عضو مقل بالمشاركات ولكن متابع جيد ( حياكم )

[BARKAWI]

على القوة عمي

بس خف على الأعضاء شوي ترانا مثل اخوانك الصغار ، إذا غلط أحد لازم تمسك بيده ، وأحييك على صراحتك ، أحب الناس أمثالك اللي يعطونك ايها بوجهك بدون لف أو دوران

تقبل الله طاعاتك وكل عام وانت بخير

 

[المشنص99]

اخوي المشنص 000 قول لنا عن الهيتس تليكوم 0

شركة زوينه ورخيصه وقاعده تطور نفسها وتتوسع في شغلها يبيلها وقت والله يوفقج بس اذا نزل السهم تحت 48 لا تخلينه عندج

اخوي قلبي يعطيك العافيه ... نبي رايك بخطوط وطنيه الله يثيبك

شركة ناشئة في سوق اثرت فيه الازمة المالية بقوة اقصد الطيران ما عجبتني الشركة للاسف خصوصا مع خسايرها والتزاماتها المالية مرتفعه يبيلها وقت تعدل امورها الله يوفقك

يعطيك العافية اخوي مشنص الله ليهينك شرايك تمويل الخليجي ابي بتفصيل الممل شنو مشكلتة

مشكلته مطلوباته عالية وقروضه مو قادر يدفعها واصوله تاكلت وزيادة راس المال الاولى فشلت وعدد اسهمه كثيره وخسايره المرحله عالية يعني البنك من اكثر الشركات تضررا من الازمه غير ان دولة البحرين صرحت بعدم دعم البنوك الاستثمارية وهذا اللي خلا السهم سنهار من اسعر 100 فلس لاسعار اليوم وخسارته بالربع الثاني قوية يعني الشركة تصارع الوقت على امل ترتفع اصولها وتقدر تتخارج منها بربح وتعدل امورها الله يوفقك

الله يوفقك ياخوى بس ترى مشرف (639) موجوده فى الشركات المتوافقه مع الشريعه الاسلاميه فى بيتك للتداول يعنى توكل على الله والربح مانى قايل النص بالنص ترى 25% راضى

مو كل الاسهم اللي بنشرة بيتك اسلامية اهم طريقتهم اذا تقدر تشتريه اسلامي اخاف تغير تصنيفه وفيه ناس تملك السهم عندهم فيخلون مجال للبيع بس وصراحة شركة ممتازه ورخيص سعرها الله يوفقك

ابى رايك فى صناعاة متحده

رخيصه بالنسبه لربحيتها بس ارباحها كلها من تخارجات وايرادتها التشغيلية ضعيفة والله يوفقك

على القوة عمي

بس خف على الأعضاء شوي ترانا مثل اخوانك الصغار ، إذا غلط أحد لازم تمسك بيده ، وأحييك على صراحتك ، أحب الناس أمثالك اللي يعطونك ايها بوجهك بدون لف أو دوران

تقبل الله طاعاتك وكل عام وانت بخير

حياك الله يالبرقاوي شوف اخوي هذا سوق مال يعني فلوس والفلوس مو هينه بالوقت هذا واحنا ما تعلمنا الا من الطراقات بالسوق للاسف بعض الناس اذا قلت له الصراحه بنوع من المجامله تغلبه العاطفه على كلامك وما يعير له اي اهتمام لكن اذا عطيته المعلومه بالويه يمكن يحس ويشغل مخه وانا مستعد اعين واعاون لكن طفارتي اللي يضحك عالناس ويكذب عليهم

والرسول صلى الله عليه وسلم يقول من غش فليس منا










وكل عام وانتم بخير وتقبل الله طاعتكم وعيدكم مبارك جميعا

 

[بو حمد 12]

حياك الله يالمشنص ان شاءالله تكون مشنص على طووووووووول تفيد وتستفيد

 

[ابو ناهي]

المشنص واللي يعافك شوف لي اخبار اهلي متحده رقم الشركه 818
2008 موزع منحه نقدي واسهم

2009 موزع منحه اسهم

والربع الاول ربحان والثاني كذالك ف شنو الرؤيه عندك

 

[كويتي2010]

السلام عليكم

طال عمرك اذا ممكن سهم الدانه وسهم اسمنت الكويت
والشكر موصول لك مقدما

 

[المشنص99]

حياك الله يالمشنص ان شاءالله تكون مشنص على طووووووووول تفيد وتستفيد

مشكور حبيب قلبي على الترحيب الرائع

المشنص واللي يعافك شوف لي اخبار اهلي متحده رقم الشركه 818
2008 موزع منحه نقدي واسهم

2009 موزع منحه اسهم

والربع الاول ربحان والثاني كذالك ف شنو الرؤيه عندك

الرؤية سلمك الله البنك مبيوع مبيوع لقطر وسعره رخيص ويستحق الاقتناء وشوفه شهر 12 كم يوصل بس ما اوصيك من يطلع خبر البيعة تخارج من السهم حتى لو ارتفع لا تتحسف والله يوفقك

السلام عليكم

طال عمرك اذا ممكن سهم الدانه وسهم اسمنت الكويت
والشكر موصول لك مقدما

عليك السلام خيرا رايت اسهم تشغيلية وممتازه ومو هذي اسعارها الحقيقية بس اسمنت اعتقد ربحيته اقل من السنه اللي فاتت مو متاكد بس كشركة ممتازه وشغلها ماشي عدل ولها نصيب من خطة التنمية الله يوفقك

 

[مستثمر2]

خوي ممكن ايفا وقوين ودمتم سالمين

 

[المشنص99]

خوي ممكن ايفا وقوين ودمتم سالمين

ايفا طاحت من بعد المرحوم وقومتها طولت حيل مطلوباتها عالية وللحين شغاله دمج بشركاتها وتدري شركة استثمارية اكيد بتصير ضعيفه وسط هالاجواء وقيوين تاثرت من ازمة دبي وهم شغلها تاثر من مبيعات وايرادات الله يوفقك

 

[NEW حاكم السوق]

ايفا طاحت من بعد المرحوم وقومتها طولت حيل مطلوباتها عالية وللحين شغاله دمج بشركاتها وتدري شركة استثمارية اكيد بتصير ضعيفه وسط هالاجواء وقيوين تاثرت من ازمة دبي وهم شغلها تاثر من مبيعات وايرادات الله يوفقك

حقيقه صفحه رائعه وأسلوب رائع أخوي يالمشنص وفيها فائده للجميع إنشاءالله
بارك الله فيك وبجهودك ووفقك لتقديم ألأفضل والمعلومه والنصيحه الصادقه
العيد مبارك على الجميع وعساكم من عواده

 

[ابو ناهي]

شلون قطر اخوي المشنص هذي قطر ماخلت شي ابدا بل بل بل بل بل

التصالات الوطنيه وشرتها واشاعه تبي تتملك بنك الدولي

 

[ابو ناهي]

يااخي ربعنا ليش مايسون مثلها

اذا قطر حتى الهارودز هم بعد شروه

موباقي الى يستولون على بورصات الخليج هم بعد

 

[بن عدوان]

السلام عليكم ورحمة الله وبركاته

أتشرف أني أعود وأشارك بالمنتدى وياكم وأخلي المتابعه والفرجه واتمنى اني استفيد منكم وافيدكم ولله الحمد امتلك خبره في متابعة امور شركات البورصة واخبارها التاريخية ومجالس اداراتها اللي يبي معلومه او اشاعه او اخبار عن الشركات لا يتردد وانا حاضر واتمنى من مسؤولي هذا المنتدى انه يوسعون صدورهم علي شوية لأني بتكلم بصراحه وبدون تجريح وبحاول احترم قوانين المنتدى والاعضاء ​

وعليكم السلام ورحمة الله وبركاته

وجزاك الله خير على تقديم الخير لاخوانك وعساك من عواده​

 

[المشنص99]

حقيقه صفحه رائعه وأسلوب رائع أخوي يالمشنص وفيها فائده للجميع إنشاءالله
بارك الله فيك وبجهودك ووفقك لتقديم ألأفضل والمعلومه والنصيحه الصادقه
العيد مبارك على الجميع وعساكم من عواده

مرورك الاروع وعساك من العايدين الفايزين

شلون قطر اخوي المشنص هذي قطر ماخلت شي ابدا بل بل بل بل بل

التصالات الوطنيه وشرتها واشاعه تبي تتملك بنك الدولي

راجع اخبار التمدين التاريخية وتعرف منو يفاوضهم

يااخي ربعنا ليش مايسون مثلها

اذا قطر حتى الهارودز هم بعد شروه

موباقي الى يستولون على بورصات الخليج هم بعد

ربعنا سوو اللي ما قدروا قطر يسوونه وهو تخارجهم من سيتي جروب بعز الازمه وتحقيق اكثر من مليار دولار ربحية

وعليكم السلام ورحمة الله وبركاته

وجزاك الله خير على تقديم الخير لاخوانك وعساك من عواده​

الله يسلمك حبيب قلبي مشكور

 

[ابواللطف]

المشنص اشرايك باولي للتكافل-والله يزيدك معرفه

 

[معتمد على الله]

هلا اخوي مشنص كل عام وانت بخير وعيدك مبارك....لو سمحت شركه نور

 

[المشنص99]

المشنص اشرايك باولي للتكافل-والله يزيدك معرفه

شركات التامين ما اعرف عنهم عدل بس عالخفيف احسنهم اللي تتبع قروب المشاريع يمكن اسمها الخليج واولى تكافل اذا اهي اللي تبع البحر وكل يوم تنزل واضح انها تعاني من مشاكل مالية لكن للامانه معلوماتي عنها شبه معدومه الله يوفقك

هلا اخوي مشنص كل عام وانت بخير وعيدك مبارك....لو سمحت شركه نور

آآآآآآآآآآه يا نور ليش صرتي جذي الله يعين حملة الاسهم شركة قوية بالاصول والممتلكات لكن الازمه المالية اثرت على صناعات وهدت شركتها تواجه مصيرها بوسط سوق ما يرحم اذا لقت حل لديونها المرتفعه اعتقد مطلوباتها فوق 170 مليون واغلبها متداوله وهي اللي مسببه ضغط كبير على اوضاع الشركه غير محفظتها اللي تاثرت من الازمه حسافه مو متوافقه مع الشريعه والا اسعارها نازله واذا حافظت على سعرها فوق 46 زين للسهم الله يوفقك

 

[Yassaf]

الصناعات الوطنيه و بيتك
شكرا جزيلا

 

[المشنص99]

الصناعات الوطنيه و بيتك
شكرا جزيلا

اختيار طيب من رجل طيب اسهم قيادية ومدعومه وان شاء الله يتم دعمها وارتفاعها لنهاية الشهر للاغلاقات الصناعات مشكلتها بمحفظتها لكن مع ارتفاع البنك الوطني راح تتعدل امورها وبيت التمويل ما ينخاف عليه دام انه فوق الدينار واذا تحولت بعض المخصصات لارباح راح يبدع الله يوفقك

 

[المشنص99]

up.

 

[sin1]

يعطيك العافيه مشنص...
سمعنا عن سهم زين الكلام الكثير من اخوانا الاعضاء والمحللين في احتمال وصله 1460 ثم 1700
وودي اسمع رايك في هالكلام ووجهة نظرك اذا تفضلت