الطماط حد أعلى:)

[ساره78]

المشكله فى الطماط ....ماله بديل

بس الاخت ام سارة ...ماأدرى شلون تبدله مع معجون الطماط

تخيل السلطه بمعجون الطماط .....صار مرق

ههههههههههههه

ابدا فعلا الطماط ماله بديل ..بالسلطه ..من جذى مقهوره من غلاء اسعاره

ولكن بالطباخ لا بديله معجون الطماط ..

ماتصير سلطه بمعجون !!تصير بيتزا جذى موسلطه ..


ياليتنى ..طماطه ..مخلووطه ..بالخلاااطه...!!




....

 

[afatah]

هل هذه دعوة للشراء وهل يستمر هذا الترند الصاعد

 

[sporty72]

نبي تحليل عقب إقفال اليوم
وين الدعم والمقاومة ؟

 

[zizo 40]

نبي تحليل عقب إقفال اليوم
وين الدعم والمقاومة ؟

إقفال مصطنع, إحذروا التصريف

 

[anaahmad]

وين مااطقها عوجه تدبست
خوش دبسه دخلت على الطماط امس ب5 دنانير واليوم نزول عنيف الصندوق ب3 دنانير شتنصحون نبرد ولا فيه نزول

 

[Navigator]

وقف على الطماط حد اعلى ؟؟

للاسف ماكو سيطره على اسعار الخضره
من 20 فلس الشده الى ربع دينار ..!!!

شكلي بزرع لي ( رويد - بقدونس - جرجير - كزبره - كرفس )

وليييييه

بلّش الحسد

 

[Navigator]

وين مااطقها عوجه تدبست
خوش دبسه دخلت على الطماط امس ب5 دنانير واليوم نزول عنيف الصندوق ب3 دنانير شتنصحون نبرد ولا فيه نزول

لا يقصون عليك ويقولون لك بيرتد

حبيبي انا بحاول اقنع واحد عندنا بالمنتدى يدش عليه بكره

من تشوف الاوامر بلشت ابيك تهفه بالادنى وحلاتها بين حواجبه

ولا تقرب صوب الشبره تدري استحوذت عليها شركات البحر ايفا وجيزان وبيفتحون شبرتهم بالصليبية

هدوا الاسهم وقاموا يضاربون بالخضره

وينك يا بو رزام ؟

 

[afatah]

الضغط سيؤدي إلي تفعيص الطماطم

 

[zizo 40]

الضغط سيؤدي إلي تفعيص الطماطم

:d:d:d

أنا فتحت الموضوع وما توقعت الكل يعز الطماط لهالدرجه

وبصراحه ضحكت من قلبى على أكثر التعليقات والنغزات

الشكر للجميع

وباجر أتوقع إيقاف الطماط حتى يعلنوا رسميا عن سبب الإرتفاع

 

[AL.MOUSAWI]

ياجماعة فيه سؤال مهم وموضوعي:


هل بامكاننا الاستعانة بفاكهة الكاكا

عوضا عن الطماط ؟؟

تصدقون مرة شريت صندوق كاكا

على بالي طماط

 

[AL.MOUSAWI]

لا يقصون عليك ويقولون لك بيرتد

حبيبي انا بحاول اقنع واحد عندنا بالمنتدى يدش عليه بكره

من تشوف الاوامر بلشت ابيك تهفه بالادنى وحلاتها بين حواجبه

ولا تقرب صوب الشبره تدري استحوذت عليها شركات البحر ايفا وجيزان وبيفتحون شبرتهم بالصليبية

هدوا الاسهم وقاموا يضاربون بالخضره

وينك يا بو رزام ؟

الرقي لا يقربون صوبه

من الشارت الي عندي حق

تداول شبرة الخضار ظهور

شمعة دوجي ووراها بصندوقين

شمعة الرجل (المواطن ) المشنوق

يعني احتمال بكرة كسر الترند الصاعد

الدعم 3500 فلس......المقاومة 5300 فلس

ستوب لوز كسر 3250 فلس

لا نتحمل مسؤولية البيع او الشراء

 

[مستثمر 2008]

اليوم واحد طالب سندويش فلافل من احد المطاعم يقول السلطه ما فيها طماط

 

[adany2005]

اللي قاهرني اللي يتهاوشون بالطماطم بأسبانيا
انا رايح اجمع طماطم و قايل حق الربع رايح الكلاسيكو ::verymad::​

 

[7aboob84]

أقووول ياحلو الكاكا تشابه الطماط بقص على عيالى وبسوي سلطه خيار مع كاكا أرخص

 

[adany2005]

شباب جم واحد قام يشتري طماط بالحبه
هذي تاليتها
مانبي ناكل سلطه
لا من البقدونس ولا من الطماط
والله يستر من الياي
اذا الرمان صار ب 11 دينار قبل امس
انا اقول كل واحد يشتري له مزرعه احسن​

 

[wld al salmiya]

باقى جم طماطه من اخر صندوق

قلت حق العيال ياويله اللى يمد ادينه عليهم

لغايه ماتنتهى اشاعه الطماط وعمليه الاستحواذ ويطلع الخبر

 

[مضارب شجاع]

كونا : الكويت
وزير الماليه يصرح انه حان الوقت المناسب لشراء الطماط
وقال الوزير ان ارتفاع اسعار الطماط فى الكويت لا علاقه مباشره له فى الازمة العالمية ، ولكن ما حصل هو ان شركات العفن احتكرت كميات الطماط لديها وتعمدت ان يصيب الطماط العفن ،
والحكومة تدخلت فى الوقت المناسب عن طريق المحفظه المليارية وستوردت الطمام من الخارج
وتابع الوزير حان والوقت المناسب للأستثمار فى الطماط وانصح كل المواطنين فى شراء الطماط بكامل السيوله وعدم المضاربة فى فيه الان الطماط سوف ينافس الافوكاتو فى المستقبل .

 

[انوفستي]

الكل الظاهر ماعنده خبره بالزراعه هذه الاسعار بسبب نهايه الموسم الزراعي فلا هو صيف ولا اشتا بالنسبه للطماط المستورد اما الكويتي فيادوب توه مزروع حتى مالحق يزهر وماكو طماط كويتي بالكويت كلها والي يقولك كويتي جذاب
كل سنه هالوقت الاسعار جذي الى نص اكتوبر تبدي الخضار الكويتيه الحقليه تنزل السوق الحين ماكو الا بيديان وشويه باميه
وبالنسبه للبقدونس والورقيات فهي زراعه محميات علشان جذي غاليه
بسم الله توه الصيف خلص نطروا على الكويتي الحقلي شوي تلقونه من كثره ورخصه يصدرونه العراق واذا صار وايد الكرافه التركتور تشيله وتقطه بالخمام بعد الساعه 10 الصبح
والفرضه لاتروح الا اذا تقدر تصلي الفجر هناك يالله تلحق لأن التنزيل يبدي من الواحده بعد منتصف الليل والحراج يبدي والجمعيات تشيل الزين وتعبي بصناديق صغيره
واذا تعلمت على وجوه التجار الي هناك راح تعرف الشريطيه ( اكثرهم ايرانيين ) الي يبيعون قطاعي غالي وتلقاهم ليل نهار و راح تعرف كبار الموردين ( لبنانيين وسوريين ) الي يوردون حق الشبره اللبنانيه والسعوديه كلها والي ماتشوفهم بعد الساعه سبع الصبح لانهم باعوا كلشي وراحوا بيوتهم
اما الشبره الكويتيه فاشتر من الصعايده ووخر عن البنغاليه والهنود لانهم شريطيه

 

[حفار قبور]

يا جماعة متى الجمعية العمومية للطماط ؟

علشان يعتمدون ميزانية البطاط ، بس هالله هالله بالحضور شخصيا ، ولا تنسون إتييبون معاكم شهادات الإثبات ( كراتين الخيار )

 

[ولد الغريب]

انا ليلحيني مومصدق الصراحه كاني بحلم سحارت الطماط مثل سعر كارتون الدجاج وسحراتين طماط مثل سعر نص ذبيحه استرالي انا مومصدق منو الي قاعد يشتريييييييي ؟؟؟؟؟؟؟؟؟؟؟؟ معقول في احد يشتري بهل اسعار