شركة مجموعة الصفوه القابضه ( الصفوه ) .... 1

[بو فلاح]

السلام عليكم

مبارك عليكم بدء الارتفاع .. عساه يكون التحضير للطيران وصولا إلى 90 فلس كما فعلها من قبل ..

السهم اليوم على ارتفاع ... الله يجيب الخير للجميع .. مرتفع حتى الآن 1 فلس ..

ربي يوفق الجميع

:d:d:d:d:d

يعجبني التفاؤل الذي انت فيه نتمنى الوصول الى سعر 90 فلس ولكن يجب الحذر فأنت في سوق الكويت للاوراق الماليه ونتمنى التوفيق للمساهمين وفي السلام ختام

 

[bigbin78]

الله كريم اخوي مهند​

 

[mustafa911]

الصفوة تفرحك يوم وتبكيك عشرة

 

[MOHANNAD_SA]

السلام عليكم

أخخخخخخخخخ

صج كلامك يالغالي .. بس شنو بنسوي يعني ؟ ماكو الا الصبر .. وانتظار الإقلاع الحقيقي .. لكن والله السهم فيه شدة .. أمس كل السوق نازل وهو حافض على سعره وما نزل مثله مثل بيتك (هه)

سننتظر فرج الله .. عساه قريب بحول الله ..

ربي يرزق الجميع ..

تحياتي

 

[bigbin78]

اخوي مهند انا اقول الله يستر وضع السهم مو زين وبدأت الامور تخوف وشكلنا رحنا فيها بعد​

 

[AL_RAGI]

الواضح من تداول اليوم وخاصة الكميات المعروضة ان السهم يتعرض لضغط شديد لان العروضة مو طبيعية على 25 وعلى 24.5 بالملايين وكأن الناس شارية السهم بفلس ولو كان التداول على السهم تصريف لكان صرف على سعر 24 فلس بالملايين لكن تحليلى الشخصى ان السهم مضغوط وقاعد يحصر التداول على سعرى 24.5 و25 فلس والله أعلم​

​

 

[bo-rashed 2]

اذا السهم ماصعد خلال هالشهر رحنا فيها

 

[ابو نواف محترف]

اذا السهم ماصعد خلال هالشهر رحنا فيها

االاتخاف تراه يملك في دانه لاسماك يمكن نص دانه

 

[الشاهين1]

رأس المال 130مليون دينار بلغت الخسائر المتراكمة 102مليون ديناربنهاية شهر يونيو2010مايمثل اكثر من 61%من رأس مال الشركة يعني باقي 14%علي ال75%من رأس المال والله يستر

 

[MOHANNAD_SA]

السلام عليكم

الله يصبرنا جميعا .. ما لنا إلا الصبر .. وربي يكتب الخير للجميع .. والله لدي إحساس أنه سيرتفع .. لا تحليل ولا معلومات .. لكن مجرد إحساس من تاريخه السابق .. وأعتقد أموره ستكون طيبة بغذن الله

ربي يربح الجميع

تحياتي

 

[waham]

وخشيمك ناطره عند 70 فلس . والي فيها فيها يا انا وأعوذوا بالله من كلمة انا يا هو .

 

[MOHANNAD_SA]

وخشيمك ناطره عند 70 فلس . والي فيها فيها يا انا وأعوذوا بالله من كلمة انا يا هو .

السلام عليكم

تعجبني يا بطل .. وأنا بعد مثلك بس أنا حاط سعر البيع على 59 فلس صار لي شهرين ..

يا حنا يا هو ..


يا يوصل لهذه الأسعار كما كان يفعلها في السابق .. يا إما ينحرق ونخلص لأنه ما راح نحصل شي إذا بعناه الحين .. وأعتقد بحول الله راح نبيع فوق 50 فلس و 60

ربي يكتب الخير للجميع

تحياتي

 

[bigbin78]

انا الا اشوفه حتي مستوي الثلاثينات والاربعينات ماراح يوصل بالوقت الحالي لان صعب حيل
الواحد مايبي يتفائل حيل عشان ما ينصدم وتصير الخسارة ميه بالمية واتمني انه كلام يطلع مو صحيح
عشان الواحد يرتاح نفسيا علي الاقل ​

 

[كحيلان الجنوبي]

وصل حده

السلام عليكم أيها الصامدون

صانع السوق (الطماع) صار له ثلاثة أيام أهو اللي يبيع وهو اللي يشتري

ذبحنا ضغط بالسهم .

توقعاتي الأرتفاع خلال ثلاثة أيام هذا والله أعلم.

للعلم هذا رأي الشخصي

 

[AL.MOUSAWI]

كمية العرض المتناسبة جدا مع كمية الطلب

توحي بأن الضغط بدأ ينحسر عن السهم

ناهيك عن الارتفاع ( المعنوي ) نص فلس

يدل على ان الانطلاقة اصبحت مسألة وقت

وان القروب بأكمله ينتظر عودة القائد ( الصفاة )

سواء كانت نتيجة الربع الثالث لهذا القائد خسارة

او ربح فكلتاهما سيان...لأننا في السوق الكويتي

الذي يسير عكس التيار ....كسمك السالمون

 

[waham]

يا جبل لا يهزك ريح وبشوف تاليتها ويا هالسهم والوعد جدام . يالصفوه ترى البيع عند 70 فلس وين بتروحين وراج وراج خخخخ .

 

[مساهم متواضع]

ههههههه يا معود السهم بعد التبريد طلع على 30 فلس توصل ثلاثين وجزاهم الله خير ابي افتك منهم

 

[MOHANNAD_SA]

السلام عليكم

يبونك تبرد بعد .. حتى يصير أبرد وأبرد ..

ولا يهمك أخوي باجر بحول الله تتعدل أمور هذا السهم ..

يبيلة الصبر بس .. ما احنا خسرانين .. خلاص اللي صار صار .. يرتفع عند الـ 60 فلس وبعدها يروح وين ما يروح ..

أطيب تحياتي

 

[سكندكب]

موفقين خير يا رب و يعوض صبركم ان شاء الله ,,,

 

[KUWAIT_V]

ارجو الحذر يا جماعه

الصفوة - الربع الأول 3-2010 ربح 2.058 مليون دينار

الربع الثاني 6-2010 خسارة 4.447 مليون دينار

الربع الثالث شهر 9 -2010 خسارة 8.354 مليون دينار


يعني الشركه رايحه الى الهاوية تزيد الخساير كل ربع سنه اتوقع صاحبها راح ينتحر والله اعلم