شركة الاتصالات المتنقلة ( زين )

[طاروف]

أغلى عمليات التداول لشركة زين ليوم الخميس 17/6/2010

بلغت 20 عملية بإجمالي صفقات 127 صفقة وكمية 4760000

بقيمة 5073400 وبواقع 14 عملية شراء و 6 عمليات بيع ..

​

 

[فاهم غلط]

ياجماعه علامكم

كل اللي صاير ان كثير من الشركات تمتلك بزين .

وكلكم تدرون ان نص شركات الكويت مديونه ومهدده بالافلاس وجتهم صفقة زين مثل فريق الانقاذ وقامو يبيعون عشان يقدرون يغطون على افلاسهم بعد هالازمه العالميه .

مالاحظتو ان بعد اتمام صفقة زين كثير من الشركات اعلنت عن ارباحها او خسايرها وهي واثقه

بس انتم لو تدققون شوي .... كان لاحظتوا هالشي

وبعد تاريخ 29 هالشهر راح تشوفون قيمة السهم عدل

المهم اللي عنده سهم زين الله يوفقه ويرزقه ولايبيع حتى لايندم
واللي ماعنده كيفه اذا بيشتري يشتري ...هو ابخص

بس من ناحيتي انا ماراح ابيع قبل 14 - 7 - 2010
هذا اذا السهم ماوصل 1640 ..... تدرون فاهم غلط

وانتم ابخص.

 

[Deema]

مرحبا
عندي سؤال هام واتمنى من يفيدني
انا كااااااااان عندي 40000 سهم زين بسعر 1220 من زمان
بس للاسف بعتهم قبل يومين بسعر 1020 - ووالسؤال اهوا
- هل استرد الكمية نفسها بسعر اعلى
- او انطر شوية يمكن ينزل سعرها

 

[ابو حمد@]

عندي اسهم زين ودي ابيع شرايكم

 

[Water]

الصبر الصبر الصبر زين فكر قبل ما تبيع

الصبر الصبر الصبر زين للبنوك

 

[أبو عمر]

الصبر الصبر الصبر زين فكر قبل ما تبيع

الصبر الصبر الصبر زين للبنوك

الصبر الى متي ؟ ومتى نبيع برأيك ؟

 

[Water]

الصبر الى متي ؟ ومتى نبيع برأيك ؟

يا اخوي محد يعلم الغيب بس التحليل يشير الى تحول في السوق وان شاء الله خير ... راح يبين الايام القادمة

بس لازم تعرف اخوي ان القرار قرارك وحسب قناعتك .. المنتدى مليان صناع سوق ومطلبلين واشاعات يهمهم خروج الناس قبل الارتفاع ودخول الناس قبل الانخفاض

حكم عقلك وتوكل على الله

 

[أبو عمر]

يا اخوي محد يعلم الغيب بس التحليل يشير الى تحول في السوق وان شاء الله خير ... راح يبين الايام القادمة

بس لازم تعرف اخوي ان القرار قرارك وحسب قناعتك .. المنتدى مليان صناع سوق ومطلبلين واشاعات يهمهم خروج الناس قبل الارتفاع ودخول الناس قبل الانخفاض

حكم عقلك وتوكل على الله

اللي بالاحمر هو الكلام الصح !
لاني شفتك تقول " زين فكر قبل ما تبيع " ،، معناها لا تبيع ،، وانا معاك لا تبيع لانه بيرتفع ،، بس تري مو وايد مثل الارقام اللي قاعد أشوف يحطونها !

 

[اكسبلورر]

انا اقول المضارب ولي مايقدر يصبر
يبيع افضل اما المستثمر لايبيع
يعني ياخذ الفلوس يحطهم بالبنك ما كو فايدة

 

[Water]

اللي بالاحمر هو الكلام الصح !
لاني شفتك تقول " زين فكر قبل ما تبيع " ،، معناها لا تبيع ،، وانا معاك لا تبيع لانه بيرتفع ،، بس تري مو وايد مثل الارقام اللي قاعد أشوف يحطونها !

لاحظ قبل الاعلان عن صفقة زين ارتفع السهم ثم حافظ سعره على مستوى معين لخداع الناس بان هذا هو سعر الدعم قوي للسهم
ثم انتهى الخبر وتم توزيع الارباح ليسقط السهم عن الدعم المزعوم وينزل اكثر ....... ثم بداء بالاشاعات السيئة عن طريق المنتديات والصحف ... وهات تخويف
وحتى الان هم مشغولين بالاخبار السيئة

وتسلم اخوي

 

[NEW حاكم السوق]

يالأخوان .... نصيحه حط رايك وقناعتك ببيع وشراء السهم وليش؟ إنت تعمل هالشيىء!
وختمه بأنه رأي شخصي وليس دعوه للبع والشراء .... فكلمن عقله براسه ويعرف خلاصه

المراد ... ولكي لايأتي أحد ألأخوه بالمنتدى لاحقا ... ويدعي عليك ويهاجمك ... ويقولك أنت مطبل؟ ودبستني؟ للتصريف!!!! لو خوفتني بالإشاعات.... وبيعتني إمبجر؟ لتشتري بالنازل!!!

لو .. لو .... !!! .... يالإخوان تجنبو النصيحه المباشره بالبيع والشراء

حللو ودرسوا وفرزو السمين من الغث وإبدو رأيكم الشخصي بما تفعلونه ... وخلو قرار البيع والشراء والتصبر والتبريد والدخول والخروج للشخص نفسه ... فكلمن عقله براسه ويعرف خلاصه !!!!

مجرد نصيحه لإخواني التلميذ و ووتر .... والله يوفقكم .... وجزاكم الله خير ...

 

[Water]

يالأخوان .... نصيحه حط رايك وقناعتك ببيع وشراء السهم وليش؟ إنت تعمل هالشيىء!
وختمه بأنه رأي شخصي وليس دعوه للبع والشراء .... فكلمن عقله براسه ويعرف خلاصه

المراد ... ولكي لايأتي أحد ألأخوه بالمنتدى لاحقا ... ويدعي عليك ويهاجمك ... ويقولك أنت مطبل؟ ودبستني؟ للتصريف!!!! لو خوفتني بالإشاعات.... وبيعتني إمبجر؟ لتشتري بالنازل!!!

لو .. لو .... !!! .... يالإخوان تجنبو النصيحه المباشره بالبيع والشراء

حللو ودرسوا وفرزو السمين من الغث وإبدو رأيكم الشخصي بما تفعلونه ... وخلو قرار البيع والشراء والتصبر والتبريد والدخول والخروج للشخص نفسه ... فكلمن عقله براسه ويعرف خلاصه !!!!
مجرد نصيحه لإخواني التلميذ و ووتر .... والله يوفقكم .... وجزاكم الله خير ...

كلام سليم اخوي حاكم السوق 1000000 مرة اكررة معاك

 

[معشي الجن]

كشفت مصادر خاصة أن العروض التي تلقتها شركة زين بشأن شراء حصة الاغلبية لا زالت في طور الطلب الشفهي ولم تصل إلى الطلب الرسمي والمكتوب مؤكداً بنفس الوقت أن تلك الاشارات والطلبات قد ازدادت وبانت جديتها خلال الأسبوع الماضي على وجه التحديد , كما اضافت المصادر إلى أن الصندوق السيادي لابو ظبي بالإضافة إلى احدى المؤسسات القطرية الكبرى قد ابديتا رغبتهما بشكل جدي لشراء حصة الاغلبية 46% وتتوقع المصادر أن تبدأ الاشارات الرسمية لتلك الرغبة خلال الاسبوعين القادمين.



وأضافت المصادر إلى أن الاعلان بشكل رسمي عن هذه الصفقة من قبل الملاك والشركة المبدية للشراء قد تحتاج إلى المزيد من الوقت والتمهيد وذلك نظراً لضخامة واهمية تلك الصفقة والتي قد تتفوق بأهميتها على بيع زين افريقيا كما اشارت المصادر إلى أن السعر العادل للسهم وللشركة سيكون هو الفيصل لتلك الصفقة متى ما تمت.

 

[أبو عمر]

ممكن يصعد الى 1200 ويصعد السوق شوي معاه ،، فرصه للي يبي يبيع !
لكن أتوقع هذا حده ومن بعدها يبتدي الهبوط وأول أهدافه الدينار .
والله أعلم

أعتقد السهم وصل دينار بالضبط وبعدين ارتفع ( ما يخالف الهبوط كان قبل الصعود )

لاحظ قبل الاعلان عن صفقة زين ارتفع السهم ثم حافظ سعره على مستوى معين لخداع الناس بان هذا هو سعر الدعم قوي للسهم
ثم انتهى الخبر وتم توزيع الارباح ليسقط السهم عن الدعم المزعوم وينزل اكثر ....... ثم بداء بالاشاعات السيئة عن طريق المنتديات والصحف ... وهات تخويف
وحتى الان هم مشغولين بالاخبار السيئة

وتسلم اخوي

يسلمك يا خوي
بالعكس أنا شايف الاخبار الايجابيه هي اللي طالعه الحين .. جماعه " مصادرنا الخاصة "! ،، شوف الخبر اللى حاطه أخونا معشي الجن !
شوف أنا عندي تقدير وين بيوصل بالضبط ( بس ما راح أحطه هني ) ،، وبعدها هبووووط .
والبيع والشراء ،، مو شغلي "زين "

مجرد نصيحه لإخواني التلميذ و ووتر .... والله يوفقكم .... وجزاكم الله خير ...

انت تأمر حبيب قلبي ،، كلامك على راسي

 

[حقائق]

السلام عليكم,

فيه اشاعة أنه فيه صفقة بيع 46% من أسهم شركة "زين" و التحليل المتواضع يقول "حسب الترقيم" ان سعر السهم على المدى المتوسط ممكن يشوف سعر 475 فلس

أدري فيه ناس ما راح يعجبها هالتحليل و لكن أبشر اللي معارض التحليل بأن التحليل ما راح يكون صحيح بشرط أن المعارض يحاول يقفل السهم على سعر أعلى من 1240 فلس! الله الحافظ.

و الأسابيع القادمه ستوضح ذلك, و الله أعلى و أعلم.

بالتوفيق جميعا

 

[كمون]

زين

بسم الله الرحمن الرحيم

انا معاك اخ حقائق وسبق وذكرت ان زين سوف ينزل

وكان بسعر 1340 فلس ايامها واجهة حرب شرسه من الاخوان

الموجودين !!!!!!!!!!!!!!!

ولازلت على كلامى بشرط المحافظه على سعر 820 فلس

اما عن هدفك 470 فلس فكان واضح قبل سنتين انه رايح

نص دينار

2011 راح تكون سنة الشراء والانطلاقه والله اعلم

 

[أبو عمر]

جزاك الله خير يا بو محمد
ولا حتي 1240 !

 

[NEW حاكم السوق]

مايآمر عليكم .. أحد يالأخوان ... جزاكم الله خير ...

 

[النجدي2007]

جزاكم الله خير علي التحاليل المتوقعه

 

[حقائق]

بسم الله الرحمن الرحيم

انا معاك اخ حقائق وسبق وذكرت ان زين سوف ينزل

وكان بسعر 1340 فلس ايامها واجهة حرب شرسه من الاخوان

الموجودين !!!!!!!!!!!!!!!

ولازلت على كلامى بشرط المحافظه على سعر 820 فلس

اما عن هدفك 470 فلس فكان واضح قبل سنتين انه رايح

نص دينار
2011 راح تكون سنة الشراء والانطلاقه والله اعلم

شكرا أخوي "كمون", صح, سنة 2011 هي انطلاقته بإذن الله, بس بالنسبة لهدف نص دينار ما يصير يبين من سنتين لأنه خلال السنتين تفسخ السهم مرتين!!

مع التحية

جزاك الله خير يا بو محمد
ولا حتي 1240 !

فيه ترقيم ثاني ما أقدر أتجاهله يقول محتمل يوصل 1280-1320

مع الشكر أخوي "التلميذ"

مايآمر عليكم .. أحد يالأخوان ... جزاكم الله خير ...

الله يجزاك خير على الدعاء أخوي "حاكم السوق"

جزاكم الله خير علي التحاليل المتوقعه

الله يجزاك خير على الدعاء أخوي "النجدي"