الشركة الكويتية الصينية الاستثمارية ( الصينية )

[المهندس حسين]

بصراحة بتكون أقوى صفعة لو تدرج بالسوق وأول بيعة أقل من 105 فلوس

 

[الحبترى]

الصدمه اذا اقل من 100 فلس

اخوى خالد فى حالة الادراج بهذا السعر مو بس صدمه تقدر تقول كارثه ليش لان المكتتبين من 2005 ينطرون ولا أحد دره عنهم , اكتتب 100 فلس ويستثمرون فلوسى خمس سنين واخرتها يدرج بنفس سعر الاكتتاب , تعتبر .... ان صح التعبير عينك عينك , انصوم ونفطر على بصله

 

[dr.moon77]

التجار ما يخافون الله فتوقعوا منهم اي سعر

 

[abo othman]

السلام عليكم

للبيع 109000 سهم الشركة الكويتية الصينية للاستثمار على السوم ​

 

[صريح ضد الريح]

109000 الف ؟

ذكرتني بالكمية اللي اللي كان من المفترض يصير عليها مزاد بالبورصة و تم الغاءه لأن القانون يمنع بيع او تحويل اسهم الشركات المساهمة العامة​

 

[كاتب_متقاعد]

راى شخصى

الصينيه اذا انزلت بسعر عالى يعنى تصريف ورغبه بالكاش من قبل الملاك

اما بسعر نازل والله اعلم السهم مطلوب وجارى التجميع عليه

مره اخرى الله تعالى اعلم

 

[بونواف]

بصراحه انا مستغرب ليش متشائمين بلسعر
خلونا نحسبها؟
_شركه صارلها اكثر من 4سنين يشتغلون وما ادرجوها مبكرا
_ارباحها اكثر من رائعه وممتازه
_وقت الادراج جيد جدا في ظل الازمه الماليه
_اكثر الملاك هم من خيره التجار الي لهم ثقه ووزن بلبلد

واشياء اخري جيده يمتاز بها السهم

يعني اتوقع لا يقل السعر عن 300فلس وبنفس الوقت اتوقع راح تدرج اكثر من 500فلس

 

[(واحد من الناس)]

بصراحه انا مستغرب ليش متشائمين بلسعر
خلونا نحسبها؟
_شركه صارلها اكثر من 4سنين يشتغلون وما ادرجوها مبكرا
_ارباحها اكثر من رائعه وممتازه
_وقت الادراج جيد جدا في ظل الازمه الماليه
_اكثر الملاك هم من خيره التجار الي لهم ثقه ووزن بلبلد

واشياء اخري جيده يمتاز بها السهم

يعني اتوقع لا يقل السعر عن 300فلس وبنفس الوقت اتوقع راح تدرج اكثر من 500فلس

برافو عليك

اضيف على نقاطك

-تمتلك سيولة فوق ال30 مليون دينار
-غير مديونة لأي جهة و لا عليها التزامات مالية
-تستثمر في اقوى سوق عالمي و اول سوق تعافى من الازمة المالية العالمية
-لم تتباكى من اجل الدخول في قانون الاستقرار الاقتصادي
-ارباح اقوى من بعض البنوك و الشركات المدرجة حاليا
-دلالين السوق يحاولون بشتى الطرق بخس سعرها و تجاهلها احيانا حتى يوهمون المساهمين ان ما عليها طلبات (حركة قذرة)

 

[bnyder2002]

برافو عليك

اضيف على نقاطك

-تمتلك سيولة فوق ال30 مليون دينار
-غير مديونة لأي جهة و لا عليها التزامات مالية
-تستثمر في اقوى سوق عالمي و اول سوق تعافى من الازمة المالية العالمية
-لم تتباكى من اجل الدخول في قانون الاستقرار الاقتصادي
-ارباح اقوى من بعض البنوك و الشركات المدرجة حاليا
-دلالين السوق يحاولون بشتى الطرق بخس سعرها و تجاهلها احيانا حتى يوهمون المساهمين ان ما عليها طلبات (حركة قذرة)

يعلن سوق الكويت للأوراق المالية أن مجلس ادارة بنك الكويت الدولي
ِ(الدولي) قد اعتمد البيانات الماليه المرحلية للبنك للفترات المنتهيه ‏
في 30-09-2009 وفقا لما يلي :‏
ِ1) الفترات الحالية:‏
البند ال3 أشهر المنتهية في 30-09-09 ال9 أشهر المنتهية في 30-09-09‏
الربح(خسارة)(د.ك) (1.157.324) (4.645.651)‏
ربحيةالسهم (فلس كويتي) (1.24) (4.98) ‏

 

[(واحد من الناس)]

يعلن سوق الكويت للأوراق المالية أن مجلس ادارة بنك الكويت الدولي
ِ(الدولي) قد اعتمد البيانات الماليه المرحلية للبنك للفترات المنتهيه ‏
في 30-09-2009 وفقا لما يلي :‏
ِ1) الفترات الحالية:‏
البند ال3 أشهر المنتهية في 30-09-09 ال9 أشهر المنتهية في 30-09-09‏
الربح(خسارة)(د.ك) (1.157.324) (4.645.651)‏
ربحيةالسهم (فلس كويتي) (1.24) (4.98) ‏

كفو بنيدر

لاحظ انه الكويتية الصينية اعلنت ارباح النصف الاول فقط.. و البنك الدولي اعلن خساير الثلاث ارباع مجتمعه (الربع الاول - الربع الثاني - الربع الثالث) و غيره الكثير من الاسهم المدرجة اللي اعلنت عن خساير في خساير هذا غير الشركات المتوقفة عن التداول ناهيك عن الشركات اللي اكشفتها الازمة المالية و التي سوف تطرد من السوق

اذا ما نزلت بالسعر اللي في بالي راح انتظر و لا راح ابيع.. فعلا الشركة رائدة ابي انتظر ارباح الربع الثالث اتوقع مفاجأة اذا النصف الاول ارباح عشرة مليون و غيرها من البنوك و الشركات تعلن خساير!! و اتوقع ايضا اخر السنة في توزيع ارباح قوية ان شاء الله اذا مشت على نفس المنوال في تحقيق الارباح

كل هالسوالف بكوم و دلالين ما يسمى بسوق بالجت بكوم.. يعني فعلا ان لم تستح فإصنع ما شئت

 

[عبدالعزيز34]

باقــــــــــي 9 ايام وتـدرج الصينيــــــــــــــــه

هذي الصفحه للعدد التنازلى الى الادراج باقي 9 ايام بالضبــــــــــــــط

 

[جوكوزال]

متى تدرج بالضبط

لان بعض الاخوه يقولون بتاريخ
10-11

يعني باقي اكثر من اسبوعين

 

[جوكوزال]

والله ودنا تنزل بدينار واكثر
بس
ما كل ما يتمناه المرء يدركه000000

 

[بدون عنوان]

ليش مستعجلين

تو الناس

 

[بدون عنوان]

هل توزع الشركه الصينيه اربااح

مرحباا ياخوااني


سؤال يطرح نفسه

الحين صار للشركه 4 سنوات

بس هل في توزيع اربااح

وله لا

 

[mansr]

بطاقة الاسهم

يا اخـــــــــوان انا ما عندي بطاقة اسهم الصينة ولا بطاقات الدعوه لأجتماعات الجمعية العمومية ولا اي مستند يثبت بأنني املك اسهم بالشركة الصينيه لأن جميع المستندات والوثائق اللي كانت عندي ضاعت

الرجاء.... ارشادي كيف ممكن احصل بطاقة الاسهم....؟؟؟
ولكم جزيل الشكر

 

[كيدي كاو]

يا اخـــــــــوان انا ما عندي بطاقة اسهم الصينة ولا بطاقات الدعوه لأجتماعات الجمعية العمومية ولا اي مستند يثبت بأنني املك اسهم بالشركة الصينيه لأن جميع المستندات والوثائق اللي كانت عندي ضاعت

الرجاء.... ارشادي كيف ممكن احصل بطاقة الاسهم....؟؟؟
ولكم جزيل الشكر

روح المقاصه بسوق الكويت للاوراق الماليه البورصه يعني وعطهم الرقم المدني ويعطونك اثبات واذا تبي تنطر لي قبل الادراج بيوم روح اى مكتب انت تتعامل معا ويطلع لك على الرقم المدني ابرنت في الكميه اللى تملكهاا

 

[aloood10]

اتفق مع الاخوان اللي مدحوا الشركة في اغلب الاشياء اللي طرحوها بس لاينسون قضية ان الملاك نسوا المساهمين 5سنين والمفروض انها تدرج من زمان قبل الازمة العالمية ويعتبر هالشي عيب كبير بالشركة
الشغلة الثانية ان سوقنا ماعودنا ان الشركة الزينة واللي مجلس ادارتها نظيف ومحقق ارباح يكون سعرها قوي والشركة التعبانة يكون سعرها نازل بالعكس كل المتداولين يعرفون ان في شركات ورقية ودايخة وماسكينها حرامية وصلت اسعارعالية والناس طلعت خير من وراها والعكس صحيح
آن ماني متشائم لكن اعتقد ان الناس راح تنصدم بسعر السوق لان الوضع العام مونظيف للاسف ...

 

[(واحد من الناس)]

اتفق مع الاخوان اللي مدحوا الشركة في اغلب الاشياء اللي طرحوها بس لاينسون قضية ان الملاك نسوا المساهمين 5سنين والمفروض انها تدرج من زمان قبل الازمة العالمية ويعتبر هالشي عيب كبير بالشركة
الشغلة الثانية ان سوقنا ماعودنا ان الشركة الزينة واللي مجلس ادارتها نظيف ومحقق ارباح يكون سعرها قوي والشركة التعبانة يكون سعرها نازل بالعكس كل المتداولين يعرفون ان في شركات ورقية ودايخة وماسكينها حرامية وصلت اسعارعالية والناس طلعت خير من وراها والعكس صحيح
آن ماني متشائم لكن اعتقد ان الناس راح تنصدم بسعر السوق لان الوضع العام مونظيف للاسف ...

كلامك البغض منه وارد

بس ما دام الشركه تحقق ارباح انا راح أظل مساهم فيها اذا ما نزلت بسعر يرضيني شخصيا

اقرأ جريدة الراي و شوف مشاكل الشركات المتعثره و الغير قادره على سداد ديونها

 

[(واحد من الناس)]

والله ودنا تنزل بدينار واكثر
بس
ما كل ما يتمناه المرء يدركه000000

لالالا ما نبي تنزل دينار انت قاعد تضرب بالعالي

كلامنا معقول و في حدود امكانيات الشركة و المفروض انها تنزل بسعر مرضي للجميع