بيت التمويل الخليجي (تمويل خليج ) .......... 4

[الكتكوت المتوحش]

انا بعرف شغله وحده
وارجو التوضيح من الاخوه
الحين صاحبنا يبى يزيد راس المال
سعر السهم بالسوق اقل من القيمه الدفتريه بحوالى النص
الحين لما يطلب زيادة راس المال ، بكم راح يكون سعر الاكتتاب

اذا على القيمه الدفتريه ، اشترى من السوق احسنللى
وبعدين فى شغله ثانيه ، بعد ما يزيد راس المال واذا تم السعر مثل ما هو ، بالله كم راح يوصل سعر السهم 17 فلس مثلا

ما اقول الا حسبى الله ونعم الوكيل على اللى باق فلوسنا

 

[بوعزيز77]

سلام عليكم الله يعينكم على السهم الايث الله يعينكم على مجلس الادارة الايث ..... يطلعون اخبار جذب على بنه عندنه مشاريع ويصرفون عن اناس أسهم ...... وكل مايطلعون خبر ينزل أسهم وهذا أكبر دليل على كلامي ....... أول مره أشوف أعضاء مجلس اداره مايكتتبون .... والله يعينكم .... وسلام ختاام .....!!!

وعليكم السلام ورحمة الله وبركاته
الله يعيننا علا هالسهم آمين والله يفرجها علينا
ثانياًالسهم نزوله من 380 فلس لي 36 فلس ياخوي بالنسبه للمستثمرين اتوقع هذي الاسعار اسعار ترقب اقصد من كلامي هذا لوينزل فرصه حلوه للشراء ولو صعد خير وبركة
واعضاء مجلس الادارة يوم ما طروحوا الاكتتاب الاول وما اكتتبوا كيفهم ومن حكم في ماله ماظلم
الاكتتاب هذا كنت مخير فيه تدخل بالاكتتاب او لأ ولاتفكر انهم اغبياء اللي اكتتبوا طال عمرك .. ماتدري جم راح يكون سعر السهم بعد 5 اشهر من الحين توقع كل شي هذا سوق ويمكن اعضاء مجلس الادارة شغاليين قاعدين يشروون بهالاسعار سعر السهم رخيص وماتوقع احد بيقول غير هالكلام*

 

[Legal]

اتمنى من كل اعماق قلبي بان السوق باجمله يتعدل ويتعدل معاه التمويل الخليجي وهم المستثمرون وجميع الشركات .

اللهم آمين يارب

 

[بوعزيز77]

انا متفائل بعد العيد بالسوق وتمويل خليج علا راس الشركات الاكثر ارتفاعاً

 

[المسهماني]

عريان طاح على متويزر

هذا حال المساهمين مع هالاداره

تبون الدعم وترفع لكم السهم والحبايب يبون يبيعون عليكم محتاجيين سيوله

السوق ارتفع اكثر من 300 نقطه المؤشرات جيده البنوك ارتفعت وبعض المجاميع معاها ومجاميع جاهزه للانطلاقه والكل يبي يعوض الخساره الا
هالسهم مافيه حيله

الاوليين يقولون ماعاشت باللحايس والمعنى بطن الشاعر

 

[humoud]

عجبني كلام بوعزيز, يعطيك العافية

في جريدة الوطن أليوم, تحت عنوان
«الجمان»: 148 مليون دينار قيمة الملكيات المعلنة لقطاع غير الكويتي
مقابل 3.7 ملايين لـ«الأغذية» و1.5 مليون لـ«الموازي»

يمتلك «تمويل خليج» %9 من رأسمال «المغاربية» بما يعادل 1.1 مليون دينار، وذلك وفقاً للوضع والأسعار كما في 5/8/2010

أنا بالنسبة لي, أتوقع التغيير الجذي للسهم يبيلة على الأقل سنة إلى 3 سنوات, وإذا صار أبجر خير وبركة.
شريت بيت التمويل ب1100 ونزل ونطرت عليه وألحين 1160, بس شريت كمية تكاد لا تذكر.

ممكن أقول, لو شاريه بيت التمويل بدال تمويل الخليج, بس ما أصير مؤمن بالقضاء والقدر.

بس الحمد الله, كل شي يجي من الله سبحانه خير, يمكن ما يكون ظاهر لنا بس كله خير.

 

[ريح المسك]

عجبني كلام بوعزيز, يعطيك العافية

في جريدة الوطن أليوم, تحت عنوان
«الجمان»: 148 مليون دينار قيمة الملكيات المعلنة لقطاع غير الكويتي
مقابل 3.7 ملايين لـ«الأغذية» و1.5 مليون لـ«الموازي»

يمتلك «تمويل خليج» %9 من رأسمال «المغاربية» بما يعادل 1.1 مليون دينار، وذلك وفقاً للوضع والأسعار كما في 5/8/2010

أنا بالنسبة لي, أتوقع التغيير الجذي للسهم يبيلة على الأقل سنة إلى 3 سنوات, وإذا صار أبجر خير وبركة.
شريت بيت التمويل ب1100 ونزل ونطرت عليه وألحين 1160, بس شريت كمية تكاد لا تذكر.

ممكن أقول, لو شاريه بيت التمويل بدال تمويل الخليج, بس ما أصير مؤمن بالقضاء والقدر.

بس الحمد الله, كل شي يجي من الله سبحانه خير, يمكن ما يكون ظاهر لنا بس كله خير.

الحمدالله على كل حال .... وأبشر بالخير ولالنا الا الصبر وان شاءالله السهم يتحسن .

 

[mon406]

الحمد الله

 

[عمر علاونه]

انا متفائل بعد العيد بالسوق وتمويل خليج علا راس الشركات الاكثر ارتفاعاً

الله يسمع منك ان شاء الله وباذن الله الانطلافه اقتربت لانه لابد ان يحصل شيء ما على سعر السهم ليتم الاكتتاب والله تعالى اعلم

 

[انت عمري]

الله يسمع منك ان شاء الله وباذن الله الانطلافه اقتربت لانه لابد ان يحصل شيء ما على سعر السهم ليتم الاكتتاب والله تعالى اعلم

انا اقول خاف الله احنا بعشر الاواخر من شهر الفضيل يعني الدعوه مستجابه لا طبل لسهم وتقول الانطلاقه قربت خاف الله::verymad::

 

[بوعزيز77]

عريان طاح على متويزر

هذا حال المساهمين مع هالاداره

تبون الدعم وترفع لكم السهم والحبايب يبون يبيعون عليكم محتاجيين سيوله

السوق ارتفع اكثر من 300 نقطه المؤشرات جيده البنوك ارتفعت وبعض المجاميع معاها ومجاميع جاهزه للانطلاقه والكل يبي يعوض الخساره الا
هالسهم مافيه حيله

الاوليين يقولون ماعاشت باللحايس والمعنى بطن الشاعر

هلا بالحبيب اخوي المسهماني
ياخي والله العظيم اني احترم رايك وتعجبني تعليقاتك المفيده وودي اقول جم شغله
طويل العمر مثل ما انت شايف هالسوق مافيه قوه مثل قبل اقصد بالقوه هي سيوله تدخل للسوق لغرض استثماري وثقه بان الاقتصاد حقيقي صلب ..
اللي حصل ازمه ثقه والمستثمرين اسهمهم صارت ورق ونزلت اسعار الاسهم حتي صار عندنا بالسوق ركود يخوف والسبب ان السيوله ما تداور بالسوق يامستثمر مايقدر يبيع او راعي كاش وفلوسه بالبنك وما يبي يدخل الفلوس لان مايشوف بالسوق بالمنطقه اسواق الخليج استقرار اقتصادي ..
اللي حاصل طال عمرك اسهم البورصه القياديه مثل زين والبنوك والصناعات والكويتيه للاستثمار وغيرها من الاسهم مدعومه من صندوق الحكومه التابع للكويتيه للاستثمار وهذا لخلق حركه للسوق وعشان البنوك تربح لازم يضخون هالفلوس لتنشيط السوق وزياده السيوله بالبورصه والحين ممكن يصير عليهم جني ارباح توقع ان هالسيوله الذكيه دخلت قبل شهر والحين الاسهم هذي عامله 30٪
اما بالنسبه لبقيه السوق وهي السوق الحقيقي والاسهم الشعبيه اذكر منها الدار جلوبل تمويل خليج اعيان عارف ابيار ... الخ هذي كلها تنتظر نشاط عقاري والبذات في دبي كلهم ناطرين يتحرك السوق في دبي
السوق ينتظر السيوله المقدره ب 27 مليار دينار ودائع في البنوك وهذي بايدي التجار اللي راح يحركون السوق في الوقت المناسب
وسهمنا الحين ماراح يصعد فوق الا بدخول مستثمر جديد يدخل علا تمويل خليج او غيره وماراح يدخل هالمستثمر الا لما يتطمن ان اذا حط فلوسه ان السوق بادي ينتعش وراح تدخل هالشركات بالنمو وتبدي تدخل بالارباح

 

[b22]

الصبر مفتاح الفرج والتباشير ----- وهــــذا مثل معروف ماهو بخافيكم

 

[Legal]

باجر في بورصه ولا معطلين حق التسوق للعيال .

 

[mon406]

معطلين

 

[ابومسامح]

باجر في بورصه ولا معطلين حق التسوق للعيال .

يعلن سوق الكويت للاوراق المالية بأن عطلة عيد الفطر السعيد
ستكون اعتباراً من يوم الخميس الموافق 9-9-2010 وحتى يوم
الاحد الموافق 12-9-2010 على أن يستأنف الدوام كالمعتاد اعتباراً
من يوم الاثنين الموافق 13-9-2010 ، إذا صادف أول ايام العيد يوم ‏
الخميس الموافق 9-9-2010 .‏
أما في حال إذا صادف أول ايام العيد يوم الجمعة ‏الموافق 10-9-2010‏
فان عطلة عيد الفطر المبارك ستكون اعتباراً من يوم الخميس الموافق9-9-2010‏
وحتى يوم الاثنين الموافق 13-9-2010 على ان يستأنف الدوام كالمعتاد
اعتباراً من يوم الثلاثاء الموافق 14-9-2010 ‏
ِ وكل عام وانتم بخيــــــــــــــــر

 

[AL.MOUSAWI]

اسئلة لابد من الانتباه لها:

اولا : هل سيتم ايقاف السهم فجأة عن التداول حتى اكتمال زيادة راس المال

( سهم استراتيجيا مثال على ذلك ) ؟

ثانيا : هل سيتم حصر سعر السهم بين (32-37 ) فلس حتى بداية فترة

الاكتتاب وذلك لمحاصرة الذين دخلوا باسعار اعلى ؟

ثالثا: هل سيتم خفض راس المال بعد زيادته بنسبة تتعدى 60 % ، يعني

من يملك 100 ألف سهم تصبح 40 الف ؟؟

رابعا : عطفا على السؤال السابق اذا تم تخفيض راس المال وتفسخ السهم

على سعر جديد فهل ستتم المحافظة عليه ؟؟ ام ان السهم يصبح فريسة

سهلة ولقمة سائغة للمحافظ والمضاربين المحترفين للضغط عليه وتجميعه

بأقل الاسعار مرة اخرى؟؟ سهم المدينة خير مثال على ذلك .

اسئلة تبحث عن اجوبة وهذا ما سنعرفه في قادم الايام .

 

[بوعزيز77]

هلا الموسوي عيدك مبارك يالمبروك من زمان ما شفناك بالصفحه اشتقنالك والله ..
لاتباعد يالحبيب .. شرايك بالسهم بعد العيد شتشوف

 

[مضارب شجاع]

اسئلة لابد من الانتباه لها:

اولا : هل سيتم ايقاف السهم فجأة عن التداول حتى اكتمال زيادة راس المال

( سهم استراتيجيا مثال على ذلك ) ؟

ثانيا : هل سيتم حصر سعر السهم بين (32-37 ) فلس حتى بداية فترة

الاكتتاب وذلك لمحاصرة الذين دخلوا باسعار اعلى ؟

ثالثا: هل سيتم خفض راس المال بعد زيادته بنسبة تتعدى 60 % ، يعني

من يملك 100 ألف سهم تصبح 40 الف ؟؟

رابعا : عطفا على السؤال السابق اذا تم تخفيض راس المال وتفسخ السهم

على سعر جديد فهل ستتم المحافظة عليه ؟؟ ام ان السهم يصبح فريسة

سهلة ولقمة سائغة للمحافظ والمضاربين المحترفين للضغط عليه وتجميعه

بأقل الاسعار مرة اخرى؟؟ سهم المدينة خير مثال على ذلك .

اسئلة تبحث عن اجوبة وهذا ما سنعرفه في قادم الايام .

اخوى المسواى الشركة اعتقد انها لها نيو فى تخفيض راس المال الان هذه الشركة دائما ضد المستثمرين وتريد ان تدمرهم وتخسرهم
وصدقنى ما ينفع معهم الا ان نرفع عليهم قضايا دوليه ونطاردهم فى كل دوله عن طريق الانتربول ويمكن ونقدر عليهم ... ويمكن ما تقدر
الانهم محترفين فى النصب والاحتيال ويمكن والله أعلم ان هذا التدوير الذى يحصل على السهم هو غسيل اموال وهناك عصابة مافيا دوليه تعمل لحسابهم
والله أعلم

 

[عمر علاونه]

انا اقول خاف الله احنا بعشر الاواخر من شهر الفضيل يعني الدعوه مستجابه لا طبل لسهم وتقول الانطلاقه قربت خاف الله::verymad::

يا اخوانت عمري يا اخوي انا لا اعلم بالغيب انا قلت باذن الله الانطلاقه قربت مجرد امنيات ليس تطبيل ... اللي يسمعك يقول اني لا اخاف الله لا سمح الله ... مخافة الله قبل كل شي واحنا لا بد نوقف جنب بعض وما ننزل ببعض ذم الله يهديك .. وعيدك مبارك اخوي

 

[AL.MOUSAWI]

هلا الموسوي عيدك مبارك يالمبروك من زمان ما شفناك بالصفحه اشتقنالك والله ..
لاتباعد يالحبيب .. شرايك بالسهم بعد العيد شتشوف

أيامك سعيدة اخي العزيز

وكل عام وانت بخير

ان شاء الله تتعدل الامور بعد العيد

ولكل حادث حديث

اخوى المسواى الشركة اعتقد انها لها نيو فى تخفيض راس المال الان هذه الشركة دائما ضد المستثمرين وتريد ان تدمرهم وتخسرهم
وصدقنى ما ينفع معهم الا ان نرفع عليهم قضايا دوليه ونطاردهم فى كل دوله عن طريق الانتربول ويمكن ونقدر عليهم ... ويمكن ما تقدر
الانهم محترفين فى النصب والاحتيال ويمكن والله أعلم ان هذا التدوير الذى يحصل على السهم هو غسيل اموال وهناك عصابة مافيا دوليه تعمل لحسابهم
والله أعلم

هههههههههههههههههه

عيدك مبارك مضارب شجاع

صبرا جميلا والله المستعان

فات الكثير ولم يبقى الا القليل

والحق العيار لباب الدار

ننطر بعد العيد وربك كريم