عضو مقل بالمشاركات ولكن متابع جيد ( حياكم )

[المشنص99]

يعطيك العافيه مشنص...
سمعنا عن سهم زين الكلام الكثير من اخوانا الاعضاء والمحللين في احتمال وصله 1460 ثم 1700
وودي اسمع رايك في هالكلام ووجهة نظرك اذا تفضلت

خله يكسر 1340 ويغلق فوقها ونتكلم عن الاهداف الي فوق ما فيه شيء يمنع ارتفاع السهم لاعلى من الاسعار هذي وسهل جدا نفس كل سنة يطلعون بسالفة بيع نسبة لشركة اماراتية ويشقح السهم وعندك توزيعته السنه اليايه مجزية حسب كلامهم اهم شيء السهم ما ينزل عن 1160

 

[يوسف محمد]

سؤال

يعطيك العافيه ‏

إذا امكن هيتس تلكوم والصفاة شلون وضعهم

 

[المشنص99]

يعطيك العافيه ‏

إذا امكن هيتس تلكوم والصفاة شلون وضعهم

الهيتس جاوبت عليه من قبل بالموضوع هذا

والصفاة لك عليها

 

[الطـبـيـب]

الله يبارك فيك

عارف ، أبيار ، مزايا، اكتتاب

 

[احمدوووووووووو]

السلام عليكم
يعطيك العافيه اخ مشنص علي هالصفحه الحلوه
ابي اسئلك عن شركة الميادين شفيها جذي ليش سهمها نازل تحت ال20 فلس ولمدة شهرين وشي واهو علي هالحال وليش الاعضاااء ومجموعه غلوبل مايشيلووونها مع العلم انه قيمتها السووقيه 72 فلس والي سمعته انه وضع الشركة المالي ثابت مو متزلل
وشنو بيكون وضع الشركة بعد الحكم في قضية شركة غلوبل مع بنك ام القيوون عليها هل راح يرفعها ولا بيخليها علي حالها؟؟؟؟؟؟
وشكرا.....

 

[المشنص99]

الله يبارك فيك

عارف ، أبيار ، مزايا، اكتتاب

حي الله الطبيب والحمدلله على سلامة الموتر
عارف يئن من ارتفاع المطلوبات وسعر 52 مهم للسهم وابيار نفس عارف مطلوبات عالية واغلبها متداوله وتأثرها مباشرة بازمة دبي غير امها المريضه اعيان الله يقومها بالسلامه سعر 22 خطر كسره للسهم وسعر 30 يجب كسره لكي يرتفع السهم ، مزايا والخساير المتتالية لحد يقولي معلنه ارباح اهي قبل اكثر من سنة تخارجت من عقار بربحية قياسية ورحلت الارباح لثمان ارباع يعني سنتين واعتقد كل ربع مو اقل من 5 مليون ومشت الشركة بالخساير بس تغطيها الارباح المرحله والا وين راح مشروع النيرة والثاني نسيت اسمه وتصوير ويا سمو الامير ومجسمات للمشروع واخرتها فشنق وما يخفى عليك تاثر امها جلوبل والا الشركه ممتازه لكنها ضعفت حيل وان شاء الله قومتها مو بعيده سعر 79 مهم للسهم وكذلك 96 ، أما اكتتاب ؤلتلي بأاه شركة متعهدة بالاكتتابات والاصدارات وتقع ضمن مجموعه اغلبها استثماري من مدينه والسلام واستراتيجيا اللي بنجرت ملكيات الشركة قليلة بس حلوة لكنها نازله اقل من سعر التكلفه والشركة احتياطاتها 3 مليون بس وخسايرها المرحله قريبه من 27 مليون يعيبهم انهم فاقدي الثقه في اوساط السوق وخزاينهم فاضية منذ اكثر من شهر لكن الحلو فيهم تحويل ملكيتهم في هيتس تليكوم الى استثمارات متاحه للبيع سعر 22 خطر للسهم وسعر 30.5 لازم يطوفه واللي اهم منه 36
الله يوفقك

السلام عليكم
يعطيك العافيه اخ مشنص علي هالصفحه الحلوه
ابي اسئلك عن شركة الميادين شفيها جذي ليش سهمها نازل تحت ال20 فلس ولمدة شهرين وشي واهو علي هالحال وليش الاعضاااء ومجموعه غلوبل مايشيلووونها مع العلم انه قيمتها السووقيه 72 فلس والي سمعته انه وضع الشركة المالي ثابت مو متزلل
وشنو بيكون وضع الشركة بعد الحكم في قضية شركة غلوبل مع بنك ام القيوون عليها هل راح يرفعها ولا بيخليها علي حالها؟؟؟؟؟؟
وشكرا.....

باختصار مو بختصار الشركة راس مالها ضخم بالنسبة لنشاطها وتأثرت بدبي وايراداتها ضعيفة غير حال امها جلوبل
الله يوفقك

 

[معتمد على الله]

هلا اخوي المشنص ...لو سمحت سهم نور والسوريه

 

[المشنص99]

هلا اخوي المشنص ...لو سمحت سهم نور والسوريه

يا مرحبا اخوي نور شركة زينه بس عيبها قروضها عالية وتدري جفاف منابع التمويل للشركات الاستثمارية ملكياتها ممتازه وادارتها زينه انتبه من سعر 38 لا ينكسر وياريته يكسر 60 ويكمل ، والسورية شركة بكر حلوة وتتبع ناس كبار للاسف ما يهمهم سعر السهم السوقي والشركة يبيلها وقت لكي تجني ثمار استثماراتها سعر 62 مفصلي للسهم وان شاء الله تكسر 76 وتبدع
الله يوفقك

 

[hemalayah]

مساك الله بالخير يالمشنص والإخوة الحضور
أبيك يالحبيب تعطيني رايك بحيات كوم. أشوف نتايجها مو سيئة بس ليش السهم الونش ما يحركه.
تنصحني أتدبس فيه ؟
شاكر لك حضورك الدايم

 

[المشنص99]

مساك الله بالخير يالمشنص والإخوة الحضور
أبيك يالحبيب تعطيني رايك بحيات كوم. أشوف نتايجها مو سيئة بس ليش السهم الونش ما يحركه.
تنصحني أتدبس فيه ؟
شاكر لك حضورك الدايم

مساك الله بالخير والنوير حيات كوم ممتازه واكثر شيء يعرقل حركتها هو توزيعتها المعقده 50% منحه ليش ؟ ::verymad:: طالما السهم فوق 152 يعتبر ممتاز ويا حلوه اذا طاف 166 اما سالفة انصحك تتدبس فيه يرحم والديك فكني من السيرة هذي انا اتكلم من وجهة نظري واحتمال كبير اكون غلطان القرار قرارك والراي رايك والشور شورك يا يبه
الله يوفقك

 

[hemalayah]

أخوي المشنص
اللي يلعب بالسوق غلطان يلوم أحد على النصيحة...
أفهم إنك بذلت مجهود على المعلومة والرزاق يرزق من يشاء....
لا تحاتي أخوي و ألف شكر على النصيحة والأسلوب الراقي...
أنصحك أخوي باجر سهم استراتيجيا...صج إنه موقوف والناس تدعي على الملاك...بس كاشك باجر بجيبك..
الله يرزق المسلمين إن شاء الله الرزق الحلال ويبعد عنا النصابين وجمبازية السوق..
قواك الله يالمشنص والإخوة الحضور ويزيدك ويزيدنا علم ومعرفة من فضله​

 

[الطـبـيـب]

الله يجزاك الخير أخوي المشنص ما قصرت

 

[ahmd9610]

تحياتي اخوي لوتكرمت ابررررررراج شرايك فيها

 

[المشنص99]

يعطيك العافيه مشنص...
سمعنا عن سهم زين الكلام الكثير من اخوانا الاعضاء والمحللين في احتمال وصله 1460 ثم 1700
وودي اسمع رايك في هالكلام ووجهة نظرك اذا تفضلت

خله يكسر 1340 ويغلق فوقها ونتكلم عن الاهداف الي فوق ما فيه شيء يمنع ارتفاع السهم لاعلى من الاسعار هذي وسهل جدا نفس كل سنة يطلعون بسالفة بيع نسبة لشركة اماراتية ويشقح السهم وعندك توزيعته السنه اليايه مجزية حسب كلامهم اهم شيء السهم ما ينزل عن 1160

::verymad::

 

[abobader q8]

يعطيك العافيه اخووى المشنص شنو اوضاع صفاه طاقه واسمنت الخليج