((@ استشارات واستفسارات فنيّة @)) ...... 1

[debtor]

يعطيك العافية و ما قصرت بو مبارك

والله يجعلك ذخر لاخوانك

 

[careful_invest]

يعطيك العافية بومبارك. شرايك في بيان صعوده طيب يدل على تحسن في أداء الشركة ان شاء الله.

 

[vartona]

خيه وين في مؤشر بالحضيض , كل مؤشراته متشبعة بالشرا ولازم ينزل لي متوسط 200 يوم , لكن السهم ما يخوف كلش , وأنا من الـ32 وأنا أطبل للسهم لكن محد معترف .

أم عبداللطيف شرايج بالسوق , اليوم مجرد إعلان تأجيل آخر موعد لاتمام الصفقة انعفس السوق , واليوم النفيسي مدير الجمان يقول مستحيل إنه زين السعودية تنباع بهالمدة القصيرة , شرايج , إن لا سمح الله أعلنو الغاء الصفقة السوق ما راح يرحم لا سهم زين ولا شين , أو تتوقعين ما تتأثر الأسهم اللي مو مرتبطة بالصفقة .

بومبارك ...اليلي يسواله ديره ....انا قاعده احاول اسوي كوبي اند بيست من خلال سنجلت ماني قادره ...اني واي انا اتابع اليومي على طول و نادر ما انوم سهم و اشتغل على شارت المباشر برو ايلي يعطي دخول و خروج من السهم بالدقايق ....و انت ما شاءالله عليك كفيت ووفيت و شرح و لا منه مدرسه ....والله تبارك الرحمن ...اما بخصوص الصفقه ..اعتقد انها مطوله بسبب ال5% وظروف غيرها بس هناك فيلم فيه تصعيد قوي للسوق و تصريف من اجل الخفسه العوده ايلي بعدها يتم الاغلان عن موعد اخير للصفقه

 

[(المتمكن)]

مساك الله بالخير يابو مبارك
ولاهنت نبي اخر تحليل عن تمدين أ و منا قابضه والمال

 

[طبعنا]

شلونك بوبارك
ممكن جيزان + اسكان
بارك الله فيك

 

[بورصة نت]

اخوي علقم ممكن طلب

بنك الخليج والصفاة للاستثمار شنو الدعم والمقاومه والمؤشرات لكل سهم

 

[3lgm]

السلام عليكم بو مبارك ماعليك امر لاتنساني

آسف وحقك علي يا الغالي , مصخن ومريض وأقط خيط وخيط , وما أدري شلون ما شفت مشاركتك .

 

[3lgm]

بومبااااااااااارااااااااااك.... طافتك !!!
آنه حاطلك ال 26000 دينار باللون الأحمررررررررر.... يعني خسارة مو ربح
ههه... لي الحين تبيني أزور الصفحة كل يوم و ما أقاطع؟!!!
على العموما (على قولة بو عليوي) مشكوووور وايد على الرد والتحليل
ولاتنسى تصحح المعلومة اللي انت قلتها: أول واحد يقول ربحت...

ولين , يعني هم محد ربحان , والله ونستني يوم قلت ربحان وهالمبلغ الطيب , لكن ما عليك بإذن الله تنقلب الـ26 ربح بحول الله .

 

[3lgm]

استاذي
ما عليك امر الدولي الاسبوع الياي
شتوقع له سعر البيع ؟
وشكرا لك يالغالي
وشنو سهم حلو مضاربه يوميه ومضمون

لا أستاذ ولا شي الله يطولي عمرك , وما كو شي مضمون وأنا خوك .

 

[3lgm]

السلام عليكم

فيما يخص صندوق زاجل نعم يملك في زين وهي على رأس قائمة اكثر الشركات التي يملك فيها الصندوق مع شركات المستقبل / لوجستيك / كيوتل القطرية / وعمان تل وهي كلها شركات قوية بالاضافة الى عدة شركات خليجية / عربية في قطاع الاتصالات والخدمات والصندوق حقق 34% ارتفاع لسنة 2010 وهذ الصفحة الخاصة بمعلومات الصندوق:

http://www.nic.com.kw/funds/alternative%20funds/zajil_fund.aspx

اما فيما يتعلق بتوقعات اداء الصندوق فهذه في علم الغيب لكن شخصيا اشوف وضعه جيد لجودة اصوله التشغيلية ودخولنا في موسم التوزيعات السنوية الي ستدخل سيوله جيده للصندوق مع ملاحظة تأثير تطورات صفقة زين على تقييم وحدة الصندوق، ولكي اكون صادق معك فأنا املك فيه منذ التأسيس، والقرار الأول والاخير لك.

اما بخصوص صندوق موارد فهو متخصص في شركات الصناعة والبترول الكويتية والخليجية وبصراحة ما املك فيه لكن افكر خصوصا مع ارتفاع اسعار البترول وخطة التنمية وزيادة الانفاق الحكومي في دول الخليج الي ممكن يكون لها تأثير على القطاع والصندوق يملك في شركات ممتازة مثل صناعات قطر / كابلات / بوبيان بتروكيماويات / سابك وغيرها وهذي صفحة الصندوق لمزيد من الفائدة:

http://www.nic.com.kw/funds/alternative%20funds/mawarid_fund.aspx

والقرار الأول والأخير لك ولانتحمل مسئولية على ابداء الرأي ..

بالتوفيق!

رحم الله والديك على الرد الشافي والوافي , سؤال طويل العمر : إذا جاني سؤال عن صندوق أحيله عليك إذا تسمحلي , والفايدة لأخوانك والأجر لك , وما قصرت ويا مال العافية وعسى لا خلا ولا عدم .

 

[3lgm]

ماعليك امر شرايك بصكوك؟؟ استاذ علقم

لا أستاذ ولا شي يا خوي , والسهم بالدعم ممتاز .

 

[3lgm]

صبحك الله بالخير بومبارك اخوي شرايك بيللي سواه صانع سوق الافكو امس ؟؟ طلع المضاربين وردها فوق دعم 345... اشوفه يسخن لكسر حاجز 400 فلس و يلا شرايك اخوي...

صبحك الله بالنور والسرور , الـ400 بإذن الله مسألة وقت لكن خلنا الحين متابعين الـ380 مقاومته والدعم 330 .

 

[3lgm]

يعطيك العافية بومبارك. شرايك في بيان صعوده طيب يدل على تحسن في أداء الشركة ان شاء الله.

بيان فوق , وهالسهم مرتبط بأجلتي , فعينك على أجلتي تعرف بيان شنو ناوية عليه .

مساك الله بالخير يابو مبارك
ولاهنت نبي اخر تحليل عن تمدين أ و منا قابضه والمال

مساك الله بالنور والسرور يا الغالي

نموذج الراس والكتفين للمال إختي أم عبدالرحمن (فرتونا) أول من نبه عليه هني :

http://www.indexsignal.com/forum/showpost.php?p=3263452&postcount=2407


في خوش نقاش صار على المال بموضوع بوطلال إذا تحب تطلع عليه :

http://www.indexsignal.com/forum/showthread.php?t=274650

 

[3lgm]

شلونك بوبارك
ممكن جيزان + اسكان
بارك الله فيك

أنا بخير يا وجه الخير

 

[3lgm]

بنك الخليج والصفاة للاستثمار شنو الدعم والمقاومه والمؤشرات لكل سهم

بنك الخليج واضح التصريف بسبب الدايفرجنس السلبي على معظم مؤشراته , ومؤشر تدفق السيولة يشير حق خروج السيولة من السهم , والماكد جريب يتقاطع سلباً , الدعم 560 لكن لو أنا منك ما اخذه الا بالـ540 .

الصفاة 61 الدعم , 74 مقاومة , إن نزل لي الـ51 راح يسوي دبل بوتوم طيب هدفه 95 في حالة اختراق الـ74 تالي .

 

[3lgm]

بومبارك ...اليلي يسواله ديره ....انا قاعده احاول اسوي كوبي اند بيست من خلال سنجلت ماني قادره ...اني واي انا اتابع اليومي على طول و نادر ما انوم سهم و اشتغل على شارت المباشر برو ايلي يعطي دخول و خروج من السهم بالدقايق ....و انت ما شاءالله عليك كفيت ووفيت و شرح و لا منه مدرسه ....والله تبارك الرحمن ...اما بخصوص الصفقه ..اعتقد انها مطوله بسبب ال5% وظروف غيرها بس هناك فيلم فيه تصعيد قوي للسوق و تصريف من اجل الخفسه العوده ايلي بعدها يتم الاغلان عن موعد اخير للصفقه

وين يسواله ديرة ومدرسة الله يطولي عمرج خيتي , كله على البركة والله يستر على اللي ياخذون بكلامي , خية هني روابط سنجت مال تصوير الشارتات وحفظها على الدسك توب :

http://www.indexsignal.com/forum/showthread.php?t=184630

وهني شلون ترفعين صورة الشارت :

http://www.indexsignal.com/forum/showthread.php?t=255761

وضروري أشوف شارت منج علشان نتناقش فيه , وشفتي شلون نظرتج الفنية للراس والكتفين لشركة المال صارت رسمي وواقع .

 

[عاشق الجنة]

علقم اشرايك بالخطوط الوطنية

 

[3lgm]

علقم اشرايك بالخطوط الوطنية

دامه مو كاسر الـ72 فله جولة أخرى مع الـ80 , لكن إن كسر الـ72 فراح يروح للـ65 , فالمشترا 72 وكسرها نحشه وتنطره بالـ65 , والبيع 80 بحول الله .

 

[ولدعمي]

السلام عليكم ورحمة الله

أخوي علقم المباني ولاتهون شنو وضعها أخذتها يوم الخميس ب 770

وجزاك الله خير

 

[3lgm]

السلام عليكم ورحمة الله

أخوي علقم المباني ولاتهون شنو وضعها أخذتها يوم الخميس ب 770

وجزاك الله خير

يا خوك السهم عنده هدف دبل توب على الـ700 , لكن هذه تجي على مراحل , حالياً دعمه 750 ومقاومته 810 , حاول تتخلص منه بهالسعر إذا الله قسم وسهل .