شركة حيات للاتصالات ( حيات كوم )‏

[Abo Sarah]

اخوي ابوفواز ، ترا انا اتصلت على الشركه من زمان وقلت لهم ليش وضع السهم باستمرار في نزول يعني ليش ما في احد صوب السهم ؟؟ اول شي قالولي ياه ان وضع السوق كله مو زين ،
طيب وضع السوق مو زين آمنا بالله ، بس ليش من يصعد السوق ما يتحرك او يتفاعل السهم ؟ بينما اذا نزل السوق نشوف السهم او النازلين !!!!*

 

[level-1]

اتصلت عليهم الشركه نفسها وكلمتهم وقلتلهم ليش هذا وضع السهم وليش ما تفعلون شراء اسهم الخزينه
وقالو احنا قاعدين نشتري من فتره بس الظاهر يشترون على وحده وحدتين
طريقتهم بايخه ونا اقول دقوا عليهم الارقام موجوده بصفحة الشركه في سايت البورصه
مو على كيفهم ينزلون السهم اقل من القيمه الاسميه عشان يشتري برخيص هذي اصول ناس
حسسوهم ان الامر مو سايب علشان تملك الاغلبيه تلعب بالسهم على كيفك دقوا لا ترددون
في قسم عندهم يرد على اسإلة المساهمين لا ترددوووووون

ياليت تسالهم ليش استقال المدير التنفيذى كما سمعت ابرك لنا عشان نعرف سبب الاستقاله هل له سبب فى هبوط السهم وياليت تذكره لنا فى المنتدى اذا صدقوا معاك بذكر السبب

 

[(ابوفواز)]

انا كنت داق بالاساس عشان موضوع الاستقاله وقالولي
مافي سبب معين والاستاذ ماراح بعيد عطوه شغله ثانيه اعتقد قالولي يدير حيات قروب
وقالولي ان اخر السنه راح تربح
زبدة الكلام اللي همني من كلامهم ان عماد نفسه هو اللي يراقب السهم وهو اللي يشوف على شراء اسهم الخزينه
ويبي يشتريه برخيص
انا قول دقوا هذا حقكم مافيها حيا ولا احراج انت شريك معاهم في الشركه
اصلا انا كنت ابي اروح لهم في مقرهم بالشركه بس قلت خلني ادق اول واشوف
يا اخوان لا ياخذون سهمكم برخيص بحجة شراء اسهم الخزينه
المره الجايه بسالهم عن قلة الارباح مقارنة بحجم العقود اكيد في اخفاء للارباح بطرق ملتويه

 

[(ابوفواز)]

ابو ساره نبي الكل يدق عليهم لازم يكون في تحرك ولا والله يخلون السهم بالحضيض لين تمل وتبيع
الاداره تكذب بخصوص ان السهم يحدد سعره السوق وهذا كذب هم وراء النزول وايضا وراء صعوده المفاجئ

 

[(ابوفواز)]

انا ودي اعرف شكثر اللي من اهل المندى اللي شارين في السهم

ارجوا المشاركه

 

[Q8-Fund.Manager]

معقولة !!

للتو فقط عرفت أن أمس تداول السهم عند مستوى 85 فلس

وهو أدنى مستوى سعري يصل إليه السهم منذ الادراج


!!!!!!!! عسى ما شر ؟؟؟؟؟؟؟​

 

[(ابوفواز)]

والله ماادري بس اتصور انه بيرتفع اجلا او عاجلا بس ان عماد حيات يبي احد يبيع بس مو محصل
الكميات اللي يبي هو اللي قاعد يعرض وهو اللي يبيع حق نفسه
سهم يوزع بالسنه عشره فلوس وهذا سعره
راح تشوفونه معلق بعد فتره
اسلوب كبار الملاك اسلوب شوارعي
رواتبهم والمخصصات اللي ياخذونه كبيره جدا مقارنة بالارباح العامه للشركه

 

[(ابوفواز)]

الصفقه اللي تمت امس كانت في الثواني الاخيره من وقت التداول
الهدف تنزيل سعر السهم
عماد حيات نعلم انك وراء هذا النزول
وانك متابع شخصيا لما يكتب في المنديات
لكن من حقك انك تسوي هالحركات لانك تدري انا شعب مغفل ولا احد راح يحسبك
ربحك حققته من خلال تفريغ الشركه من الارباح وترك الربح القليل للشركه حتى تقول اننا شركه ربحانه


يالله يا شباب بيعوله بالاسعار اللي يبي الرجل حاسب حسبه له من المضاربه على السهم

 

[Q8-Fund.Manager]

والله ماادري بس اتصور انه بيرتفع اجلا او عاجلا بس ان عماد حيات يبي احد يبيع بس مو محصل
الكميات اللي يبي هو اللي قاعد يعرض وهو اللي يبيع حق نفسه
سهم يوزع بالسنه عشره فلوس وهذا سعره
راح تشوفونه معلق بعد فتره
اسلوب كبار الملاك اسلوب شوارعي
رواتبهم والمخصصات اللي ياخذونه كبيره جدا مقارنة بالارباح العامه للشركه

الصفقه اللي تمت امس كانت في الثواني الاخيره من وقت التداول
الهدف تنزيل سعر السهم
عماد حيات نعلم انك وراء هذا النزول
وانك متابع شخصيا لما يكتب في المنديات
لكن من حقك انك تسوي هالحركات لانك تدري انا شعب مغفل ولا احد راح يحسبك
ربحك حققته من خلال تفريغ الشركه من الارباح وترك الربح القليل للشركه حتى تقول اننا شركه ربحانه


يالله يا شباب بيعوله بالاسعار اللي يبي الرجل حاسب حسبه له من المضاربه على السهم

سهم ماعليه صانع سوق مستمر لماذا يا أخ بو فواز يقوم مالك الشركة
ببيع السهم دون مستوى 100 فلس ؟ في حين قد يكون لديه ديون
وعليه التزامات امام البنوك مربوطة تلك الالتزامات بسعر السهم في السوق ؟

 

[(ابوفواز)]

ما في سهم ما له صانع سوق انسى هذي السالفه لكل صانع سوق اسلوبه
هو يبيع اسهم قليله جدا لكي ينزل السهم الى مستوى هو يريده ثم يجمع الكميه اللتي يريد وبعدها يرفع السهم الى هدفه ثم يصرف على الناس
يكذبون حين يقولون السهم يحدد سعره السوق هم من يحدد سعره

 

[mohammad64]

اتصلت فيهم الخميس كلمتنى مصرية قلت لها ليش السهم ادائة سئ قالت هذا وضع السوق كله والسهم مراقب من الملاك وقلت لها ليش مافى اعلانات لكم مثل باقى الشركات قالت نحن موقعين عقود كثيرة ولكن كلها دون 100 الف بس لو تجمعهم تجدهم اكثر من 100 الف والبورصة لاتقبل الا فوق 100 الف للعقد الواحد!!!!! والشركة تحقق ارباح ومن ثم اخذت اسمى ورقمى وقالت سوف نبلغت بمعلومات اكثر فى المستقبل

 

[(ابوفواز)]

هذا الكلام نفسه اللي قالوه لي لكن ليش يتعمدون ينزل السهم لي هالمستوى ليش مايشترون
العشره بالميه الحين

 

[الهدف البعيد]

السهم لم يتم تداول كميات وهو نازل
سعرة طبيعي حالة حال السوق
لاننسي الخسارة التي منية لها الشركة للربع الثاني
لكن تبقي شركة تشغيلية من الدرجة الاولي

 

[ابوعبدالله //]

اللي قرأ مقابلة عماد حيات في الوطن قبل فترة وشركات حياة كوم في العالم يقول أن سعر هذا السهم راح يوصل دينار واليوم نشوفه وصل الى ادنى مستوى نبي افادة رسمية من الشركة .*

 

[(ابوفواز)]

والغريب في الامر ان رئيس الشركه يقول ان الشركه راح تزيد راس مالها في 2012
وهو زاد راس مالها في 2010 وين تروح الاموال هذي في زيادة راس المال
ويقول شركه ربحانه طيب ليش تزيد راس المال
زيادة راس المال الاخيره مااستفدنا منها السهم في نزول من 250 الى 85
الشله اللي تدير الشركه تفرق الشركه من ارباحها لصالحهم وما يبقى للمساهمين الا الفتات
اللي يعرف عماد حيات يساله ليش تبي تزيد راس مال الشركه السنه القادمه

 

[ابوعبدالله //]

وهل زيادة رأس مال الشركة راح يرفع السهم أنا متأكد من الجواب لا.

 

[تاج ملك]

والغريب في الامر ان رئيس الشركه يقول ان الشركه راح تزيد راس مالها في 2012
وهو زاد راس مالها في 2010 وين تروح الاموال هذي في زيادة راس المال
ويقول شركه ربحانه طيب ليش تزيد راس المال
زيادة راس المال الاخيره مااستفدنا منها السهم في نزول من 250 الى 85
الشله اللي تدير الشركه تفرق الشركه من ارباحها لصالحهم وما يبقى للمساهمين الا الفتات
اللي يعرف عماد حيات يساله ليش تبي تزيد راس مال الشركه السنه القادمه

هذا هو الكلام ( لاحياة لمن تنادي)
والي اعرفه ان الشركه جيده.

 

[(ابوفواز)]

صدقوني يا اخوان ان عماد حيات هو اللي قاعد ينزل السهم بالطريقه هذي
هذا اسلوبه من زمان


ويكذب حينما يقول السهم يحدد سعره السوق
*

 

[ابوعبدالله //]

المعلومة اللي عندي أن عماد حيات شخص محترم جدا وأخلاقه عالية جدا ويخاف على حقوق الناس وما أعتقد أنه يضر بالشركة اللي تحمل اسمه.
أحد الاخوان قال انه اتصل بالشركة وأفادوه بأن لديهم عقود كثيرة ولكن تقل عن المائة ألف ،هنا يأتي دور العلاقات العامة للشركة المفترض عند توقيع أي عقد ولو كانت قيمته بسيطة أن يتم الاعلان عنه في كل الجرايد وذلك للحفاظ على اسم ومكانة الشركة في سوق الأسهم.
أرجو من جميع الاخوان المسئولين في الشركة أن يحافظوا على حقوق الناس وتعود حيات كوم كما عهدناها في السابق وتعود ثقة المساهمين بها.*

 

[(ابوفواز)]

ابو عبدالله العلاقات العامه منو المسؤول عنها مو عماد حيات
اذا تعرفه قوله ترا السهم في انحدار من سنتين
وقوله ليش تبي تزيد راس مال ااشركه
انا بعد اتصلت وكلنتني وحده مصريه وكلامهامثل عدمه ما استفدت منه شي
وقوله ترى المساهمين ما استفادو من زيادة راس المال الاخيره شي


يا بو عبدالله شي يترقع وشي مايترقع