((@ استشارات واستفسارات فنيّة @)) ...... 1

[قناص اسهم]

مساك الله بالخير أخونا العزيز علقم والله يعينك على طلباتنا اللي ما تخلص
ياريت أخي الفاضل لو تكرمت تعطيني رأيك ب أعيان عقارية صار له يومين طريقة تداوله غريبة يرتفع لغاية 81 فلس ويتداول كميات ويرد ينزل لل 78 واليوم نزل ل 77 هل هذا تجميع أو تصريف ووين الدعم للسهم والمقاومة ولك جزيل الشكر أخي الكر يم.

 

[3lgm]

تحياتي يابومبارك
الصراحة منحرج أطلب مع كثرة الطلبات منك لكن عندي اقتراح، كل من يربح اعتمادا على تحليلك يفترض فيه يودع نسبة من أرباحه في حسابك على أن تذكر رقم حسابك واذا خسر انت مالك شغل!!!
و آنه أولهم....
الحين أقدر أطلب منك اذا تكرمت تحليل الانماء... أعتقد جارته حلو (مسوي باترن) عاد لا تسألني شمسوي! ترى آنه أطقطق بالتكر جارت (صارلي حول السنتين) والحمدلله ألف الحمدلله سويت لي الحين
(26000) دينار!!!

لا إله إلا الله وما شاء الله لا قوة إلا بالله , الله يبارك لك بحلالك ويزيدك من فضله , والله يبشرك بالخير , أول مرة واحد يقول ربحان بهالمنتدى , الكل بس يتحلطم من الخسارة , ما أدري يجذبون خايفين من العين , ما أدري صج .
عموما كلامك صحيح وهذا من أفضل النماذج عندي , الله يسلمك أنا أحط حق هالسهم أمر أسبوعي بالمشترا على 75 مثل الفخة , أي صفقة تتم على هالرقم تطب عندي , ومن أشوفه بالمحفظة أحط أمر أسبوعي على الـ83 وأنساه , والسهم ممتاز , وموفق يا الغالي .
وطالبك إنك تسيّر على الصفحة وتسأل اللي تبي كل يوم ولا تقاطع يا الغالي .

 

[3lgm]

جزاك الله خير اخ علقم.. بس الحين سؤالي ليش الدعم 64 انا عندي حاسبه توضح ان 64 هو الدعم الثالت وليس الاول..هل المفروض الشراء دائما يكون عند الدعم الثالث ؟؟؟ ارجو التوضيح اكثر ولاعليك امر.

الحاسبة سلمك الله تعتمد معادلة حسابية عرضة للصح والخطأ , مشروحة هني :

http://www.indexsignal.com/forum/showthread.php?s=&threadid=9658&highlight=%C8%D1%ED%E3%CC


بالنسبة لي المتوسطات على حق دائماً , والمتوسطات تقول 64 دعم , و76 مقاومة , وثبت السهم وتابع معاي الأسبوع الجاي , ونشوف وين ارتداد السهم وتالي وين يجيور عايدي , ونحكم إذا الحاسبة أو المتوسطات على حق .

 

[3lgm]

lمساك الله بالخير ابو مبارك

جيزان و اسكان عليهم جديد؟؟

بارك الله فيك يا الطيب

مساك الله بالنور والسرور يا الغالي , والأمور طيبة وما علام السهمين شي .

 

[3lgm]

مساك الله بالخير أخونا العزيز علقم والله يعينك على طلباتنا اللي ما تخلص
ياريت أخي الفاضل لو تكرمت تعطيني رأيك ب أعيان عقارية صار له يومين طريقة تداوله غريبة يرتفع لغاية 81 فلس ويتداول كميات ويرد ينزل لل 78 واليوم نزل ل 77 هل هذا تجميع أو تصريف ووين الدعم للسهم والمقاومة ولك جزيل الشكر أخي الكر يم.

يا مساء العود والعنبر يا الغالي قناص , سهمك طيب ثم طيب ثم طيب , وخظ البطون لابد منه , لكن لا تحاتي السهم أبد .

 

[بوركتم]

الحاسبة سلمك الله تعتمد معادلة حسابية عرضة للصح والخطأ , مشروحة هني :

http://www.indexsignal.com/forum/showthread.php?s=&threadid=9658&highlight=%c8%d1%ed%e3%cc


بالنسبة لي المتوسطات على حق دائماً , والمتوسطات تقول 64 دعم , و76 مقاومة , وثبت السهم وتابع معاي الأسبوع الجاي , ونشوف وين ارتداد السهم وتالي وين يجيور عايدي , ونحكم إذا الحاسبة أو المتوسطات على حق .

جزاك الله خير على التوضيح اخ علقم وبارك الله فيك .
بس هم عندي سؤال ثالث واخير يعني تعتقد السهم رايح للدعم 64 ؟؟
وبعدين يجيور ؟؟وعساك على القوه ويصبرك علينا

 

[قناص اسهم]

الله يبشرك بالخير يالغالي
وربي يجزاك خير في الدنيا والآخرة
والله يعجز اللسان عن شكرك يا بومبارك
والله إنت زينة هالمنتدى مع احترامي وتقديري لكل الأعضاء والمشرفين.

 

[3lgm]

جزاك الله خير على التوضيح اخ علقم وبارك الله فيك .
بس هم عندي سؤال ثالث واخير يعني تعتقد السهم رايح للدعم 64 ؟؟
وبعدين يجيور ؟؟وعساك على القوه ويصبرك علينا

تامرني أمر يا الغالي , وفي اعتقادي السهم متشبع بالشرا ولازم ينزل علشان تفش مؤشراته , يعني السهم بيكمل مسيرته التصاعدية , لكنه محتاج النزول ومن تتظبط مؤشراته ويروح الدايفرجنس السلبي عن الآرأس بيكمل صعود بحول الله , والسهم ما جدامه غير الـ81 علشان يصعد فوق الـ100 بإذن الله .

 

[الموجه]

اللـــه يعطيك العافيه والصحـــه .. يا ابومبارك ..

بميزان حسناتك ان شاء الله .. لخدمة اخوانك اعضاء المنتدى .. تحيه عطره وخاصه جداااا .. مجهود واضح ومميز بالعطاء .
تحيانى لك وللجمــــيع ..​

 

[خفاق]

يعطيك العافيه بو مبارك ويجزاك الله الف خير ممكن تحليل عربيه عقاريه متى البيع لاهنت سهم طاح بجبدى اخاتف يخسرنى زياده
مشتريه 68 والحين 43

 

[3lgm]

يعطيك العافيه بو مبارك ويجزاك الله الف خير ممكن تحليل عربيه عقاريه متى البيع لاهنت سهم طاح بجبدى اخاتف يخسرنى زياده
مشتريه 68 والحين 43

الله يعافيك ويبارك فيك , اصبر شوي وأنا خوك , السهم توه بيبلش يتحرك .

 

[3lgm]

اللـــه يعطيك العافيه والصحـــه .. يا ابومبارك ..

بميزان حسناتك ان شاء الله .. لخدمة اخوانك اعضاء المنتدى .. تحيه عطره وخاصه جداااا .. مجهود واضح ومميز بالعطاء .
تحيانى لك وللجمــــيع ..​

الله يرحم والديك ويجزيك كل خير يا الغالي

 

[mohamed q]

اخوي بسألك بخصوص الصناديق شركو الأستثمارات الوطنية انا مشترك معهم بصندوقين وللأسف هذي السنة ال3وماوزعوا اى شئ السعر بالسبة للصندوق الأول زاجل ارتفع فهل راح يكون على نفس وضعه يزيد بسبب صفقة زين وانطر قبل ما اسحب فلوسى منه والثاني خسران فيه الموارد قاعد يرتفع لكن بشكل طفيف جدا فهل هناك امل ان يزيد او اسحبه وارضى بخسارتي للمال والوقت ايضا مشكور وبارك الله فيك

 

[3lgm]

اخوي بسألك بخصوص الصناديق شركو الأستثمارات الوطنية انا مشترك معهم بصندوقين وللأسف هذي السنة ال3وماوزعوا اى شئ السعر بالسبة للصندوق الأول زاجل ارتفع فهل راح يكون على نفس وضعه يزيد بسبب صفقة زين وانطر قبل ما اسحب فلوسى منه والثاني خسران فيه الموارد قاعد يرتفع لكن بشكل طفيف جدا فهل هناك امل ان يزيد او اسحبه وارضى بخسارتي للمال والوقت ايضا مشكور وبارك الله فيك

يا خوك دورت بالنت عن الزاجل ما لقيت شنو الأسهم المستثمرة فيه ولا نسبها , لكنه يختص بقطاع الاتصالات , وأتصور إنه يضم أسهم زين وراح تدخل من ضمن البيعة في حال اتمام الصفقة بإذن الله , أما صندوق موارد فما لقيت عنه شي , ودامه بصعود حرام تبيع بخسارة , وياريت تسأل إدارة الصناديق بالشركة وتدخل على مدراء الصناديق وراح يرحبون فيك ويجاوبون على كل أسئلتك , والسموحة يا الغالي .

 

[BIG.PUN]

السلام عليكم بو مبارك ماعليك شوفلي بيان للاستثمار مابانة علومها تراني شاريها بال 70 وصرت مستثمر غصب عني وقاعد افكر ابدلها بالصفاة شرايك وانا اخوك

السلام عليكم بو مبارك ماعليك امر لاتنساني

 

[llhamadll]

بومبااااااااااارااااااااااك.... طافتك !!!
آنه حاطلك ال 26000 دينار باللون الأحمررررررررر.... يعني خسارة مو ربح
ههه... لي الحين تبيني أزور الصفحة كل يوم و ما أقاطع؟!!!
على العموما (على قولة بو عليوي) مشكوووور وايد على الرد والتحليل
ولاتنسى تصحح المعلومة اللي انت قلتها: أول واحد يقول ربحت...

 

[N-67]

استاذي
ما عليك امر الدولي الاسبوع الياي
شتوقع له سعر البيع ؟
وشكرا لك يالغالي
وشنو سهم حلو مضاربه يوميه ومضمون

 

[Fundamentalist]

اخوي بسألك بخصوص الصناديق شركو الأستثمارات الوطنية انا مشترك معهم بصندوقين وللأسف هذي السنة ال3وماوزعوا اى شئ السعر بالسبة للصندوق الأول زاجل ارتفع فهل راح يكون على نفس وضعه يزيد بسبب صفقة زين وانطر قبل ما اسحب فلوسى منه والثاني خسران فيه الموارد قاعد يرتفع لكن بشكل طفيف جدا فهل هناك امل ان يزيد او اسحبه وارضى بخسارتي للمال والوقت ايضا مشكور وبارك الله فيك

يا خوك دورت بالنت عن الزاجل ما لقيت شنو الأسهم المستثمرة فيه ولا نسبها , لكنه يختص بقطاع الاتصالات , وأتصور إنه يضم أسهم زين وراح تدخل من ضمن البيعة في حال اتمام الصفقة بإذن الله , أما صندوق موارد فما لقيت عنه شي , ودامه بصعود حرام تبيع بخسارة , وياريت تسأل إدارة الصناديق بالشركة وتدخل على مدراء الصناديق وراح يرحبون فيك ويجاوبون على كل أسئلتك , والسموحة يا الغالي .

السلام عليكم

فيما يخص صندوق زاجل نعم يملك في زين وهي على رأس قائمة اكثر الشركات التي يملك فيها الصندوق مع شركات المستقبل / لوجستيك / كيوتل القطرية / وعمان تل وهي كلها شركات قوية بالاضافة الى عدة شركات خليجية / عربية في قطاع الاتصالات والخدمات والصندوق حقق 34% ارتفاع لسنة 2010 وهذ الصفحة الخاصة بمعلومات الصندوق:

http://www.nic.com.kw/Funds/Alternative%20FUnds/Zajil_Fund.aspx

اما فيما يتعلق بتوقعات اداء الصندوق فهذه في علم الغيب لكن شخصيا اشوف وضعه جيد لجودة اصوله التشغيلية ودخولنا في موسم التوزيعات السنوية الي ستدخل سيوله جيده للصندوق مع ملاحظة تأثير تطورات صفقة زين على تقييم وحدة الصندوق، ولكي اكون صادق معك فأنا املك فيه منذ التأسيس، والقرار الأول والاخير لك.

اما بخصوص صندوق موارد فهو متخصص في شركات الصناعة والبترول الكويتية والخليجية وبصراحة ما املك فيه لكن افكر خصوصا مع ارتفاع اسعار البترول وخطة التنمية وزيادة الانفاق الحكومي في دول الخليج الي ممكن يكون لها تأثير على القطاع والصندوق يملك في شركات ممتازة مثل صناعات قطر / كابلات / بوبيان بتروكيماويات / سابك وغيرها وهذي صفحة الصندوق لمزيد من الفائدة:

http://www.nic.com.kw/Funds/Alternative%20FUnds/Mawarid_Fund.aspx

والقرار الأول والأخير لك ولانتحمل مسئولية على ابداء الرأي ..

بالتوفيق!

 

[واحد خسران]

ماعليك امر شرايك بصكوك؟؟ استاذ علقم

 

[MAB]

صبحك الله بالخير بومبارك اخوي شرايك بيللي سواه صانع سوق الافكو امس ؟؟ طلع المضاربين وردها فوق دعم 345... اشوفه يسخن لكسر حاجز 400 فلس و يلا شرايك اخوي...