نفس التفصايل اللتي وصلتني من اخي الاسامه الله يجزاه خير واللجنه برئاسه المستثمر الكويتي اللى تكلموا عنه الشباب (وهذا شي جيد)
وكل عام وانتم بخير ومن العايدين مقدما
أخوي بوهلا ...
أولا: شنو هاللجنه ألإشرافيه (ألإفتراضيه)! اللي بتشكل من خارج!!؟ بيت التمويل الخليجي!!!!! شلون من خارج!؟؟ و للإشراف على المشاريع الجديده للبنك!!!؟؟؟؟ وشنو صفتها !!؟؟ ووينها!؟ ووين صلاحياتها!؟ بعقد التأسيس والنظام ألأساسي للبنك!!؟؟؟ وكيف راح! تتشكل!؟ ومن هم أعضاؤها!؟؟؟ وكيف صار رجل ألأعمال الكويتي (المبدع أو اللي بدع! لافرق!) رئيسها !!؟؟ وهي بعدها هاللجنه ألإفتراضيه ماتشكلت ولا إنعقدت !!!؟؟
ثانيا: كيف راح تشرف على مشاريع البنك الجديده!؟ وبأي صفه ملزمه!؟ وبأي صلاحيات ممنوحه!؟ إذا لايوجد أي مسوغ قانوني أو توصيف!؟ لوجودها لا بقانون الشركات البحريني!؟ ولابعقد التأسيس والنظام ألأساسي للبنك!؟ فهل كان هنالك إضافه لبند تأسيس مثل هذه اللجنه ألإفتراضيه!؟ وهل تم تحديد صفتها وصلاحياتها وإلزامياتها وتوصيفها وطريقة تعيينها وعملها!؟ بعقد التأسيس والنظام ألأساسي!؟ بتعديل وإضافه بالجمعيه الغير عاديه!؟ مثلا!!
ثالثا: هل كانت هالحركه !؟ وأرد وأعيد وأقول هالحركه!؟ مجرد حركه!!؟؟؟ جبرا للخاطر ومواساة على شكل ويندو دريسنج!!! لما حصل بالجمعيات اليوم ؟ ومراضاة شكليه! لزوم ألإستهلاك للرأي العام!!! وسرعان ماسيتم تناسي ألإقتراح وعدم الإلتفات عليه!؟ أو تطبيقه!؟ وعدم ألإعتراف بشرعيته كونه بلامسوغ قانوني!!؟
رابعا: لجنه إفتراضيه لتشرف على المشاريع الجديده للبنك!؟ بيقولكم بعد الزياده بالمرابحه القابله للتحول!؟ شتبون!؟ هذي فلوس مساهمين جدد ومالكين الحين لأغلبية البنك! إنتو مالكم مكان بالإعراب يااللجنه ألإشرافيه إفتراضيه المكونه بخيال صاحبها وبدون أي مسوغ قانوني !!!؟؟؟
بينما كان السؤال الحقيقي هو ... ماذا بشأن الخسائر والمخصصات اللي حرقت ثلاث أرباع رأس مالكم!! يالمساهمين!؟؟؟ ومن سيشرف على متابعة إسترجاعها ما أمكن!؟؟ ومحاسبة المتسبب!!!؟؟؟ ليش ما صارت لجنه للمتابعة وألإشراف على هالموضوع المصيري!!!
ليش ما كان من شروط التحويل من المرابحه لرأسمال! عدم وجوود خصم كبير!!؟ و إستثناء للمخصصات والخسائر المسترجعه مستقبلا!!؟؟
أو أن ألإبداع كان .... بكيفية! إقناعكم بدفن الماضي المسيء لكم ولحلالكم!! وعدم السؤال عنه!!؟ وإقناعكم بالتطلع لمستقبل مشرق خاص بغيركم وبحلالهم!! اللي لا لكم به ولاعليه!!؟؟
لهالسبب ... ذكرت إنه كانت هنالك أكيد خيانه تمت! وتغيرات بالمواقف تجلت! وظهور منها إنكشفت! وثغرات في التحالف فتحت! ومنها الخصوم تسللت! وكما خططت! بفضلها إنتصرت!
حقيقه ... خل نشوف قريبا هالرؤساء شبيحطون من حلالهم الخاص! بهالمرابحه الجديده المتحوله!؟ وكم!؟ وذيك الساعه بنعرف!؟ وين البنك ورئيسه!؟ وبرأسماله الجديد! وبمشاريعه المستقبليه الجديده! وتحت إشراف لجنة ألإشراف ألإفتراضيه! برئيسها رجل ألأعمال اللي أبدع! وبدع! إلى وين رايحين بهالبنك!!!! لفوق!؟ لو لتحت!؟
الله يعين ... الله يعينكم يالإخوان ... الله يعينكم
وعساكم جميعا من العايدين الفايزين ... بإذن الله تعالى وموفقين خير ...