تبي تنزل مليون كيلو بيومين ... ادخل وتعلم

[الأبرق]

السلام عليكم .. يعطيك العافيه على الموضوع الشيق .. اخوي انت ذكرت نقطه وهي :
وااااايد عوامل تحدد الشي هذا ... بس أقدر أقولك أهمها

١- التغذية من الصغر


ممكن اتوضح هالنقطه بالتفصيل لو سمحت وشكرا

 

[qadsawi]

الله يوفقك اخوي خبير التغذية ويعطيك العافية علي هالمعلومات بس توني ادري انه فيه فوايد البقدونس جذي بس زيت البقدونس وين احصله وياريت تعطينه كل يوم فوايد الخضروات والشغلات الي تفيدنه والله يجزاك خير

 

[خبير تغذية]

طولي 178 وزني 105 وبلشان بلشه في صراع مع الرجيم نبي الحل المناسب مع اني العب رياضه مس متقطع اذا في برنامج مناسب ونقدر نتماشى معاه

أخوي سلمان الفهد ....


النقاط اللي ذكرتها بالردود اللي طافت مفيدة وايد وتنطبق على الكل ..

اذا تبي تعرف جم سعرة حرارية لازم تاكل باليوم وبالوجبة ... وتفاصيل أدق شويه ... لازم تقول جم نسبة الدهون بجسمك ... وانا ذكرت شلون ممكن تعرفها

 

[خبير تغذية]

السلام عليكم .. يعطيك العافيه على الموضوع الشيق .. اخوي انت ذكرت نقطه وهي :
وااااايد عوامل تحدد الشي هذا ... بس أقدر أقولك أهمها

1- التغذية من الصغر


ممكن اتوضح هالنقطه بالتفصيل لو سمحت وشكرا

أخوي الأبرق ....

في عوايل تربي عيالها على العز والدلال من الصغر ... فتخلي ما شاء الله متبتب هالياهل ولا بحياته حس باليوع ... والأهل المساكين علبالهم انه اللي قاعدين يسوونه دليل على الكرم .... للأسف انه الخلايا الدهنية الموجودة بجسم اليهال تكبر وتكبر كل ما كل زيادة ... لين يوصل عمر ماله رده ... وبالتالي ... الخلية الدهنية تكون كبيره بسبب التغذية والعناية الزائدة عن الحاجه .... وما تقدر تخلي هالخلايا تصغر مره ثانية ... والنتيجة انك بهالعمر تسوي ريجيم وحالتك حالة وبس توقف فترة ترد مثل ما كنت ...

أقدر اشبهلك العملية بالماي ... الماي مهما حاولت تجمده ... بسهولة راح تقدر ... بس حط الثلجه بجو الغرفه 5 دقايق ... تلقاها ردت ماي مره ثانية ...

أتمنى وصلتلك الصورة

 

[خبير تغذية]

الله يوفقك اخوي خبير التغذية ويعطيك العافية علي هالمعلومات بس توني ادري انه فيه فوايد البقدونس جذي بس زيت البقدونس وين احصله وياريت تعطينه كل يوم فوايد الخضروات والشغلات الي تفيدنه والله يجزاك خير

وهذي علشانك يا قدساوي ....



المرقدوش

وهو نبات عشبي معمر ينمو في المناطق الباردة و في سواحل البحر الأبيض المتوسط وشبه الجزيرة العربية وجاوة والهند والصين،
ويزرع في أوروبا وأمريكا و هو موجود بكثرة في المدينة المنورة


اسمائه


له عدة اسماء منها الوزاب والدوش والمردقوش ويعرف علميا باسم Origanum Vulgare او Marjoram ويستعمل النبات بجميع اجزائة

محتواه


وهو من عائلة نباتية معروفة بتأثيرها الدوائي الناجح ويعتبر البردقوش من فصيلة النباتات الشفوية ويحتوي النبات على زيت طيار واهم مركب فيه هو الثيمول والكافاكرول ويحتوي النبات ايضا على ادوريجانين ومواد عفصية وحمض
الروزمارينيك ومواد راتنجية وفلافونيدات وبه مادة كافورية



فوائدة
1- من اهم فوائدة انه يساعد على التوازن الهرموني في أي عمر من الأعمار(لو هرمون معين مرتفع يخفضة ولو منخفض يرفعه )سبحان الله

كما قال الدكتور عبد الباسط محمد السيد أنه وجد بالتجريب العلمي ،أن المستخلص المائي المحتفظ بالزيوت الطيارة ، من هذا العشب ، له أثر فعال في تنظيم هرمونات الرنين ، و الآلدوستيرون ، والبروستاجلاندين ، وهي هرمونات الغدة الجاركلوية ، كما أن التجارب الهرمونية أثبتت أن لهذا
المستخلص القدرة على إحداث التوازن الطبيعي لنسب هرمونات التكاثر والذي يسبب الخلل فيه بالنقص او الزيادة إلى حدوث العقم سواءعند الذكور أو الإناث.


ولما كان هذا العشب يحتوي على مولدات الهرمونات في صورة تربينات ، لذا فإنه مفيد لتنظيم الهرمونات و إذا أخذه الأصحاء فإنه لا يؤثر في اتزانهم الهرموني ، بل يؤدي دوره في إسراع التمثيل الغذائي General anabolic .
2- ويعتبر مخفض لضغط الدم (لو شخص مريض بضغط الدم يشرب بمعدل 100 مل باليوم وسوف يستغني عن الدواء )وورد أن رسول الله صلى الله عليه واله و سلم وصفه في علاج ضغط الدم (اسأل مجرب )

3- و ثبت حديثاً أن المستخلص المائي المحتفظ بالزيوت الطيارة منه يخفض سكر الدم بنسبة تصل إلى 15 %


4- كما ورد في الطب النبوي في حالات الخشام أي الزكام وثبت علميا انه يقوم بتوسيع الشعب الهوائية مما يساعد فى علاج نزلات البرد ويفيد كغرغرة في التهاب الحلق أو يشم كبخار ماء لعلاج الجيوب الأنفية ،ومذيب للبلغم ويفيد في حالات الربو والبرد والكحة وإحتقان الجيوب الأنفية وقرح الفم


5- تشير الدراسات العلمية الى ان نبات البردقوش له تأثير مضاد للاكسدة مثله مثل مضادات الاكسدة الاخرى ، وفي دراسة عملت على 100نبات من نباتات الفصيلة الشفوية الذي يعتبر نبات البردقوش من ضمنها وجد ان هذا النبات كان افضل نبات اعطي تضاد للاكسدة.


6- وله تأثير كبير في علاج التهاب المفاصل والآلام الروماتزمية يستخدم الزيت الناتج منه في علاج المفاصل.


7- ويستخدم العشب في علاج حالات عدم انتظام الدورة الشهرية ، و كذلك يزيل متاعب الطمث و عسره وآلامه عند السيدات، كما وجد الدكتور عبد الباسط أنه ينظم هرمون البرولاكتين المسؤول عن انتظام دم الدورة، وأنه عند تجريبه بواقع كوبين من المستخلص المائي منه فإنه يحل محل الدواء الكيميائي ،و من ناحية أخرى فإنه يستخدم بنجاح في علاج حالات تسمم الحمل ، إذ إنه آمن تماماً أثناء الحمل


8- ويعتبر مركب مضاد للبكتريا ومضاد للفيروسات والميكروبات‏ ومطهر للجراثيم ويعود السبب لوجود مركب حمض الروزمارينيك و يستخدم في الولايات المتحدة الأمريكية كمضاد للميكروبات ، إذ يوضع مع اللحوم المصنعة كمادة حافظة طبيعية


9- كما أن له تأثيرا مسكنا ومضادا للالتهابات وخافضا للحرارة‏،علاوة علي دوره الفعال في تقوية الجهاز المناعي وهذا التأثير تفوق علي بعض الأدوية القياسية التي استخدمت في هذه الدراسة‏ وقد أثبتت الأبحاث أن لمستخلص هذا العشب تأثيرا محفزا لجهاز المناعة يساوى تماما التأثير المعروف لحبة البركة


10- ويستخدم ضد آلام القلب وهو يوسع الشرايين والشعيرات الدموية وقد وجد ان مركبات هذا النبات تمنع تهتك الخلايا وحسب وكالة الأنباء الكويتية "كونا" فإن الدراسات التي أجريت لبيان التأثير العلاجي لمستخلص نبات "البردقوش" أثبتت أن له تأثيرا واقيا يمنع تدمير خلايا الكبد


11- ويستخدم ضد آلام المعدة والمغص المعوي الى جانب انه وملين ومهضم وطارد للغازات ومدر للبول ومعرق كما أنه يزيل الماء الزائد من الجسم


12- ثبت أيضاً أن له علاقة وثيقة بإزالة الصداع النصفي ومهدىء للأعصاب ويمنحك الهدوء النفسي وتقليل الإحساس بالتوتر وقال الدكتور محيى الدين الليثي الباحث بقسم "الفارماكولوجى" بالمركز القومي للبحوث في مصر متخصص طبي - حسب ما ورد بصحيفة الأهرام -إن لعشب "البردقوش" تأثيرا ومضادا للاكتئاب.


13- وهو منشط عام و من الغريب في هذا العشب أن الإفراط من تناوله يسبب النعاس و إذا أخذ مساءً فإنه يؤدي إلى الإسترخاء
14- وكان زيت البردقوش محببا لدي الإغريق لمنع تقلصات العضلات وتورم الجسم المائي وآلام العضلات



أن البردقوش يعد كنزا دوائيا فهو مصدر دوائي موجود في الطبيعة وخلاصة هذا العشب آمنة تماما كما ثبت عدم وجود آثار جانبية عند استعماله لفترة متواصلة وينصح بشرب كوبين من مشروب البردقوش يوميا حتي نتجنب كثيرا من المشاكل الصحية كما يفيد في النشاط الزائد ،كما أن الأبحاث التي أجريت حول سمية هذا العشب أثبتت أن خلاصته آمنة تماما حتى تركيز 5 جم لكل كيلوجرام من وزن الجسم كما لم يسفر الاستعمال المتواصل له لمدة شهرين عن أضرار في وظائف الكبد والكلى وصورة الدم مما يجعله آمنا تماما
عند استعماله بصورة متواصلة



وطريقة عمل شاي من هذا النبات هو أخذ ملء ملعقة أكل من أوراق النبات ووضعها في كوب ثم يصب عليه ماء مغلي ويغطى
ويترك 15 دقيقة ثم يصفى ويشرب ويمكن تكرار ذلك مرة أخرى يوميا.وطعمه مثل النعناع



وخلاصة القول بعد استعراض كل هذه الفوائد الصحية يجب استعمال البردقوش يوميا كشاي أو مع السلطة أو مع أي طعام آخر



وشدوا حيلكم الحين بالبقدونس والبرقدوش .... وان شاء الله اذا لقيت شي زين .. حطيته لكم ...

 

[طيرالسعد]

الله يجزاك كل خير يارب

 

[kwt_12]

السلام عليكم,

الله يعطيك العافية اخوي خبير تغذية انا سمعت كلامك ورحت الصيدلية واخذت القياسات ومع اني ما اقتنعت بالجهاز مال القياس الي يقيس وزن الدهون بس سمعت كلامك ورحت دفعت نص دينار .

الوزن 113,8 كيلو

الطول 170 سم
نسبة الدهون 40,9 %

وزن الدهون 46,5 كيلو

الوزن بدون دهون 67,3 كيلو

العمر 42 سنة

شنو تنصحني؟

 

[بويوسف1]

الله يعطيك العافية اخوي

ومأجور على افادتك للاخوان

ابي اسأل هل في اكلة معينة تزيد من نسبة افراز هرمون

التستسترون

لأن عندي طفل ( 10 سنوات ) ووزنه زائد ( 47 ك ) ويعاني من نقص بهذا الهرمون

واذا في ريجيم معين وسهل للاطفال بهذا العمر تذكره لنا اكون شاكرلك

 

[الأبرق]

الله يجزاك خير على هالمعلومه الطيبه يالغالي

 

[خبير تغذية]

الله يجزاك كل خير يارب

مشكور وان شاء الله استفدت

 

[خبير تغذية]

السلام عليكم,

الله يعطيك العافية اخوي خبير تغذية انا سمعت كلامك ورحت الصيدلية واخذت القياسات ومع اني ما اقتنعت بالجهاز مال القياس الي يقيس وزن الدهون بس سمعت كلامك ورحت دفعت نص دينار .

الوزن 113,8 كيلو

الطول 170 سم
نسبة الدهون 40,9 %

وزن الدهون 46,5 كيلو

الوزن بدون دهون 67,3 كيلو

العمر 42 سنة

شنو تنصحني؟

أخوي كويت 12 ...

أول شي أحييك على اهتمامك اللي خلاك تروح تقيس بالصيدلية ....

ثاني شي في معلومات بسيطة ناقصتني .. اهمها عدد مرات التمرين او المشي باليوم الواحد ....

بس مو مشكلة ... انا افترضت انك ما تمشي كلش ولا تتمرن .. او يمكن يوم واحد بالغلط ....

أخوي ...

عدد السعرات الحرارية اللي لازم تاكلها باليوم الواحد 1650 سعره
على خمس وجبات ... تصير الوجبة الوحده 330 سعره حرارية

سوولك جدول من خمس وجبات بين كل وحده ووحده 3 ساعات ... واستعين بالنقاط اللي ذكرتها ببداية الموضوع

الوجبة الأولى 400 سعره
الثانية 330
الثالثة 330
الرابعة 330
الخامسة 270


حاول اتدش النت وتدور عن الاكلات وتشوف عدد السعرات اللي بكل وحده فيها ... ومع الأيام راح تكون لك قاعده من المعلومات عن الأكلات وسعراتها
وصدقني العملية جدا سهله ... اذا كان عندك اي سؤال ... بس اسأل وان شاء الله اقدر افيدك ...

 

[خبير تغذية]

الله يعطيك العافية اخوي

ومأجور على افادتك للاخوان

ابي اسأل هل في اكلة معينة تزيد من نسبة افراز هرمون

التستسترون

لأن عندي طفل ( 10 سنوات ) ووزنه زائد ( 47 ك ) ويعاني من نقص بهذا الهرمون

واذا في ريجيم معين وسهل للاطفال بهذا العمر تذكره لنا اكون شاكرلك

اخوي بو يوسف ...

الله يساعدك ويعينك ويشافي ولدك ان شاء باقرب وقت ....
انا ما اقدر افيدك ... انته محتاج تراجع دكتور متخصص بعلاج الأمراض أكثر من مجرد تغذية ...

والسموحة

 

[خبير تغذية]

الله يجزاك خير على هالمعلومه الطيبه يالغالي

ما سوينا شي اخوي ... بس اتمنى تكون الاستفادة موجودة

 

[بث مباشر]

السلام عليكم
اخوي انا طولي 181 ووزني 102 وكمية الدهون ألي في جسمي اعتقد حول 30 ٪ وفيني كرش ابي انزله وإذا تقولي امش باليوم نص ساعه او 45 دقيقة ما اقدر فيني دوخه لا مشيت ولا استطيع المشي شوفي حل الله يرحم والدينك مثل نظام غذائي بس ما يكون قاسي حيل او اي شي ثاني دزلي رسالة علي الخاص لأني مو متواجد كل يوم في النت *وموفق يا رب

شي ثاني يا خبير تغذية عندي عيالي اثنين الأول عمره ٨ سنين ووزنه حول ٢٠ كيلو والثاني عمره ٦ سنين ووزنه ١٧ كيلو شنو الحل برايك فيهم ابيهم يمتنون بس مو عارف الطريقة اشلون حاولت اشكثر اخليهم يتغذون بس ماكو فايدة ردلي خبر علي الخاص بالموضوعين هذول الله يجزاك كل خير

 

[qadsawi]

السلام عليكم اخوي في معرض صار في الموفنبيك حق وزارة الصحة أنا شريت من هناك امبولات عسل وجنسنج وغذاء ملكات النحل بس صينية اسمها رويال جلي طبعا هي للنشاط وحق النشاط والرياضة شرايك فيها

 

[sporty72]

السلام عليكم
نشكرك على المجهود والمعلومات القيمة ويعلها في ميزان حسناتك
انا عمري 38 طولي 176 ووزني 92 ومن فترة طويلة قست كمية الشحوم على نفس الوزن طلع تقريبا 20% - قبل كنت رياضي وحاليا لا أمارس رياضة معينة لكن انسان أحب الحركة وغير كسول بتاتا وأكلي صحي وأمتع بصحة ممتازة والحمدلله
انا حاليا ما أعاني من السمنة الشديدة دام اني صابر مع عدم الافراط بالأكل
لكن عندي مشكلتين
1- وزني مستحيل ينزل عن 85 حتى لو قللت كمية الأكل عن قبل
2- مشكلتي الرئيسة والي أعاني منها من الصغر وهي ( الشهية ) والله يا دكتور ولا أبالغ اني أقدر آكل أكثر من الي أوزانهم 120 كم وحتى عندي أخوي وزنه 140 انا آكل أكثر منه
وطبعا لو سمحت لنفسي اني آكل الي أبيه من تحديد الكمية شي طبيعي وزني راح يزيد ولهذا السبب عندي تذبذب كبير بالوزن لكن دائما من 85 الى 95 وانا دائما بصراع مع ضبط كمية الأكل مع اني حاولت بشتى الطرق وثقفت نفسي بهالمسألة لكن دون جدوى
شنو أقدر أسوي يا دكتور وشنو تنصحني فيه ؟

 

[خبير تغذية]

السلام عليكم
اخوي انا طولي 181 ووزني 102 وكمية الدهون ألي في جسمي اعتقد حول 30 ٪ وفيني كرش ابي انزله وإذا تقولي امش باليوم نص ساعه او 45 دقيقة ما اقدر فيني دوخه لا مشيت ولا استطيع المشي شوفي حل الله يرحم والدينك مثل نظام غذائي بس ما يكون قاسي حيل او اي شي ثاني دزلي رسالة علي الخاص لأني مو متواجد كل يوم في النت *وموفق يا رب

شي ثاني يا خبير تغذية عندي عيالي اثنين الأول عمره ٨ سنين ووزنه حول ٢٠ كيلو والثاني عمره ٦ سنين ووزنه ١٧ كيلو شنو الحل برايك فيهم ابيهم يمتنون بس مو عارف الطريقة اشلون حاولت اشكثر اخليهم يتغذون بس ماكو فايدة ردلي خبر علي الخاص بالموضوعين هذول الله يجزاك كل خير

تم الرد

 

[خبير تغذية]

السلام عليكم اخوي في معرض صار في الموفنبيك حق وزارة الصحة أنا شريت من هناك امبولات عسل وجنسنج وغذاء ملكات النحل بس صينية اسمها رويال جلي طبعا هي للنشاط وحق النشاط والرياضة شرايك فيها

اخوي قدساوي ...

العسل بشكل عام وايد مفيد ... بس مشكلته انه يعطيك الطاقة بشكل فوري وسريع جدا ... يعني اذا كليت عسل وقعدت وما سويت شي لمدة ساعة مثلا ... الطاقة الناتجة عن الكربوهيدرات البسيطة الموجودة في العسل راح تتحول الى دهون تتراكم بالجسم ... علشان جذي يفضل أكل العسل صباحا وفي بداية اليوم علشان تضمن عملية حرق الكربوهيدرات واستخدام الطاقة الناتجة عنها بشكل مباشر

 

[خبير تغذية]

السلام عليكم
نشكرك على المجهود والمعلومات القيمة ويعلها في ميزان حسناتك
انا عمري 38 طولي 176 ووزني 92 ومن فترة طويلة قست كمية الشحوم على نفس الوزن طلع تقريبا 20% - قبل كنت رياضي وحاليا لا أمارس رياضة معينة لكن انسان أحب الحركة وغير كسول بتاتا وأكلي صحي وأمتع بصحة ممتازة والحمدلله
انا حاليا ما أعاني من السمنة الشديدة دام اني صابر مع عدم الافراط بالأكل
لكن عندي مشكلتين
1- وزني مستحيل ينزل عن 85 حتى لو قللت كمية الأكل عن قبل
2- مشكلتي الرئيسة والي أعاني منها من الصغر وهي ( الشهية ) والله يا دكتور ولا أبالغ اني أقدر آكل أكثر من الي أوزانهم 120 كم وحتى عندي أخوي وزنه 140 انا آكل أكثر منه
وطبعا لو سمحت لنفسي اني آكل الي أبيه من تحديد الكمية شي طبيعي وزني راح يزيد ولهذا السبب عندي تذبذب كبير بالوزن لكن دائما من 85 الى 95 وانا دائما بصراع مع ضبط كمية الأكل مع اني حاولت بشتى الطرق وثقفت نفسي بهالمسألة لكن دون جدوى
شنو أقدر أسوي يا دكتور وشنو تنصحني فيه ؟

أخوي سبورتي ...

انا ما ودي اضيق خلقك ... بس الأرقام اللي كاتبها تشير الى انه نسبة الدهون وايد أكبر من ٢٠% الا في حالة انه جسمك عضلي وايد وانته مداوم على نادي كمال الأجسام

أتمنى انك تقيس نسبة الدهون مرة ثانية

الحين ان شاء الله ارد على اسئلتك ...

١- اذا كنت فعلا انسان نشيط ومو كسول ... ضيف حق جدولك مشي بمعدل ٤٥ دقيقة يوميا بالاضافة الى نادي كمال اجسام ٣ أيام بالاسبوع فقط تلعب شامل - تمرين واحد حق العضلة الوحدة - مع التركيز على عدم التمرين لأكثر من ٤٥ دقيقة

يعني اذا بس تبي تمشي ... ٤٥ دقيقة يوميا ...
اذا تبي تمشي مع نادي كمال اجسام ... راح يصير عندك ٣ أيام بالاسبوع نادي + ٣٥ دقيقة مشي ... و ٤ أيام بالأسبوع بس ٤٥ دقيقة مشي

هذا أفضل جدول رياضي تقدر تمشي عليه وراح تشوف النتايج بسرعة


٢- وزنك عالي مقارنة بطولك ... واستنادا على المقياس العالمي ( اللي انا ما اعرف فيه ) انته تعاني من السمنه شبه الشديدة

٣- وزنك ما ينزل عن ال ٨٥ لانك قاعد تاكل غلط ... والدليل انك قاعد تقولي ما اقدر انزل تحت ٨٥ مهما قللت الأكل ... ومنو قالك انه قلت الأكل اهيا اللي تسبب نزول الوزن!!! ... الموضوع بالعكس تماما والحين انا اقولك شلون

انته قللت الأكل -> جسمك ما لقى أكل -> استخدم الماي والدهن اللي بجسمك علشان الطاقة -> وزنك راح يقل لمدة لا تزيد عن اسبوعين او ٣ -> جسمك يوصل الى حالة تعرف بالجوع علشان يتماشى مع قلة الأكل -> معدلات الأيض (الميتابولزم) راح تقل بشكل كبير جدا -> معدل حرق جسمك للسعرات الحرارية راح يقل بشكل كبير -> وزنك راح يثبت -> راح تمل وتبلش تاكل -> راح يزيد وزنك بشكل خيالي

أتمنى اني قدرت اوصلك المعلومة ... اذا تبي تنزل وزنك لازم توفر حق جسمك الأكل الازم وتسوي كل الشغلات اللي ترفع من معدل عمليات الأيض بالجسم


٤- الشهية موضوع جدا ممتع ... لانه على كثر ما الناس تشتكي منه .. اهوا مفيد جدا .. بس اذا قدرت تستغله بالشكل الصحيح ...

يعني ... من غير لا اعطيك اي جدول غذائي ولا تمر اي عيادة ولا تحسب اي حسابات للسعرات الحرارية ولا تكبت روحك عن الأكل وتعذب حالك ... ولا تسوي أي شي من الشغلات هذي ... اقولك بس سو شي واحد .... عدل أكلك!!

شلون ؟ انا اقولك ... بدل الخبز الأبيض والعيش الأبيض والمعكرونية البيضة ... أكل عيش اسمر وخبز اسمر وباستا سمرة
بدل لا تشرب بيبسي ولا عصير طبيعي ولا اي شي ثاني ... اشرب ماي
بدل لا تاكل همبرجر مقلي وبيض مقلي ودياي مقلي وسمك مقلي .... اكل دياي مشوي وبيض مفيوح وسمك بالفرن مثلا
بدل لا تاكل مايونيز وكاتشاب وفرينش سوس واي صلصة ثانية ... اكل دقوس وليمون
بدل لا تاكل كاكاو وتشيز كيك وميلك شيك ... اكل تمر وبرتقال ورقي وعنب وموز وعسل
بدل لا تشرب اي حليب تشوفه ولا اي روب ... تأكد انه كله خالي الدسم
بدل لا تحرم روحك من الأكل لساعات وساعات ... تأكد انك لازم تاكل كل ٣ ساعات وجبة غنية بالبروتين الصافي والكربوهيدرات البسيطة والمعقدة والدهون غير المشبعه
بدل لا تاكل قبل لا تنام بساعة .. وقف اكل قبل لا تنام بأربع ساعات
بدل لا تطلع وتروح الدوام وانته مو ماكل شي ... ابدى يومك بكوب ماي دافي وشوية ليمون وبعدها بربع ساعه اكل وجبة مفيدة جدا للجسم
...
...
...
الى آخره.

ولو تبيني اكمل راح اكتب لي باجر ...

اتمنى اكون جاوبت اسألتك واذا عندك اي سؤال ان شاء الله ما اقصر

 

[sporty72]

تسلم يا دكتور ماقصرت على هالمعلومات القيمة

صحيح وزني يعتبر زايد لكن جسمي مو بالشكل الي تتصوره يعني الي بنفس طولي ووزني انا أضعف منه بشكل ملحوظ والحمدلله - حسب ماقالتلي دكتورة سابقا ان عظمي ثفيل والله أعلم

انت قلت ( اذا تبي تنزل وزنك لازم توفر حق جسمك الأكل الازم وتسوي كل الشغلات اللي ترفع من معدل عمليات الأيض بالجسم )
بصراحة انا ماعرف أرفع معدل الأيض ياليت تعطيني نبذة بسيطة عنها

وبالنسبة لما قلت عدل أكلك انا قلتلك ان معظم أكلي صحي لكن عيبي اني آكل بكميات كبيرة وانا أعترف انه خطأ
والي فهمته منك إنه لايوجد حل لسد الشهية الا بتغيير نوع الطعام هل هذا صحيح ؟

شكرا لك يا دكتور