تبي تنزل مليون كيلو بيومين ... ادخل وتعلم

[خبير تغذية]

تسلم يا دكتور ماقصرت على هالمعلومات القيمة

صحيح وزني يعتبر زايد لكن جسمي مو بالشكل الي تتصوره يعني الي بنفس طولي ووزني انا أضعف منه بشكل ملحوظ والحمدلله - حسب ماقالتلي دكتورة سابقا ان عظمي ثفيل والله أعلم

انت قلت ( اذا تبي تنزل وزنك لازم توفر حق جسمك الأكل الازم وتسوي كل الشغلات اللي ترفع من معدل عمليات الأيض بالجسم )
بصراحة انا ماعرف أرفع معدل الأيض ياليت تعطيني نبذة بسيطة عنها

وبالنسبة لما قلت عدل أكلك انا قلتلك ان معظم أكلي صحي لكن عيبي اني آكل بكميات كبيرة وانا أعترف انه خطأ
والي فهمته منك إنه لايوجد حل لسد الشهية الا بتغيير نوع الطعام هل هذا صحيح ؟

شكرا لك يا دكتور

أخوي سبورتي ...

قبل البدء ... ثقف روحك بقراءة شوية مقالات عن الموضوع

http://ar.wikipedia.org/wiki/الأيض

http://en.wikipedia.org/wiki/Metabolism

في مليون طريقة تقدر من خلالها ترفع من معدل عمليات الأيض ... أول تقسيم الوجبات الغذائية الى خمس وجبات يوميا بين كل وحدة ووحدة ٣ ساعات مع مراعاة التقليل من الوجبة الأخير وزيادة الوجبة الأولى

والطريقة الثانية .. زيادة وزن العضلات بالجسم ... العضلات بجسم الانسان مثل الأفران ... كل ما كان عندك أفران أكبر كل ما قدرت تحرق سعلاات حرارية أكثر وبالتالي زيادة في معدلات الأيض .. وللعلم زيادة كيلو واحد فقط من العضلات يتسبب في حرق ٢١ سعرة حرارية اضافية يوميا !!

الطريقة الثالثة ... الرياضة الرياضة الرياضة .... كل ما زدت أيام الرياضة اسبوعيا ... كل ما زاد معدل عمليات الأيض

ملاحظة : حق طولك ... وزن عظمك الطبيعي يتراوح بين الـ ٣ والـ ٤ كيلو ... بافتراض انه عظمك ثقيل ... ماراح يزيد عن الـ ٥ كيلوجرام

أتمنى اكون جاوبتك على اسألتك ... واذا عندك اي استفسار ان شاء الله ما نقصر

 

[ثامر87]

سلام عليكم
اخوي خبير تغذيه شوف الخاص ما عليك امر

 

[فجر الكويت]

السلام عليكم خبير التغذيه بنسبه للنقطه الي ذكرتها الناس الي تبيع منتجات تخسيس قصدها الربح مو الكل بلعكس انا وحده من الناس فكرت ابيع منتجات تخسيس عشان افيد الناس وايضا استفيد بس اشلون يتني فكرة التجاره>> لأن انا كنت اصلا متينه وجربت انواع مختلفه من الحبوب ورحت حق دكاترة تخسيس ولا فاد معاي لين ما جربت حبوب معينه وايضا مثل ما ذكرت الشاي الصيني الخضر الاصلي وياب نتيجه حلوه اهني فكرت ابيع الي انا جربته على نفسي وياب نتيجه حلوه معاي واخلي الناس تستفيد وايضا انا استفيد لكن مو معناته ان كل الناس قصدها الربح وما يهمها شنو اهيا قاعد اتبيع

وارد اكرر الحبووووووووووب التخسيس جميعها تعتبر عامل مساعد في التخسيس وحرق الدهون وليست الاساس يعني اذا الناس قاعد تنزل بدون حبوب من كيلوين الى 4 بشهر مع الحبوب ممكن تنزل من 6 الى 8

وسألوا المجربه ولا تسألون الطبيب

وشكرا لك اخ خبير التغذيه وعلى مجهودك الطيب والرائع ومنها للاعلى ان شاء الله

 

[خبير تغذية]

سلام عليكم
اخوي خبير تغذيه شوف الخاص ما عليك امر

تم الرد

 

[خبير تغذية]

السلام عليكم خبير التغذيه بنسبه للنقطه الي ذكرتها الناس الي تبيع منتجات تخسيس قصدها الربح مو الكل بلعكس انا وحده من الناس فكرت ابيع منتجات تخسيس عشان افيد الناس وايضا استفيد بس اشلون يتني فكرة التجاره>> لأن انا كنت اصلا متينه وجربت انواع مختلفه من الحبوب ورحت حق دكاترة تخسيس ولا فاد معاي لين ما جربت حبوب معينه وايضا مثل ما ذكرت الشاي الصيني الخضر الاصلي وياب نتيجه حلوه اهني فكرت ابيع الي انا جربته على نفسي وياب نتيجه حلوه معاي واخلي الناس تستفيد وايضا انا استفيد لكن مو معناته ان كل الناس قصدها الربح وما يهمها شنو اهيا قاعد اتبيع

وارد اكرر الحبووووووووووب التخسيس جميعها تعتبر عامل مساعد في التخسيس وحرق الدهون وليست الاساس يعني اذا الناس قاعد تنزل بدون حبوب من كيلوين الى 4 بشهر مع الحبوب ممكن تنزل من 6 الى 8

وسألوا المجربه ولا تسألون الطبيب

وشكرا لك اخ خبير التغذيه وعلى مجهودك الطيب والرائع ومنها للاعلى ان شاء الله

اختي فجر الكويت ...

اول شي انا مو قاعد اسوي أكثر من مجرد واجب ورسالة لازم أوصلها للناس ... ويمكن فتح باب الاسئلة أحدها .. واتمنى اكون فدت لو عدد بسيط من الناس


ثاني شي ... الله يوفقج ان شاء الله في تجارتج ومنها لأعلى


ثالث شي ... انا ما ودي أعلق على مسألة الحبوب اللي انتي عارضتها .. لأني أشوف الموضوع قطع أرزاق ... إلا اذا عطيتيني الضوء الأخضر اني اتكلم على راحتي ... راح اقول رايي بكل صراحة وعلى اساس علمي بحت ...


واذا عندج اي تعليق او اي سؤال ... انا شاء الله ما راح اقصر ...


(للعلم : عندي تحفظ على هالجملة (ورحت حق دكاترة تخسيس ولا فاد معاي) ... اسألي عنها ان شئتِ)

 

[فجر الكويت]

السلام عليكم اخوي خبير التغذيه

اولا : تقبل كامل مروري واحترامي لك

ثانيا : لك الضوء الاخضر تكلم بلي تبيه واخذ راحتك دام الموضوع اخذ وعطا ما عليه لك الضوء الاخضر

وثالثا : بنسبه اني رحت لداكترة تغذيه اي نعم رحت ولا ياب اي نتيجه لأن انا ما كان عندي اراده مو لأن العيب فيهم ولا تتحفظ لا تكلم بلي تبيه خذ راحتك

رابعا : الي ما عنده اراده نفسي شنو بسوي وااايد ناس تره اوزانهم طاقه 140 كيلو وفوق يعني اشلون اذا ما فيهم اراده يضعفون ؟؟وانا ارد اكرر وخطين تحت الجمله الحبوب عامل مساعد في التخسيس

خامسا: اذا كانت جميع الادوية التخسيس لها عوارض جانبيه وسيئه عيل اين العلاج السليم لا بد هناك ادويه لتخسيس ليست لها اي عوارض ؟؟ لحديث الرسول صلى الله عليه وسلم لكل داء دواء و تره ايضا السمنه المفرطه تؤدي الى امراض عديده وايضا الكثير ماتوا من السمنه

وتفضل قول الي تبيه الحين

واسفه اذا ثقلت عليك اخوي تره الدنيا كلها اخذ وعطا وان شاء الله نستفيد منك>>> اكبر منك بيوم افهم منك بسنه

وتقبل مروري واحترامي

 

[خبير تغذية]

لمشاركة الأصلية كتبت بواسطة فجر الكويت

مشاهدة المشاركة
السلام عليكم خبير التغذيه بنسبه للنقطه الي ذكرتها الناس الي تبيع منتجات تخسيس قصدها الربح مو الكل بلعكس انا وحده من الناس فكرت ابيع منتجات تخسيس عشان افيد الناس وايضا استفيد بس اشلون يتني فكرة التجاره>> لأن انا كنت اصلا متينه وجربت انواع مختلفه من الحبوب ورحت حق دكاترة تخسيس ولا فاد معاي لين ما جربت حبوب معينه وايضا مثل ما ذكرت الشاي الصيني الخضر الاصلي وياب نتيجه حلوه اهني فكرت ابيع الي انا جربته على نفسي وياب نتيجه حلوه معاي واخلي الناس تستفيد وايضا انا استفيد لكن مو معناته ان كل الناس قصدها الربح وما يهمها شنو اهيا قاعد اتبيع

وارد اكرر الحبووووووووووب التخسيس جميعها تعتبر عامل مساعد في التخسيس وحرق الدهون وليست الاساس يعني اذا الناس قاعد تنزل بدون حبوب من كيلوين الى 4 بشهر مع الحبوب ممكن تنزل من 6 الى 8

وسألوا المجربه ولا تسألون الطبيب

وشكرا لك اخ خبير التغذيه وعلى مجهودك الطيب والرائع ومنها للاعلى ان شاء الله

السلام عليكم اخوي خبير التغذيه

اولا : تقبل كامل مروري واحترامي لك

ثانيا : لك الضوء الاخضر تكلم بلي تبيه واخذ راحتك دام الموضوع اخذ وعطا ما عليه لك الضوء الاخضر

وثالثا : بنسبه اني رحت لداكترة تغذيه اي نعم رحت ولا ياب اي نتيجه لأن انا ما كان عندي اراده مو لأن العيب فيهم ولا تتحفظ لا تكلم بلي تبيه خذ راحتك

رابعا : الي ما عنده اراده نفسي شنو بسوي وااايد ناس تره اوزانهم طاقه 140 كيلو وفوق يعني اشلون اذا ما فيهم اراده يضعفون ؟؟وانا ارد اكرر وخطين تحت الجمله الحبوب عامل مساعد في التخسيس

خامسا: اذا كانت جميع الادوية التخسيس لها عوارض جانبيه وسيئه عيل اين العلاج السليم لا بد هناك ادويه لتخسيس ليست لها اي عوارض ؟؟ لحديث الرسول صلى الله عليه وسلم لكل داء دواء و تره ايضا السمنه المفرطه تؤدي الى امراض عديده وايضا الكثير ماتوا من السمنه

وتفضل قول الي تبيه الحين

واسفه اذا ثقلت عليك اخوي تره الدنيا كلها اخذ وعطا وان شاء الله نستفيد منك>>> اكبر منك بيوم افهم منك بسنه

وتقبل مروري واحترامي

أختي فجر الكويت ...

أول شي ودي أبلش مع دكتور التغذية اللي رحتيله ... ممم في بالكويت وايد دكاترة تغذية ... ومنهجية وفلسفة كل واحد تختلف اختلاف كلي عن غيره ... فعلى سبيل المثال ... الدكتور حسين دشتي يعتمد ريجيم الدهون والبروتينات .. أما الدكتور بدر نصرالله يعتمد ريجيم الكربوهيدرات البسيطة والمعقدة ... وفي غيرهم يعتمدون توزيع الأكل بنسب معينة ودقيقة ... وأشهرها 60-30-10 يعني 60% كربوهيدرات 30% بروتينات 10% دهون ... والى ما شاء الله من أنواع الرجيم في الدنيا ...

شنو اللي انا ابي اوصلله الحين ؟

بافتراض انج فعلا رحتي عند كتور معين ... و بافتراض انه الدكتور هذا وايد زين ... وبافتراض انج مشيت على جدوله الغذائي بحذافيره ... وبعد كل هذا ما ياب نتيجه وياج ... السبب بسيط وهو انه جسمج ما يقدر يتأقلم مع هالنوع من أنواع الرجيم ...
بس المشكلة مو هني ... المشكلة انه كل الافتراضات اللي فوق مالها أي دليل من الصحة ... يعني يمكن انتي رايحة حق دكتور (على كلامج) بس للأسف اهوا مو زين ... ويمكن اهوا زين بس انتي اصلا ما مشيتي على النظام الغذائي اللي حطلج اياه ... والغريب انج تطلعين وتقولين

" ورحت حق دكاترة تخسيس ولا فاد معاي "

انا ما ادري حق جم دكتور انت رايحة ... بس لما رحتي هذا اللي صار

"بنسبه اني رحت لداكترة تغذيه اي نعم رحت ولا ياب اي نتيجه لأن انا ما كان عندي اراده مو لأن العيب فيهم"

!!!!

على العموم انا مو هدفي التحقيق ولا شي ... بس حبيت احط النقاط على الحروف ...

ثاني شي ... بالنسبة حق الوزن اللي نزلتيه بسبب الحبوب او الشاي الأخضر او اي منتج ثاني بالدنيا ... راح ابدا بشوية افتراضات وبعدين اثبت عدم صحتها

بافتراض انه الحبوب اللي عندج واااايد زينه ... وبافتراض انه مالها اي اضرار جانبية ولا تأذي الجسم بأي شكل من الأشكال ... وبافتراض انها راح تنزل الوزن بشكل رئيسي أو عامل مساعد لإنزال الوزن ... وبافتراض انه تمشي على كل أنواع الأجسام والكل راح ينزل وزنه مهما كان عمره وفصيلة دمه وطوله وشكله وطبيعة جسمه ....

لو كل الافتراضات اللي فوق صحيحة ... في سبب رئيسي جدا جدا جدا يخلي أي شخص فاهم بالتغذية (لو بشكل جدا بسيط) ما يستخدمها!!!!!!

ليش ؟

لانه بكل بساطة كل الوزن اللي راح تخسرينه او يخسره اي واحد يستخدم هالحبوب او غيرها تساعد على انزال .... وزن العضلات اللي بالجسم مو الدهون!!!!!

جسم الانسان لا يمكن انه يخسر الدهون من غير رياضة ... لو تاكلين باليوم الكامل تفاحة وحدة لمدة شهر كامل ... راح ينزل وزنج ... بس كل اللي راح ينزل اهوا وزن العضلات مو الدهون ...

تبي تعرف شنو الفرق ؟

لما الجسم يخسر الدهون ... يصير ناشف اكثر ويابس أكثر وطبعا أحلى وأحلى ... لان الترهلات كلها تختفي وتبقى العضلات

أما لو خسرت وزن من عضلاتك (سواء ذكر ولا انثى) ... لما توقف على الميزان راح تلقى فعلا وزنك نازل وراح تلبس مقاس اصغر ... بس بينك وبين نفسك راح تلوع جبدك من روحك ... لانه ترهلاتك راح تزيد وتزيد .... وعلشان جذي نشوف وااااااااااااايد ناس بعد ما تسوي ريجيم تسوي عمليات تجميل حق المعدة والخواصر لإزالة الجلد والدهون الجلدية المترهلة

الحين لو ودك تسمع شوية ارقام حياك الله وياي ...

بافتراض انه وزنك الحين 85 كيلو جرام وطولك 175 سم ونسبة الدهون بجسمك 20% ... وبالتالي فان وزنك من غير دهون 68 كيلو جرام ووزن الدهون بجسمك 17 كيلو جرام
وبافتراض انك كل يوم قاعد تروح الممشى او النادي او تسوي اي رياضة ... هذا يعني انك تحرق باليوم الواحد 2800 سعرة حرارية ... وبما انك انسان ومحتاج تاكل .. الرقم الانسب لك انك تاكل باليوم واحد 2200 سعرة حرارية

وبالتالي انته قاعد تخسر يوميا 2800-2200=600 سعرة حرارية

ولمعلوماتك ... الكيلو الواحد من الدهون يستلزم حرق 9000 سعرة حرارية!!

عرفت الحين شنو اللي ابي اوصله ؟

انك انته محتاج في افضل الحالات الى 9000/600= 15 يوم علشان تنزل كيلو جرام واحد فقط من الدهون !!!!

هذا يعني انك اذا نزلت بالشهر الواحد اكثر من 2 الى 3 كيلو ... تأكد 100% انك خسرت وزن من عضلاتك !!


اتمنى قدرت اوصل المعلومة ... والحين اتوقع ماله داعي اتكلم عند الاضرار الجانبية للحبوب او ادوية الرجيم ...



ثالث شي .... بالنسبة للي ما عنده اراده ووزنه 140 كيلو ... وجهة نظري الشخصية ... أحسنله وايد انه يكون متين ومتى ما صار عنده اراده خل يسوي رجيم غذائي مع رياضة .. ولا انه يخسر عضلاته


رابع شي ... أدوية الرجيم اللي مالها اضرار جانبية ... لها أضرار أساسية ...
للتوضيح أعطي هالمثال

مكينة سيارة بقوة 505 حصان (كورفت مثلا) راح تمشي لمدة 15 سنة مثلا وبعدين تخترب المكينة

تعال انته وحط على المكينة غاز وتيربو ... راح تمشي بقوة 700 حصان مثلا ... بس مستحيل تدوم 15 سنة !! لازم اقل لانه الاشياء هذي تقصر من عمر المكينة


هذا الحال بالضبط مع الانسان ... الناس اللي في الريف بشكل عام أعمارهم أطول من الناس اللي بالمدن والسبب واضح ... نوع الغذاء وقلة استخدام الأدوية العلاجية

فما بالك بالأدوية اللي تزيد من قوة عمليات الأيض بالجسم وتعمل على حرق سعرات حرارية أكثر من المستوى الطبيعي ... أكيد انها راح تقصر بعمر الشخص ... وهذا الحاصل ويانا ... لانه الدوا ما فيه اضرار جانبية لا يعني بتاتا انه ما يأثر على الانسان ..


أنا آسف جدا على الاطالة ... و أتمنى اني أكون رديت على الأسئلة كلها ... وأتمنى اني ما اكون مقصر ...

واللي عنده اي استفسار او اي سؤال ... انا حاضر

وسلامتكم




-----------------------
bo adam

 

[فجر الكويت]

كل كلامك منطقي ومفهوم لكن كل انسان وله وجهة نظره بلحياة
بس حبيت اسألك عن الشاي الاخضر انت ذكرت كل شي يزيد من عمليات الايض والحرق يقصر في عمر الانسان انزين والشاي الاخضر يقولون يعمل على زيادة حرق السعرات الحراريه يعني هل هو فعلا يقصر فلعمر وضار في صخة الانسان ؟؟

 

[Growth]

وحش

 

[العنزي1]

يصبحك بالخير دكتور ؟؟

دكتور بصراحه أنا اّيست من الريجيمات والدكاتره الي جيتهم بالديره بصرااااااحه

استمر شهرررررررر بالكثير وااااااامل ماتحمل ازهق

صارلي فترة 3 شهور أفكر اما بالشفط أو ربط المعدة شرايك ؟

 

[خبير تغذية]

كل كلامك منطقي ومفهوم لكن كل انسان وله وجهة نظره بلحياة
بس حبيت اسألك عن الشاي الاخضر انت ذكرت كل شي يزيد من عمليات الايض والحرق يقصر في عمر الانسان انزين والشاي الاخضر يقولون يعمل على زيادة حرق السعرات الحراريه يعني هل هو فعلا يقصر فلعمر وضار في صخة الانسان ؟؟

اختي فجر الكويت ...
الشاي الأخضر طبيعي 100% ... بس كل شي يزيد عن حده ينقلب ضده
كوب او اثنين في اليوم يعتبر رقم جيد

 

[خبير تغذية]

وحش

حياك الله أخوي Growth ...

أتمنى انك استفدت ولو بشيء بسيط ... واذا عندك اي سؤال تفضل ولا يردك الا لسانك وان شاء الله اللي نقدر عليه نسويه

 

[خبير تغذية]

يصبحك بالخير دكتور ؟؟

دكتور بصراحه أنا اّيست من الريجيمات والدكاتره الي جيتهم بالديره بصرااااااحه

استمر شهرررررررر بالكثير وااااااامل ماتحمل ازهق

صارلي فترة 3 شهور أفكر اما بالشفط أو ربط المعدة شرايك ؟

أخوي العنزي ...

قبل لا تسمع رايي ... اتمنى تعطيني معلومات زيادة عنك .. طولك ووزنك ونسبة الدهون بجسمك ... وعلى أساسها أقولك

 

[simple23]

السلام عليكم
يعطيك العافيه اخوي
واسمحلي اذا كان في الرساله ازعاج بس شفت موضوعك ف قلت اسالك
اخوي بختصار انا كان وزني 103 وحاليا 97 وطولي 167
ومشترك مع مطعم لو فات للتغذيه على اساس وجباات يجيبون لي ورياضه المشي صراحه ما امشي الا المشي الطبيعي حق اشغال وجذي مو رياضه وصارلي اسبوعين وياهم وباقي اسبوعين من الاشتراك ونزلت بالاسبوع الاول 2 كيلو
والاسبوع الثاني نص كيلو يمكن لان خربطت وجبتين بيومين مختلفين
نظامي انا الوجبات فقط غدا وعشى لان ريوق ما اشتهي
ومشترك بنادي رياضي والعب حديد
وعندي 3 اوزان للجسم من الصيدليه
بس الاول ماني متاكد مسوي نفس كلامك ع الريج
تاريخ25-4
وزن الدهون 42.8
نسبه الدهون 42.3
وزن من غير الدهون 58.4

تاريخ 27-5
وزن الدهون 39.5
نسبه الدهون 40.4
الوزن من غير دهون 58.4

تاريخ 6-6
وزن الدهون 39.9
نسبه دهون 41.3
وزن بدون دهون 56.9

ف مادري شنو نصيحتك لي وهل اللي امشي عليه صح
وحاليا مبلش مشي بالمنزل 20 دقيقه يوميا ان شاء الله
والنادي العب حديد
هل الحديد مو زين بالنسبه لجسمي
وشكرا
وبنهايه الرساله اشتراك مطعم لوفات باقي له اسبوع ف ودي ابلش ريجيم منزلي ف شنو تنصح فيه اذا عندك برنامج غذائي
انا حصلت ريجيم حق عبدالله المطوع
يوم نشويات ويوم بدون نشويات لمده 6 اياام وشكرا

 

[ابوحمزه]

السلام عليكم خبير التغذيه
عندى أستفسار بسيط لو تكرمت هل أنت دكتور أم انك تملك معلومات جيدة عن التغذيه؟
لانى لاحظت ان كثير من الأعضاء يستخدمون لفظ دكتور فى أستفساراتهم دون ان تصرح انت بذلك.وتقبل مرورى.



سبحان الله وبحمده عدد خلقه ورضا نفسه وزنة عرشه ومداد كلماته.

 

[خبير تغذية]

السلام عليكم
يعطيك العافيه اخوي
واسمحلي اذا كان في الرساله ازعاج بس شفت موضوعك ف قلت اسالك
اخوي بختصار انا كان وزني 103 وحاليا 97 وطولي 167
ومشترك مع مطعم لو فات للتغذيه على اساس وجباات يجيبون لي ورياضه المشي صراحه ما امشي الا المشي الطبيعي حق اشغال وجذي مو رياضه وصارلي اسبوعين وياهم وباقي اسبوعين من الاشتراك ونزلت بالاسبوع الاول 2 كيلو
والاسبوع الثاني نص كيلو يمكن لان خربطت وجبتين بيومين مختلفين
نظامي انا الوجبات فقط غدا وعشى لان ريوق ما اشتهي
ومشترك بنادي رياضي والعب حديد
وعندي 3 اوزان للجسم من الصيدليه
بس الاول ماني متاكد مسوي نفس كلامك ع الريج
تاريخ25-4
وزن الدهون 42.8
نسبه الدهون 42.3
وزن من غير الدهون 58.4

تاريخ 27-5
وزن الدهون 39.5
نسبه الدهون 40.4
الوزن من غير دهون 58.4

تاريخ 6-6
وزن الدهون 39.9
نسبه دهون 41.3
وزن بدون دهون 56.9

ف مادري شنو نصيحتك لي وهل اللي امشي عليه صح
وحاليا مبلش مشي بالمنزل 20 دقيقه يوميا ان شاء الله
والنادي العب حديد
هل الحديد مو زين بالنسبه لجسمي
وشكرا
وبنهايه الرساله اشتراك مطعم لوفات باقي له اسبوع ف ودي ابلش ريجيم منزلي ف شنو تنصح فيه اذا عندك برنامج غذائي
انا حصلت ريجيم حق عبدالله المطوع
يوم نشويات ويوم بدون نشويات لمده 6 اياام وشكرا

اخوي simple23 ...


أشكر مشاركتك للمعلومات هذي ... وللعلم اهيا معلومات جدا قيمة أتمنى كل الأعضاء يقرونها ...


الحين نبدأ بالموضوع ..


أول شي .. لا تفكر أبداااااا تنزل وزنك أو تسوي رجيم من غير رياضة ... لأن بكل بساطة راح يصير فيك مثل ما احنا قاعد نشوف الحين ... والحين نبدأ بالتحليل

شهر 4 .. كان وزنك 101.2
شهر 5 .. كان وزنك 97.9
شهر 6 .. صار وزنك 96.8

أي واحد لو يعرف المعلومات هذي ... بكل بساطه راح يقولك ... انته ضعفت وكمل مشوارك وخلال جم شهر راح يصير جسمك مثالي ..

للأسف أخوي اللي قاعد يصير وياك .. أحد أكبر المشاكل الموجودة .. وهي نقصان الوزن وزيادة نسبة الدهون !!

خلال الشهرين اللي طافو .. انته نزلت من 101.2 لي 96.8 يعني 4.4 كيلو ... والرقم هذا جيد جدا ... بس وين المشكلة ...

المشكلة انه في الشهر الأخير نزلت وزن تقريبا 1.5 كيلو بس من العضلات ... وبالتالي زادت نسبة الدهون بجسمك ..

واللي صار منطقي جدا جدا ...
الريجيم الغذائي اللي يتكون من 3 وجبات .. قااااااااااتل ... فما بالك وانته قاعد اتطوف الريوق !! وخصوصا وأقولها من غير أي تحفظات ... وجبة الريوق أهم وجبة باليوم كله دون أدنى شك !

اذا كملت على طريقتك اللي انته ماشي فيها ... راح تضعف وراح ينزل وزنك بس راح تزيد الترهلات اللي بجسمك بشكل خيالي ... وراح تنجبر على عمليات التجميل !!

أما بالنسبة للرجيم اللي انته حاطه ... كل واحد عنده وجهة نظر .. بس يوم من غير نشويات يعني يوم خمول لأنها اهيا مصدر الطاقة الرئيسي !!

تبي نصيحتي ..

قبل لا تسوي أي ريجيم ... حاول تعود روحك على روتين معين ولا تغيره مهما يصير ... يوم نادي حديد ويوم مشي ... وبالنادي لا تلعب أوزان كبيره .. إلعب أوزان صغيره وزيد التكرار ... ويوم المشي امش 45 دقيقة ولا تتنازل عنها ...
ولا تنسى وجبة الريوق لو شنو يصير ...

مبدئيا نوع الأكل مو مشكله ... بس أول شي عود روحك على اللي قلتلك عليه .. بعدين عدل بالأكل ...

أتمنى اذا كان عندك أي سؤال تتفضل ولا يردك الا لسانك ...

والسلام

 

[خبير تغذية]

السلام عليكم خبير التغذيه
عندى أستفسار بسيط لو تكرمت هل أنت دكتور أم انك تملك معلومات جيدة عن التغذيه؟
لانى لاحظت ان كثير من الأعضاء يستخدمون لفظ دكتور فى أستفساراتهم دون ان تصرح انت بذلك.وتقبل مرورى.



سبحان الله وبحمده عدد خلقه ورضا نفسه وزنة عرشه ومداد كلماته.

أخوي ابوحمزه ...

اي انا مو دكتور ..بس عندي معلومات بسيطة وحبيت أفيد غيري فيها

 

[ابوحمزه]

أخوي ابوحمزه ...

اي انا مو دكتور ..بس عندي معلومات بسيطة وحبيت أفيد غيري فيها

جزاك الله خير على مجهودك الطيب.


سبحان الله وبحمده عدد خلقه ورضا نفسه وزنة عرشه ومداد كلماته.

 

[أبو فارس 454]

خبير تغذيه
انا عمرى 38
الطول 175
الوزن حاليا 104
الدهون 36 طبعا من الوزن اللى فوق
مع العلم اننى من محبى رياضة المشى
وكنت امارس رياضة المشى اليومى منذ تاريخ شهر 4
وقد نزلت منذ ذالك التاريخ حتى هذا اليوم حوالى 16 كيلو فقط
واللى ابيه منك هو برنامج خاص لحرق الدهون
او اى دواء او اى شاى
وشكرا لك
وذالك لتعم الفائده للجميع
فى امان الله

 

[خبير تغذية]

جزاك الله خير على مجهودك الطيب.


سبحان الله وبحمده عدد خلقه ورضا نفسه وزنة عرشه ومداد كلماته.

حياك الله اخوي... عزيز وغالي ... واذا عندك اي سؤال لا يردك الا لسانك