بيت التمويل الخليجي .......... ( تمويل خليج )

[adventurer]

http://www.alqabas.com.kw/article.aspx?id=577383&date=14022010


اكتب رابط القبس و عقب كمل الرابط:

Article.aspx?id=577383&date=14022010

مشكور يالغالي

 

[majrooh]

صانع السوق طلع وايد ناس اليوم الله يعوض عليهم ولكن اذا صعد بيضيق خلقهم مابقى الان الا الاخوان الفدائيين كأنهم فى حرب الله ينصرهم

 

[dr.teeth]

رايي قلته قبل جم شهر
و اذكر الكلمه "مزبل"
و لازال مزبل




ما جاوبتو على مشاركتي فوق


ههههههههههههههههههههههه
كفو والله يالابطال, لا تتركون مقاعدكم شاغره
من ايام فوق ال 100 فلس ما تركتو مقاعدكم و كله تقولون لا للبيع, الحين كل اللي كانوا بره و طاعوكم مساكين طافتهم الفرصة الذهبية لوووول
و كل اللي كانوا يملكون بالسهم حزتها و طاعوكم هذيلي الحين ربحانين وايد لوووول

بو عمر في مشاركة رقم 119 هني سألتك فيها , ما جاوبت!!!!
http://www.indexsignal.com/vb/showthread.php?t=220919&page=8

روووووووووووووووووووووووووووووووووووووووووووووح adventurer الله يباركلك دينيا و اخره انته و يونكس و كل واحد كان يقول لا للاكتتاب .
لكم الجنه ان شاء الله .
والله العظيم و ربي شاهد اذكر كلام يونكس عدل قالها لنا الف الف مرة و نورنا ........
و الحمد لله خذيت براي الكثيرين من الشباب الي قالوو اخذ من جيسه و عايده و الحمد لله الخساره قاعد تقل اشوي شوي
لو لاكم جان انا معلق على هذه الاسعار و مهما شكرت لكم ما راح اوفي حقكم ...
الشكر لله و من ثم لكم adventurer ويونكس و كل واحد قال كلمة خروج من تمويل الخيج قبل الاكتتاب و بعده الي ان وصلنا الي ال 102 بارك الله فيكم ..

 

[BO_GASEM]

ماكو شغل ::verymad::

 

[العضو المنتدب]

صانع السوق طلع وايد ناس اليوم الله يعوض عليهم ولكن اذا صعد بيضيق خلقهم مابقى الان الا الاخوان الفدائيين كأنهم فى حرب الله ينصرهم

يامجروح نحن في حرب فعلا .

وعلى فكرة معظم الحروب كانت بسبب اهداف اقتصادية.

(( شركـــــة الولايات المتحدة الأمريكية القابضـــــة )) وحروبها في العراق وافغانستان وغيرها كانت وما تزال لأهداف إقتصــادية ومصالح آخرى.

ملاك الخليجي يعانون من حرب نفسية وحرب إبادة اقتصادية ونهب لاموالهم عن طريق التخويف والارهاب , ولم يبقى الا أن يفتحوا الصندوق وينهبوا مافيه عنوه !.​

 

[Math-Man]

روووووووووووووووووووووووووووووووووووووووووووووح adventurer الله يباركلك دينيا و اخره انته و يونكس و كل واحد كان يقول لا للاكتتاب .
لكم الجنه ان شاء الله .
والله العظيم و ربي شاهد اذكر كلام يونكس عدل قالها لنا الف الف مرة و نورنا ........
و الحمد لله خذيت براي الكثيرين من الشباب الي قالوو اخذ من جيسه و عايده و الحمد لله الخساره قاعد تقل اشوي شوي
لو لاكم جان انا معلق على هذه الاسعار و مهما شكرت لكم ما راح اوفي حقكم ...
الشكر لله و من ثم لكم adventurer ويونكس و كل واحد قال كلمة خروج من تمويل الخيج قبل الاكتتاب و بعده الي ان وصلنا الي ال 102 بارك الله فيكم ..

زين شنو المطلوب الحين ؟

 

[majrooh]

يالحبيب انا معاك قلبا وقالبا صامدين للاخر لا للبيع وعساها تفرج انشاء الله ابشرك اخوانا فى دبى والبحرين صامدين ومؤشر السوق بتحسن

 

[BO_GASEM]

بسم الله

 

[majrooh]

لو يسكر اليوم على 77 احنا راضيين ويعطينا الاطمئنان لوقف النزيف الناتج من اخبار الربع الاخير وقدر الله وماشاء فعل وحان الان وقت اذان الظهر .

 

[العضو المنتدب]

لو يسكر اليوم على 77 احنا راضيين ويعطينا الاطمئنان لوقف النزيف الناتج من اخبار الربع الاخير وقدر الله وماشاء فعل وحان الان وقت اذان الظهر .

إطمئن , بحول الله فوقها بتكه أو تكتين .

خلاص المهاجمين نفذت ذخيرتهم ​

 

[majrooh]

كفو يالحبيب الله يطمئنك فى الدنيا والأخره .

 

[boturky]

للامانه اي مشاركه بالبيع او الشراء دون تحليل اساسي او فني تدخلنا ببند إسائة النيه بصاحب المشاركه حتى لو كانت نيته صافيه بل انني استغرب من بعض الاعضاء الذين لايملكون بالسهم شي ومع ذلك فهم متفرغين لاقناع الناس بالخروج من السهم ويلحون بالخروج دون ابداء اسباب فنيه او أساسيه للخروج
أنا بصراحه لو كنت احب الخير وخايف على الناس من الخساره كان كتبت مشاركه وحده فقط وابديت اسباب الخروج وبريت ذمتي اما مسألة أني ادخل بوقت التداول وأشارك بأكثر من ٦ مشاركات لاقنع الناس بالبيع هذي فيها ان
اما ان كان القصد منها الشماته فهذا احسن الظن

 

[حفار قبور]

يعني متفضلة علينا مسكرة على 78 ف

طيح الله حظها من إدارة

 

[aboibrahim]

طيح الله حظها من إدارة

صح لسانك

 

[عذووب]

ملخص تداولات السهم اليوم ... نسبة الشراء 34% انخفضت
عدد الصفقات 280 صفقة الكمية 21.600.000 سهم القيمة 1.680.680

تفاصيلها كالآتي :
الكمية المنفذة 34% منها شرائية ( الكمةي الإجمالية
الشراء عدد الصفقات 97 صفقة الكمية 7.240.000 قيمتهم 565.360
البيع عدد الصفقات 183 صفقة كميتها 13.360.000 قيمتها 1.115.320
​

 

[moh_r]

يعني متفضلة علينا مسكرة على 78 ف

طيح الله حظها من إدارة

اكثر من جذيه طيحت حظ شتبون بعد
خل نطلع منها وعل حظها ما يقوم بس خل نطلع

 

[ابو خليفه]

ياسبحان الله واحد يدعي وقول ((طيح الله حضها)) والثاني يقول ((صح لسانك)) وتبون الله يرزقكم

 

[ابو خليفه]

ملخص تداولات السهم اليوم ... نسبة الشراء 34% انخفضت
عدد الصفقات 280 صفقة الكمية 21.600.000 سهم القيمة 1.680.680

تفاصيلها كالآتي :
الكمية المنفذة 34% منها شرائية ( الكمةي الإجمالية
الشراء عدد الصفقات 97 صفقة الكمية 7.240.000 قيمتهم 565.360
البيع عدد الصفقات 183 صفقة كميتها 13.360.000 قيمتها 1.115.320
​

اخوي مو ممكن يكون البائع هو نفسه الشاري يعني عن طريق محفضتين مملوكات لشخص واحد يقط من المحفضه الاولي الي الثانيه((طبعا بطريقه فنيه)) ليوهم الناس بالبيع ولا شرايك

 

[adventurer]

اخوي مو ممكن يكون البائع هو نفسه الشاري يعني عن طريق محفضتين مملوكات لشخص واحد يقط من المحفضه الاولي الي الثانيه((طبعا بطريقه فنيه)) ليوهم الناس بالبيع ولا شرايك

شوف مشاركتي هذي حق عذوب

حجي مادري حجيه ماعرف شاسميك/ج
المهم , راح اخاطبج/ك بصفة الجمع ,لول

شدراكم انه العمليات على 79 كانت شرائية ؟؟؟
انتوت تعتمدون على برنامج آلي يقولكم انه كانت عمليت شرائيةو ليست بيعيه؟؟؟
ندري القط عالطلب بيع , و الأخذ من العرض شراء....... لكن بالنهاية يمكن هذا الماركت ميكر ياخذ من نفسه أو يقط على نفسه , او محفظة عوده تملك كميات كبيره أو مضارب كبير أو أو....الخ قاعد يسوون هالفلم

اذاً ما نقدر نعرف اذا الصفقات على 79 مثل ما تفضلتوا كانت بالفعل شرائية ( بمعنى آخر قاعد يشترون لأنهم عارفين السهم بيرتفع من هالسعر) أو انها كانت بيعية ( بمعنى آخر قاعد يبيعون لأنهم عارفين السهم بينزل من هالسعر)
الا لو انتو مضاربين محترفين او محللين محترفين تعرفون من خلال طريقة التداول انها عمليات شراء أو بيع, و هذي ما يقدر عليها الا جم واحد هني بالمنتدى و ماظن انتوا منهم


خلاصة الحديث
فنيا: السهم عند قاعه التاريخي 77 كسره يودينا لقاع يديد
احتمال يرتد منه و يصعد شوي لكن يرد و يكسره
و احتمال يكسره من الحين
و احتمال يرتد منه و يروح فوق و ما يردله السنه هذي

ننطر لي الاسبوع الياي و نشوف

 

[عذووب]

اخوي مو ممكن يكون البائع هو نفسه الشاري يعني عن طريق محفضتين مملوكات لشخص واحد يقط من المحفضه الاولي الي الثانيه((طبعا بطريقه فنيه)) ليوهم الناس بالبيع ولا شرايك

هلا بوخليفة

منو اللي يبيع منو اللي يشتري ماعندي علم اهي معلومات تداول آخذها من برنامج النوخذة تحديدا وبعض البرامج ..يعني المعلومات أعلاه كلها من النوخذة البيع الشراء حتى آخر عملية اذا كانت بيع ولا شراء آخذها من النوخذة ... ​