
لوسمحت تحليل سهم انوفست
جزاك الله خير

تامر أمر يا الغالي

 

[3lgm]

جزاك الله خير بو مبارك دايما في خدمة اخوانك

الله يرحم والديك خيي

انت شيخ الشباب يبو مبارك مشكور وماقصرت انا معجب بالحكمه اللى كاتبها تحت لانها ادق وصف للبورصه والمتداولين

الله يجزاك كل خير وما تقصر وكلك ذوق , بالنسبة لمقولة مارك كرسب تصدق أنا حاطها علشان أذكر نفسي بأن أمشي على خطتي من أدخل على السهم ليمن أطلع , اللي يصير إنه أقط بنص الطريج خوفا من إنه ينزل أو بسبب الخوف من السوق ثم يكمل السهم وأنا بره , وساعات يكسر السهم وأنا حسب الخطة المفروض إني أقطه من يكسر لكن اللي يصير إني استكثر خسارة التكة أو أشوف كإنه فيه نسم يعدل وبعدين أخسر أضعاف مضاعفة , فالحكمة هذه مهمة جداً ولازم كل متداول يحطله خطة من يدخل على السهم وخطته لازم تتضمن سبب وجيه لدخوله على السهم في المقام الأول , ومن ثم يلتزم بخطته لي الأخير . ومشكور خيي .

بومبارك الله يعافيك ممكن سهم النخيل

أم غزل 100 الدعم إن كسرها لازم تحذفينه خيتي , وتنطرينه بالـ77 وإن كسرها تحذفينه وتنطرينه بالـ56 , ومقاومته الحالية 130 .

 

[3lgm]

مرحبا أخوى علقم مشكور على كل جهودك ممكن سهم منازل واذا فيه سهم كويس ورخيص للمضاربه لاتخلينا ولك الف شكر مقدما

يا هلا وغلا ومرحبا فيك يا الغالي , خيي منازل دعمه 23 ومقاومته 26 , إن اخترق الـ27 يروح للـ31 بإذن الله هدف الدبل بوتوم , السهم ممتاز وحاليا عند الدعم وأشوفه رخيّص وكويس وفيه حركة وبركة , لكن حجي إن كسر الـ23 بيروح للـ20 فلازم تحذفه على طول .

 

[3lgm]

السلام عليكم

ممكن صلبوخ

يا هلا وغلا , مصير السهم كله يعتمد على الله ثم على الـ69 , إن صمل وما كسرها , راح يتوجه للـ75 ومن يخترقها يروح للـ85 و لكن إن كسر الـ69 يتدمر السهم , فعينك على الـ69 بارك الله فيك .

 

[مستجد911]

الله يجزاك خير
اما على التاخير
مسموح رايتك بيضا والله يعينك على اخوانك

وماقصرت يابومبارك

 

[3lgm]

الله يجزاك خير
اما على التاخير
مسموح رايتك بيضا والله يعينك على اخوانك

وماقصرت يابومبارك

الله يرحم والديك يا الغالي

 

[المؤشر67]

ابومبارك الله يعافيك ابى اسكان والمال وبوبيان د ق ,استثمارات وطنيه ومنازل وبعد لالا يس كافى مابى اتعبك ياالغالى

 

[3lgm]

ابومبارك الله يعافيك ابى اسكان والمال وبوبيان د ق ,استثمارات وطنيه ومنازل وبعد لالا يس كافى مابى اتعبك ياالغالى

المال 102 الدعم , 114 مقاومة .

بوبيان دق كسر الـ110 قاعه السابق وعينه على الـ102 حاليا وما تعتبر قاع وإنما دخول مضاربي لي الـ114 بانتظار إنه يسوي دبل بوتم علشان ندل قاعه .

ولا تقول تتعبني خيي لا أشخط السوق كله تحليل علشان كلمتك هذه .