تبي تنزل مليون كيلو بيومين ... ادخل وتعلم

[خبير تغذية]

............................

السلام عليكم ورحمة الله وبركاته ...

صباح الصحة لكل الأعضاء ...

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
|||||||||||||||||||||||||||||||||||||||||||||||||||||||||||||||||||||||||||||||||||||||
////////////////////////////////////////////////////////////////////////////////////////
.....



طبعا الكل قرا مواضيع يا كثرها عن منتجات سواء كان شاي ولا حبوب ولا ولا ولا .... الخ

الهدف واحد ...

غلط



الهدف اثنين ... هدف الزبون انه ينزل وزنه ... وهدف البائع انه يربح ....

حلو ...




للأسف وانا قاعد اقولها من حرقة قلب انه التوعية بالمجتمع العربي عامة وبالكويتي خاصة شبه معدومه بشأن موضوع التغذية ...

بافتراض انك استخدمت احد المنتجات ... وبافتراض انه ياب نتيجة ونزل وزنك 4386386 كيلو .....

هل سألت نفسك سؤال واحد ... الوزن اللي انا فقدته وزن شنو بالضبط ؟ هل اهو ماي ولا شحم ولا عضل ولا شنو بالضبط ؟ هل بس يهمك انه نزل وزنك وخلاص !!!! سألت روحك جم كيلو اقدر انزل بالشهر الواحد بحيث اني ما اضايق جسمي وما يتساقط شعري وتقل كريات الدم بجسمي ويحوشني فقر دم والى اخره من الامراض ؟ يعني طبيعي اني انزل ٢٠ كيلو بشهر واحد ؟

ثقف روحك بموضوع التغذية كثر ما تقدر ... ترى المسألة مو هينة ...


عندك سؤال ؟ تبي استشارة ؟ ودي تعرف ليش رفيجك اللي اضعف منك ياكل 3 اضعاف اكلك واهوا ما يمتن ؟ تبي تعرف شكثر تاكل علشان تضعف ؟ وشكثر لازم تسوي رياضة ؟ حديد ولا مشي ؟

إذا حاس انه عندك اي سؤال بخصوص التالي:

1- تغذية
2- نظام غذائي
3- رجيم

4- رياضة

5- كمال اجسام وعلاقة بالجسم الصحي وانواع التمارين واختلافها باختلاف الهدف

6- نوعية الأكل والاكلات الضارة وليش ضار

7- البروتينات الكربوهيدرات الدهون الفيتامينات

8- الماي والكمية اللازمة

9- السعرات الحرارية وطريقة حسابها واهميتها وليش لازم نعرفها

......




بكل بساطة ... اسأل

(ملاحظة: أرجو عدم طلب اعطاء جدول غذائي يومي كامل لانه محتاج اعرف وايد معلومات عن الشخص قبل لا أحددله الجدول اللي يناسبه)


------
bo adam

 

[Squared]

مساء الخير ...

الصراحة اخوي انته طرحت وااايد مواضيع والواحد يتحير بأي موضوع يسألك وانا عندي بكل موضوع أسئلة ما عندي لها أجوبة بس خلنا نجرب جم واحد الحين ويصير خير عالباجي

١-

هل معنى كلامك انه كل المنتجات مو زينه سواء كانت شاي او غيرها ؟ واذا كانت مو زينه ليش ؟

٢-

اذا سويت رجيم شلون اعرف الوزن اللي نزلته ماي ولا شحم ولا شنو بالضبط ؟

٣-

شنو أكثر وزن أقدر أنزله بالشهر ويكون على قولتك صحي ؟

٤- والأخير

ابي أعرف بالضبط ليش في وايد ناس أعرفهم ما شاء الله ياكلون أكل عشرة وضعاف ولا فكروا بالرجيم خير شر ؟

 

[خبير تغذية]

مساء الخير ...

الصراحة اخوي انته طرحت وااايد مواضيع والواحد يتحير بأي موضوع يسألك وانا عندي بكل موضوع أسئلة ما عندي لها أجوبة بس خلنا نجرب جم واحد الحين ويصير خير عالباجي

١-

هل معنى كلامك انه كل المنتجات مو زينه سواء كانت شاي او غيرها ؟ واذا كانت مو زينه ليش ؟

لأ ... مو كل المنتجات مو زينه .... الشاي الأخضر يعتبر الأفضل من بين كل المنتجات اللي بالسوق سواء كانت حبوب ولا شاي ولا أي شي ثاني ...

السبب :

اللي يقولك انه الشاي الأخضر يهضم الأكل هذا حجي فاضي .... السبب الرئيسي انه الشاي الأخضر يزيد من سرعة عمليات الأيض بصورة معقوله وبالتالي يعطيك إمكانية أكل المزيد من غير زيادة بالوزن أو أكل نفس الكمية مع نقصان بالوزن ... مع افتراض شربه على معدة خالية وفي بداية النهار

يعني شنو عمليات الأيض :

بالانجليزي الميتابولزم ... وهي السرعة اللي يحرق فيها الجسم السعرات الحرارية وكل ما زاد الرقم هذا كل ماكان أفضل وأحسن وصحي أكثر ... والرقم هذا ممكن بسهولة حسابها عن طريقة عدة عوامل بسيطة (إسأل عنها إن شئت)


٢-

اذا سويت رجيم شلون اعرف الوزن اللي نزلته ماي ولا شحم ولا شنو بالضبط ؟

أفضل طريقة اذا تبي تسوي رجيم وتبي تعرف اللي نزلته ماي (عضل) ولا شحوم اهيا كالتالي :

- قبل لا تبدي الرجيم أو قبل لا تستخدم المنتجات التجارية اللي تارسه السوق ... سو اللي اقولك عليه
- أول ما تقعد من النوم وقبل لا تاكل او تشرب اي شي ( ماي عادي) روح الصيديلة راح تلقى عندهم ميزان يقيس الوزن والطول وضغط الدم والى أخره ... من ضمن الشغلات اللي يقيسها الجهاز وزن الدهون ووزن الجسم من غير دهون
- احتفظ بالورقة هذي وسو نفس العملية الأسبوع الياي بنفس اليوم من الاسبوع ونفس الساعة ونفس الطريقة ونفس الملابس (نفس وزن الملابس)
- سو الطريقة هذي على مدى ٤ أسابيع وعلى مدى المدة اللي قاعد تنزل فيها من وزنك
- قارن بين وزن الدهون في كل أسبوع ووزن الجسم بدون دهون بكل أسبوع

- اذا لقيت تناقص وزن الدهون ووزن الجسم من غير دهون ثابت ... رجيمك ممتاز ١٠٠%
- اذا لقيت تناقص وزن الدهون ووزن الجسم من غير دهون يتناقص هو الأخر ... اعرف انك قاعد تنزل دهون وبنفس الوقت قاعد تخسر من عضلات جسم ... والنتيجة بعد فترة من الزمن راح يصير جسمك رخوي ومو يابس الى حد ما
- اذا لقيت وزن الدهون ثابت ووزن الجسم من غير دهون قاعد يتناقص ... اعرف انك في حالة خطيرة جدا ... واحتمال زيادة نسبة الدهون بالجسم راح تأدي الى أمراض لا تحمد عقباها





٣-

شنو أكثر وزن أقدر أنزله بالشهر ويكون على قولتك صحي ؟

باختصار ... الحد الأقصى ٤ كيلوجرامات بالشهر
الممتاز ٣ بالشهر

هذا باختصار

تبي تعرف ليش ... انا اقولك ...

احنا اتفقنا انه افضل شي انه الوزن اللي نزلته يكون بالكامل من الدهون اللي بجسمك ....الكيلو جرام من الدهون بشكل عام تحتوي على ٩٠٠٠ سعرة حرارية ... يعني علشان تنزل ١ كيلو من الدهون في أسبوع واحد لازم تقلل السعرات الحرارية اللي تاكلها ١٢٠٠ سعره باليوم ... وهذا الرقم أشبه بالمستحيل الا اذا كانت انته انسان رياضي ومعدل حرقك للسعرات الحرارية جدا عالي ... بالتالي تقدر تقلل من أكلك بهالمقدار .... بس طبيعي انك تقلل بمقدار ٦٠٠ سعرة باليوم وبالتالي نص كيلو بالاسبوع

يمكن تشوف الحسبة شوي معقدة ... بس اللي لازم تعرفه انه لما انقول انك لازم ما تنزل اكثر من نص الى كيلو بالاسبوع فهذا الرقم طلع وفق لأرقام علمية دقيقة جدا ومو عن طريق الصدفة

اعرف انك اذا نزلت أكثر من المعدل هذا بالاسبوع .... انته نزلت ١٠٠٠٠٠٠٠٠% من وزن العضلات مو الدهون (تنزل وزن العضلات أسهل ولها حسبة ثانية .. اسأل عنها ان شئت )

٤- والأخير

ابي أعرف بالضبط ليش في وايد ناس أعرفهم ما شاء الله ياكلون أكل عشرة وضعاف ولا فكروا بالرجيم خير شر ؟

وااااايد عوامل تحدد الشي هذا ... بس أقدر أقولك أهمها

١- التغذية من الضغر
٢- كمية ووزن العضلات بالجسم
٣- توزيع الأكل باليوم

رقم واحد ما نقدر نتحكم فيها لانه خلاص راحت علينا
بس رقم ٢ نقدر وبكل سهولة ...

الميتابولزم للجسم = ٢١.٦*(وزن العضلات بالجسم)+٣٧٠

شنو يعني ؟ .... بكل بساطة يعني كل مازاد وزن العضلات بجسم كل زادت سرعة عمليات الأيض وبالتالي حرق أكثر للسعرات الحرارية ...
شنو لازم تسوي ؟ .... اهتم بالبروتينات والأكل البروتيني ويفض النباتي ... العب تمارين تحرك العضلات باستمرار (كمال أجسام - سباحة )

بس رفيجي ضعيف وما عنده عضلات ؟ .... هذا يرجع الى العامل الأول والثالث

العامل الثالث ... ما راح ادخل وايد ارقام علشان لا ادوخك ... بكل بساطة وزع أكلك اللي تاكله طول اليوم على خمس وجبات متساوية بين كل وحده ووحده ٣ ساعات .. وشوف الفرق .... مع العلم انه الوجبات متساوية كلها ... ومجموعها يساوي أكبر أكله ممكن تاكلها دفعة وحده
يعني اذا انته تقدر تاكل بوجبة واحد ٥ خبزات وصحنين عيش ودجاجة كاملة و٤ بيضات ... الاكل هذا وزعه على ٥ وجبات بالتساوي ... وشوف شلون راح ينزل وزنك .. وتحس بالشبع ويزيد معدل حرقات السعرا الحرارية بشكل خيالي

(للعلم الحسبة الأخيره حسبة تقديرية الى أبعد الحدود ... الحسبة الدقيقة تتطلب إدخال بعض الأرقام ... اسأل عنها ان شئت)

اتمنى اكون جاوبت أسإلتك واذا عندكم اي استفسارات أو أسئلة ثانية انا ان شاء الله بالخدمة

 

[qadsawi]

السلام عليكم اخوي خبير التغذية انا وزني 75 وطولي 169 ابي طريقة سهله ينزل عشرة كيلو بس مورجيم قاسي ويعطيك العافية

 

[مسـتـثـمـر]

يعطيك العافية اخوي خبير

انا بصراحة اعاني من مشكلة الكرش مضايقني حيل
وانا متين بس مرتاح فيني طول مغطي

شلون اقدر اشيل الكرش ؟وشنهي اسباب الكرش؟ هل لها علاقة بالوراثة؟

 

[خبير تغذية]

السلام عليكم اخوي خبير التغذية انا وزني 75 وطولي 169 ابي طريقة سهله ينزل عشرة كيلو بس مورجيم قاسي ويعطيك العافية

أخوي قدساوي ...

طولك ووزنك بس ما يعطون أي انطباع عن شكل جسمك ... أتمنى تسوي فحص وقياس وزن الدهون بأقرب صيدلية ... علشان تقدر تحدد بالضبط جك كيلو لازم تنزل ... في احتمال انه جسمك يكون مناسب من حيث نسبة وزن الدهون بس لازم تشد حيلك بعضلاتك شويه ...


المهم باختصار ... من كلامك انته مبين انه ما ودك تغير نوعية الأكل اللي تاكله ... انا قصدي ما ودي أقولك تسوي شغلات وانا ادري انك ما راح تسويها الا اذا كنت معزم هذا شي ثاني


١- اشرب جلاس ماي دافي على الريج كل يوم
٢- امش مشي سريع او هرولة لمدة ٤٥ دقيقة يوميا ولا تزيد السرعة ولا الوقت حتى لو تشوف نفسك قادر
٣- يفضل يكون المشي على معده فاضيه و يفضل أكثر يكون مبجر كثر ما تقدر ... بس ليش انه العالم دوامات .. ادري انه وايد صعبة ... المهم حاول تخليها مبجر كثر ما تقدر
٤- وزع أكلك على ٥ وجبات طول اليوم بحيث تكون بين كل وجبة ووجبة ٣ ساعات ... واخر وجبه قبل لا تنام بأربع ساعات
٥- الوجبه الأخيره حاول تقلل فيها من النشويات والسكريات (في فرق بينهم) وتقلل من الدهون المشبعه وتزيد من البروتين والألياف (اذا تبي تعرف عنهم زيادة ... على الرحب والسعة)

هذا باختصار شديييييييييييييد ... امش على النقاط هذي وراح تلاحظ في فرق بالوزن من رابع يوم ان شاء الله

 

[qadsawi]

الله يجزاك خير

 

[خبير تغذية]

يعطيك العافية اخوي خبير

انا بصراحة اعاني من مشكلة الكرش مضايقني حيل
وانا متين بس مرتاح فيني طول مغطي

شلون اقدر اشيل الكرش ؟وشنهي اسباب الكرش؟ هل لها علاقة بالوراثة؟

أخوي مستثمر ...

موضوع الدهون المتراكمة على المعدة موضوع شائع جدااااااااااا .... البعض يقول انه أسبابها وراثية والبعض يقول لأ ....

بس خلني اقولك شي علشان أونسك .... انته مو الوحيد ... كل الكرة الأرضية (تقريبا) لو تبي تبدي تتراكم على جسم أي واحد فيهم الدهون ... أول ما تبدأ (غالبا) تبدأ بالمعدة ...
وعلشان جذي لو تزور معاهد الحديد وكمال الأجسام تلقى أجسام ما شاء الله عليها ناشفة حيييل ... بس العضلة الوحيدة اللي مو باينة اهيا عضلة المعده واللي يسمونها بالانجليزي سيكس باك (مجموعة الستة عضلات) واللي تكون عادة على شكل مربعات ...

للأسف اذا كان وزنك زايد وايد ... الجسم راح يفقد الشحم من كل الجسم تقريبا بالتساوي وراح تحس بالفرق على كل جسمك ... بس اذا كنت ناوي تبين وتطلع العضلات هذي .. يبيلك شغل ..

اتمتى لو كنت معطيني ولو معلومات بسيطة عن جسمك من طول ووزن ونسبة الدهون ..


المهم ... نفس الخطوات اللي كتبتها حق اخوي قدساوي راح اكتبلك اياها بتفصيل زيادة ...

١- أشرب ماي دافي على الريج
٢- امش مشي سريع او هرول لمدة ٤٥ دقيقة لاتزيد ولا تقلل سواء السرعة اول الوقت.... حاول تخليها الصبح اذا قدرت
٣- وزع أكلك على ٥ وجبات بين كل وجبة والثانية ٣ ساعات ... واخر وجبة عندك قبل لا تنام بأربع ساعات (ضروري)
٤- قلل من البروتين والطعام الحيواني كثر ما تقدر ... رتب أولوياتك على النحو التالي : ١- نباتي ... ٢- سمك .... ٣- دجاج (بس الصدر ومن غير جلد) .... ٤- اللحم الأحمر (لا يفضل نهائيا)
٥- الوجبة الأخيرة باليوم حاول تخليها من الألياف كثر ما تقدر والبروتين الخالي من الدهون المشبعه ( مثال: البروتين النباتي , سمك التونا)
٦- لا تشرب أي شي طول اليوم غير الماي ... سواء كان بيبسي ولا كولا ولا سفن اب ولا عصير كي دي دي ولا حتى عصير طبيعي انته عاصرة بيدك
٧- كثر من الماي لين ما تطفح ... يعني مو أقل من ٩ جلاسات ماي باليوم الواحد ...


هذا باختصاااااااار ... اذا تبي تعرف بعد , اسأل ومايصير خاطرك الا طيب

 

[JoJoQ8]

الـسلام عليــكم ..
اخـوي أعــانـي من سمنـة مفـرطـة .. زايـده عـن وزنـي 20 كيلـو ..
وأبـي أضعـف ..
وإذا بغيت أي معلومـات شخصيـة أدز لـك بالرسـايل الخاصـة ..
وانا بـ إنتـظار ردك .. وماقصـرت على هالمجهـود اللـي قاعد تبـذلـه بـدون مقــابل ..
بـالإنتـظار ..

 

[خبير تغذية]

الـسلام عليــكم ..
اخـوي أعــانـي من سمنـة مفـرطـة .. زايـده عـن وزنـي 20 كيلـو ..
وأبـي أضعـف ..
وإذا بغيت أي معلومـات شخصيـة أدز لـك بالرسـايل الخاصـة ..
وانا بـ إنتـظار ردك .. وماقصـرت على هالمجهـود اللـي قاعد تبـذلـه بـدون مقــابل ..
بـالإنتـظار ..

اختي جوجو الكويت ...

كل ما كانت المعلومات أكثر كل ما ساعدني هذا أكثر ...

النقاط اللي انا كتبتها بالردود اللي طافت تنطبق على أي جسم وعلى أي حالة (تقريبا) ... أما المعلومات الدقيقة (الوزن والطول ونسبة الدهون وأسلوب الشغل والدوام اليومي وعدد ساعات الرياضة و ...) هالمعلومات راح أحتاجها علشان أسويلج جدول يومي كامل بالوجبات والأوقات والكميات الغذائية ... وعادة ما أسوي هالجداول بالنت لانها تستهلك وايد وقت وفوق كل هذا ... أخاف أسويها وأحد ثاني يستخدمها وتكون ما تناسب جسمه ... وعادة هذي الجداول ما تعطى الا بالعيادة.

على العموم ... اختي طبقي النظام الموجود بالردود اللي طافت ... واذا في مصطلحات صعبة سألي عنها وان شاء الله ما اقصر ...

 

[خبير تغذية]

الله يجزاك خير

سامحنا على القصور ... واذا عندك أي سؤال لا تتردد

 

[خبير تغذية]

السلام عليكم ...


أتمنى الكل يقرا اللي بكتبه للضرورة القصوى ...


شلون تعرف جم لازم يكون وزنك:

١- أول شي تحدد جم بخاطرك تكون نسبة الدهون بجسمك

شلون تعرف الشي هذا ؟

أنا أقولك:

ذكر:
١- جسم رياضي ------------------- من ٦% إلى ١٣%

٢- جسم صحي ومناسب ------------------- من ١٤% إلى ١٧%

٣- جسم مقبول -------------------- من ١٨% إلى ٢٤%

٤- جسم بدين وغير مقبول ------------------ أكثر من ٢٥%

أنثى:
- جسم رياضي ------------------- من ١٤% إلى ٢٠%

٢- جسم صحي ومناسب ------------------- من ٢١% إلى ٢٤%

٣- جسم مقبول -------------------- من ٢٥% إلى ٣١%

٤- جسم بدين وغير مقبول ------------------ أكثر من ٣٢%



وهذا الفرق بالنسب بين جسم الذكر والأنثى يرجع لأسباب تكوينية في جسم المرأة خارج عن إرادتها



٢- تروح الصيدلية وتعرف من خلال الجهاز اللي تكلمت عنه سابقا جم وزن جسمك من غير دهون ...( مثال : وزنك ٨٠ كيلو ... وزن الدهون ١٥ كيلو ... اذن وزن الجسم من غير دهون ٦٥ كيلو )


٣- الحين استخدم المعادلة هذي علشان تعرف جم لازم يكون وزنك من خلال نسبة الدهون اللي انته بخاطرك توصلها


الوزن المناسب = ( وزن الجسم من غير دهون ) \ ( ١ - ( نسبة الدهون اللي تبيها \ ١٠٠ ) )

أدري شكلها يخوف بس الحين راح أحط مثال سريع


انته هدفك انك تصير نسبة الدهون بجسمك ٨% ووزنك الحين ٨٠ كيلو ووزن الدهون بجسم ١٥ كيلو ... يعني وزن جسمك من غير دهون ٨٠ - ١٥ = ٦٥ كيلو

والحين نحسب

الوزن المناسب = ( ٦٥ ) \ ( ١- ٨\١٠٠ ) = (٦٥ )\ ( ١ - ٠,٠٨ ) = (٦٥)\ ( ٠,٩٢ ) = ٧٠,٦ كيلو (بسطت الحسبة زيادة عن اللزوم علشان ان شاء الله الكل يقدر يسويها )

يعني الوزن المناسب لجسمك وفقك نسبة الدهون اللي انته اخترتها = ٧٠ كيلو ونص




أتمنى الكل يطبق الطريقة هذي علشان يعرف بالضبط جم لازم يكون وزنه .... مع العلم انه اللي تسمعونه من الناس او من النت او من اجهزة القياس عن الوزن المثال كلها مقاييس فاشلة لانها ما تسألك عن الهدف اللي انته تبي توصله وانما من خلال نظام ثابت لكل الاشخاص من ذكر او انثى وهذا غللللللللللللللللللللللللط (ومنها المقياس المعروف باسم بي ام اي bmi )



-----------
bo adam

 

[ابوعامر]

يعطيك العافيه

انا طولي 173 ووزني 89

كميه الدهون اعتقد اكثر من 25 %

مع العلم اني العب كرة قدم في الاسبوع 3 ايام

99999208

 

[خبير تغذية]

يعطيك العافيه

انا طولي 173 ووزني 89

كميه الدهون اعتقد اكثر من 25 %

مع العلم اني العب كرة قدم في الاسبوع 3 ايام

99999208

اخوي ابو عامر ....

اتمنى انك تتبع الخطوات اللي كتبتها بالردود اللي طافت وزيادة عليها بالنسبة للأرقام اللي معطيني اياها ...

نسبة الدهون مو دقيقة وايد بس انا راح افترض انها 27٪

وزنك من غير دهون = 65 كيلو

معدل النشاط الاسبوعي = 1,3 (اسأل عن الرقم هذا ان شئت)

معدل حرقك للسعرات الحرارية باليوم الواحد = 2300 سعرة حرارية

كمية السعرات الحرارية اللي لازم تاكلها باليوم الواحد علشان تحرق الدهون = 1750 سعرة


يعني اذا تبي تاكل 5 وجبات باليوم ... الوجبة الوحدة راح تتكون من 350 سعرة حرارية

وبما انه يفضل انك تقلل السعرات الحرارية بالوجبة الأخيرة لانه طبيعة جسم الانسان يحرق السعرات الصبح أحلى وايد من الليل ..

اذن ...

الوجبة الأولى 400 سعرة
الوجبة الثانية 350 سعرة
الوجبة الثالثة 350 سعرة
الوجبة الرابعة 350 سعرة
الوجبة الخامسة 300 سعرة


ومثل ما قلت لك ... بين الوجبة والثانية 3 ساعات ... والوجبة الأخيرة قبل النوم بأربع ساعات ....

والأكل الصحي بشكل عام لازم يكون في تنوع بين المقادير الثلاث الرئيسية اللي اهيا البروتين والكربوهيدرات والدهون الغير مشبعة بنسب معينة (اسأل عنها ان شئت)

شنو نوعية الأكل اللي لازم تاكلها ؟ ... هذا اللي ما يتحدد الا من خلال العيادة لانه كتابة الجدول الغذائي اليومي يحتاج وايد تفاصيل ومعلومات ...


اذا بخاطرك تسأل عن أكلة معينة وكمية السعرات الحرارية اللي فيها وشنو الزين وشنو الشين فيها ... انا حاظر وانته اسأل وما يصير خاطرك الا طيب


والسموحة يا بو عامر ...



أنا اتمنى انكم تعذروني لما اكتبلكم (اسأل عنها ان شئت) ... لانه الصراحة لو ابي اتكلم بكل موضوع بالتغذية سواء يهمكم ولا ما يهمكم ما راح أخلص لي السنة الياية ... علشان جذي اذا انته حاس انه في موضوع او سؤال يهمك وتبي تعرف اجابته .. اسأل وان شاء الله ما يصير خاطرك الا طيب

وسلامتكم ....


------
bo adam

 

[ابوخليفه]

السلام عليكم

اخوي انا طولي 165
وزني 79

كم كمية الدهون الي بجسمي ؟؟؟
وشنو الوزن المناسب لي ؟؟

 

[خبير تغذية]

السلام عليكم

اخوي انا طولي 165
وزني 79

كم كمية الدهون الي بجسمي ؟؟؟
وشنو الوزن المناسب لي ؟؟

اخوي ابو خليفة ....

وزن أو نسبة الدهون بالجسم ما لها أي علاقة بوزن الجسم أو طوله

واذا تبي تعرف نسبة الدهون بجسمك ... روح الله يسلمك أقرب صيدلية .. راح تلقى جهاز يقيس الوزن والطول وضغط الدم ونسبة الدهون بالجسم ..

أما اذا تبي تعرف شنو الوزن المناسب لك .. فهذ يعتمد كليا على نسبة الدهون اللي تبيها تكون بجسمك ... وأنا كاتب الطريقة بالتفصيل قبل جم مشاركة ...

أتمنى أكون جاوبتك ...

 

[مسـتـثـمـر]

أخوي مستثمر ...

موضوع الدهون المتراكمة على المعدة موضوع شائع جدااااااااااا .... البعض يقول انه أسبابها وراثية والبعض يقول لأ ....

بس خلني اقولك شي علشان أونسك .... انته مو الوحيد ... كل الكرة الأرضية (تقريبا) لو تبي تبدي تتراكم على جسم أي واحد فيهم الدهون ... أول ما تبدأ (غالبا) تبدأ بالمعدة ...
وعلشان جذي لو تزور معاهد الحديد وكمال الأجسام تلقى أجسام ما شاء الله عليها ناشفة حيييل ... بس العضلة الوحيدة اللي مو باينة اهيا عضلة المعده واللي يسمونها بالانجليزي سيكس باك (مجموعة الستة عضلات) واللي تكون عادة على شكل مربعات ...

للأسف اذا كان وزنك زايد وايد ... الجسم راح يفقد الشحم من كل الجسم تقريبا بالتساوي وراح تحس بالفرق على كل جسمك ... بس اذا كنت ناوي تبين وتطلع العضلات هذي .. يبيلك شغل ..

اتمتى لو كنت معطيني ولو معلومات بسيطة عن جسمك من طول ووزن ونسبة الدهون ..


المهم ... نفس الخطوات اللي كتبتها حق اخوي قدساوي راح اكتبلك اياها بتفصيل زيادة ...

١- أشرب ماي دافي على الريج
٢- امش مشي سريع او هرول لمدة ٤٥ دقيقة لاتزيد ولا تقلل سواء السرعة اول الوقت.... حاول تخليها الصبح اذا قدرت
٣- وزع أكلك على ٥ وجبات بين كل وجبة والثانية ٣ ساعات ... واخر وجبة عندك قبل لا تنام بأربع ساعات (ضروري)
٤- قلل من البروتين والطعام الحيواني كثر ما تقدر ... رتب أولوياتك على النحو التالي : ١- نباتي ... ٢- سمك .... ٣- دجاج (بس الصدر ومن غير جلد) .... ٤- اللحم الأحمر (لا يفضل نهائيا)
٥- الوجبة الأخيرة باليوم حاول تخليها من الألياف كثر ما تقدر والبروتين الخالي من الدهون المشبعه ( مثال: البروتين النباتي , سمك التونا)
٦- لا تشرب أي شي طول اليوم غير الماي ... سواء كان بيبسي ولا كولا ولا سفن اب ولا عصير كي دي دي ولا حتى عصير طبيعي انته عاصرة بيدك
٧- كثر من الماي لين ما تطفح ... يعني مو أقل من ٩ جلاسات ماي باليوم الواحد ...


هذا باختصاااااااار ... اذا تبي تعرف بعد , اسأل ومايصير خاطرك الا طيب

عساك عالقوه

وبحاول امشي

 

[خبير تغذية]

عساك عالقوه

وبحاول امشي

شد حيلك ... واذا عندك أي سؤال أو استفسار لا يردك الا لسانك

 

[خبير تغذية]

البقدونس

وهو من النباتات المتوافرة في السوق بأثمان زهيدة ، وفى متناول الجميع ، ومع ذلك فهو في المنزل صيدلية شبه متكاملة ، حتى سمى بحق ( ملك الخضروات )

يحتوي البقدونس على كميات وفيرة من الكالسيوم ، بل و بنسبة أكبر من وجود الكالسيوم في اللبن .

العــلاج :


1. الريجيــم :

عصير البقدونس يساعد كثيرا على إنقاص الوزن ، بما له من فعالية واضحة في إذابة الدهون والشحوم المتراكمة في جسم الإنسان .



2.. يفيد في علاج الكبد والمرارة .

3. الدورة الدموية والقلب :





يفيد البقدونس في علاج حالات فقر الدم ، وبذلك فهو علاج للأنيميا ،
كما يساعد على توسيع الأوعية الدموية ،
ويعمل على تجديد الشعيرات الدموية الدقيقة ،
وينظم الدورة الدموية في الجسم ،
إلى جانب أنه نافع للقلب .

4. الجهاز العضلى :

يقوى البقدونس عضلات الجسم ،
كما أنه يجدد الخلايا .



5. الجهاز العصبى :

البقدونس يقوى الجهاز العصبى ،
فضلا عن أنه يقوى الذاكرة ، ويقاوم النسيان .



6. الجهاز البولى :





البقدونس يخفف آلام الكليتين والمثانة ومجرى البول ،
كما أنه يعالج حصوات المسالك البولية بإذابتها ،
( مغلى بذور البقدونس يستخدم شربا لعلاج احتباس البول ) .



7. الجهاز الهضمى :

البقدونس فاتح للشهية ،
ويساعد على هضم الطعام ،
كما أنه علاج فعال للإمساك والغازات ، فهو ملين ، وملطف ، ومهدىء للمعدة .



8. الجلد :

مغلى البقدونس ( حزمة في لتر ماء ) يغسل بها الوجه فيعيد له نضارته وحيويته ،
كما أنه يعالج البثور والحبوب ، وذلك بشربه مرتين يوميا لمدة أسبوع ،



ويفيد مغلى البقدونس كدهان للجلد الدهنى ، إذ يحافظ على سلامة البشرة ونقائها ،،

أيضا يستخدم كمادات للثدى لعلاج التهابات ومشاكل الرضاعة ،،
ثم إنه مخفف للحرارة ، ومعرق .



9. الجهاز التنفسى :

البقدونس نافع في أزمات الربو ، واضطرابات الجهاز التنفسى ،،
وعصير البقدونس يعالج التهابات الشعب الهوائية ،
وذلك بأن يغلى البقدونس في الماء لمدة 10 دقائق ، ثم يشرب منه عدة مرات خلال اليوم الواحد ، لتنقية وتطهير الجهاز التنفسى .



10. الجهاز التناسلى :

البقدونس علاج فعال كغسول للنساء ، لعلاج السيلان الأبيض واضطرابات الحيض ، كما أنه منظم للطمث .



11. يستعمل زيت البقدونس كعلاج للضعف الجنسى .
ويعتبرأيضا مفجرا للطاقة الحيوية والقوة الجسدية .

12. البقدونس يفيد في علاج الروماتيزم ..

13. الجهاز المناعى :

البقدونس يزيد من مناعة الجسم ضد كثير من الأمراض ..

14. الغدة الدرقية :

مغلى البقدونس يساعد في علاج الغدة الدرقية ،
وذلك بأن يغلى بالليل ، ثم يشرب منه نصف لتر قبل النوم ، ونصف لتر على الريق ، لمدة 3 أيام .



15. ومضغ البقدونس يقضى على رائحة البصل في الفم .




وإذن ،،،،،،،،،

فالبقدونس في المنزل ،، صيدلية شبه متكاملة ،، وقاية وعلاجا ،




والله سبحانه وتعالى هو الشافى

 

[سلمان الفهد]

طولي 178 وزني 105 وبلشان بلشه في صراع مع الرجيم نبي الحل المناسب مع اني العب رياضه مس متقطع اذا في برنامج مناسب ونقدر نتماشى معاه