شركة الأبراج القابضة ش.م.ك.مقفله ((أبراج))

[master-70]

أكبر الملاك : بسام المطوع و عياله: ليش هذول مو out?
ليش بس جمال و سمير out؟
ليش ما تحرك بسام ؟

الملاك الله يكون فى عونهم ويفرج عنهم ... انا معاك وكل الاخوان

سبب المصايب والبلاوى الى احنا فيها هالاثنين وخروجهم اصبح لازم اذا الشركه يبونها تستمر

ابى اعرف وين اعلان البورصه عن الاستقاله؟؟؟

 

[بوفيونة]

اخوى ما يبيلها فهاميه السعيد قدم ستقالته لانه فشل بأى تسويه مع الديانه وفشل بحل الخلافات وقدمت ستقالته ورسالته واضحه <لم نتسلم اى رد أجابي من بنك بوبيان> يعنى ردود بنك بوبيان كانت سلبيه
الظاهر بنك بوبيان متنح شوي

اذا افترضنا ان بنك بوبيان رده كان فعلا سلبي, مو المفروض ان سهم بوبيان يتأثر لأن أكثر من 51 مليون دينار راح تكون ديون معدومة وراح ترتفع خساير البنك بشكل كارثي بميزانية نهاية السنة !

 

[أبو فلسين]

الملاك السهم طالع عليهم بلاش أكتتابه 100 فلس وعشر سنين ياكلون من الارباح لى ما نتفخت بطونهم وصار كل واحد يسحب كرشته متر جدام جنه حامل بالشهر التاسع عشر
يعنى ما يهمهم وضع الشركه اما تلقح ولا ما ضرها اليمل

 

[أبو فلسين]

اذا افترضنا ان بنك بوبيان رده كان فعلا سلبي, مو المفروض ان سهم بوبيان يتأثر لأن أكثر من 51 مليون دينار راح تكون ديون معدومة وراح ترتفع خساير البنك بشكل كارثي بميزانية نهاية السنة !

اخوى بنك بوبيان ماصرح بشكل رسمى لحد الان بس مواريها انه رافض الجدوله وربما عنده شروط تعجيزيه للموافقه على الجدوله بس الواضح الان انه رافض الجدوله البنك ضامن حقه ما يهمه له طرق شتى يقدر ياخذ فلوسه ويبيع الدوليه الاجاره بأرخص الاثمان يبيع ممتلاكتهم بأرخص الاثمان والمشترى موجود بندر عايد طبعاا الله يحفظه وبهذى البيعات يصبح ممتلاك ابراج فالسوو ماكو شي اذا جردوها من ممتلاكتها وبرخص الاثمان

 

[بوفيونة]

أخوي سهم الدولية طالع عليهم فوق ال 600 فلس واذا رد للتداول بيوصل أقل من 50 فلس. وبعدين في حالة الافلاس هناك دائنين كثر وراح تصير قسمة غرماء. يعني باختصار بنك بوبيان راح يبلط البحر !

 

[أبو فلسين]

أخوي سهم الدولية طالع عليهم فوق ال 600 فلس واذا رد للتداول بيوصل أقل من 50 فلس. وبعدين في حالة الافلاس هناك دائنين كثر وراح تصير قسمة غرماء. يعني باختصار بنك بوبيان راح يبلط البحر !

أخوى كلامك عدل وعين العقل واهو مو من صالح بنك بوبيان افلاس ابراج ولا من صالح عارف بس مادرى شلى مزعل السعيد واللى خلاه يقدم ستقالته فى شي سلبي اكيد وتصريحه واضح هذا اللى محيرنى انزين معقوله ماكو احد يعرف سعيد ويأتى منه بخبر يقين

 

[ابوهيا]

ابراج وصمودها فوق الثلاثين تذكرت الابيات واللبيب بالاشاره يفهمو

اتاك الربيع الطلق يختال ضاحكا ,,, من الحسن حتى كاد ان يتكلما

 

[أبو فلسين]

ابراج وصمودها فوق الثلاثين تذكرت الابيات واللبيب بالاشاره يفهمو

اتاك الربيع الطلق يختال ضاحكا ,,, من الحسن حتى كاد ان يتكلما

وانا ابراج تذكرنى بهالبيت
هذى الابراج قول وفعل غاليه على قلوب الجميع يا ابراج
هلى يالله يالله تسلم لنا ابراج يحفظها الله

 

[Logiciel]

سكنهم في مساكنهم

 

[بوفيونة]

أخوى كلامك عدل وعين العقل واهو مو من صالح بنك بوبيان افلاس ابراج ولا من صالح عارف بس مادرى شلى مزعل السعيد واللى خلاه يقدم ستقالته فى شي سلبي اكيد وتصريحه واضح هذا اللى محيرنى انزين معقوله ماكو احد يعرف سعيد ويأتى منه بخبر يقين

أخوي بو فلسين بإذن الله راح أجيب لك الخبر اليقين بخصوص سبب الإستقالة اليوم.

 

[bluesoft]

شيالصاير اخوان واشلون رح يأثر هذا الخبر على صغار المستثمرين
اسإلة تحتاج الى إجابه سريعة!
هل بنك بوبيان ينوي التفكير ام هناك قرار نهائي برفض الهيكلة؟؟؟
هل الشركة ستعلن افلاسها بعد اعلان بنك بوبيان رفضه الرسمي للهيكله؟؟؟؟
هل من الافضل التخارج قبل الاعلان؟؟؟؟

 

[q8aty]

عندي معلومه وابي احد ياكدها لي ...........

المعلومه تقول ان جمال الكندري مرفوع عليه شيك بخمس ملايين دينار وهو مطلوب وخارج البلاد واللي رافع الشيك المطوع لانه طلب منه سيوله وقاله انا بعطيك بس عطني شيك ضمان والمطوع خون فيه وماعطاه الا مليون وبعدين صار يهدده بالمبلغ وكان يطالب بعض الامور بالشركه وبعدها رفع الشيك والكندري رفع عليه قضيه انه ماعطاه الا مليون

 

[bluesoft]

كلامك صحيح انا قريت هذا الخبر في اكثر من منتدى ولكن الكلام مو رسمي ولاحد يعرف اصل المبالغ.

 

[بوفيونة]

الخبر اليقين لسبب استقالة السعيدي: مساعد السعيدي ماقبل المنصب إلا بعد ماعرف مشاكل الشركة وبعد ما شرط على مجلس الإدارة إن استمراره بهالمنصب راح يكون مرهون بنجاحه على مسارين,
الأول: حل الخلافات بين كبار ملاك الشركة وبالأخص بسام المطوع.
الثاني: إعادة جدولة ديون الشركة.
بالنسبة للمسار الأول فبسام المطوع رفض كل محاولات الصلح وتقريب وجهات النظر بين جميع الأطراف.
والمسار الثاني, بعد عدة اجتماعات مع بنك بوبيان والتفهم الشديد من قبل الرئيس التنفيذي لبنك بوبيان/ عادل الماجد وإقتناعه بجدوى الخطة المقدمة من الشركة لإعادة جدولة الديون إلا إن اللجنة المختصة بالنظر في موضوع طلب اعادة الجدولة والتي من ضمن أعضائها "خالد الهاجري" قررت رفض طلب إعادة الجدولة. وبناءا على فشل مساعي مساعد السعيدي في تحقيق وانجاز أي من المسارين قرر السعيدي تقديم استقالته من الشركة.

 

[وراد]

سبحان الله هلأخبار ماهلت علنا الي بعد ثبوت السهم علي 31__32 له يومين ومدام عندكم مصادر مقربه من السعيدي ليش ماطلعت قبل الاستقاله شئ غير وعجيب

 

[adelsaqer]

كلام بوفيونة اهوا الصحيح بس موقف البنك غريب الا اذا كان احد من طرفه ناوي يحط عينه علي ابراج وعقودها فهذا موضوع ثاني لكن شنو الخطوة الثانية اللي البنك المفروض يسويها عشان يحصل مديونيته نبي الاجابة من احد مقرب من البنك اذا سمحتوا

 

[bluesoft]

سبحان الله هلأخبار ماهلت علنا الي بعد ثبوت السهم علي 31__32 له يومين ومدام عندكم مصادر مقربه من السعيدي ليش ماطلعت قبل الاستقاله شئ غير وعجيب

الحين منو رح يمسك مكانه؟؟

وشنو وضع الشركة بعد رفض بنك بوبيان للهيكه؟؟؟؟؟؟؟؟؟؟؟؟؟؟؟

 

[بوفيونة]

سبحان الله هلأخبار ماهلت علنا الي بعد ثبوت السهم علي 31__32 له يومين ومدام عندكم مصادر مقربه من السعيدي ليش ماطلعت قبل الاستقاله شئ غير وعجيب

أخوي الخبر مو لك ! آنا ما أعرف مساعد السعيدي بس تعنيت اليوم عشان الأخ بوفلسين وعشان آنا نفسي عندي أسهم بأبراج وبعرف مصير الشركة لين وصلت حق سبب الإستقالة من صديق قديم لمساعد السعيدي اتصل فيه عشان خاطري وسأله عن سبب الإستقالة.

 

[بوفيونة]

كلام بوفيونة اهوا الصحيح بس موقف البنك غريب الا اذا كان احد من طرفه ناوي يحط عينه علي ابراج وعقودها فهذا موضوع ثاني لكن شنو الخطوة الثانية اللي البنك المفروض يسويها عشان يحصل مديونيته نبي الاجابة من احد مقرب من البنك اذا سمحتوا

والله ياخوي عادل آنا أعتقد المسألة مسألة تصفية حسابات وتكسير عظم من جماعة بسام المطوع وجماعة خالد الهاجري. الكل متفق ان مجلس الإدارة الحالي سيء, بس الجماعة الثانيين شنو راح يستفيدون ماديا اذا فلسوا الشركة ما غير تكسير العظم !! البنك مابيده شي يسويه إلا التقاضي أمام المحاكم.

 

[mishmish]

سؤال محيرني منو اللي يبيع ب 30 فلس ومنو اللي بالمقابل يشتري هل المشتري لايعلم شيء عن الشركه لكي يشتري كل هالملايين