شركة مجموعة الصفوه القابضه ( الصفوه ) .... 1

[MOHANNAD_SA]

ارجو الحذر يا جماعه

الصفوة - الربع الأول 3-2010 ربح 2.058 مليون دينار

الربع الثاني 6-2010 خسارة 4.447 مليون دينار

الربع الثالث شهر 9 -2010 خسارة 8.354 مليون دينار


يعني الشركه رايحه الى الهاوية تزيد الخساير كل ربع سنه اتوقع صاحبها راح ينتحر والله اعلم

السلام عليكم

من ما شفت التوقيع ضنيت إني أنا كتبت مشاركة ونسيت .. لأنك تستخدم توقيعي .. لكن لما قرأت المشاركة أدركت أنها ليست لي ..

مشكور على النصيحة أخوي ..

لكنا سنظل صامدون إلى آخر رمق ..

صابرون .. صامدون ..
لن نبيع اليوم
سنبيع
عند
90
ف​

 

[bigbin78]

الله يستر كثر الكلام علي الصفوة وشكلها راح تروح فيها ملينا من الانتظار​

 

[waham]

الله يستر كثر الكلام علي الصفوة وشكلها راح تروح فيها ملينا من الانتظار​

ليش متعب نفسك يالحبيب ما تسوى عليك . الصبر مفتاح الفرج وادري ما قلتلك شي يديد بس القسط ان انت صبرت هالمده منت قادر تصبر بعد
شوي الله يعينك ويفقك يا رب . يايك يوم يضحكك هالسهم ..
البيع عند 70 فلس هذا اذا مو 90 فلس .

 

[mustafa911]

مع كل إحترامي وتقديري للشباب اللي يقولون البيع عند كذا أو كذا .....
بس شنو اللي يخليكم متفائلين لهدالرجة وكل البوادر تقول عكس هالكلام

انا والله نفسكم مدبس بالسهم وودي انه يشلع فوق بس للأسف كل شي يقول إنه سيء

 

[طنجوان]

نااااااااااس متفائله ونااااااااااااااس غير متفائله
ياجماعه في عز الازمه الماليه وصل السهم 18 فلس وارتد ارتداد طيب
الصبر الصبر الله يجزاكم خير حرام الواحد يبيع بهالسعر وانا عندي احساس ان هالسهم بيرتفع باذن الله عاجلا غير اجل بس اصبرووووووووو

 

[AL-MASOOD]

الغموض مسيطر على الصفوه التي تغرد وحيده خارج المجموعه

اعتقد المشكله من عضو مجلس الاداره اللي موقع الشيك

 

[(المتمكن)]

يوجد امر ما سوف يحدث قريبااً لسهم سوف يغيَر من اسعاره الحاليه اما صعودا بشكل ملفت واما نزولا تحت خانت العشرينيات ... بدليل اوامر العرض والطلب وتغييرات التي تحدث بدقائق قليله وبكميات كبيره

 

[3lgm]

بإذن الله الفرج قريب

 

[mohammad64]

بإذن الله الفرج قريب

الاخ المميز علقم المحترم بغض النظر عن الرسم والدعم حضرتك شنو تشوف مستقبل السهم هل سعرة العادل فوق 30 فلس أم راح يصير فية مثل ما صار فى تمويل الخليج دمج..... الرجاء الرد

 

[منور]

اخوي علقم شرايك بميادين للمضاربه عال19؟؟
وشنو من هالاسهم الي تفضله كمضاربه؟يكون ترنده صاعد؟
ابيار ولا صكوك؟
اذا ببالك سهم طيب بترند صاعد قوللي عشان اقدر اعووض خسارتي

 

[كحيلان الجنوبي]

قصه مفيده ؟

بسم الله الرحمن الرحيم

بعد الصلاة والسلام على النبي (صلى الله عليه وسلم) أما بعد...

يحكى ياحبايبي ياحلوين أن رجلاً بعد زرع أرضه وقرب وقت الحصاد أتاه شيطان لعين وقال له هذه الأرض التي تعبت في زراعتها لن تخرج لك شيئاً وأنا أشتريها منك بسعر الأرض الجرداء.

تمت

الحصاد قرب في أحد يبيع أرضه يوم جاه الحصاد !!!!!!!!!!!!

تكملت القصه بيدكم أنتم اللهم أني بلغت اللهم فأشهد

 

[MOHANNAD_SA]

السلام عليكم

والله الشباب كلهم كلامهم طيب ويبرد الجبد ..

وبإذن الله السهم راح يطير طيران .. بس الصبر شوي ..

تعبت والله أقولكم روحوا حق موقع البورصة وراجعوا البيانات التاريخية للسهم

شوفوا شلون سلوك السهم .. كذا مرة طاح تحت لمن وصل إلى 20 فلس

وعقبها رد إلى التسعين .. نعم 90 فلس ..

هذه عوايد الصفوة .. بس الصبر شوي .. يعني شنو راح نقبض منه إذا بعناه بخسارة 80 %؟؟؟؟؟؟

والله ما تسوى .. خليه يبا يروح وين ما يروح ...

يا يرد ونبيعه بسعر طيب يرضي أو لا ..

وللجميع التحية ..

إخواني علجم ، منور ، مصطفى ، محمد ، المسعود ، كحيلان ، والجميع ...

نورتوا الصفحة .. بيتنا المتواضع ..

ربي يبارك لكم اجمعين وتفرحوا معانا بالصفوة عن قريب ... آمين ..

للجميع أطيب تحية

 

[waham]

غلطة الشاطر بألف . البيع بالنسبه لى عند 70 فلس اللهم اني بلغت .

 

[hartkuwait]

السهم جدا ممتاز تحسنت مؤشراته والسهم زين بس انتبهوا من الاسعار اللى حاطينها لحد يحلم فيها والله أعلم

 

[MOHANNAD_SA]

السهم جدا ممتاز تحسنت مؤشراته والسهم زين بس انتبهوا من الاسعار اللى حاطينها لحد يحلم فيها والله أعلم

السلام عليكم

وصبحك الله بالخير .. والسرور ...

ما عليك أمر .. شنو أسعارك انته أخوي ؟ شنو تتوقع ؟

لا تقولي 31 و32 فلس مثل أخي عزيز من أسبوعين ..

أنا عن نفسي أقران أسعاره بتاريخه وأسعاره السابقة .. وهو تحرك بين 20 و90 فلس عدة مرات .. فما يمنع أنه يصل إلى 90 فلس وربما يغادرها إلى أعلى إذا تحرك السوق ؟

ننتظر ردكم أخي الكريم لعلنا نستفيذ جميعا ... ولك السكر والتحية مقدماً ...

 

[muscle man]

عندي سوال لااخوين مهند و وهم

وارجو الرد منهم لتعم الفايده للجميع

انتم لكم بالتحليل الفني ؟؟ اوالتحليل المالي؟؟

 

[waham]

عندي سوال لااخوين مهند و وهم

وارجو الرد منهم لتعم الفايده للجميع

انتم لكم بالتحليل الفني ؟؟ اوالتحليل المالي؟؟

هلا بالغالي آمر
طال عمرك اثنينهم والقصد ان البيع عند 70 فلس اني متفائل بصعودها . شكرا على مرورك .

 

[muscle man]

هلا بالغالي آمر
طال عمرك اثنينهم والقصد ان البيع عند 70 فلس اني متفائل بصعودها . شكرا على مرورك .

هلا فيك مايامر عليك عدو

بس التفائل الشي والتحليل شي اخر

ولا انت دامجهم مع بعض يالغالي ؟؟

 

[waham]

هلا فيك مايامر عليك عدو

بس التفائل الشي والتحليل شي اخر

ولا انت دامجهم مع بعض يالغالي ؟؟

ادمجهم بحاله وحده اذا صار تناسق بين الخبر والتحليل يعني متساووووين .

 

[MOHANNAD_SA]

السلام عليكم

شلونك أخوي waham

صراحة ما دري قلتلك قبل ولا لأ ، لكن أنا حاط سعر معقول عند 59 فلس بيع صار لي شهرين وما راح أغيره نهائيا .. إطلاقا مطلقا .. صار ما يصير ..

أنا معك 10000000 %


مشكور أخوي muscle man

وكما رد عليك الأخ العزيز وهم .. اصبر .. لماذا تستعجل أخي الكريم ؟

ماذا ستجني إن بعته الآن ؟ قل لي أنت؟

ستحصل على 20% من رأس المال .. صح أم لا؟

انتظر ستحصل على 120% .. وأما إذا لا قدر الله حدث ما تخشاه كما تفضلت فلن تخسر شيء .. أين يذهب السعر تحت ذلك ؟؟؟؟؟

هذه هي النظرية بكل بساطة ..

تقبل تحياتي