بنك الكويت الدولي ( الدولي)

[خالد7]

السلام عليكم

لدي سؤال ثم رجاء ..

السؤال .. لماذا الذي نراه على سهم الدولي ؟؟؟ شنو يعني الطلبات أضعاف المعروض ومع ذلك السعر ما يزيد ؟ هل هو جشع المحافظ وصناع السوق الذين يريدون سحب السهم لأسفل كي يجمعوه تحت استعدادا للصفقة اللي سمعنا عنها ؟؟؟

الرجاء :
أرجو من الإخوان ملاك الدولي أن ينتبهو للسالفة .. ولا حد يبيع الحين يا إخوان .. ولا حد يستجيب للمحافظ اللي تبي تنزل السهم .. والله السهم بعون الله رايح لـ 480 فلس عن قريب .. هذا بدون إشاعة الصفقة .. أما لو صدقت إشاعة الصفقة راح نشوف أسعار غير ...

أكرر رجائي لا أحد يستجيب لحركات المحافظ وصناع السوق .. ليش تفرط في رزقك لهم ؟ ليش تعطيهم رزقك ورزق عيالك ؟؟؟

وهادول المحافظ وصناع السوق اللي عايشين على خسارة الناس .. فحسبي الله عليهم .. الله لا يربحهم .. الله لا يوفقهم دنيا وآخرة .. الله ينتقم منهم بقوته وجبروته .. لأن طريقتهم والله خايسه مثلهم .. ما يبون إلا يمصون دم الصغار المساكين ..

الله ينتقم منهم ولا يربحهم إن شاء الله .. يا رب أنزل غضبك على هؤلاء الذين ينزلون السهم بلا مبرر غير جشعهم .. اللهم اخزلهم وربحنا وخسرهم ..

اللهم توفيقك لجميع الصغار .. اللهم ربح الجميع وأنا معهم

أطيب تحياتي

يعطيك العافيه ابوجاسم اشوفك متابع جيد للدولي ماشاء الله
ودي استشيرك انا اشتريت اليوم كميه كبيره ب315
تنصحني بالخروج ولا امسكه

 

[MOHANNAD_SA]

يعطيك العافيه ابوجاسم اشوفك متابع جيد للدولي ماشاء الله
ودي استشيرك انا اشتريت اليوم كميه كبيره ب315
تنصحني بالخروج ولا امسكه

السلام عليكم

حياك الله أخوي .. في البداية لازم تعرف شغله مهمة .. أنا أخوك عليمي على قد حالي .. حتى لا تتوهق معي .. ورحم الله إمرء عرف قدر نفسه .. لكن أنا عندي كمية حيل كبيرة من الدولي ومعي بعض الاخوان في رقبتي .. وحاط اسعار بيع من شهر مضى على 480 فلس .. و380 فلس

هذه اسعاري أنا بناء على ما قرأت وفهمت وتابعت ويجوز تكون خطأ 1000% لكن أنا هكذا صنعت وتوكلت على الله ..

أعتقد أخي الكريم راح يطلع فوق بإذنه تعالى وتربح ربح زين بإذن الله .. بس الله يكفينا جميعا شغل المحافظ وصناع السوق اللي ما يخافون الله ..

امسكه وانا خوك .. وبإذن رب العالمين يكون لك فيه رزقه حلوة .. ولا يخرعونك بتنزيل السعر .. والله أخوك قبل شهرين بغيت أموت قهر وقلق من النزول والخساير .. بس توكلت على الله وصبرت عليه .. وترى بإذن الله فيه خير


إذا نزل خلك معاه لا تتركه للمحافظ وصناع السوق .. تراهم مجرمين بيخرعون العالم وينزلون السهم الى السعر اللي يبونه .. لا تتخرع وخلك مع الله .. الأمور كلها بحول الله طيبة .. اللهم إلا إذا صار شيء خارج الحسابات كلها وهذه والعياذ بالله كوارث يكفينا جميعا شرورها ..

أطيب تحياتي

 

[بوعبدالمحسن]

حذاري من الانخداع في سياسة القطيع يا جماعة اخونا علقم بتحليله كان واضح ترى وصريح

 

[sin1]

للرفع

 

[العربي77]

للرفع

 

[بوعبدالمحسن]

السهم اعتقد مدعوم مابين 300 فلس و 305

صانع السوق قاعد ينزل السهم ويجمع فيه

السهم عنده مقاومة تاريخيه 320 فلس كان في اختراق لها الاسبوع الماضي بس اعتقد اختراق وهمي لانه ما استمر

السهم على المدى البعيد وبناء على دور البنوك في خطه التنمية وعلى نتائجه في الربع الثالث اعتقد مناسب للإستثمار طويل المدى

 

[sin1]

للرفع ..
الله يستر من هالسهم

 

[ابو هاجر**]

المحافظه على 310ومافوق كاغلاق اسبوعى وشهرى( اغلاق شهرى ممتاز)
السهم يستهدف مستوى 480
( لايمنع من نزول الى مستوى 300 ---295) بس المهم الاغلاق يكون فوق 310
والله أعلم

للأسبوع الثانى يحافظ على اغلاق 310 ومافوق
وتم النزول الى 300 وتسكير الفجوه

 

[بدجت]

للأسبوع الثانى يحافظ على اغلاق 310 ومافوق
وتم النزول الى 300 وتسكير الفجوه

عساك عالقوة أبو هاجر

 

[MOHANNAD_SA]

للأسبوع الثانى يحافظ على اغلاق 310 ومافوق
وتم النزول الى 300 وتسكير الفجوه

السلام عليكم

ربي يبارك فيك يا ويه الخير أبو هاجر

اليوم كنت ابي ازيد كميتي من الدولي بس مع الأسف ما قدرت بسبب تأخر التحويل لما بعد الإغلاق .. الحمد لله عساه خير ..

أعتقد بعد العيد نشوف ارتفاعات قوية للسهم بعد الصفعات التي تلقاها الاسبوعين الماضيين من أوامر كما رأيت وصلت ل 55 مليون وباسعار عجيبة بهدف الضغط على السهم ولكنه كما رأيت كان جبل ما يهزه ريح ..

عموما


كل عام وأنت ومن تحب بكل خير .. وعيدكم سعيد مبارك ..

كل عام والجميع بألف خير .. وعيدكم مبارك ..

تحياتي

 

[بوعبدالمحسن]

الله يصبرج يا روح

 

[MOHANNAD_SA]

السلام عليكم

عيدكم مبارك .. وكل عام وأنتم وجميع من تححبون بكل خير وصحة وعافية وسعادة .. وإلى الله أقرب​

وموعدنا بعد العطلة مع الحصان الأسود حق البورصة .. سهم الدولي اللي راح يطير بإذن الله إلى أبعد من 480 فلس .. قولوا آمين

ربي يربح الجميع ..

تحياتي

 

[sin1]

للرفع

 

[MOHANNAD_SA]

السلام عليكم

مبروكين على أداء السهم اليوم .. الكل خطابه .. مشاء الله تبارك الله ..

أنا عن نفسي منتظره عند 480 فلس قريبا بإذن الله

ربي يوفق الجميع

تحياتي

 

[3lgm]

للأسبوع الثانى يحافظ على اغلاق 310 ومافوق
وتم النزول الى 300 وتسكير الفجوه

بوهاجر أستاذ كبير والشور شوره والراي المرجح رايه , لكن أنا الدايفرجنس السلبي مخليني مو متطمن لهلسهم , فخلكم حذرين بارك الله فيكم , والحذر يفيد ما يضر .

 

[MOHANNAD_SA]

بوهاجر أستاذ كبير والشور شوره والراي المرجح رايه , لكن أنا الدايفرجنس السلبي مخليني مو متطمن لهلسهم , فخلكم حذرين بارك الله فيكم , والحذر يفيد ما يضر .

السلام عليكم

عيدك مبارك أخوي علجم ... وكل عام وأنت ومن تحب بخير وسعادة ..

أخوي .. ما تشوف أن السهم تخطى هالمرحلة الحرجة بثبات وإغلاق اليوم كان رائع 325 رغم أن السوق كان ضعيف إلى حد كبير وماكو سيولة؟ شرايك؟

أخوي بوهاجر

شنو رايك .. ناطرين نضرتك للسهم .. وأخوي علجم بارك الله فيه ألقى بالكرة في ملعبك هههه

تسلمون اتنينكم .. وبارك الله فيكم وفي جهودكم

أطيب تحياتي

 

[3lgm]

كلامك عدل يا خوي يا مهند و والسهم متوسطاته مرتبة تحته والدعوم موجودة والأمور كلها طيبة , لكن أنا الدايفرجنس السلبي مسويلي قلق من بلش السهم صعود وأنا متابعة , لو ينزل ويصحح وتتسنع مؤشراته يكون أفضل من مواصلة الصعود بهالطريقة بالنسبة لي .

 

[3lgm]

وكل عام وانت بخير وصحة وسلامة يا خوي يا مهند وعساكم من العايدين والفايزين بإذن الله .

 

[MOHANNAD_SA]

كلامك عدل يا خوي يا مهند و والسهم متوسطاته مرتبة تحته والدعوم موجودة والأمور كلها طيبة , لكن أنا الدايفرجنس السلبي مسويلي قلق من بلش السهم صعود وأنا متابعة , لو ينزل ويصحح وتتسنع مؤشراته يكون أفضل من مواصلة الصعود بهالطريقة بالنسبة لي .

السلام عليكم

ربي يعدل لك أيامك أخوي .. ويبارك فيك ..

والله وانا خوك متفائل جدا جدا جدا بالسهم وعساه يعوض ربي بيه خساير غيره .. تدري انا حاط سعر بيع على 480 فلس من شهر او يمكن شهرين ما اذكر .. من سالفة اشاعة المفاوضات على بيع حصة لمستثمر خليجي إذا بتذكر ..

المهم الأمور بإذن الله طيبة والبنك بغض النظر عن أي شيء أهو بنك .. وإسلامي بعد .. وطبيعي داش بقوة في خطة التنمية مع باقي البنوك ..

للعلم خطة التنمية خلاص بلشت وبقوة .. على حد علمي ماكو عامل بالكويت والشركات متوهجة تبي عمالة .. وهذه مؤشرات رائعة جدا جدا .. والله أشوف 2011 ماشاء الله عليه .. من قبل ما يصل ومبشراته أمامه تسبقه ..


أخوي
أنا سألت نفسي سؤال عليمي وقلت لنفسي يا ولد .. ايش يفرق الدولي مثلا عن بوبيان والمتحد ما تشوف وين أسعارهم .. والدولي تراه ماشي عدل وما عنده مشاكل عملاء متعسرين وادارته اتسنعت الحين ولا احلى ما شاء الله عليها .. وعدت بأرباح وحققتها ..

يعني قريب بإذن الله نشوفه مثلهم فوق 500 فلس وزود بس يبيله الصبر .. وألاحظ تجميع مو طبيعي على السهم .. بس اللي يجمع تراه مجرم يبي ينزل السهم ويمصمص عظامه ..


هذا رأيي المتواضع (رأي عليمي) ترانا نتعلم منكم يالغالي ..

ولك أطيب تحية

 

[أبو عمر]

كلامك صحيح ابو مبارك
أعتقد هذا حده الحين بالصعود والتصحيح قادم
ربما الى حدود 270
لذا لا ينصح بالدخول عليه حالياً .
والحذر بصفه عامه من السوق

أخوي مهند
السهم ان شاء الله له أهداف عليا بعدين لكن الحين التصحيح على الابواب خاصه مع هبوط السوق .