هام جدا لملاك اسهم غلف انفست

[ناصر نواف]

ان شاء الله بدعم الجميع سوف يتم جمع النسبه وننجح
ولكن لايقولون اصحاب الاسهم القليله ان عدد اسهمنا لن تؤثر وما يحضرون
فالنار من مستصغر الشرر
40000سهم من هنا 40000سهم من هناك يصبح المجموع بالملايين وشكرا للجميع

 

[سلوفاك]

تخطيط سليم = ضربة موجعة

بالفعل نحتاج نوصل لهدف 30%
وحسب ما وعينا في آخر اجتماع من وزارة التجارة ان الاجتماع فقط لسماع التقرير( المخالفات) واعتماد الموافقة عليه وكان المفروض ان احنا ما نوافق عليه واتقدمنا بإقتراحين .بس كان في وقفة ان المساهمين اللي ما احضروا بسبب ان الجمعية لم تكن معقودة بالاصل لتخفيض راس المال
وسوف تحدد جلسة لجمعية عمومية عادية وغير عادية بالبنود اللي اضفناها
الشي اللي راح يخللي المساهمين المتضررين يحضرون
والشباب فيهم الخير راح يتحركون لجمع تواكيل وراح يصير نشاط مكثف لوصول الغاية
والغلف ليه الحين ما اعلنت عن ارباحها لل 6 اشهر 2010 ووقتها راح يتطرقون عن بعض اللي حققوه بتحركاتهم مع البنوك وبانتظار الردود كلها لانعقاد الجمعية الغير عادية لتحديد المصير

 

[مليونير بعد سنه]

النسب الموجوده عنده للحين

الاهلية 7%

حميد الشيبه 7%

السيد اولاد بهبهاني 6%


مجموعه النسب اذا اتحدو طبعاا بلعبه من ادارة الشركة =20%

ونحن صغار المساهمين لحد الان نملك13%




يعني لعبة الاهلية بتوزيع اسهم الشركة على محافظ عشان ماتبين ردة عكسية

الحين شلون تردين النسبه ياالاهلية الي 30%


نتابع ونشوف محد كبار المساهمين 20% وصغار المساهمين لحد الان 13%

المجموع 33%

67% وين راحت الحين كلها عند المساهمين انا اشك في ذلك


خبزن خبزتيه يارفلا اكليه ( الاهليه)

 

[سلوفاك]

الله قطهم بشر أعمالهم

لو كانوا عارفين الوضع اللي بصير كان احتفظوا بنسبتهم
بس الله ما يطق بعصا ويعلم ما لا يعلمون
والحين اهم صاروا تحت رحمة صغار المساهمين بعد ما انكشفوا
وغصوا ببوقتهم بصغار المساهمين

 

[مليونير بعد سنه]

باذن الله نوصل النسبة فوق 20 %

عشان نتعادل معاهم ونحسب حساب اذا اتحدو الكبار مع بعض

ونقولهم كش ملك


يعني فوق 25% امر طيب وسهل على الرجال اذا تكاتفوو

 

[مليونير بعد سنه]

في التخفيظ الاول كان 62%

وكانت المباركة بتخفيظ من الاهلية 30% نسبتهاا

ومباركة من كبار المساهمين

وقتها كانت الجمعية العموميه حكر عليهم وصغار مايحظرون

الحين الوضع تغير صغار المساهمين هم يقررون وهم من يوافقون ويعترضون

 

[سلوفاك]

خلنا ننطر اعلانهم للنصف الثاني وانشوف البوقة الجديدة
الله يستر بس لا يقولون هالمرة الخسائر المتراكمة من 35 مليون
اشقحت 70 مليون (- 35 مليون اضافية)
ويحضرون الموظفين مع المشعان طاقين بوز علشان يكسرون خاطرنا
ويترجوننا علشان ندورلهم حل ابورطتهم
محنا صغار مساهمين اذا ما بيعناهم المبنى اللي اهم قاعدين فيه ، هذوله حدهم بسطة ويبيعون رطب
وادري اشراح يعللون خسارته الجديدة بارتفاع قيمة القمح نتيجة حرائق روسيا وفيضانات باكستان

 

[مليونير بعد سنه]

الحل بصيط من العضو المزدوج فيصل العوضي

مثل ماعرف يبيع النسبه في غلف ويعلم مالايعلمه المساهم بصفة نائب رئيس الشركة ورئيس الاهليه

يخفظ راس مال الاهليه 20 مليون ويدخل بزيادة راس المال



واذا الاعلان اتوقع يطلعونها ربحانه عشان يغرون البنوك تدخل بتحويل الديون اسهم)))))) حيل وفن العوضيه لويبون يسونهاا لاتستغرب


يمكن خسارة بصيطة لاتذكر حركات نص جم منهم

 

[سلوفاك]

ياريت عملاءنا قصدي مساهمينا المزدوجين بعد
يتغلغلون في جمعيتهم العمومية بعد اسبوعين ويقترحون التخفيظ وعدم ابراء ذمتهم
ايد وحدة ما اتصفق

 

[سلوفاك]

اليوم يومك يا مليونير
تفتحلنا صفحة جديدة
هام جدا لملاك الاهلية ونلملم الشرفاء من المساهمين
ما بقى الا اسبوعين على جمعيتهم المؤجلة

 

[مليونير بعد سنه]

الحرب لازم جبهه حاضرين يانواف تم التعديل تامر امر

والحرب على كذا جبهه يرهق الجيش

وخلنا على جبهه متمركزين فيهااا ونملك القوة من الله عز وجل

 

[aljoker]

الله يوفقكم يا مساهمين غلف انفست
جزاك الله خير اخونا مليونير بعد سنه الي ايقض كل المساهمين لمواجهة مجلس ادارة كل شركه عفنه

 

[مليونير بعد سنه]

الله يوفقكم يا مساهمين غلف انفست
جزاك الله خير اخونا مليونير بعد سنه الي ايقض كل المساهمين لمواجهة مجلس ادارة كل شركه عفنه

اشكر الله

المساهمين هم من يفعل كل شي


انا مجرد ذكرت فقط


اتمنى محد يسكت عن حقه زمان الجمعيات العموميه المحتكره انتهى

 

[BO-MUBARAK]

مليونير بعد سنه

هذا الرجل اهو اللي شجعني اني اروح والا فقدت الامل ... بس ياجماعة في كثير من المساهمين ما حضرو اعتقد لان كان صيام

 

[ناصر نواف]

الحرب لازم جبة

والحرب على كذا جبه يرهق الجيش

وخلنا على جبه متمركزين فيهااا ونملك القوة من الله عز وجل

قصدك جبهه

 

[مليونير بعد سنه]

مليونير بعد سنه

هذا الرجل اهو اللي شجعني اني اروح والا فقدت الامل ... بس ياجماعة في كثير من المساهمين ما حضرو اعتقد لان كان صيام

حتى لو ماشجعتك مستحيل تسكت عن حقك

لكن ماكنت تعرف الطريقة

وانا وجهتك الي الباب فقط لااكثر

 

[فهد123]

الى كل مساهم من مساهمين الغلف انفست الامال والانظار كلها متجة لكم انها لحظة المواجهه والحساب وكيف يصنع صغار المساهمين الكل ينتظر ويراقب هذه أموال أولادكم فلا تفرطوا بها لم تجدوها ولكن جمعتموا من صبركم وسهركم وتعبكم (لا وألف لا لتخفيض راس المال وخروج صغار المساهمين ولكن أولا المحاسبة ثم المحاسبة ثم المحاسبة وعدم ابراء ذمة مجالس الاداراة الحالية والسابقة وأستلامكم وتشكيل المجلس الجديد ونقول لكم الله يوفقكم لما فيه خير ومبروك مقدما واعلمو ان يد واحدة لا تصفق

 

[ناصر نواف]

ولاتقنطوا من رحمه الله
باذن الله سوف تنفرج الامور
بس لازم المساهمين يحضرون ولا يعتمدون علي الاخرين

 

[ناصر نواف]

يرجي من الاخوه ابلاغنا عند تحديد اجتماع الجمعيه للشركه بوقت كاف لنتمكن من التجمع

 

[مليونير بعد سنه]

انا ابشركم من الحين ياخوان احنا اقوى منهم بالله

الاهليه وحميد الشيبه واولاد بهبهاني لو يجتمعون ويتحدون نسبتهم20%

وصغار المساهمين في الجمعيه الاولى 13 %


يعني اضن اذا اتفقنا وصرينا وكنا اقوياء بالله وتوكلنا على الله

راح نتعدى نسبتهم فوق 20%