شركة المزايا القابضه ش.م.ك (( مزايا ))

[رابح رابح]

تداول اليوم يدل على اهمية السهم والضغط الحذر جدا من صانع سوقه والتجميع
واللي تابع تداوله اليوم الكمية المتداوله 4 ملايين سهم
اخر ربع ساعه اخذ من المعروض بالحد الادنى 370 الف سهم
واغلق بطلب بالحد الادنى 68 الف سهم

 

[albostan]

سهم مزايا أتوقع راح يسكر الفجوه 132 و يرتد منها و راح يجر معاه بالإرتفاع مجموعته و الله أعلم

 

[boali1965]

مزايا . وين بتروح ذبحتنا ورفعت ضغطي حسبي الله علي بليسك

 

[مجد 91]

مزايا . وين بتروح ذبحتنا ورفعت ضغطي حسبي الله علي بليسك

سهم نظيف وانصح كل واحد بمحفظته هذا السهم
ونزوله عادي لأن يرغب صانع السوق بالتجميع فياخذه بسعر نازل .. واللي عنده هذا السهم يمسكه بقوة لأن فيه خير.

 

[boali1965]

توني اشوف اعلانهم الجمعيه العموميه تاريخ ٦/٩

لايكون السهم راح يتوقف قبل هالتاريخ علي سالفه اجتماع الجمعيه العموميه لازم قبل ٤٥ يوم من تاريخ الجمعيه العموميه
شنو هالبورصه اللي مافيها شفافيه وكل واحد يحط ايده علي قلبه يخاف من الايقاف

اللي عنده خبر لا يبخل علينا يا اخوان

 

[الوافي ابو محمد]

موضة الإيقافات إذا توقف بعد أسبوعين يرجع وثلاثه أيام حد أعلي كان زين يتوقف

 

[رابح رابح]

موضة الإيقافات إذا توقف بعد أسبوعين يرجع وثلاثه أيام حد أعلي كان زين يتوقف

بومحمد سوقنا بالمقلوب يمشي عكس السير
بالاسواق الثانيه الشركات المحترمه ترفع السهم قبل الجمعيه العمومه لبياض الويه جدام المساهمين بالجمعيه العموميه عن الفشله
احنا شركاتنا الخسرانه بالمقلوب ينزلون سعره قبل اجتماع الجمعيه العموميه ودهم يقولون لك اذا موعاجبك طق راسك بالطوفه سهمنا وكيفنا وبعض المدراء يهاجمون ويهددون المساهمين اثناء الاجتماع ينظرون الى المساهم انه شحاذ (( طرار )) وبعضهم من وقاحته اذا مساهم انتقد يسئله كم سهم عندك؟؟
شي غريب جدا جدا جدا !!!!!!!!!!!!!!!!!!!!!!

 

[الراقي]

بسوق دبي مرتفعة؟؟؟؟؟؟

 

[boali1965]

بسوق دبي مرتفعة؟؟؟؟؟؟

سوق دبي متي يبطل ترا اخووك عليمي


والله انا اتمني ما يتوقف السهم بس ودي اعرف قبل لا يتوقف يعلنون قبله لا علي طوول يوقف ومحد يقولنا

 

[مضارب قديم7]

ياجماعة الخير مافي شي ايخوف ان توقفت الشركه لاخوف عليها موشركه ورقيه وعندها مشاكل بالميزانيه وديون --

 

[فهد الفهود]

ابتلشنا بالسهم ولا في صعود ان شاء الله

 

[الوافي ابو محمد]

إن شاء الله يتحرك ويسكر فوق الدعم ١٣٦/١٣٨ يوم الأحد وإذا ما أغلق فوقها أقول خروج مؤقت فوري
والله أعلم

 

[رابح رابح]

مبروك اخبار ايجابية :​

​

السدرة : ​

تشغيل مشروع “السدرة” اكبر مشروع عقاري في قطر ( 1150 وحدة سكنيه ) سيوفر تدفقات مالية جديدة لمزايا قطر وانتهت الشركه من انجاز 55% من المشروع وسينتهي انجاز المشروع بالكامل هذا العام​

و اعتبر الرئيس التنفيذي لشركة مزايا قطر للتطوير العقاري حمد علي الهدفه أن دخول مشروع السدرة حيز التشغيل سيوفر تدفقات مالية جديدة للشركة ستظهر في البيانات المالية المقبلة.

- مشروع مرينا مول قطر :
وكشف الهدفه على هامش مشاركة شركته في “سيتي سكيب قطر” عن مباشرة الشركة في تنفيذ مشروع “المارينا مول” والذي من المتوقع ان يوضع في الخدمة نهاية العام 2015.

- استثمارات ومخصصات دبي :
كما بشر المساهمين بان استثمارات ومخصصات الشركة في دبي تحسنت وأخذت بالاتجاه للافضل


- قطر فاونديشن الشريك الاكبر في شركة مزايا قطر

للاستماع لتصريح الرئيس التنفيذي لمزايا قطر :
http://www.cnbcarabia.com/?p=90614

 

[MZ1982]

مبروك اخبار ايجابية :​

مشروع السدرة : ​

تشغيل مشروع “السدرة” اكبر مشروع عقاري في قطر ( 1150 وحدة سكنيه ) سيوفر تدفقات مالية جديدة لمزايا قطر وانتهت الشركه من انجاز 55% من المشروع وسينتهي انجاز المشروع بالكامل هذا العام​

و اعتبر الرئيس التنفيذي لشركة مزايا قطر للتطوير العقاري حمد علي الهدفه أن دخول مشروع السدرة حيز التشغيل سيوفر تدفقات مالية جديدة للشركة ستظهر في البيانات المالية المقبلة.


- مشروع مرينا مول قطر :
وكشف الهدفه على هامش مشاركة شركته في “سيتي سكيب قطر” عن مباشرة الشركة في تنفيذ مشروع “المارينا مول” والذي من المتوقع ان يوضع في الخدمة نهاية العام 2015.


- استثمارات ومخصصات دبي :
كما بشر المساهمين بان استثمارات ومخصصات الشركة في دبي تحسنت وأخذت بالاتجاه للافضل

للاستماع لتصريح الرئيس التنفيذي لمزايا قطر :
http://www.cnbcarabia.com/?p=90614

الله يبشرك بالخير... نتمنى التفاعل مع الخبر و عدم التعتيم

 

[رابح رابح]

الله يبشرك بالخير... نتمنى التفاعل مع الخبر و عدم التعتيم

بإذن الله بيتفاعل السهم عاجلا او اجلا والصبر زين وضع الشركه ايجابي في قطر والامارات والسعوديه والكويت
مع الاخذ بالاعتبار :
- نمو تشغيل برج مزايا الطبي بالكويت
- تم الاكتتاب بنسبة 100 % في مزايا السعوديه بقيمة 180 مليون دينار اثناء الازمه والارتفاع الكبير لقيمة الاصول العقارية بالسعوية حاليا
- تصريح الرئيس التنفيذي عن نمو استثمارات لشركة في دبي هو اشارة قويه لوجود حدث ايجابي حقيقي في دبي الاولى
وموفقين ياااارب

 

[الوافي ابو محمد]

هالأخبار الإيجابيه موجوده من زمان والسهم تشغيلي وأرباحه ممتازه جدا واللي أشوفه مو تصريف تجميع علي السهم من تحت ننتظر تداول الغد وبالتوفيق

 

[ابو حمود وعزوز]

بالنسبه للاخوه الي يسالون عن الايقاف مارح يوقف السهم لان اخر مهله هي ٩ الشهر والجمعيه نفس اليوم راح يوقف نفس آليوم فقط وهاذا معلن على موقع السوق الاسبوع الي طاف

 

[رابح رابح]

هالأخبار الإيجابيه موجوده من زمان والسهم تشغيلي وأرباحه ممتازه جدا واللي أشوفه مو تصريف تجميع علي السهم من تحت ننتظر تداول الغد وبالتوفيق

افاااا بومحمد شلون موجوده من زمان يايبلك خبر فرش مال قطر والرابط توه يديد طازج

 

[سرور]

افاااا بومحمد شلون موجوده من زمان يايبلك خبر فرش مال قطر والرابط توه يديد طازج

أخبار طيبة وماقصرتم

 

[رابح رابح]

أخبار طيبة وماقصرتم

تحت امرك يالغالي