حماية المستهلك

[hassankoc]

ماذا فعلتم تجاه هذه الفاتوره كيف تعرف نوع الفاكهه وكم سعرها وسهولة التلاعب والى متى الضحك على المواطنين والمساهمين من قبل الوافدين واليك الصوره جمعية ابوحليفه بفروعها::verymad::
]

 

[مفتش تجاري]

عزيزي الكريم تقدر تراجع في فاتورتك مراقبة تفتيش مبارك الكبير وتشتكي على الجمعيه هناك وفي نفس الوقت تقدر تشتكي في ادراة الجمعيه والسبب ان كل محتويات الفاتوره مسجله تحت صنف عام وهو الفواكه لكن تسألني في النت وانا لا اعرف شئ عن فاتورتك ولم يسبق لي رؤيتها اخي الكريم مع اني نزلت الموضوع للفائده والتوجيه وذلك لا يعني باني من مراقبة تفتيش محافظة مبارك الكبير مع العلم انا من مراقبة تفتيش الفروانيه واذا موضوعك عندي وتابع لمحافظتي ابشر بالخير حقك يطلع من عيونهم لكن نصيحتي لك انك تتوجه الى مراقبة تفتيش محافظة مبارك الكبير وانشاءالله هناك الشباب ما راح يقصرون معاك تقبل ردي اخي الكريم بصدر رحب
اخوك
مفتش تجاري

 

[hassankoc]

الله يعطيك العافيه ويكثر من امثالك من المخلصين نحسبك والله حسيبك ولا نزكي على الله احد بس بما ان الفاتوره موجوده وان شاء اله واضحه والعنوان مبين لك والتفاصيل تقدر ترسلها لهم بحكم علاقتك ومعرفتك فيهم وليس امرا بل فضلا للمصلحه العامه

 

[Maxima]

اخوي مفتش تجاري
ليش ماتمنعون الرسيفرات اللي تفتح الشفرات واعلاناتها تارسه الجرايد
حرام والله وانت تدري ان هالرسيفرات وراها بلاوي
والمشكلة يوصلونها للبيت مع التركيب والاب او صاحب المنزل مايدري عياله شنو قاعد يشوفون من هالبلاوي

 

[bofaisal38]

مقاول الكهرباء

السلام عليكم
قاعد ابني قسيمة ومقاول الكهرباء قاعد يتاخر بالشغل مما يترتب عليه تاخير للي يشتغل بعده وكل ما ادق عليه يواعدني ومايلتزم بالموعد ------ انا اخطات اني عطيته دفعات اكثر من الشغل اللي خلصه حسب العقد اللي بينا بحسن نية ولان بالبداية كان ماشي معاي مضبوط والحين بعض شغل الديكور والسيراميك متعطل بسببه ------ هل لحماية المستهلك دور في هالموضوع وبصراحة منبطه جبدي منه
ومشكور يابوعمر*

 

[شبابي]

السلام عليكم

يعطييك العافيه اخوي وما قصرت ..


شريت سيراميك(جرانيت) من احدى المحلات الكبيرة بشويخ ,, وسألته بالحرف الواحد ان السيراميك ما يشرب سوائل ويتغير لونه قالي لا ,, ولكن

من ينكت شاي او قهوة يشربها وتصير بقعه مكانها ,,

اذا بشتكي عليه شلون الطريقة ؟ لانه غشني تعبان معني رديتها عليه اكثر من مرة وقالي ما يشرب

شنو الإجراء ؟؟

 

[الـعـنـزي]

تسلم اخوي ابو عمر على هذا الطرح وهذا شي مو غريب عليك تحب تخدم الجميع والله يجزاك الف خير والله يجعله في ميزان حسناتك

عودتنا دايما على هذي المواضيع وان شاء الله من تقدم لتقدم يا ابو عمر وان شاء الله نشوفك في اعلى المناصب


تقبل تحياتي

اخوك
فارس العنزي​

​

 

[**fahad**]

مبارك عليك شهر بوعمر

ياليت تفيدني في هذا الموضوع
الوالدة راحت ضجيج تفصل غنفات قعده طبعا لازم تختار الشكل وخام ولون الي يناسبها وختارت كل شي لون وشكل وأمس تم توصيل غنفات نفس شكل بس خام لونه غير عن الي اختارته دقيت على المحل قتله ليش الخام غير قالي الوالده هي الي اختارت هذا لون ويحلف ويقسم انه هي مختارة وفاتوره تشهد انه هي الي اختارت لون وموظفين يشهدون رحت المحل امس وديت فاتوره وقتله تأكد قالي شوف نفس الرقم الخام الي اختارته، والوالدة تحلف انه مو هذا الون الي اختارته ومبلغ اندفع بس باقي مبلغ بسيط قتله غير الخام قال لا تدفع فلوس انا متأكد وفاتوره موجوده شنو الحل وشاكرلك على جهودك طيبه ...

 

[hassankoc]

135 مايردون الله المستعان

 

[man-kuwait]

اخوي المفتش التجاري
ربحت جائزة في اشتراك الجرائد
والجائزة غير محددة موعد استلامها والجين رحت عندهم ابي استلمها رفض الشخص المسئول
وجاني موظف ثاني يقول يعوضني عنها بس باقل من سعر الجائزة؟
شنو الحل وشاكرلك على جهودك طيبه
والله يوفقك

 

[PRINCEQ1Q1]

​

 

[almellyarder]

تقبل الله طاعتكم وصيامكم
كل عام وانتم بخير
عيدكم مبارك
أخوكم / الملياردير

 

[شبابي]

تقبل الله طاعتكم وصيامكم
كل عام وانتم بخير
عيدكم مبارك
أخوكم / الملياردير

علينا وعليك صالح الاعمال .. العيد تبارك عليك يا بوعبدالله ..

 

[hassankoc]

تقبل الله طاعتكم

 

[بوحسين1976]

يعطيك العافية على هالمجهود الجبار
حبيت اسال انا رافع قضية على كراج منطقة الشعب السكنية عن طريق شئون المستهلك اللي بالدسمة ودزو القضية الى الفيحاء ومن الفيحاء الى وزارة التجارة عاد اخوي يداوم اهناك في مكتب الوزير يابلي اورقه من عندهم عن القضية اراجع محكمة الرقعي
السؤال اشكثر تطول القضية عشان اخذ حقي مع انة معاي تقرير من الفحص الفني للسيارة اللي امصلحها عندة وامخربها حاطة في ملف القضية والتقرير من صالحي اشكثر تطلول عشان اخذ حقي

 

[مفتش تجاري]

يعطيك العافية على هالمجهود الجبار
حبيت اسال انا رافع قضية على كراج منطقة الشعب السكنية عن طريق شئون المستهلك اللي بالدسمة ودزو القضية الى الفيحاء ومن الفيحاء الى وزارة التجارة عاد اخوي يداوم اهناك في مكتب الوزير يابلي اورقه من عندهم عن القضية اراجع محكمة الرقعي
السؤال اشكثر تطول القضية عشان اخذ حقي مع انة معاي تقرير من الفحص الفني للسيارة اللي امصلحها عندة وامخربها حاطة في ملف القضية والتقرير من صالحي اشكثر تطلول عشان اخذ حقي

اذا المحضر طلع من عندنا وراح النيابه الاجراء هذا بيد وكيل النيابه بعد ما يتم استدعاء الطرفين يعني من شهر الى شهرين او ثلاثة شهور لكن كل شي بيد وكيل النيابه

 

[شبابي]

ما رديت على كتابنا يا خوي

 

[مفتش تجاري]

السلام عليكم

يعطييك العافيه اخوي وما قصرت ..


شريت سيراميك(جرانيت) من احدى المحلات الكبيرة بشويخ ,, وسألته بالحرف الواحد ان السيراميك ما يشرب سوائل ويتغير لونه قالي لا ,, ولكن

من ينكت شاي او قهوة يشربها وتصير بقعه مكانها ,,

اذا بشتكي عليه شلون الطريقة ؟ لانه غشني تعبان معني رديتها عليه اكثر من مرة وقالي ما يشرب

شنو الإجراء ؟؟

هلا بالحبيب وسامحني على التاخير عزيزي روح مركز الشويخ واشتك عليه هناك مركز الشويخ اللي في شبرة الخضار وحقك يطلع لا تحاتي

 

[hassankoc]

هذه سالفه حدثت في البنك الأهلي المتحد(aub) قامو بالأعلان بالصحف اخذ عيديتك وعندما اتجهنا اليهم فرع الفحيحيل قالو حول راتبك وتاخذ هاتف البلاك بيري مجانا هذه البدايه وفتحنا حساب الراتب ووضعنا دينار وبعد بيومين نما الى علمنا ان في الأمر مكر راجعناهم ولم يقومو بالأتصال بنا وتنبيهنا من باب حفظ مصداقية البنك ولنتأكد قبل تحويل الراتب قالو لا غيرنا مايصير بعد التحويل اذا اردت ان تاخذ الهاتف لا بد من اخذ ماستر وبرسوم واشتراك شهري !!!!!

السؤال

فهل لنا لنا الحق بالشكوى ان هذا تحايل ونصب واحتيال وضحك على العملاء والى من نشتكي

 

[بوخمسين]

حياك الله أخونا ابو عمر مفتش تجاري

أسألك سؤال وأتمني الجواب الصريح :: وين هيبة مفتش حماية المستهلك ؟؟؟

حتي الاجانب والوافدين العرب مايخافون منكم ليش ؟؟؟؟

مثال بسيط :: قبل جم شهر المطاعم ارفعوا أسعار المشروبات الغازية 50%

من 100 فلس الى 150 فلس بدون مراجعة أحد على كيفهم ...

وينكم عنهم ليش ماسويتوا شيء

وشكرا لك ابو عمر