موضوع للنقاش--المراءه الموظفه ممكن تعطي زوجها راتبها ؟؟؟؟؟؟؟؟؟؟

[abdullah6868]

مشكورة اختى
انا اللى زعلت على اخونا مارس 1
بس ياالله نطوف ومشكور على اللى شال مشاركته
لان هذا رأى شخصى

 

[I T C]

والله ما اتلذذ الا براتب الزوجه ما ادري ليش.

 

[السيدةالانيقة]

والله ما اتلذذ الا براتب الزوجه ما ادري ليش.

حلالك

انت وزووجتك كيااان واااحد

واهي تاخذمن معاااشك

​

 

[Bo_azooz]

حرام الرجل يتحكم براتب الزوجه من غير رضاها

موضوع للنقاش--المراءه الموظفه ممكن تعطي زوجها راتبها ؟؟؟؟؟؟؟؟؟؟

السلام عليكم ورحمة الله وبركاته
حبايبي خلونا نناقش اليوم موضوع ونبي يكون جدي شوي-​

من لها راتب

شنو الشروط الي ممكن تتخذها لو طلب منك المساعده

مثلا طلب تساعدة في مشروع او لو حب مثلايبني بيت شنو يكون جوابك

وما هي شروطك؟

لوحصل واخذمنك بطاقة الكنت الخاصه فيك شنو ردة فعلك؟

اتمنى كل وحده تجاوب بجديه وياليت اشوف تفاعل في الموضوع

علشان غيرنا يستفيد

ونتفادها ماوقع من مشاكل لخواتنا

في المستقبل
\
\
\
\

اتمني اشوف ردودكم

​

اشكرك جزيل الشكر على طرحك لهذا الموضوع لانه وايد من الرجال يجهلون بأن لا حق لهم في ان يتصرفو بفلس واحد من مال الزوجه ما لم تكن هي راضيه
المشكله للاسف انه بديرتنا اغلب الرجال يكون معاهم كرت البنك الخاص بالزوجه ويكون اهو اللي ماسك زمام امور في المال الخاص بالزوجه ، وللاسف هذا اكبر غلط قاعدين يطيحون فيه وايد من الرجال لانهم مو مدركين انه هذا المال اللي قاعده تتعب فيه الزوجه طوال فترة حياتها بعملها حق لها اهي مو حق اي احد غيرها ، والرجل اللي قاعد يتصرف بمال زوجته من غير رضاها او غصب عنها سوف يحاسب بكل فلس تصرف به من غير رضاها ، وكلمة امانه اقولها حق كل اخواني الرجال ، انتبهو للانفسكم من الناحية هذه لان رب العالمين راح يحاسبكم بكل فلس صرفته من غير رضاء الزوجه ، وبعدين سالفة الكرت البنك يكون بأيد الزوج ليش ؟؟؟؟ انا مستغرب من الشي هذا والله ، الزوجه تتعب وتشقى وتالي الزوج ياخذ راتبها بارده امبرده ليش ؟ انت كون في مكانها وكرت البنك الخاص فيك يكون بأيد شخص ثاني مو تحت تصرفك انت ، وتعبك وشقاك بكل شهر يروح ويتحكم فيه شخص ثاني وانت ما تنال منه اي شي او انقول شي بسيط يعطيك اياه اللي ماخذ الكرت البنك منك ، شنو يكون شعورك ؟ هل راح اتكون راضي بالشي هذا ، مو حزتها راح تشعر انه تعبك وشقاك قاعد يتصرف فيه انسان ماله حق في التصرف فيه ، هذه اهي الصوره اللي اغلب الرجال قاعدين يتبعونها مع زوجاتهم والسبب انه اهو الرجل واهو اللي بأيديه جميع أمور الحياة وله الحق انه يتحكم ابمال زوجته ، فأنا اقول اتقو الله واعلم يا كل رجل قاعد يتبع هذا الاسلوب انك راح تحاسب بكل فلس انت خذيته او صرفته من غير وجه حق او من غير رضا الزوجه ، ورب العالمين ورسوله كانو واضحين ليمن اتم الرسول الكريم رسالته وعلمنا شلون نتقي الله بالمرآه وشلون نحفظ حقوقها ، والرجل اهو اللي له الحق في ان يصرف على زوجته ويتكفل فيها وبكل احتياجاتها ولازم يصرف عليها ويكسيها وينفق عليها حتى لو كانت أغنى منها ، وأنا اسف بقول كلمه مهمه جداً ، وأعتذر فيها للجميع ، اللي يتحكم براتب زوجته والكرت معاه ويتصرف بتعبها وشقاها من غير رضاها فاهذا مو رجل ، ولا يقولون بعض الرجال انه مافي فرق بين الرجل والمرأه بالشي هذا ، وان الرجل اهو اللي بأدينه زمام الامور وانه اهو اللي يتحكم بمصروف البيت ، فأنا اقوله انه كلامه صح اذا كان اهو اللي يصرف من ماله وتعبه وشقاه مو من مال زوجته ، لان احنا الرجال مكلفين في ان نحفظ مال الزوجه وتعبها وماناخذ فلس منها الا برضاها والشي هذا يكون من طيبها وعسى الله يبارك فيها لو اصرفت على بيتها او اولادها او زوجها لو احتاج منها .

وعسى يكون كلامي واضح لبعض الاخوى ، واتمنى انهم يدركون الشي هذا لانه مهم جداً ، لان يوم الحساب سوف يحاسب كل رجل كان ماخذ شي من زوجته بغير حق او من غير رضاها او ظلم ، والظلم ظلمات يوم الدين ، فا أحذرو يا أيها الرجال .
وشكراً للاخت العزيزه على طرحيها هذا الموضوع الموهم

 

[Bo_azooz]

آنا لي فلسفة خاصة بهذا الموضوع و أدري الكثير راح يختلف معاي ،،، بالنسبة لراتب الزوجة و راتب الزوج يكون واحد و الزوج هو من يمسك زمام الأمور بالصرف ،،، يعني أول الشهر يمول البيت بكل الأحتياجات و بعدها يوفر للأولاد كل ما يحتاجونه و بعدها يسأل زوجته عن احتياجاتها و المبلغ المتبقي من الراتبين لأحتياجات الرجل و مصروف باقي الشهر ،،، يعني مافي أحد ناقصه شي الا الرجل يأقلم حاجياته مع احتياجات البيت لآخر الشهر ،،،طبعا هذا اذا الزوج و الزوجة يعتبرون نفسهم واحد ( تحتها خطين حمر ) شكرا للموضوع ،،،

عزيزي بوخالد
انا اول من اختلف معاك بالشي هذا ، واتمنى يكون خلافي معاك بناء .
أنت ذكرت انه بالنسبة لراتب الزوجه والزوج يكون واحد ، وحضرتك اضفت على الشي هذا انه انت لك الاحقيه في مسك زمام الامور ؟ اذا راتب الزوجه والزوج واحد عيل لازم هم انت اتخلي كرت البنك الخاص فيك بأيد الزوجه دام كلامك يوضح انه راتب الزوجه والزوج واحد ، ودام واحد ومافي فرق بينكم ، عيل الزوجه لها هم الحق في انها تتحكم براتبك ويكون كرت البنك معاها مثل مو انت متحكم براتبها وكرت البنك معاك ، ولا انا غلطان ؟!!!! لانك بكلامك هذا وانت حددت انه مافي فرق وانه راتبها وراتبك واحد ، يعني هم اهي لها الحق بالتصرف براتبك ، وبكلام هذا انت وضحت شي مهم واهو المساوات ، يعني مافي فرق بينك وبينها في احقية التحكم بالراتب اذا كنت انت او الزوجه ؟!!!!
بخصوص كلامك انه راتب الزوجه والزوج يكون واحد فاهذا غلط كبير قاعد يطيحون فيه بعض الرجال ، الشي هذا مافيه فلسفه خاصه او عامه يا بوخالد ، امر الله ورسوله اللي بلغنا فيها تجاه الزوجه مافي احد بالكون ممكن يتفلسف على أمر ربنا أمرنا فيه ورسوله ، اللي احب اوضحه لك ولجميع اخواني بالمنتدى ان راتب الزوج يكون للزوج وافراد اسرته والزوجه ، يعني يا بوخالد راتبك يكون مو ملكك انت ابروحك ، يكون لجميع افراد اسرتك ، ولاحظ النقطه هذه لانها مهمه وايد ، راتب الزوجه يكون لها اهي فقط لاغير ، مافي احد لا من اهلها ولا زوجها له الحق فيه ، اهي اللي لها الحق في التصرف فيه من غير ما يجبرها احد في انه ياخذ او يشاركها فيه ، واذا اهي شاركت فيه الزوج او اعطت شي منه للاهلها فاهذا حقها ومن حكم بماله ماظلم يا بوخالد ، واللي ملزوم في انه يصرف على البيت والزوجه والأولاد هو الرجل فقط لاغير ، عيل الرجل شنو وظيفته ليمن فكر انه يتزوج ويكون اسره ؟ وظيفته في انه يكون مسؤل عن هذه الاسره ويصرف على زوجته واولاده ، مو الزوجه اللي تتعب واهي اللي تصرف على البيت ، لا ربنا سبحانه قال جذي ولا رسوله ، لان كل فلس يتصرف فيه الرجل من غير رضا الزوجه راح يحاسب فيه يوم يعرض على الله ويكون الانسان بين يدين الله وصدقني يا بوخالد انه اي رجل يصرف من مال زوجته وتعبها وشقاها واهي مو راضيه رب العالمين ماراح يوفقه طول عمره بدنيته ، لازم الواحد يتقي الله في الزوجه ولا يقول الرجل انه مافي فرق بين الزوج والزوجه ، الكلام هذا ينقال اذا الزوج كانت رايته بيضه وقايم بواجباته على اكمل وجه ومو مخلي قاصر على بيته وزوجته وعياله طول فترة حياته الزوجيه وقاعد يصرف من شقاه وتعبه ومن ماله الحر مو من مال غيره ، ترى هذا شي مهم وايد لازم الواحد ينتبه له ، بس انه يتحكم براتب زوجته ويكون كرت البنك بأيده اهو ، فا أنا اقول للرجل هذا مع احترامي الشديد له هذا مو رجل ، لان الرجال هم اللي لازم يصرفون على الزوجه وحتى لو كانت غنيه ، وليمن الزوج ياخذ قرض على ظهر زوجته مثل ما اذكرت بعض الخوات بخصوص الموضوع هذا بالمنتدى ، وكل شهر ينخصم من معاشها لجل زوجها من غير فايده اتعود عليها وعلى اولادها فهذا اكبر حرام لانه ظلمها وظلم نفسه وبنفس الوقت المال اللي خذاه منها او القرض صار مركب ويحتويه فايده والفايده كلنا انعرف انها حرام ، بالحاله هذه الرجل ظلم نفسه ظلم كبير من غير ما يدري وهدفه بس الحصول على القرض لجل رغبه يبي يوصل لها او هدف والمصيبه اذا كان الهدف مع مرور الزمن من غير فايده يعود على جميع افراد اسرته بالخير .
الزبده من كلامي هذا يا خوي بوخالد انه الرجل والمرأه مو واحد ، الرجل رجل ، اهو صاحب المسؤليه مو المرأه ، اهو اللي لازم يصرف على الزوجه مو المرأه ، اهو اللي يكسي الزوجه ويشوف احتياجاتها مو اهي ، والزوجه لو ساعدت زوجها انا معاك مو عيب ، هذا اذا كان الرجل كفو ويعرف الله ومو مقصر مع زوجته بشي ، وهذه الزوجه ربك راح يبارك فيها لانها ساعدت زوجها بوقت محنته بس انرد وانعيد وانقول برضاها مو غصب عنها او يكون الزوج غاصبها على انها تاخذ قرض له ، واذا كانت مغصوبه وبأمر من الزوج فا ياويله من ربه ، وعسى رب العالمين يهدي بعض الرجال اللي قاعدين يتحكمون برواتب زوجاتهم وانقولهم اتقووو الله لانكم ملاقينه وراح تتحاسبون على كل فلس خذيتوه من غير وجه حق .

في واحد كتب وعلق على الشي هذا وانا جداً اوافقه كل كلمه قالها ، وكبر بنظري وااااااااايد ، اهو قال
( عن نفسي
الف حلال على الزوجه راتبها وعيب اسئل كم عندها وانا اعطيها ما اخذ منها وازيدها ما انقصها
صانت بيتي - واعيالي - واهلي -ونفسي - وفوق هذا أخذ حلالها -- خط احمر
البدو يقولون -- اذا المرة اعطتك فنجان اكسرة -- يعنى عيب تاخذ منها اقل الاشياء
شكرا موضوع تعانى منه اغلب اخواتنا فى المجتمع الكويتى )
اللي كتب الكلام هذا انا اعتبره رجل من ظهر رجل وأحييه ، هذا اهو الرجل بكل معنى الكلمه ، واتمنى نكون كلنا وناخذ مأخذ هذا الرجل .
مع خالص الشكر والتقدير للجميع

 

[السيدةالانيقة]

اشكرك جزيل الشكر على طرحك لهذا الموضوع لانه وايد من الرجال يجهلون بأن لا حق لهم في ان يتصرفو بفلس واحد من مال الزوجه ما لم تكن هي راضيه
المشكله للاسف انه بديرتنا اغلب الرجال يكون معاهم كرت البنك الخاص بالزوجه ويكون اهو اللي ماسك زمام امور في المال الخاص بالزوجه ، وللاسف هذا اكبر غلط قاعدين يطيحون فيه وايد من الرجال لانهم مو مدركين انه هذا المال اللي قاعده تتعب فيه الزوجه طوال فترة حياتها بعملها حق لها اهي مو حق اي احد غيرها ، والرجل اللي قاعد يتصرف بمال زوجته من غير رضاها او غصب عنها سوف يحاسب بكل فلس تصرف به من غير رضاها ، وكلمة امانه اقولها حق كل اخواني الرجال ، انتبهو للانفسكم من الناحية هذه لان رب العالمين راح يحاسبكم بكل فلس صرفته من غير رضاء الزوجه ، وبعدين سالفة الكرت البنك يكون بأيد الزوج ليش ؟؟؟؟ انا مستغرب من الشي هذا والله ، الزوجه تتعب وتشقى وتالي الزوج ياخذ راتبها بارده امبرده ليش ؟ انت كون في مكانها وكرت البنك الخاص فيك يكون بأيد شخص ثاني مو تحت تصرفك انت ، وتعبك وشقاك بكل شهر يروح ويتحكم فيه شخص ثاني وانت ما تنال منه اي شي او انقول شي بسيط يعطيك اياه اللي ماخذ الكرت البنك منك ، شنو يكون شعورك ؟ هل راح اتكون راضي بالشي هذا ، مو حزتها راح تشعر انه تعبك وشقاك قاعد يتصرف فيه انسان ماله حق في التصرف فيه ، هذه اهي الصوره اللي اغلب الرجال قاعدين يتبعونها مع زوجاتهم والسبب انه اهو الرجل واهو اللي بأيديه جميع أمور الحياة وله الحق انه يتحكم ابمال زوجته ، فأنا اقول اتقو الله واعلم يا كل رجل قاعد يتبع هذا الاسلوب انك راح تحاسب بكل فلس انت خذيته او صرفته من غير وجه حق او من غير رضا الزوجه ، ورب العالمين ورسوله كانو واضحين ليمن اتم الرسول الكريم رسالته وعلمنا شلون نتقي الله بالمرآه وشلون نحفظ حقوقها ، والرجل اهو اللي له الحق في ان يصرف على زوجته ويتكفل فيها وبكل احتياجاتها ولازم يصرف عليها ويكسيها وينفق عليها حتى لو كانت أغنى منها ، وأنا اسف بقول كلمه مهمه جداً ، وأعتذر فيها للجميع ، اللي يتحكم براتب زوجته والكرت معاه ويتصرف بتعبها وشقاها من غير رضاها فاهذا مو رجل ، ولا يقولون بعض الرجال انه مافي فرق بين الرجل والمرأه بالشي هذا ، وان الرجل اهو اللي بأدينه زمام الامور وانه اهو اللي يتحكم بمصروف البيت ، فأنا اقوله انه كلامه صح اذا كان اهو اللي يصرف من ماله وتعبه وشقاه مو من مال زوجته ، لان احنا الرجال مكلفين في ان نحفظ مال الزوجه وتعبها وماناخذ فلس منها الا برضاها والشي هذا يكون من طيبها وعسى الله يبارك فيها لو اصرفت على بيتها او اولادها او زوجها لو احتاج منها .

وعسى يكون كلامي واضح لبعض الاخوى ، واتمنى انهم يدركون الشي هذا لانه مهم جداً ، لان يوم الحساب سوف يحاسب كل رجل كان ماخذ شي من زوجته بغير حق او من غير رضاها او ظلم ، والظلم ظلمات يوم الدين ، فا أحذرو يا أيها الرجال .
وشكراً للاخت العزيزه على طرحيها هذا الموضوع الموهم

انا من يقووول

شكراا لك علي اثراااء الموووضوع

وكلماتك تلك ستكووون وثيقة بيد كل امرأة

ويتم نشرهااااااااا

تقبل تحياااتي لك

​

 

[Bo_azooz]

يالغاليه انا عندي بنت عمي الله يعينها
مسكينه ريلها حط علي ظهرها قرض علشان بيسوي مشروع
وبالاخير غدر فيها وشراله سياره وحطها بسم اخوه ويروح ويي فيها وكلما سالته عن السياره اللي يروح فيها ويرد قال مالت اخوي وصارله 5 شهور وسالته وين مشروعك اللي بتسويه
يصرفها بالكلام
وقام يمد ايده عليها ويسبها ويبهذلها المسكينه ماكان حالها قبل جذي قبل كان حاطها علي راسها ومدللها الحين لا قام يسحبها من شعرها عند اخوانه وخواته
نصيحه ريلج بيلحس مخج ويبني لج بيت وقصر بس بالاحلام ومقابل هشي بطاقتج ومعاشج
وبس ياخذ اللي يبي يقول لها باي باي
حسبي الله ونعم الوكيل

عسى الله يفك كربتها ويصبرها على مابلاها ويهدي لها زوجها
اولاً هذا اللي صار فيها كله حرام بحرام
وضرب المرأه رب العالمين ورسوله نهانه عنه
واللي ما يتقي الله بالمرأه رب العالمين صديقيني ماراح يغفل عنه وراح يعاقب على ظلمه لها
والزوجه هذه مأجوره باأذن الله ، وعسى رب العالمين ينصرها وياخذ بيدها
لان منم كلامج هذا اشوفها مكسورة الجناح ولا حول ولا قوة لها
وعسى رب العالمين يفرج عنها كربتها

 

[Bo_azooz]

موضوع يستحق النقاش
وهنا الرأي الشرعي

http://www.indexsignal.com/vb/showthread.php?t=157000​

عسى الله يبارك فيك اخوي ( قلم حر )
الكلام اللي بالرابط اتمنى الكل يتجه له ويشوفه ويصحه من الغفله اللي عايش فيها وغير مدركها بحق الزوجه ويتعظ ويخاف الله ، ويحاسب نفسه قبل لا يحاسب الاخرين
لك جزيل الشكر
وهذا نص الفتوة الشرعيه اتمنى كل رجل يقراها عدل
---------------------------------------------------------------------
راتب الزوجه / قرار وفتوى

--------------------------------------------------------------------------------

تؤكد الشريعة الإسلامية على انفصال الذمة المالية بين الزوجين، فلا سلطان للزوج على تصرفات الزوجة المالية، وراتبها حق لها وهذا ما أكدت عليه المجامع والمجالس الفقهية التي ناقشت هذه القضايا. فقد أصدر مجلس مجمع الفقه الإسلامي الدولي المنبثق عن منظمة المؤتمر الإسلامي قرارا وفتوى عن اختلافات الزوج والزوجة الموظفة، وعن انفصال الذمة المالية بين الزوجين، جاء فيه:

للزوجة الأهلية الكاملة والذمة المالية المستقلة التامة، ولها الحق المطلق في اطار احكام الشرع مما تكسبه من عملها، ولها ثروتها الخاصة، ولها حق التملك وحق التصرف بما تملك ولا سلطان للزوج على مالها، ولا تحتاج لإذن الزوج في التملك والتصرف بمالها.

تستحق الزوجة النفقة الكاملة المقررة بالمعروف، وبحسب سعة الزوج، وبما يتناسب مع الأعراف الصحيحة والتقاليد الاجتماعية المقبولة شرعا، ولا تسقط هذه النفقة الا بالنشوز.

حق العمل

من المسؤوليات الأساسية للزوجة رعاية الأسرة وتربية النشء والعناية بجيل المستقبل، ويحق لها عند الحاجة ان تمارس خارج البيت الأعمال التي تتناسب مع طبيعتها واختصاصها بمقتضى الأعراف المقبولة شرعا، بشرط الالتزام بالاحكام الدينية والآداب الشرعية ومراعاة مسؤوليتها الأساسية.

النفقة

إن خروج الزوجة الى العمل لا يسقط نفقتها الواجبة على الزوج المقررة شرعا، وفق الضوابط الشرعية، ما لم يتحقق في ذلك الخروج معنى النشوز المسقط للنفقة.

لا يجب على الزوجة شرعا المشاركة في النفقات الواجبة على الزوج ابتداء، ولا يجوز إلزامها بذلك.

تطوع الزوجة بالمشاركة في نفقات الاسرة امر مندوب اليه شرعا لما يترتب عليه من تحقيق معنى التعاون والتآزر والتآلف بين الزوجين.

يجوز أن يتم تفاهم الزوجين واتفاقهما الرضائي على مصير الراتب او الاجر الذي تكسبه الزوجة.

إذا ترتب على خروج الزوجة الى العمل نفقات اضافية تخصها، فانها تتحمل تلك النفقات.

يجوز للزوجة ان تشترط في عقد الزواج ان تعمل خارج البيت، فان رضي الزوج بذلك الزم به، ويكون الاشتراط عند العقد صراحة.

يجوز للزوج ان يطلب من الزوجة ترك العمل بعد اذنه به اذا كان الترك في مصلحة الاسرة والاولاد.

لا يجوز شرعا ربط الاذن او الاشتراط للزوجة بالعمل خارج البيت مقابل الاشتراك في النفقات الواجبة على الزوج ابتداء او اعطائه جزءا من راتبها وكسبها.

ليس للزوج ان يجبر الزوجة على العمل خارج البيت.

إذا اسهمت الزوجة فعليا من مالها او كسب عملها في تملك مسكن او عقار او مشروع تجاري فان لها الحق في الاشتراك في ملكية ذلك المسكن او المشروع بنسبة المال الذي اسهمت به.[/b]

 

[Bo_azooz]

المفروض الزوج يكون هو اللي يصرف على زوجته حتى لو كانت موظفه

وهالايام هابين بشغله جديده

يقول راتبها لمصرفها

زين ليش ماخذها ::verymad::

لكن وين الرجال هالايام

من هبوا بكشنات باربريز والدعوة ضايعه :d

بارك الله فيك
هذا الكلام الصح
وانت رجل من ظهر رجل عسى الله يبارك فيك
لانك انسان على حق واتخاف ربك وماترضى بالغلط
واللي تكون فيه الصفات هذه فاهذا رجل والرجال قليلووو
مع تحياتي

 

[azeez78]

اشكرك جزيل الشكر على طرحك لهذا الموضوع لانه وايد من الرجال يجهلون بأن لا حق لهم في ان يتصرفو بفلس واحد من مال الزوجه ما لم تكن هي راضيه
المشكله للاسف انه بديرتنا اغلب الرجال يكون معاهم كرت البنك الخاص بالزوجه ويكون اهو اللي ماسك زمام امور في المال الخاص بالزوجه ، وللاسف هذا اكبر غلط قاعدين يطيحون فيه وايد من الرجال لانهم مو مدركين انه هذا المال اللي قاعده تتعب فيه الزوجه طوال فترة حياتها بعملها حق لها اهي مو حق اي احد غيرها ، والرجل اللي قاعد يتصرف بمال زوجته من غير رضاها او غصب عنها سوف يحاسب بكل فلس تصرف به من غير رضاها ، وكلمة امانه اقولها حق كل اخواني الرجال ، انتبهو للانفسكم من الناحية هذه لان رب العالمين راح يحاسبكم بكل فلس صرفته من غير رضاء الزوجه ، وبعدين سالفة الكرت البنك يكون بأيد الزوج ليش ؟؟؟؟ انا مستغرب من الشي هذا والله ، الزوجه تتعب وتشقى وتالي الزوج ياخذ راتبها بارده امبرده ليش ؟ انت كون في مكانها وكرت البنك الخاص فيك يكون بأيد شخص ثاني مو تحت تصرفك انت ، وتعبك وشقاك بكل شهر يروح ويتحكم فيه شخص ثاني وانت ما تنال منه اي شي او انقول شي بسيط يعطيك اياه اللي ماخذ الكرت البنك منك ، شنو يكون شعورك ؟ هل راح اتكون راضي بالشي هذا ، مو حزتها راح تشعر انه تعبك وشقاك قاعد يتصرف فيه انسان ماله حق في التصرف فيه ، هذه اهي الصوره اللي اغلب الرجال قاعدين يتبعونها مع زوجاتهم والسبب انه اهو الرجل واهو اللي بأيديه جميع أمور الحياة وله الحق انه يتحكم ابمال زوجته ، فأنا اقول اتقو الله واعلم يا كل رجل قاعد يتبع هذا الاسلوب انك راح تحاسب بكل فلس انت خذيته او صرفته من غير وجه حق او من غير رضا الزوجه ، ورب العالمين ورسوله كانو واضحين ليمن اتم الرسول الكريم رسالته وعلمنا شلون نتقي الله بالمرآه وشلون نحفظ حقوقها ، والرجل اهو اللي له الحق في ان يصرف على زوجته ويتكفل فيها وبكل احتياجاتها ولازم يصرف عليها ويكسيها وينفق عليها حتى لو كانت أغنى منها ، وأنا اسف بقول كلمه مهمه جداً ، وأعتذر فيها للجميع ، اللي يتحكم براتب زوجته والكرت معاه ويتصرف بتعبها وشقاها من غير رضاها فاهذا مو رجل ، ولا يقولون بعض الرجال انه مافي فرق بين الرجل والمرأه بالشي هذا ، وان الرجل اهو اللي بأدينه زمام الامور وانه اهو اللي يتحكم بمصروف البيت ، فأنا اقوله انه كلامه صح اذا كان اهو اللي يصرف من ماله وتعبه وشقاه مو من مال زوجته ، لان احنا الرجال مكلفين في ان نحفظ مال الزوجه وتعبها وماناخذ فلس منها الا برضاها والشي هذا يكون من طيبها وعسى الله يبارك فيها لو اصرفت على بيتها او اولادها او زوجها لو احتاج منها .

وعسى يكون كلامي واضح لبعض الاخوى ، واتمنى انهم يدركون الشي هذا لانه مهم جداً ، لان يوم الحساب سوف يحاسب كل رجل كان ماخذ شي من زوجته بغير حق او من غير رضاها او ظلم ، والظلم ظلمات يوم الدين ، فا أحذرو يا أيها الرجال .
وشكراً للاخت العزيزه على طرحيها هذا الموضوع الموهم

اسمحلي اخوي اخالفك الراي اذا وارثه الفلوس والله ما اجيسهم بس اذا انا خليتها تدرس ووظفتها وضحيت شوي بالبيت والعيال بعد كل هذا تقولي مالك حق بمعاشي هذي انانية منها انا اذا ابي آخذ معاشها مو حقي ابي اجمعه حق البيت والعيال تدري معاش واحد ما يكفي ولا تفسفهم احسن

 

[الكاريبي]

والله يأخوان الموضوع شيق والله يعطيج العافية علي الموضوع الطيب الأخوان في منهم من قال الصواب ومنهم بعيدا عن الصواب معاش الزوجة لها وحدها وهي حرة فيه بس الزوجة ضعيفة العقل تذهب مع الرياح الخفيفة فمثلن شاف الزوج حرمتة بتشتري شي غالي علشان ماركة ممكن يعلمها ويقولها هذا غالي وشتبين فيه يخاف علي فلوس زوجته مو علشان ماله شغل في معاشها يطنشها ويقول كيفها اهو كيفها بس أنصحها وأنت تبيلها الخير أكيد زوجتك وأهي وياك أن شاء الله طول العمر سالفت سيارة غالية الحريم مايعرفون شنو السيارة الزينة والشينة أهم شي الشكل عندهم أنت أختارلها السيارة المناسبة لفلوسها وصيانتها مقبولة وأذا خلصت فلوسها أنت مجبور فيها غصب تصرف عليها وعلي عيالك عاجبك ولا موعاجبك .
سالفت الحرمة تبي تساعد زوجها بمصروف البيت هاذا رجعلها وحدها تبي تساعده كيفها ماتبي كيفها . أنا أفضل لا تساعدة بتاتا الوقت الحالي الرجال أعتمدو أعتماد كلي علي الزوجة الموظفة في رجال أذا بغي يتقدم لزواج يسأل الزوجة موظفة أو لا يبون الموظفة علشان يفتك من مصاريفها أنا أقول الرجل هاذا مايستحق الزواج أحسله يقعد عزوبي . انا شخص أفضل زوجتي مو موظفة تتفرغ لي وللبيت أذا رجعت للبيت من الدوام من السفر أحصل كل شي جاهز مو أعتمادي أنا والأطفال علي ماما مييري الخادمة الحين الحرمة ماتعرف تسوي بيضة الله يعين .
وسالفة الرجل يمد أيدة علي زوجتة علشان المعاش أنا أعتبرة مو رجال .

 

[الكاريبي]

اشكرك جزيل الشكر على طرحك لهذا الموضوع لانه وايد من الرجال يجهلون بأن لا حق لهم في ان يتصرفو بفلس واحد من مال الزوجه ما لم تكن هي راضيه
المشكله للاسف انه بديرتنا اغلب الرجال يكون معاهم كرت البنك الخاص بالزوجه ويكون اهو اللي ماسك زمام امور في المال الخاص بالزوجه ، وللاسف هذا اكبر غلط قاعدين يطيحون فيه وايد من الرجال لانهم مو مدركين انه هذا المال اللي قاعده تتعب فيه الزوجه طوال فترة حياتها بعملها حق لها اهي مو حق اي احد غيرها ، والرجل اللي قاعد يتصرف بمال زوجته من غير رضاها او غصب عنها سوف يحاسب بكل فلس تصرف به من غير رضاها ، وكلمة امانه اقولها حق كل اخواني الرجال ، انتبهو للانفسكم من الناحية هذه لان رب العالمين راح يحاسبكم بكل فلس صرفته من غير رضاء الزوجه ، وبعدين سالفة الكرت البنك يكون بأيد الزوج ليش ؟؟؟؟ انا مستغرب من الشي هذا والله ، الزوجه تتعب وتشقى وتالي الزوج ياخذ راتبها بارده امبرده ليش ؟ انت كون في مكانها وكرت البنك الخاص فيك يكون بأيد شخص ثاني مو تحت تصرفك انت ، وتعبك وشقاك بكل شهر يروح ويتحكم فيه شخص ثاني وانت ما تنال منه اي شي او انقول شي بسيط يعطيك اياه اللي ماخذ الكرت البنك منك ، شنو يكون شعورك ؟ هل راح اتكون راضي بالشي هذا ، مو حزتها راح تشعر انه تعبك وشقاك قاعد يتصرف فيه انسان ماله حق في التصرف فيه ، هذه اهي الصوره اللي اغلب الرجال قاعدين يتبعونها مع زوجاتهم والسبب انه اهو الرجل واهو اللي بأيديه جميع أمور الحياة وله الحق انه يتحكم ابمال زوجته ، فأنا اقول اتقو الله واعلم يا كل رجل قاعد يتبع هذا الاسلوب انك راح تحاسب بكل فلس انت خذيته او صرفته من غير وجه حق او من غير رضا الزوجه ، ورب العالمين ورسوله كانو واضحين ليمن اتم الرسول الكريم رسالته وعلمنا شلون نتقي الله بالمرآه وشلون نحفظ حقوقها ، والرجل اهو اللي له الحق في ان يصرف على زوجته ويتكفل فيها وبكل احتياجاتها ولازم يصرف عليها ويكسيها وينفق عليها حتى لو كانت أغنى منها ، وأنا اسف بقول كلمه مهمه جداً ، وأعتذر فيها للجميع ، اللي يتحكم براتب زوجته والكرت معاه ويتصرف بتعبها وشقاها من غير رضاها فاهذا مو رجل ، ولا يقولون بعض الرجال انه مافي فرق بين الرجل والمرأه بالشي هذا ، وان الرجل اهو اللي بأدينه زمام الامور وانه اهو اللي يتحكم بمصروف البيت ، فأنا اقوله انه كلامه صح اذا كان اهو اللي يصرف من ماله وتعبه وشقاه مو من مال زوجته ، لان احنا الرجال مكلفين في ان نحفظ مال الزوجه وتعبها وماناخذ فلس منها الا برضاها والشي هذا يكون من طيبها وعسى الله يبارك فيها لو اصرفت على بيتها او اولادها او زوجها لو احتاج منها .

وعسى يكون كلامي واضح لبعض الاخوى ، واتمنى انهم يدركون الشي هذا لانه مهم جداً ، لان يوم الحساب سوف يحاسب كل رجل كان ماخذ شي من زوجته بغير حق او من غير رضاها او ظلم ، والظلم ظلمات يوم الدين ، فا أحذرو يا أيها الرجال .
وشكراً للاخت العزيزه على طرحيها هذا الموضوع الموهم

والله كلامك طيب والله يطيب أعمالك ويطيب أعمال جميع المسلمين أنا ماعرف أعبر بس انت الهمتني الله يوفقك وجميع المسلمين

وأنا أرجع وأقول الزوجة الغير الموظفة أفضل بكثير .

 

[azeez78]

والله يأخوان الموضوع شيق والله يعطيج العافية علي الموضوع الطيب الأخوان في منهم من قال الصواب ومنهم بعيدا عن الصواب معاش الزوجة لها وحدها وهي حرة فيه بس الزوجة ضعيفة العقل تذهب مع الرياح الخفيفة فمثلن شاف الزوج حرمتة بتشتري شي غالي علشان ماركة ممكن يعلمها ويقولها هذا غالي وشتبين فيه يخاف علي فلوس زوجته مو علشان ماله شغل في معاشها يطنشها ويقول كيفها اهو كيفها بس أنصحها وأنت تبيلها الخير أكيد زوجتك وأهي وياك أن شاء الله طول العمر سالفت سيارة غالية الحريم مايعرفون شنو السيارة الزينة والشينة أهم شي الشكل عندهم أنت أختارلها السيارة المناسبة لفلوسها وصيانتها مقبولة وأذا خلصت فلوسها أنت مجبور فيها غصب تصرف عليها وعلي عيالك عاجبك ولا موعاجبك .
سالفت الحرمة تبي تساعد زوجها بمصروف البيت هاذا رجعلها وحدها تبي تساعده كيفها ماتبي كيفها . أنا أفضل لا تساعدة بتاتا الوقت الحالي الرجال أعتمدو أعتماد كلي علي الزوجة الموظفة في رجال أذا بغي يتقدم لزواج يسأل الزوجة موظفة أو لا يبون الموظفة علشان يفتك من مصاريفها أنا أقول الرجل هاذا مايستحق الزواج أحسله يقعد عزوبي . انا شخص أفضل زوجتي مو موظفة تتفرغ لي وللبيت أذا رجعت للبيت من الدوام من السفر أحصل كل شي جاهز مو أعتمادي أنا والأطفال علي ماما مييري الخادمة الحين الحرمة ماتعرف تسوي بيضة الله يعين .
وسالفة الرجل يمد أيدة علي زوجتة علشان المعاش أنا أعتبرة مو رجال .

اولا جزاك الله خير ثانيا الزوجة تبي تسافر وتبي تستانس وتبي الزوج ييبلها هدية بعيد ملادها وبعيد زواجها وتبي الجنطه الحلوة الي شافتها بالسوق وتبي تغير الاثاث الزوج ملزوم بالنفقة العادية ومو ملزوم ان يسفرها حتى الحج مو ملزوم يوديها انا ابي اسأل هل الزوج ملزوم ان يسفرها او يشتري لها هدية اكيد لا كل هذا مو من واجبات الصرف

 

[Bo_azooz]

اولا جزاك الله خير ثانيا الزوجة تبي تسافر وتبي تستانس وتبي الزوج ييبلها هدية بعيد ملادها وبعيد زواجها وتبي الجنطه الحلوة الي شافتها بالسوق وتبي تغير الاثاث الزوج ملزوم بالنفقة العادية ومو ملزوم ان يسفرها حتى الحج مو ملزوم يوديها انا ابي اسأل هل الزوج ملزوم ان يسفرها او يشتري لها هدية اكيد لا كل هذا مو من واجبات الصرف

حبيبي واخي العزيز
تحية طيبه وبعد
انا احترم كلامك وفاهم شنو قصدك بالشي هذا من ناحية السفر والمشتريات والهدايا وغيره وغيره

بس انا اللي كنت ابي اوصله لكم ولجميع الرجال اللي ماكلين حق الزوجه وتعبها وشقاها ،،، اهو لفته من الرحمه على الزوجه المتضرره من الزوج اللي قاعد يتصرف بمعاش زوجته ومتحكم فيه وكرت البنك اهو اللي يمتلكه ، يعني تعبها طول فترة عملها قاعد يتصرف فيه من غير وجه حق
اما بخصوص ما ذكرت حضرتك فاهذا يرجع مابين الزوجين بالقبول والرفض والاتفاق ،، احب اني اوضح لك اهو سالفة الكماليات من سفر وهدايا وشغلات الزوج ماله طاقه في انه يحقق هذا لزوجته من انه يسفرها او يشترلها شي غالي مافي مانع في ان الزوجه تعطي واتشارك الزوج بالشي هذا ،، واهو ليمن يشارك الزوجه وماكان بمقدوره وبأستطاعته تلبيت شي فوق طاقته واهي اتبادر واتشاركه بالشي هذا فهذا بحد ذاته تعاون ولفته حلوه من الزوجه للزوج وشي جميل ، واللي ما يقدر عليه الزوج في انه يحققه لزوجته لو اطلبت شي فوق طاقته ملزمه الزوجه انها اتشاركه وتعينه ، بس انا مبدأي في طرح رأي اهو كان في انه الزوج ماله حق يصرف راتب زوجته في اموره الشخصيه او في انه يصرف تعبها وشقاها عليها وعلى عيالها في الامور المعيشيه اليوميه والشهريه ، لان الرجل اهو اللي ملزم في توفير المعيشه للزوجه والاولاد مو الزوجه ، يعني اللي اقصده مو كل نهاية شهر بس ينزل الراتب اسحب راتب الزوجه واشتر متطلبات البيت ومتطلبات الاولاد وهم اصرف علي الزوجه من مالها وراتبها عليها ، هذا كان المفهوم والفكره اللي ابي اوصلها للجميع ، وعلى قولة المثل ( من جيبه وعايده )
اتمنى اتكون الصوره اتضحت لك وللجميع الحين
مع تحياتي لك

 

[azeez78]

مشكور اخوي على الرد بس اقول ارد و اعيد لي حق بمعاشها وحتى السفر والهديا لو كانت عندي المقدرة ماني ملزوم وانا من نظرتي اشوف البيت الي يكون معاش الزوجة عند الزوج وضعه المادي فوق الممتاز خاصة عند بنيان البيت او عند شراء

 

[Bo_azooz]

اسمحلي اخوي اخالفك الراي اذا وارثه الفلوس والله ما اجيسهم بس اذا انا خليتها تدرس ووظفتها وضحيت شوي بالبيت والعيال بعد كل هذا تقولي مالك حق بمعاشي هذي انانية منها انا اذا ابي آخذ معاشها مو حقي ابي اجمعه حق البيت والعيال تدري معاش واحد ما يكفي ولا تفسفهم احسن

اهااااااااااااااااااااااا
هذا كلام طيب ، وكلامك على متمه عزيزي ، انت بكلامك هذا مو قاعد اتخالفني الرئي بالعكس ، انت بكلامك هذا قاعد اتوثق كلامي وتعطيه دليل واثبات على انه الزوجه لو شاركت الزوج مو عيب ويكون من طيب اصلها ، ولكن اللي اقصده مو غصب عنها

كلامك هذا يدل على انك رجل بكل معنى الكلمه ، وانك رجل قاعد اضحي لجل هذه الزوجه او اولادك ، وانك كفو ومو مقصر عليها واديت عملك تجاه زوجتك على اكمل وجه وبما يرضي الله ، والزوجه بالحاله هذه لابد انها اتبادر واتقدر تعبك وتضحيتك واراح اتكون ثقتها فيك عمياء وحتى لو كانت انت متحكم براتبها ، وراح اتكون بأمن وحقها محفوظ وفلوسها محفوظه ، اتعرف ليش ، لانك رجل اتخاف الله اولاً ، وثانياً انت قاعد اتحافظ على هذا المال لجلها ، واهي بالمقابل راح اتكون ثقتها فيك كبيره ولابد اتشاركك واتخصص شي من راتبها لك علشان اتساعدك واتحطون ايدنكم بأيدين بعض للوصول في تحقيق احلامكم اللي تبون توصلولها

بس انا كان قصدي في كلامي اللي طرحته بخصوص الرجل اللي ماكل حق الزوجه وتعبها وشقاها ويصرف على البيت وعليها من راتبها مو من راتبه اهو ، ياريت تقره اللي انا كتبته مره ثانيه وراح تفهم قصدي وراح تفهم اقصد منو بالضبط بكلامي ، انا ما عميت لا بالعكس ، انا حددت فئه معينه وليس كل الرجال .
واشكرك على نقدك البناء

 

[azeez78]

مشكور وجزاك الله خير

 

[eng.explorer]

ارجو انكم تتقبلون وجهة نظري , للاسف هالموضوع - راتب الزوجة - فيه حساسية كبيرة في مجتمعنا لكن المجتمعات الثانية مثل المصرية والسورية .. اقصد المجتمعات الغير خليجية مايشكل هالموضوع اي مشكلة لاسباب اعتقد انها بدأت تكون موجودة عندنا عكس السابق وهالاسباب راح اشرحها في النهاية.
لكن قبل شرح هالاسباب سؤال يطرح نفسه شنوا اللي يخلي الزوج يستحمل غياب زوجته يوميا من ال 6 صباحا الى احيانا 3 عصرا ويرد يلقى لقمته مسويتها الخدامة وعياله اذا اهتمت فيهم الزوجة يكون الاهتمام مو ذاك الزود وطبعا ترد الزوجة تعبانه - حقها - وتنام العصر وبالليل وراها دوام لازم تنام امبجر - طبعا راح تقولون مو كل الحريم لكن صدقوني هذا امر واقع وهذا اللي يصير - طيب شنوا اللي يخلي الزوج سيتحمل كل هذا اذا كانت الزوجة رافضة تشاركه هموم الحياة.لا تقعد في البيت وهو يصرف عليها وتهتم فيه وفي عيالها احسن.

حتى لا تفهموني غلط انا مو ضد عمل المرأة لكن السؤال ليش العمل؟ عشان العمل بس والا عشان اتجمع فلوس والا عشان تصرف الفلوس في اللبس والذي منه, والا تعطيها لاهلها والا والا والا . السؤال ليش تشتغل المرأة ؟ وهذا اللي يخلينا نذكر الاسباب التالية اللي اعتقد انها موجودة عند المجتمعات فقليل ما نلقى هالمشاكل .

- يا اخوان الحياة تغيرت وصارت متطلباتها اكبر من قدرة الرجل ( اللبس والاكل والمسكن ) الحياة صارت صعبة وصعبة جدا وهني كان الحل بان الزوجة تعمل وتشارك زوجها مصاعب الحياة هذي ثقافة المجتمعات مشاركة الزوجة في تكاليف الحياة .

- صحيح الشرع يحرم اخذ من مال الزوجة الا برضاها لكن شلون يكون رضاها وهي شايفة معاش الزوج ما عاد يكفي ابسط متطلبات الحياة وصارت العيشة صعبة . شنهو الزواج اذا ماكان مشاركة في الحياة - نعم في ازواج مو زينين لكن كم نسبتهم من الازواج فهل نقيس عليهم - لازم الزوجات واعتقد هذي لازم تكون ثقافة ان الزوجة لازم تشارك في تكاليف الحياة اذا كانت تعمل والا تجلس تخدم زوجها واعياله - واذا الشرع هذا اللي مطلوب من المرأة شرعا لكن التحجج في الشرع في اللي يوافق هوانا وننسى اللي ما يوافق هوانا - لان المرأة راح تتحاسب يوم القيامة على بيتها وحديث الرسول صلى الله عليه وسلم بما معناه " من صلت خمسها وحفظت فرجها واطاعت زوجها دخلت الجنة" او كما قال صلى الله عليه وسلم.فالمرأة ماراح تتحاسب على عدم عملها بل الاجر الاكبر في خدمة اسرتها .

- يا اخواني واخواتي منوا اليوم راتبه مكفيه ويزيد - قليل جدا- لهاذا لازم يفهمن اخواتنا ان عمل الزوجة مساعدة للاسرة لتحمل اعباء الحياة وهذا برأيي هو السبب الرئيسي لعمل المرأة ويمكن الوحيد فلازم يكون هناك تفاهم بين الازواج على ادارة شؤون الحياة ككل وهذا نلقاه عند المجتمعات الاخرى نجد الزوج والزوجة- على الغالب- بينهم تفاهم كبير وتلقاهم اخر الشهر يقعدون ويوزعون الراتب - راتب الزوج والزوجة لانهم يعتبرونه واحد- يوزعونه حسب ما اهم متفقين.

- صدقوني تفاهم الزوجة مع زوجها على مشاركتها في بعض تكاليف الحياة - حتى لو كان الزوج مو بحاجة- يخفف المشاكل الزوجية ويخلي نوع من الود ويحسس الزوج بان زوجته حاسةفيه وتعبه وشكثر هو يعاني فتكون المودة موجودة دائما ( وتخلي الزوج ما يأدرش يفتح تمه ) . أما والله انا مالي شغل هذا مسؤوليتك روح دبر عمرك تسلف بوق اصرف على عيالك بتخلي دائما في مشاكل ويمكن تتطور الامور للاسوأ لا سمح الله.


- هالكلام للاغلب والا في بعض الازواج مو زينين وما يصرفون على بيوتهم وووو..... مشاكل كثيرة لكن ولله الحمد غالبية الاسر ما عندهم هالمشاكل .


انا أسف طولت لكن اتمنى تكون وجهة نظري وصلت وتبقى وجهة نظر خاصة فيني وهذا رأيي وسامحونا.​

 

[azeez78]

ارجو انكم تتقبلون وجهة نظري , للاسف هالموضوع - راتب الزوجة - فيه حساسية كبيرة في مجتمعنا لكن المجتمعات الثانية مثل المصرية والسورية .. اقصد المجتمعات الغير خليجية مايشكل هالموضوع اي مشكلة لاسباب اعتقد انها بدأت تكون موجودة عندنا عكس السابق وهالاسباب راح اشرحها في النهاية.
لكن قبل شرح هالاسباب سؤال يطرح نفسه شنوا اللي يخلي الزوج يستحمل غياب زوجته يوميا من ال 6 صباحا الى احيانا 3 عصرا ويرد يلقى لقمته مسويتها الخدامة وعياله اذا اهتمت فيهم الزوجة يكون الاهتمام مو ذاك الزود وطبعا ترد الزوجة تعبانه - حقها - وتنام العصر وبالليل وراها دوام لازم تنام امبجر - طبعا راح تقولون مو كل الحريم لكن صدقوني هذا امر واقع وهذا اللي يصير - طيب شنوا اللي يخلي الزوج سيتحمل كل هذا اذا كانت الزوجة رافضة تشاركه هموم الحياة.لا تقعد في البيت وهو يصرف عليها وتهتم فيه وفي عيالها احسن.

حتى لا تفهموني غلط انا مو ضد عمل المرأة لكن السؤال ليش العمل؟ عشان العمل بس والا عشان اتجمع فلوس والا عشان تصرف الفلوس في اللبس والذي منه, والا تعطيها لاهلها والا والا والا . السؤال ليش تشتغل المرأة ؟ وهذا اللي يخلينا نذكر الاسباب التالية اللي اعتقد انها موجودة عند المجتمعات فقليل ما نلقى هالمشاكل .

- يا اخوان الحياة تغيرت وصارت متطلباتها اكبر من قدرة الرجل ( اللبس والاكل والمسكن ) الحياة صارت صعبة وصعبة جدا وهني كان الحل بان الزوجة تعمل وتشارك زوجها مصاعب الحياة هذي ثقافة المجتمعات مشاركة الزوجة في تكاليف الحياة .

- صحيح الشرع يحرم اخذ من مال الزوجة الا برضاها لكن شلون يكون رضاها وهي شايفة معاش الزوج ما عاد يكفي ابسط متطلبات الحياة وصارت العيشة صعبة . شنهو الزواج اذا ماكان مشاركة في الحياة - نعم في ازواج مو زينين لكن كم نسبتهم من الازواج فهل نقيس عليهم - لازم الزوجات واعتقد هذي لازم تكون ثقافة ان الزوجة لازم تشارك في تكاليف الحياة اذا كانت تعمل والا تجلس تخدم زوجها واعياله - واذا الشرع هذا اللي مطلوب من المرأة شرعا لكن التحجج في الشرع في اللي يوافق هوانا وننسى اللي ما يوافق هوانا - لان المرأة راح تتحاسب يوم القيامة على بيتها وحديث الرسول صلى الله عليه وسلم بما معناه " من صلت خمسها وحفظت فرجها واطاعت زوجها دخلت الجنة" او كما قال صلى الله عليه وسلم.فالمرأة ماراح تتحاسب على عدم عملها بل الاجر الاكبر في خدمة اسرتها .

- يا اخواني واخواتي منوا اليوم راتبه مكفيه ويزيد - قليل جدا- لهاذا لازم يفهمن اخواتنا ان عمل الزوجة مساعدة للاسرة لتحمل اعباء الحياة وهذا برأيي هو السبب الرئيسي لعمل المرأة ويمكن الوحيد فلازم يكون هناك تفاهم بين الازواج على ادارة شؤون الحياة ككل وهذا نلقاه عند المجتمعات الاخرى نجد الزوج والزوجة- على الغالب- بينهم تفاهم كبير وتلقاهم اخر الشهر يقعدون ويوزعون الراتب - راتب الزوج والزوجة لانهم يعتبرونه واحد- يوزعونه حسب ما اهم متفقين.

- صدقوني تفاهم الزوجة مع زوجها على مشاركتها في بعض تكاليف الحياة - حتى لو كان الزوج مو بحاجة- يخفف المشاكل الزوجية ويخلي نوع من الود ويحسس الزوج بان زوجته حاسةفيه وتعبه وشكثر هو يعاني فتكون المودة موجودة دائما ( وتخلي الزوج ما يأدرش يفتح تمه ) . أما والله انا مالي شغل هذا مسؤوليتك روح دبر عمرك تسلف بوق اصرف على عيالك بتخلي دائما في مشاكل ويمكن تتطور الامور للاسوأ لا سمح الله.


- هالكلام للاغلب والا في بعض الازواج مو زينين وما يصرفون على بيوتهم وووو..... مشاكل كثيرة لكن ولله الحمد غالبية الاسر ما عندهم هالمشاكل .


انا أسف طولت لكن اتمنى تكون وجهة نظري وصلت وتبقى وجهة نظر خاصة فيني وهذا رأيي وسامحونا.​

كفيت و وفيت يا الغالي