شركة المدينة للتمويل والإستثمار ( المدينة )

[متدرب أصيل]

طيب شنو تفسيرك للي صاير بالسهم هناك ومعقوله السهم مايستجد عليه جديد بعد نزوله للتداول اللي البورصه غثتنا فيه ؟؟

غريبة
ماني لاقي تفسير
المفروض ان يتفسخ هناك بعد
لازم نفرق بين الدمج وزيادة راس المال
الدمج ما فيه تفسيخ للسهم لانه تكون الزيادة مقابل أصول
لكن الاعلان ما تطرق للدمج وذكر زيادة راس مال بس وهذا اللي خللاني ارجح موضوع التفسيخ والسعر بعد اقفال يوم الخميس

 

[nasssar]

سعر الاساس بالبورصه 57 !!!

 

[ليبروسلامي]

السلام عليكم ورحمة الله وبركاته

شباب أحد يفيدنا شنو اللي قاعد يصير بالسهم
مجلس الادرة صار فيه تغيير كبيير

 

[ريكاندو]

شباب أحد يفيدنا شنو اللي قاعد يصير بالسهم
مجلس الادرة صار فيه تغيير كبيير

اهو على ما اظن بس غيرو الشربيني وله موجود الشربيني يا ااخوان؟

زين الرئيس التنفيذي منووو؟

 

[سرور]

شباب أحد يفيدنا شنو اللي قاعد يصير بالسهم
مجلس الادرة صار فيه تغيير كبيير

رحت البورصة واستفسرت عن سبب التوقيف فقالوا ان ادارة البورصة طالبه من الشركة بعض الايضاحات عن طريقة الدمج وزيادة رأس المال

 

[ريكاندو]

أخي الكريم ، الحكم في قضية جلوبل إبتدائي ، والمدينة تقدمت بإستئناف وقبل الاستئناف ، أي القضية في بداياتها وحتى لو قضى التحكيم ضد المدينة فهي مقابل أصول ، أتمنى يا أخي الكريم أن تكون حيادي في طرحك ، نحن نملك في السهم منذ فـترة ليست بالقصيرة ومن يملك بالسهم لايطبل ، التطبيل يأتي من أشخاص لاناقة لهم ولاجمل بالسهم ويدش عرض ويمدح بالسهم وهذا لاينطبق على الاخ العزيز ريكاندو ، فهو من ملاك السهم ومن الاشخاص اللي نثق فيه وياليت تشوف الصفحات السابقة تلقى أخونا ريكاندو قاعد ينتقد المدينة يعني من الاشخاص اللي قاعد يقول كلمة الحق ، والله يهدي ويرزق الجميع

شهاده اعتز فيها يابو عمر من رجال عزيز على قلبي
اهو علباله اني ما اذم مجلس الاداره لا ذميته كذا مره والقصور الي حاصل منهم مبين لكن اخوي أي فون تكلم عن نزول السهم وانا وضحت له انه اسهم عملاقه واكبر من المدينة وانزلت اكثر من نزلتها وعينه تشوفه وانا اقول الله يرزق ملاك الشركة سوواء من صغار الملاك او كبار الملاك لانه مو من صالح احد انه الثاني ينوكل حلاله
على العموم احنا نطارين شنو يصير مع هالسهم ممكن انه يعلق اول ما ينزل ويمكن لا على كلام الاخوان السالفه مطوله نزلت الشركة والعتب على الاداره الله يقسم لكم الخير يارب

 

[ريكاندو]

رحت البورصة واستفسرت عن سبب التوقيف فقالوا ان ادارة البورصة طالبه من الشركة بعض الايضاحات عن طريقة الدمج وزيادة رأس المال

جزاك الله خير يا اخوي سرور على المجهوذ الواضح الي بذلته لاخوانك المساهمين بهل سهم والله يوفقنا ويوفقكم

 

[قـلـب الأسـد]

رحت البورصة واستفسرت عن سبب التوقيف فقالوا ان ادارة البورصة طالبه من الشركة بعض الايضاحات عن طريقة الدمج وزيادة رأس المال

طيب ليش ما قتلهم انتو سوق خضره والا سوق اوراق ماليه ؟؟؟؟ زين ليش ما يعلنون للعالم شنو هالاستهتار هذا لاحول ولاقوة الا بالله

 

[سرور]

طيب ليش ما قتلهم انتو سوق خضره والا سوق اوراق ماليه ؟؟؟؟ زين ليش ما يعلنون للعالم شنو هالاستهتار هذا لاحول ولاقوة الا بالله

قلت لهم كلامك قالوا ماراح نصعد السوق الا لما يصعد كرتون الخيار

 

[cookies24]

للرفع

 

[عجبي]

توقيف كلاكيت ثالث مرة

ياجماعة والله ماتذكر هذا الثالثة والا الرابعة.. اعتقد الثالثة .... والله عيب ياأدارة البورصة مرة قلتوا علشان بايع وشاري على نفسه وطلع ما عندكم دليل .. ومرة ما عطوكم البيانات المالية في وقتها وسكتنا .. المرة الثالثة وقفتوها اليوم و ما عطتونا السبب . والله اذا موعجبتكم هالشركة قولوا لهم شيلوا أغراضكم وطلعوا من بورصة الكويت لأن ما اعتقد هذا التوقيف الأخير .. صارت هالشركة مشاشة زفر . كل من يأكل يمش يده فيها.

 

[قـلـب الأسـد]

رحت البورصة واستفسرت عن سبب التوقيف فقالوا ان ادارة البورصة طالبه من الشركة بعض الايضاحات عن طريقة الدمج وزيادة رأس المال

طيب ليش ما قتلهم انتو سوق خضره والا سوق اوراق ماليه ؟؟؟؟ زين ليش ما يعلنون للعالم شنو هالاستهتار هذا لاحول ولاقوة الا بالله

 

[متدرب أصيل]

طيب ليش ما قتلهم انتو سوق خضره والا سوق اوراق ماليه ؟؟؟؟ زين ليش ما يعلنون للعالم شنو هالاستهتار هذا لاحول ولاقوة الا بالله

كلاكيت ثاني مرة
باجيلك محاولة ثالثة أو الإتصال على صديق
وينك يا سرور زهب خيارك

 

[سرور]

كلاكيت ثاني مرة
باجيلك محاولة ثالثة أو الإتصال على صديق
وينك يا سرور زهب خيارك

هذي طريقة الشياب والا ماتدري

 

[ريكاندو]

نشوف بكره شركتين بسعر 50 فلس يا بلاش من يشتري

 

[طنش تعش]

ما اعتقد أحد يحصل سهم ب 40 فلس ولا حتى ب 60فلس يوم الأحد

أي أحد فيهم ؟

 

[ريكاندو]

وانت صاج يا سرور بين الخمسيناات
راح تحصل
عينكم على نتائج الربع الثاني لانه شركة صرح المدينة يقولون عنده ارباح وهذا راح يندرج حق المدينة وبالتوفيق للجميع يارب
وعندي سؤال هل الشركة تحت رقابة البنك المركزي ام لا؟واتمنى الاجابه عليه

 

[الكلمة الطيبة]

ياشباب
غدا في تداول على سهم المدينة وله موقوف كالعادة::verymad::

 

[متدرب أصيل]

في العادة يتم مخاطبة البنك المركزي عن دوافع وحاجة الشركة لزيادة رأس المال مدعماً بوضعها المالي وملكياتها من جهة مالية استشارية متخصصة
ويتم تحديد علاوة الاصدار بموافقة البنك المركزي بعد دراسة تلك الحاجة ومدى جدواها
ويتم عرضها على مجلس الادارة لاتخاذ قرار برفعها للجمعية العمومية
بالجمعية العمومية يتم عرض الزيادة ومدى حاجة الشركة لها على المساهمين ويتم التصويت عليها
بعدها يتم مخاطبة وزارة التجارة وأخذ الموافقة على البنود الرئيسية مدعماً بمحضر اجتماع الجمعية العمومية
ثم يجتمع مجلس الادارة لتحديد موعد وضوابط الزيادة
بعدين يتم مخاطبة ادارة البورصة وتزويدها بكل الموافقات السابقة
وبعد مرور سنة على كل تلك الاجراءات وعند بدء موعد الاكتتاب تقوم ادارة البورصة بوقف السهم لمزيد من الاستفسارات
يعني أخوي قلب الأسد صاج لما قال سوق خضرة

 

[ريكاندو]

شركة صرح المدينة ميزانيتها؟ لسنة 2008
اجمالي الموجودات 60 مليون
والمطلوبات 30 مليون
يعني مع ميزانية المدينة الجديده راح تكون 223 اجمالي الموجودات
اجمالي المطلوبات 107
حقوق المساهمين
116 واي نقصان بووق من فلوسكم يا اخوان
طبعا ميزانية صرح المدينة سنة 2008 يعني والشركة محققه ارباح والزياده حقهم مانبيها نبي هالميزانيه وجزاهم الله خير
وبالتوفيق