بيت التمويل الخليجي (تمويل خليج ) .......... 3

[علي بن حمد]

اعلان هام جدا من الشركه الان بزياده راس المال 300 مليون دولار

http://www.bahrainstock.com/bahrainstock/index_ar.asp

 

[علي بن حمد]

الاعلان يقول الاكتتاب بالقريب العاجل

 

[مضارب شجاع]

و الله طراره هذا البنك بك شحاتين مال
توهم مكتتبلين والسهم نزل شلون ولهم وجه يطلبون اكتتاب مره ثانيه !!!!!
الحين عرفت ان اكثر المساهمين فى بيت التمويل على نياتهم وضاحكين عليهم ولا حول ولا قوة لهم ومغلوب على امرهم
المفروض نعمل احتتاج ونطلب فى تغيير رئيس مجلس الاداره ومحاسبتهم على الكذب والتلاعب فى الشركة .

 

[mohieddin]

وبعد الأكتتاب تخفيض رأس المال
الله يكون بالعون

 

[adelsaqer]

ماراح نكتتب الا اذا صعدوا السهم الي 150 فلس وهذي صعبه عليهم

 

[مليون دينار]

صج حراميه قبل المره زادو راس المال ونزل السهم بسبب الخسائر الكبيرة

الى متى نشوف هذه الشركات تسرق اموالنا ونحن نتفرج

 

[mohieddin]

السؤال وين راحت فلوس الأكتتاب الماضى ؟؟؟!!!

 

[adelsaqer]

السؤال وين راحت فلوس الأكتتاب الماضى ؟؟؟!!!

سددوا فيها احد الديون

 

[mohieddin]

سددوا فيها احد الديون

وفلوس هذا الأكتتاب وين رايجه
أكيد تسديد ديون
وتخفيض راس المال جاى بالطريق

 

[مضارب شجاع]

ما فينا خير اذا سكتنا عنهم وهم ينهبون اموال المساهمين
والله ما فينا خير ولا فينا ذرة احساس وكان اموالنا لاقينا فى الشارع
وين الرجال اهل القانون واسحاب الرأى السديد وين من يستطيع ان يوقف هذه العصابه عند حدها ويقول لهم وقفوا انتهى وقت اللعب والنصب على المساهمين .....

 

[adelsaqer]

وفلوس هذا الأكتتاب وين رايجه
أكيد تسديد ديون
وتخفيض راس المال جاى بالطريق

هذا اللي يقدرون عليه الديون كبيرة وشوي شوي قاعدين يتخارجون من بعض الاصول واعتقد مبلغ 300 مليون راح يحل جزء كبير من المشكلة لكن منو اللي راح يكتتب والسهم سعره 40 فلس ؟ اذا اهما جادين بالاكتتاب مالهم حل الا تصعيد السهم والا راح يفشل الاكتتاب

 

[مضارب شجاع]

هذا اللي يقدرون عليه الديون كبيرة وشوي شوي قاعدين يتخارجون من بعض الاصول واعتقد مبلغ 300 مليون راح يحل جزء كبير من المشكلة لكن منو اللي راح يكتتب والسهم سعره 40 فلس ؟ اذا اهما جادين بالاكتتاب مالهم حل الا تصعيد السهم والا راح يفشل الاكتتاب

مالهم حل الا اذا صار الاكتتاب ب 20 فلس يمكن ينجح الاكتتاب
واذا الاكتتاب 100 فلس مجنون اللى راح يكتتب معاهم
الان صانع السوق راح يجيب أجل الاكتتاب وراح يخفس فى السهم مره ثانيه

 

[bonoor]

هذا اللي يقدرون عليه الديون كبيرة وشوي شوي قاعدين يتخارجون من بعض الاصول واعتقد مبلغ 300 مليون راح يحل جزء كبير من المشكلة لكن منو اللي راح يكتتب والسهم سعره 40 فلس ؟ اذا اهما جادين بالاكتتاب مالهم حل الا تصعيد السهم والا راح يفشل الاكتتاب

صحيح كلامك يحل مشكلة البنك 300 مليون لاكن المساهمين اللى طالع عليهم السهم من فوق واكتتبو فى 100 فلس والحين بعد يبون اكتتاب منو يحل النصب اللى حال عليهم لاحول ولا قوة الا بالله

 

[dr.teeth]

وهاذي ايضا اكررها لك يا دكتور عشان تعرف اني اتكلم عن حقائق والبيع والشراء يعتمد على القناعات الشخصيه للمساهم ومدى تحمله لنسبه المخاطر والتي تعتبر عاليه بهذا السهم

الحقائق ان السهم من اكثر من سنة و هو في خسائر و اكتتبنا بالسهم على ال 100 فلس و شوووف وين فيه صار حالنا .على فكرة هذه مجرد ارقام لا تأثر .
انا اقولك انته ولا انا مو احسن من الموسسين الي عافوو السهم و هم على دراية بباطن الامور و خفاياها و بالنسبة لقناعات الناس دام في منك وايد اهنيه لاحظتهم الله يعين الي بالصفحة ...
اي اي ابي بعد اكثر تطبل للسهم ... خافوو الله السهم خسايرة غير متوقعه جدا و معظمنا كنه متوقعين ارباح .و الي يقولي طبيعي والي يقولي عادي اقوووله ارتاح ,سهم كله بالنازل و وراه حرامي و عصابة و المصيبة انهم ساكتيلة لا رقابة ولا شفافية موجودة بالسهم .

 

[مستثمر مغامر]

سؤال ..............

الإكتتاب بـ 300 مليون دولار أمريكي ..... 300 مليون دولار (لو الإكتتاب على 100 فلس) راح تكون أكثر من مليار سهم ..... حد من الأخوة عنده معلومة بعدد الأسهم المتداولة حاليا حتى نحسب كم نسبة الزيادة

 

[بوعزيز77]

دكتور قول لا اله الا الله اذكر الله ياخي
لاتكون عصبي يا دكتور هدي اعصابك مطبلين ومادري شنو ومآمره .. اخوي اولاً بتقول حرامية انا بقولك شنو الدليل اللي يدينهم اذا عندك دليل انا اروح وياك النيابه لان مافي احد يشوف حلاله ينباق وهو ساكت
ثاني شي ياخي تقبل الراي الاخر مافيها شي وليش ماحد عاجبك
ثالثاً السهم صحيح اعلن خساير متتالية ولكن انتا تدري شنو المستقبل
اتمنى انها تكون آخر نتايج خسرانه يعلن عنها البنك ويكون المستقبل افضل *

 

[الحكمه]

اخواني الاعزاء قبل لا يمدح اي واحد السهم نبي انعرف بيت التمويل الخليجي كم مطلوب بالضبط ؟ وهل الديون الي عليه حلت كلها مره وحده؟وشنو الي كان قاعد يسويه من 1999 بس مرفأ البحرين ؟ ووين الايرادات الثانيه والاستثمارات الي كان يعطي منها منح ونقدي شكله كان يقترض ويوزع ويقول ارباح والله الواحد مستغرب؟؟؟؟وشكرا

 

[بوعزيز77]

سؤال ..............

الإكتتاب بـ 300 مليون دولار أمريكي ..... 300 مليون دولار (لو الإكتتاب على 100 فلس) راح تكون أكثر من مليار سهم ..... حد من الأخوة عنده معلومة بعدد الأسهم المتداولة حاليا حتى نحسب كم نسبة الزيادة

عدد الاسهم المصدره حالياً مع اسهم الخزينه 1900مليون سهم تقريباً اهي اقل شويه1890
لما تزيد عليهم 300 مليون سهم تكون نسبة الزيادة 17 ٪ او 18 ٪

 

[بوعزيز77]

غداً يرجع السهم للتداول والله كريم

 

[المسهماني]

الكتاب اعلن توصيه من مجلس الاداره بزياده راس المال ولم يذكر اكتتاب وانا اعتقد ان الزياده راح تكون صكوك او الغاء التوصيه لان الكل يعرف ان الاكتتاب فاشل في الوضع الراهن الا اذا كان فيه اتفاق مسبق مع جه معينه بالدخول