شركة حيات للاتصالات ( حيات كوم )‏

[BARKAWI]

مشكورة أم ضاري على التحليل الوافي والشافي ،، فنياً السهم واقف على دعم حاليا ، والدعم التالي له هو المنطقة الوقعة بين 176-180 , وكسره يعني ربما انهيار السهم إلى مستويان الـ 140 ، والله أعلم

 

[aloood10]

مثل ماقالت الاخت سارة اترك عنك الشركة ربحانة ولاخسرانة ان اشتهوا يطيرونها طيروها وان ماحبوها لوشنو تسوي محد يدري عنها وتشوفها مريضة وخاملة وتداولها ضعيف والناس تنحاش منها .. سوقنا غيرطبيعي !!

 

[Abo Sarah]

كل الشكر لك اختي ساره وعسى الله يوفقك بحياتك ، بصراحه مجهود طيب تشكري عليه ، ولا ننسى اخونا البرقاوي المتميز ، وجميع اخوانا .

يارب تعلن شركة حيات عن عقود جديده كما صرحت الجمعيه العموميه ان الشركه بصدد التقدم لمناقصات ، ويتغير حال السهم ونشوف اسعار جديده باذن الله .

 

[Abo Sarah]

الاخوه الاحبه : اي أحد عنده معلومه عن سهم حيات كوم لا يبخل علينا .

 

[بن زيمه]

شلونكم يارجاله
المنحه نزلت؟؟
وفيها مراجعه وروحه ولا تنزل عادي مع أسهمي

 

[نواف الشبعان]

شلونكم يارجاله
المنحه نزلت؟؟
وفيها مراجعه وروحه ولا تنزل عادي مع أسهمي

الله يسلمك ويعافيك انا المنحه نزلت بالمحفظه من غير مراجعه - طبعا اتصلت علي موظف بمكتب السيف وافادني بنزول المنحه

 

[Abo Sarah]

شلونكم يارجاله
المنحه نزلت؟؟
وفيها مراجعه وروحه ولا تنزل عادي مع أسهمي

تنزل بحسابك يالحبيب بدون روحه ولا رده

 

[بن زيمه]

نواف الشبعان / ابو ساره

كلكم حلا

 

[fah00d]

وين رايح هذا .. مافيه لا صانع ولا بطيخ :|

يا فووق يا تحت .. ماكو حل وسط .. الله يسامحه

 

[aloood10]

فعلا السهم متروك لحاله ولااحد قاعد يجابله ويحافظ على اسعاره ..
صراحة مادري وين بيوصل كسر كل الدعومات !!!

 

[أميرهم كلهم]

بالتوفيق للجميع

 

[S.D]

لاحول ولا قوة الا بالله

ان الله مع الصابرين

 

[BARKAWI]

مشكورة أم ضاري على التحليل الوافي والشافي ،، فنياً السهم واقف على دعم حاليا ، والدعم التالي له هو المنطقة الوقعة بين 176-180 , وكسره يعني ربما انهيار السهم إلى مستويان الـ 140 ، والله أعلم

إن شاء الله يحافظ على هالدعم وإلا فهو إلى الهاوية (الله يجيرنا)!

 

[Abo Sarah]

بصراحه شي غريب يصير على سهم حيات كوم الا وهو شراء يومي بسوق الكسور وبنفس الوقت ضغط على السهم بالسوق الرسمي .

شنو اللي يصير ومن ورا هذا الشراء ما يندرى

 

[BARKAWI]

بصراحه شي غريب يصير على سهم حيات كوم الا وهو شراء يومي بسوق الكسور وبنفس الوقت ضغط على السهم بالسوق الرسمي .

شنو اللي يصير ومن ورا هذا الشراء ما يندرى

هذه يبيلها أم ضاري تفسرلنا إياها ، ومنا إلى أم ضاري

 

[Abo Sarah]

هذه يبيلها أم ضاري تفسرلنا إياها ، ومنا إلى أم ضاري

الاخت ام ضاري ، بناء على رغبة اخونا البرقاوي المتميز يرجى اعطائنا تحليل او افاده عن الغموض الحاصل على السهم .

 

[Abo Sarah]

وينك اخت ام ضاري طولتي علينا بردودك وتحاليلك .

 

[ساره78]

وينك اخت ام ضاري طولتي علينا بردودك وتحاليلك .

ابشر اخوى توه داشه المنتدى ماصارلى 5دقايق ..توه شفت المشاركات..

شوى خل انوم اليهال بس ..

 

[Abo Sarah]

ابشر اخوى توه داشه المنتدى ماصارلى 5دقايق ..توه شفت المشاركات..

شوى خل انوم اليهال بس ..

الله يقويك اختي ، اخذي وقتك .

 

[ساره78]

بصراحه شي غريب يصير على سهم حيات كوم الا وهو شراء يومي بسوق الكسور وبنفس الوقت ضغط على السهم بالسوق الرسمي .

شنو اللي يصير ومن ورا هذا الشراء ما يندرى

هذه يبيلها أم ضاري تفسرلنا إياها ، ومنا إلى أم ضاري

الاخت ام ضاري ، بناء على رغبة اخونا البرقاوي المتميز يرجى اعطائنا تحليل او افاده عن الغموض الحاصل على السهم .

صباح الخير اخوى بو باسل واخوى بو ساره والجميع ..
حيات قله فى التداول حاليا وهذا طبعه اثناء هبوطه يختلف عن الاسهم الشعبيه التى تتداول بكميات اثناء هبوطها ..
بشان ملاحظه الاخ بوساره تداوله بالكسور اليوم 25 الف سهم فقط من خلال 5صفقات واعتقد 3 صفقات بيع اخر نصف ساعه متتاليه حذفها متداول على المطلوب 186و184و182 بالكسور كل صفقه 5الاف وربما كان يملك وحده سابقا 10 الاف مع المنحه اراد التخلص من السهم ..
تداوله بالرسمى اكثر 140الف من خلال 7صفقات وطبعا يتضح غياب صانع السوق عن السهم حاليا ..وبالتاكيد صانع السوق يبداء يلم ويجمع منكم المنحه من تحت وربما من اسعار اقل من جذى ..صانع السوق يتعمد يزهقكم وتحسون بالملل من ندرة تداوله علشان يشترى منكم المنحه اللى منحها بابخس سعر يعنى تبونه يشتريها بالعالى
طبعا السهم فنيا سلبى حاليا ولان يكون ايجابى الابتجاوزه 198 فلس والاقفال فوقها ..
وسبق ذكرنا ان كسرها سلبى لكونها كسر للترند الصاعد ..خاصه وانها قاع سابق واى كسر للقاع بيودينا الى قاع اخر جديد ..كنا نتمنى ارتداده ولو وهمى ولكن يبدو ان صانع سوقه تاركه حاليا وله هدف بالهبوط بيوصله .
وخلك فى بالك اخوى بو ساره ان صانع حيات باله طويل جدا ممكن يستمر على هالحاله تقريبا شهرين عادى عنده فلاتستعجل الامور وتحسبها انها تنتهى بسرعه ويرد السهم الى اسعار فوق محتاج صبر خاصه بعد اعلانه خساره الربع الاول وان شاء الله الربع الثانى يكون اعلانه طيب وارباح
حاليا نتتظر قاعه اللى يرتد منه او يتماسك عنده ..والسهم اليوم كسر دعم 190ولامس دعم 180وارتد اقفل 184..وكسر دعم 180يودينا الى 168 دعم وقاع .المفروض انه يكون نقطه ارتداد..
كما ذكرت السهم لن يكون ايجابى الابتجاوزه 198 فلس ..