شركة رمال الكويت العقارية ش.م.ك مقفلة (( رمال ))

[الوحيد 1974]

صبحكم الله بالخير

آخر الأخبار :

حاولت اوصل حق الخبر بس كان في تكتم بقوة عليه !!


بس الأكيد ان فيه اخبار طيبة خلال هالاسبوع أو الاسبوع القادم .

اخر شي : لحد يحط اسعار وتوصيات بيع على اسعار محدده ،، لأن مهما واصلك خبر تأكد انك مو عارف شي !!

ياهلا بالطيب وشلون سهمكم يالحلو وهل هو صحيح يتبع احد العوائل وشكرا .

 

[Bo Hammod]

ياهلا بالطيب وشلون سهمكم يالحلو وهل هو صحيح يتبع احد العوائل وشكرا .

حياك الله اخوي

راجع اول المشاركات راح تعرف التفاصيل ان شاء الله

 

[الوحيد 1974]

حياك الله اخوي

راجع اول المشاركات راح تعرف التفاصيل ان شاء الله

مالى خلق ادور وارجوا ان تفيدنا يالطيب وانت انسان كريم لأنك صاحب فن ادرى احرجتك .

 

[Bo Hammod]

ما فهمت على شنو احرجتني ؟؟!!


شكلك اول مره تربح مو مصدق

طول بالك شوي وارجع حق المشاركات راح تستفيد امور كثيرة .

والحلال يسوى تتعب عليه شوي !!

مفيش حاجه بتيجي بالساهل

 

[الوحيد 1974]

ياهلا بالطيب وشلون سهمكم يالحلو وهل هو صحيح يتبع احد العوائل وشكرا .

بوحمود شنو السالفه يالطيب سؤالى هل احد العوائل الكويتيه مالكه فى السهم لأنى سامع او قرأة بالصدفه بس مانى متأكد يالطيب والله انت احرجتنى بردك يالحبيب .

 

[Bo Hammod]

نعم صحيح ,, تتبع عائلة النصار

بس يفضل تقرا المشاركات السابقة عشان تستفيد وقرارك يكون مبني على قناعة .

 

[الوحيد 1974]

نعم صحيح ,, تتبع عائلة النصار

بس يفضل تقرا المشاركات السابقة عشان تستفيد وقرارك يكون مبني على قناعة .

مشكور يالطيب ومشكور على المعلومه ولاتوصى على الوحيد اخوك دايما يهرول بالهون يابوحمود وسلم يالطيب .

 

[مكافح]

مشكور يالطيب ومشكور على المعلومه ولاتوصى على الوحيد اخوك دايما يهرول بالهون يابوحمود وسلم يالطيب .

الريال الطيب بوحمود بارك الله فيه و رزقه من غير حساب يقصد هالمشاركة\\ الله و أعلم ان عروقه بالماي\\​

السلام عليكم

اعتقد آن الأوان نتكلم عن شوية أخبار حلوه

١- بما إن السهم كسر ال ٣١٥ بتداول عالي اذاً راح يتوجه الى فوق ٥٢٠ - ٥٣٠ قبل التوزيعات المتوقعة في آخر شهر ٣ أو بداية ٤ .

٢- المتوقع من التوزيعات انها تكون بين منحة وتوزيعات ( زيادة رأس المال ) وهذي لنا فيها عودة .
كما انه من المتوقع جداً رجوع السهم بعد التفسيخ الى المستويات السعرية الحالية حيث يمكن ان يكون التفسيخ يقارب ال ٣٠٠ فلس ثم يواصل الصعود !! بتسألوني ليش يابوحمووود ؟!!!

هناك سببين :
الأول ان الشركة في مفاوضات جادة لبيع محفظة عقارية بما قد تحقق ربحية تساوي ربحية ٢٠١٠ .
والثاني أن هناك احتمال كبير دخول مستثمر أجنبي لتملك نسبة ١٠ الى ١٥ ٪ من اسهم الشركة بسعر يفوق ال ٥٠٠ فلس .

طبعاً في واحد يتحلطم الحين ويقولي وين نصرفها بوحموود (احتمال ، ونتوقع) ::verymad:: ، وشلون نعرف ان في مستثمر فعلاً دخل عالشركة ؟؟
راح اقولك تابع تداول السهم بالفترة القادمة واذا شفت السهم بال ٤٥٠ والتداول تجاوز ال ٣ مليون معناته اكيد في مستثمر داخل عالشركة مثل ما صار من فترة لمه تملك صندوق الرائد نسبة جيدة من الاسهم .

٣- نرجع حق موضوع زيادة رأس المال :
طبعاً نعرف اي مالك للأسهم يحق له ٥٠٪ من زيادة رأس المال على الأسهم المملوكة .
لكن شد حيلك ودورلك احد من الشركة ممكن يطلع لك ١٠٠٪ بزيادة رأس المال وخصوصاً ان سعر الاكتتاب راح يكون بين ١٠٠ ال ١٥٠ فلس ، يعني الضعف مضمون .


٤- اخيراً وليس آخراً :
ليش يابوحموود قاعد تصرح بهالمعلومات الحساسة ؟

راح اقولك لأني متأكد لو إن الأخ محمد النصار يشوف هالكلام مستحيل ان يمانع من الافصاح عنه لأن انسان ما يبخل على احد بالنصيحة ولا ينظر الى اموال صغار المستثمرين بعين ضيقه وكثير هم اللي يشهدون بمواقفهم معاه بدون اي معرفة سابقة وكما ان الشفافية والصدق والمحافظة على اموال صغار المستثمرين هي من اسس سياسة الشركة والدليل ان ولله الحمد مافي احد خسر من بداية تداول السهم بالسوق .

آسف عالإطالة وأتمنى اني وفيت في الإجابة على الأسئلة ولا نسألكم إلا الدعاء . واختم كلامي مرة اخرى واقولكم

( امسك رمال ،،، باچر تلقاها ذهب )

 

[Bo Hammod]

الريال الطيب بوحمود بارك الله فيه و رزقه من غير حساب يقصد هالمشاركة\\ الله و أعلم ان عروقه بالماي\\​

بارك الله فيك يا خوي ,,

جبت المفيد

 

[Bo Hammod]

تداول الخميس الماضي واليوم أكد تداول السهم على اسعار فوق ال450 بكمية اكثر من 3 ملايين

يعني عرفتوا شصار ؟!!

 

[adelsaqer]

تداول الخميس الماضي واليوم أكد تداول السهم على اسعار فوق ال450 بكمية اكثر من 3 ملايين

يعني عرفتوا شصار ؟!!

شفنا مقابلة النصار في برنامج المؤشر انسان محترم الواحد يقدر يشتري السهم وهو مرتاح بس اللي مالحق عليه اول مانزل فرصة ربحيته اتكون قليلة الا اذا نطرنا السهم عقب مايتفصخ

 

[مكافح]

بارك الله فيك يا خوي ,,

جبت المفيد

الله يبارك فيك و بك يا خوي... \\بس مسألة دخول مستثمر أجنبي لشراء حصة 10-15% ما أكدها اليوم رئيس الشركة في المقابله\\​

تداول الخميس الماضي واليوم أكد تداول السهم على اسعار فوق ال450 بكمية اكثر من 3 ملايين

يعني عرفتوا شصار ؟!!

نعم حصل مثل ما انت قلت من شهرين ماشاء الله عليك\\بس هل هذا غير عن المستثمر الأجنبي 10-15%؟\\

و جزاك الله خير \\​

 

[رشيد]

من وجهة نظري السعر الحالي مبالغ فيه في ظل ظروف السوق الحالية

 

[Bo Hammod]

من وجهة نظري السعر الحالي مبالغ فيه في ظل ظروف السوق الحالية

كلامك صحيح ووجهة نظرك هم صحيحة ونحترمها بعد !!

خلك بعيد عن السهم أأمن لك

 

[Bo Hammod]

الله يبارك فيك و بك يا خوي... \\بس مسألة دخول مستثمر أجنبي لشراء حصة 10-15% ما أكدها اليوم رئيس الشركة في المقابله\\​

نعم حصل مثل ما انت قلت من شهرين ماشاء الله عليك\\بس هل هذا غير عن المستثمر الأجنبي 10-15%؟\\

و جزاك الله خير \\​

هالمعلومات متحفظين عليها شوي ، ورئيس الشركة خصوصا الى ان يتم كل شي بشكل رسمي !!!

يعني ننطر هالاسبوعين يمكن نسمع منهم اعلان ،،

 

[مكافح]

هالمعلومات متحفظين عليها شوي ، ورئيس الشركة خصوصا الى ان يتم كل شي بشكل رسمي !!!

يعني ننطر هالاسبوعين يمكن نسمع منهم اعلان ،،

تمام بارك الله فيك بوحمود\\ الشفافيه مطلوبه خاصه مع تطبيق قانون هيئة السوق​

 

[bo fa6mah]

صباح الخير يا جماعه شقال النصار بالمقابله حسافه ما شفته

 

[Bnf]

من وجهة نظري السعر الحالي مبالغ فيه في ظل ظروف السوق الحالية

ليش ممكن توضح؟؟؟؟؟مع الشكر

 

[booo]

محاور مقابلة النصار

صباح الخير يا جماعه شقال النصار بالمقابله حسافه ما شفته

اولا السلام عليكم
ثانيا حبيت الخص محاور المقابله
1) تم سؤاله عن خطة التنميه وتأثيرها على الاقتصاد الكويتي؟
الجواب: يجب ان تقوم الدوله باختيار مميز لتنفيذ خطة التنميه والاهم من ذلك ان يتم مجازاة الناجح من الازمه عن الخاسر لان هذي الازمه بينت الكثير من الادارات الفاسده فاذا تم اخذ الحصص من خطة التنميه (بمعنى تم توزيع الكيكه) فانها لن تكون خطة تنميه بل تصفيه لثروات الشعب الكويتي لانها ستزيد الفساد فساد من خلال نفس الادارات وستهمش دور الشركات الناجحه والنظيفه (واشار النصار الى دور الواسطه فيها)
تعليق: كلمة اعجبتني منه (هل يستوي الذين يعملون والذين لا يعملون)

2) السؤال عن دخول مستثمرين للشركه؟
الجواب: لم تتقدم اي جهه شرائيه لاسهم الشركة بشكل رسمي ولكن ان تم الشراء من خلال السوق فهذا امر راجع للعرض والطلب.
تعليق: النصار كان متحفظ بكلامه لاقصى درجه واتحس انه يفكر بكل كلمه قبل ما يتكلم.

3)تم سؤاله عم استثمارات الشركة القادمه وتم الاشاره عن مشروع مصر والاحداث السياسيه هناك؟
الجواب: مازلنا في اجراءات الدخول في تملك عقارات ليس من املاك الدوله وبالنسبه للتحوط اشار الى ان الاستثمار سيكون مؤمن من خلال شركة تامين عربيه متخصصه في هذا المجال وذامنه لاي مشروع تقوم به الشركات العربيه في اي دوله عربيه.
التعليق: اتوقع نص شركات الكويت ما تدري عن هذا المخرج وكان دليل بحث ودراسه وافيه للشركه

4)تم سؤاله عن هيئة سوق المال واقوانينها الجواب كان قوي جدا يا اخي تعجبني شخصية هالانسان
الجواب: نحن في الكويت اكثر من يستخرج القوانين فاذا استخرجناها كانت اما بالوقت المتأخر فلا تكون ايجابيه بالشكل الكامل واما ان نقوم باستخراج القانون وعدم تطبيقه فاذا كانت هيئة سوق المال تنفذ القانون وبحذافيره وتقوم بتطبيقه على الكبير والصغير وتبدئ بالكبار فسيتم جني الثمره منها والا ستكون كأي جهه حكوميه تعرف فيها المدير ويقوم باستثنائك

يا جماعه والله حسيت ان المذيع كان يبي يتكلم اكثر مع الاخ محمد النصار لكن الظاهر كان محصور بوقت لان حتى المذيع تحس انه في قلبه كلام والنصار قاعد يضرب بكلام قوي جدا جدا جدا

وهذا اللي قدرت اذكره من المقابله

 

[علي يحيي]

شفت المقابله كانت جميله