شركة كي جي أل لوجستيك 658 ((لوجستيك)) ....... 1

[بروكر محترف 2]

السلام عليكم ورحمة الله وبركاته

نظره فنيه

والله اعلم

رحم الله والدك يا بوعلي على التوضيح

هلا وغلا بومبارك

شو رايك بالتداول اليوم العالي وتشاركني الرائ انه كلمة السر اختراق 285

ممكن الاهداف 320 و375 ننتظر تعليق بو داود والاخت ام ضاري

 

[3lgm]

اقمت السهم بالمحفظة وانا خوك ولا تطلعه لي الـ330 بحول الله

 

[بروكر محترف 2]

اقمت السهم بالمحفظة وانا خوك ولا تطلعه لي الـ330 بحول الله

تقصد السهم مو للبيع وحاط أمر بيع 330 بومبارك وضح لانه عنده مقاومه قويه على 285

 

[3lgm]

تصدق يا الغالي (شنو اسم أكبر العيال الله يخليهم لك علشان أعرف اكلمك بما يليق بمقامك) , أنا قلبت نسب فيبوناشي والبولنجر وكل شي وما أشوف مقاومات قوية والسبب إنه سهم يديد وهايط وايد ولا ركد علشان يبين له مقاومات جايدة ودعوم قوية , لكن النموذج صحيح إن شاء الله والهدف لابد يوصله بحول الله .

 

[بروكر محترف 2]

تصدق يا الغالي (شنو اسم أكبر العيال الله يخليهم لك علشان أعرف اكلمك بما يليق بمقامك) , أنا قلبت نسب فيبوناشي والبولنجر وكل شي وما أشوف مقاومات قوية والسبب إنه سهم يديد وهايط وايد ولا ركد علشان يبين له مقاومات جايدة ودعوم قوية , لكن النموذج صحيح إن شاء الله والهدف لابد يوصله بحول الله .

كنيتي بومحمد

معني كلامك بعد انزال المنحه تغيرت المقاومات في السهم وتغير الشارت

 

[بروكر محترف 2]

أنا ماني فاهم ليش السهم جذي عكس اتجاهه , كانت مؤشراته زينة , لكن سبحان الله والله العالم يا بياناته المالية فيها شي , أو بسبب صعود أجلتي ومجموعتها فالمضاربين طلعو من الرابطة ومجموعتها هني ودخلو هناك , الله أعلم .

بومبارك عرفت ليش السهم عكس اتجاهه بسبب البيانات الماليه ربحان 17فلس وهذا من الاعيب صناع السوق وجود المعلومه قبل الكل حتي الشارت
يتلاعبون فيه

 

[3lgm]

بومحمد الله يسلمك ما أشوف مقاومات قوية بغض النظر عن تفصخ السهم , والسهم دربه مبطّل على مصراعيه وانت شفته يوم يصعد من الـ100 فلس ما غرز بمكان وطول عنده أكثر من أيام إلا الـ180 وصارت ورانا فما منها خوف , وشوف الجارت وشوف الـ280-285 وشوف مدى تأثيرها على السهم , وهذا والله أعلم .

 

[بروكر محترف 2]

تسلم بومبارك ما قصرت نتابع تداول باجر باذن الله

 

[3lgm]

بومبارك عرفت ليش السهم عكس اتجاهه بسبب البيانات الماليه ربحان 17فلس وهذا من الاعيب صناع السوق وجود المعلومه قبل الكل حتي الشارت
يتلاعبون فيه

هذه أنا أوافقك فيها 100% يا بومحمد , والله كثر ما تتعلم وتعرف تخاف أكثر من السوق من كثر ما تشوف عجايب بسوقنا .

 

[نواره1]

اقمت السهم بالمحفظة وانا خوك ولا تطلعه لي الـ330 بحول الله

ألف شكر لك أخوي علقم ... والله يبشرك بالخير ..

فرحنا بهالأيام لصود المتواصل لسهم .... و نتمنى تحقيق أهداف تحليلك الطيب بإذن الله ...

 

[Khaled_BO_ALI]

في اخبار يا جماعة
اشوفها صاعدة صارلها فترة

 

[fahhad76]

في اخبار يا جماعة
اشوفها صاعدة صارلها فترة

نعم يقال عندها عقد ب 150مليون دولار للامانة منقول من صديق بمنتدى زميل.

والله يوفق الجميع.

 

[Khaled_BO_ALI]

ياريت اللينك اخوي فهد لو في اي تفاصيل

 

[fahhad76]

ياريت اللينك اخوي فهد لو في اي تفاصيل

ماكو تفاصيل يقول عقد 150 مليون دولار مع الامريكان لا اكثر.

والله يوفق الجميع.

 

[بروكر محترف 2]

السلام عليكم ورحمة الله وبركاته

في اخبار يا جماعة
اشوفها صاعدة صارلها فترة

خالد شوف شركة بتروليه رقم 608 ربحها النصف الاول 14 فلس وسعرها 440فلس لوجستيك سعرها 285 وربحها 17 فلس يعني عادي سعرها ما
يعتبر مرتفع بالعكس نازل والشركه تشغيليه وفيه شركات في نفس قطاع
الخدمات عامله 3 فلس وخسرانه وسعرها قريب من لوجستيك خلك مع
التحليل الفني وأخونا بوباسل وبومبارك وام ضاري وتاهو ما يقصرون

 

[بروكر محترف 2]

هلا وغلا بومبارك

شو رايك بالتداول اليوم العالي وتشاركني الرائ انه كلمة السر اختراق 285

ممكن الاهداف 320 و375 ننتظر تعليق بو داود والاخت ام ضاري

بومبارك مساء الورد شفت 285 ماقدر يخترقها مؤشراته متضخمه شويه

لازم ينزل شوي ممكن الى الدعم 260 وعقب يرجع يخترق 285

 

[3lgm]

طول عمرك حكيم يا بومحمد , شغل عدل 100% وأنا غلط , لكن السهم طيب دامه فوق الـ260 .

 

[محمد الرشيدي 82]

مابعد اخونا علقم تحليل

 

[3lgm]

تسلم يا الغالي ورحم الله والديك وعساك على القوة , وأستاذ عيني عليك باردة.

 

[بروكر محترف 2]

تسلم يا الغالي ورحم الله والديك وعساك على القوة , وأستاذ عيني عليك باردة.

بومبارك انته من المحللين اللي أستمتع بمتابعتهم أولا بحسن أخلاقك

وثانيا لتحليلك السهل الممتنع