((إجرام في القصيد ))

[الهمس الخجول]

ايييي من البارح انا انقصفت في قنبلة نووية ولثاني مرة

ماشفتي الضوء وانتي في الرياض ...؟؟لذلك انا قررت ارحل بعد هزيمتي من الجمال ... حسبي الله علية

اذا انتي قادرة على ان تخربي بيت الجمال ورينا فعايلكبس ياوليك ياالهمس اذا قصفك ، عاد انتي ضعيفة بسرعه تموتين ...​

لا الصراحه نمت امس بدري وماشفت الضوء
مو اخرب بيت الجمال الا اهز عرش السلاطين بعد هههههههههههههههههههههههههههههههاي حشر والله انت فله

 

[إبن الوليد]

كفووووو ، كفووووو اخت الرجال ، والله انك موبسيطة ياالهمس

اذا تهزين عرش السلاطين ، اجل الشياطين راح يشتغلون عندك خدم من الخوف ... كفو اي والله انك خوش بنية وفلة بعد ...​

​

 

[الهمس الخجول]

كفووووو ، كفووووو اخت الرجال ، والله انك موبسيطة ياالهمس

اذا تهزين عرش السلاطين ، اجل الشياطين راح يشتغلون عندك خدم من الخوف ... كفو اي والله انك خوش بنية وفلة بعد ...​

​

لاعاد مو لهاالدرجه

بس المواهب المدفونه تطلع بوقتها

 

[إبن الوليد]

خطة محكمة للقضاء على الجمال ... مسوي لة كمين اليوم ماراح ينجي منة ...::verymad::


*************

بدات الخطة .... في استدراجة / بسم الله الرحمن الرحيم

تعوذو من الشيطان ...

&&&

العين تشوف العين

ياجمال عليك الامان

سبحان من جمع قلبين

جمال يدعوا جمال

صدفة بلا ميعاد،،،،،،،، جمع الهوى قلبين

لما حكا الفؤاد ،،،،،،،والعين تشوف العين

مابيننا الاثنين


وآآآآ من خطرتك ،،،،،،،، وفيها الروح تردت

في البسمة والنظرة ،،،،، سكبتها كاسات

وعلى الساحل ،، بلا ميعاد

وصدفة بلا ميعاد ،،،، جمع الهوى جمالين

والنار والرمضى ،،،،،، مابيننا الاثنين



في مايمر مرة ، مر علينا مرة






هدوء هدوء .....



انة يقترب





الجمال يقترب




هذا هو





ذاب




ينزل من الدرج لي




هذا هو












اضرب ........::verymad::::verymad::.::verymad::






**********



خبر عاجل

وردنا في موجز الاخبار بأن شبح الجمال تعرض لقصف صاروخي غادر

وهذا وسيوارى جثمانة غدا صباحا

ونعتذر عن عدم عرض صور الجمال وهو مقتول ، وذلك لبشاعة الصورة​

لقاء مع فيصل بن حشر

لماذا قتلت الجمال .....؟؟؟؟


فيصل / كم قتل الجمال من ابرياء ، دعوه يموت غير مأسوف عليه

 

[إبن الوليد]

هذا قصيد / سعد بن جدلان الاكلبي



ويش أسوي ياعيون الوحش عنق الغزال
لاحصل طاريك يفتح على قلبي أرواق
لي ثلاث سنين بين الحقيقه والخيال
وأخر اشهر ذالسنّه تكمل الرابع غلاق
شبه وضحاّ فالمخاضير زاويها الحيال
من غلاها عند أهلها تبارى ماتساق
تيهّت من صغرها بين ثنتينٍ هجال
مهتويها راعيّ البل وعاشقها عشاق
عنديّ إنّك ماخذٍ تاج ربّات الجمال
سلموّك الحسن من باب صنعاء للعراق

**********


الجهاله في ابن آدم توليه الدبور
لوطريقه غادي يحسب انه متجه
عنده ان مامثل شوره مع الاشوارشور
مادرى انه له مزاج وللناس امزجه
يمكن ان تلقى مزاج يبادلك الشعور
لو على فلم الشطاره وفلم الدبلجه
واخر المشوار لا حصلت مافي الصدور
كل زور فيه شوراليا فاق اهرجه
القمر والشمس كنها تسلف منه نور
والجبال اتصير تحته خيول مسرجه
يحسب ان معه افضليه توليه العبور
ان لقاءالملح ازعقه ون لقاءالحلواسمجه
السماء عجزت تنوشه جناحين الطيور


***************

ماوصله الامحمد ابليلة
يا ابن آدم يلعن الله مختال فخور
من تواضع تحت ربه يعليه ادرجه
لجل ماتدخل جهنم على شان الغرور
للعرب حاول تواضع وتعطيهم وجه
من لقا عذب المشارب ومثمرة الزهور
ما قعديغرف من البحرويسوق احدجه


************


من قلبي اللي دايمٍ في ذهول
والله انه ثقيلٍ لين جوه الثقال
ياقطاة العبيه ياهيام
الذلول
نور وجهك على من شاف منك القبول
نور صبحٍ تبسم في رهاد الجبال
كني اقرا على طُرّة جبينك تقول
انا قلبي يحبك ياحبيبي تعال
كان قدمي حدٍ فالحب راح مهبول
والله انه خطيرٍ لايجيني هبال
المحبه جملها مرسلٍ ومعقول
نعنبو من يقول ان المحبه خبال
والذي ليلة الاسراء عرج بالرسول
ان حبك لحال وحب غيرك لحال

************************

البارحه يوم الاوادم خواشيع
في نومها وناعلى الكوع واعي
هم(ن)يمزع سترة القلب تمزيع
تقول ينهش ثومة القلب افاعي
خذت القلم من بين روس الاصابيع
وحبيت اميز سيرتي وانطباعي
عزلت من صدقان عطلةالاسابيع
وعزلت من ضحك الوجيه الصناعي
وعزلت من بنين بامالي مشاريع
جميد برد ولانس الشمس ماعي
وعزلت من زرع الخلي البلاقيع
وعزلت من رفع الثنيه رباعي
من نفعة اللي ماطلبني منافيع
جميلة(ن)في غير اهلها ضياعي
في اسواقها ماعاد لشري ولابيع
لخطيت من رفقة طويل الذراعي
اللي على الرفقه يسوقه دوافيع
هذاك تشرى رفقته ماتباعي
امايشجعني على الطيب تشجيع
والايعلمني
والا ليامنه رمعني رواميع
وضاقت على كل الفجوج الوساعي
جيته ويسرلي عسير المواضيع
وخلاخفايا خاطري له وساعي
معرفته ماهي معرفة طماميع
ماتنتج الاالغطرسه والضياعي


********************


يامل قلب(ن) تقول يقلا على صيخ
خلت به الدنيا حزازات ومشوخ
دنيا تنوخ راعي العقل تنويخ
وينداش فيها صاحي الفكر ويدوخ
تغيرو فيها العيال المطانيخ
وسبابها شمل العرب صار مشلوخ
خلتهم الدنيا مناشف طبابيخ
حتى الاقارب بينها الذيب مصلوخ
ماعاش فيها الاأعيال الطخاطيخ
خطوا البعير اللي من المدح منفوخ
من شان ماله صار شيخ ولد شيخ
وامشيخٍ نفسه على النصب والجوخ
بالحكي لعتازوه وياك مريخ
وليا جاء لزومٍ عندهم صاروا فروخ
وعقد الذهب والجوخ لو يكسي الذيخ
ماغير اسمه لاجواهر ولا جوخ

********************


ياكبديّ الليّ من الحرمان منهشمه
فيها من العام نجارٍ بشاكوشه
والليّ هشمها شفاتٍ دونها حشمه
أرهى على الليّ تبي نفسي ولا أنوشه
حجزٍ يرّد الرجاوي من ورى خشمه
وأنّ رده الحجز والاّ ضاع فالطوشه
عمّر بيوتٍ على بيبانها رشمه
وبطونها بأفخم الشيراز مفروشه


********************


انا يوم اجيّ وأمركم ياوليفي حنج
ولا وديّ أقرابك تلدّ النظر فيّه
لعبّ بيّ غرامك فالخفا لعبة الشطرنج
ليا دار لعبه بين الأعضاء السياسيه
وسبح بي غرامك سبح موج البحر فاللنجّ
غفلت وغدابي حبّك شويّه ..شوّيه
لاشفت زولك قام يدخل أعظامي بنج
أسولف مع العالم وقلبي له نحيّه


****************


ياعيون مرقبٍ فعل الجداير
في صعانين الطوال المستديره
صاحبك يعطي على شوفك بشاير
ديرةٍ منتو بها ماهي بديره
من خذا منكم خفيّات السراير
والله انّ يبطي ولعكم في ضميره
لبةٍ بين المعنّق والزراير
مثل شمس الصبح قدّام السفيره
ويتفرشها من الخمري ستاير
ذيل شقراّ شعشعت قدم المغيره
جوهرة قارون غالية التجاير
أشهد انّك بهجة العمر الكبيره
واحدٍ حضّك مع حضّه يساير
شايفٍ القدر فالعشر الأخيره
جعل أبو من لامني حمر المناير
في محبّة واحدٍ مالي بغيره


*******************


انا الليّ همومي صايراتٍ عليّ كدر
لوّ انها تحوّل فوق غيري فقد عقله
لامنه اشتغل موضوعها داخل الصدر
تقلّ فايزٍ وسطه فريقٍ يصفقّ له
على الصاحب الليّ مانويناه بالغدر
شفوقٍ عليّ وانا ماغير أتشفقّ له
بنا بيت حبّه فالحشا واسس الجدر
وخلاّ معاليق الضماير تخافق له​

وعلى الخير نلتقي بكم ، تصبحون على خير ...

 

[إبن الوليد]

اثقل الثقلين

لشاعر / عبدالرحمن العطاوي

ثقيل طينه وادم أصله من الطيـن
وانت اثقل الثقلين يارجـل طينـه
هرجك دبل كبدي وضحكتك غاطين
وتبغى الفصاحه وانت هرجك رطينه
ذا النون لو جيته تحت نبت يقطين
يعافهـا دامـك نزلـت بقطيـنـه
لو حطك الله عـن بلدنـا بحطيـن
والا عمدت الهنـد تنـزل بطينـه
الهور يصلحلك وذيـك المعاطيـن
بقيـط مـادري كيـف يامبقطينـه
ماتجتمع عاليـن الامـه وواطيـن
ياصبر نجـد ومثـل ذا ممتطينـه
افصحت والا المحت رمز بتبطيـن
ماحيطته تحتـاط مـن محبطينـه
ياسعد ناس عن مجالسك مبطيـن
وعنك المقاطع بينهـم شارطينـه
بالله من فراقك ولو يـوم تنطيـن
ياعـلـة الالـبـاب لمخالطيـنـه​

موعاجبتني طينها العطاوي​

 

[إبن الوليد]

يا وجودي وجد من سج نوب و فاق نوب
ويا وجودي و جد من طاري الفرقا براه
و يا وجودي وجد من حس تآليف القلوب
و يا وجودي و جد من شاف شيء ما بغاه
و يا وجودي كل ما شفت برق في نصوب
و يا و جودي كل ما شفت غيم في سماه
كلها من شآن حب الجنوبي للجنوب
و كلها من شآن حبٍ رفيع مستواه
و كلها من شآن صبري على حر اللهوب
و كلها من شآن يالله يالله بالنجاه

للشاعر/ مناحي ابو شعرتين

لا ياحشر موعاجبتني ، ابي اقوى

زين انطرني اصلي ركعتين بس ، وانا اعرف مزاجك​

..​

 

[إبن الوليد]

قصه واقعيه ولكن انا لااحب قراءه القصص الحزينه / وجبت لكم قصيدتها فقط


متى مالعباير ضيقت صدري المشحون
ونوت عيني الحرّى تنثر عبايره

ركبت المصفّح مبعد الهقوه المامون
وتنزحت بعيون على الصبر عاسرها

تنحرتّ لي رجم على الوادي المصيون
تعلّيت به والعين جابت ذخايرها

على فقد (خالد) ونتي ونة المطعون
تكض العيون الدمع والحزن حاشرها

انا اظني احيا مابقالي وانا محزون
من الصدمه اللي رب الارباب خابرها

الا شفت ساره تدرج بينهم بالهون
تعثر وتنهض واقشر الحظ عاثرها

تنادي بابا مادرت ذخرها بالثرى مدفون
تعلق بمن شافت وتنخى عشايرها

تنحيت عنهم واسلبت عيني المخزون
اطمّن وألدّ بناظري لايناظرها

وإلا خف حزني صحت ياربعنا تكفون
على الكبد حطوّها تطفي سعايرها

هلا مرحبا ياكل عمري ونون النون
ضنا من خياله شايفه في نواظرها

انا اشم ريحة فيك لوقيل لي مجنون
عيون الخلي لو نامت الليل عاذرها​

 

[إبن الوليد]

يضحك مع والده...

في نهار العيد شفت المزاين.........شفت غرون يشلع القلب اوصوفه

تل كامل القلب الوصف والزين.............بوجديل فوق الامتان منسوفه

من سببهم غادي والناس صاحين.....ضاعت اقوالي وهي قبل معروفه


والوالد يرد عليه....


شد حيلك بالقسى واترك الين.......لاتهايف كل ماشفت ملهوفه

والمراجل ماتهيا لحوين.........كود من قاس البحر فوق شاحوفه




شاحوفه يعني / القارب ، او الطراد .. ....​

 

[إبن الوليد]

[YOUTUBE]GdJMc6MThjs&feature=related[/YOUTUBE]

فاصل فكاهي ....


************************

والان مع الشاعر / نجر بن فيصل العصيمي العتيبي

والقصيده في نصح شباب اليوم......

بسم رب الناس محيي الميتين
واحدن يمطر مطرها من سماها

ملحق الحيين بثرى السابقين
والبعث عنده على اخر منتهاها

والنصيحه عندنا للسامعين
وان سمعها عاقل يشكر ثناها

ياشباب اليوم صيروا عاقلين
لاتحدون الجنون بمستواها

الجنون بدورهم متخـنفسين
يصعدون الى السما في معتلاها

حاولوا في سمع رب العالمين
لين صار النجم مشهاب ورماها

وانتم اليومه تراكم طايرين
والعقول اللي تشوش من رداها

انتم القدوه شباب المسلمين
استحوا من ملة محدن مشاها

النشاما مايجون مقحصين
وان زبنهم عورتن صاروا ذراها

والنشاما للضيوف مرحبين
تشبع الظيفان في كرمة صخاها

تزعمون بروحكم مثقفين
والثقافه طاعة الله من عطاها

وان سألته عن فعول الاولين
قال مادري بالبلاد ومن بناها

موتره سكراب مشري بدين
والشعر باروكته توه شراها

للحوادث دايما متسببين
كل يوم وشرطة النجده وراها

يزعجون موظفين مجهدين
والمخنفس مادرا على عماها

والخساره كلها للوالدين
خسر ابوه وخسرت امه في غذاها

يوم جوها بالخبر قالوا سجين
صفقت بايدينها عند اقصراها

جت هل المعروف تنخا الطيبين
علمتهم والعيون انهل ماها

وقام جار البيت في دور حسين
واطلعه تحت الكفاله لين جاها

وكل توجيهاتنا للجاهلين
ربمن جهالنا تمنع خطاها

وتم قولي بذكر رب العالمين
واحدن يمطر مطرها من سماها​

 

[إبن الوليد]

قصيدة محمد بن عبّاد


جذبني صدى صوت ٍ تلاحت به الأطواد

يتعّب هواة الشعر بعده و من قبله

صدى صوت عرّافٍ لشعر الأدب روّاد

منابع عيون الشعر و الكلمه الذبله

تلاحوا على وضح ٍ عليها العيون حداد

ولوف ٍ على صوت الموده تراقب له

دقاق العنوق اللي خراطيمها ورّاد

على حب راعيها شغوف ٍ و منجبله

تقدم لها بن عون في وصفها نشّاد

و شعا الأكلبي و الأكلبي تلني حبله

و انا قبل صوته ماشي ٍفي الطريق حياد

على ما تقول الناس كل ٍ على هبله

و بعد زعزع الوضحى فلا عاد لي صدّاد

سلولي و قلبي طاري الوضح يرغب له

ابتعب واحاول لو لحقني عنا و انكاد

على منهج ًٍ ما كل قاف ٍ يناسب له

و انا في هواها مغرم ٍ هايم ٍ منقاد

لو اكثر علي اللوم في حبها الابله​

 

[إبن الوليد]

مشكله


يآۈيڷهآ نفڛي ڪڷ مآتذڪرهم .. رۈحي ۈغصبن عڷي في ۈده مجبــۈره

آۈصيڪ يآرآيح آمآنه تعڷمهـــــــم .. قڷه ترآنـــــي صآدقن مڛتفقد حضۈره​

 

[إبن الوليد]

الحذر ياعيوني.....



اقبل الليل ياعيني وطال السهر ... عزتي للمولع لاغشاه الظلام

من يجيب الخبر ولا يرد الخبر ... بين افجووج خلي مع طيور الحمام​

 

[إبن الوليد]

وحد الله يارجل ....


يا ذالقمر ياللي تشوف الحبايب ..... سلم عليهم ياقمر بالنيابه

قله ترى خلك من البعد ذايب .....ذوب الحديد اليا صلته اللهابه​

 

[إبن الوليد]

الله يخرب بيتك ، خليتني اكرهك.....


يضۈي ظڷآم آڷڷيڷ من نـــۈر خــــدڪ
ڷڷيـــــــڷ في دآجيـــڪ رۈحـــه ۈ رده

مآحڛ في غيرڪ ۈڷآ آشــۈف ندڪ
صآفآڪ قڷبن عآشـق(ن) ڷآتصـــــده​

 

[إبن الوليد]

ايييه هذا الكلام الزين ....


ماينفع الانسان ياغير ثنتين ..... صبره على همه وطيبه مع الناس​

 

[إبن الوليد]

على حد السيف وحياته في خطر ....


للحرب مجرم وحتى الحب مجرم

يامجرم الحب انا وش ذنبي وجرمي

خليت نار الجفى في داخلي تضرم

رماني الوقت وانته في الجفى ترمي​

 

[إبن الوليد]

طالت الغيبه....


ياصاحبي طال صبري طالت الغيبه

يبست بساتين وردن قد زرعناها

امن اول الوصل نشربه ونسقيبه

واليوم جفت موارد عدكم ماها​

 

[إبن الوليد]

لاياحشر


بقطع حبل الجحۈديے..لي برذآيل ڪْسآهآ

ناڪْر المعرۈف ميهۈديے..مآلـﮧ عهۈد يۈفآهآ​

 

[إبن الوليد]

العقل الراشد


لايغرك صغر سني لي عقل يوزن جبال

كم كبيرن عاش عمره جاهلن ماله فهيمه

وكم صغيرين ماللعرب صار للشده مثال

رافعن راسه بعزه منحنى في وقت ضيمه​