شركة المزايا القابضه ش.م.ك (( مزايا ))

[signal2]

يعني الي اشترى اليوم مخطي؟

أتوقع نعم

 

[Bursa2016]

سالفة منو باع ومنو شرا خصوصا مع الكميات الكبيره في وقت الاخبار السلبيه او الايجابيه لا يمكن التعويل عليها بان هناك هروب او دخول ع السهم ما لم يرافق ذلك تغير في نسب الملكيات حيث قد يكون مجرد تدوير بين محافظ لذات الملاك بغرض خداع باقي المساهمين وحثهم ع البيع برخيص او الشراء بغالي

 

[حديث النفس]

مزايا - نتائج البيانات المالية (الربع الثاني - النصف سنوية) لعام 2023م..

سعر الإقفال السابق: 46.2 فلساً

 

[حديث النفس]

مزايا - تأكيد الجدول الزمني لاستحقاقات الأسهم...

 

[العفريت]

سالفة منو باع ومنو شرا خصوصا مع الكميات الكبيره في وقت الاخبار السلبيه او الايجابيه لا يمكن التعويل عليها بان هناك هروب او دخول ع السهم ما لم يرافق ذلك تغير في نسب الملكيات حيث قد يكون مجرد تدوير بين محافظ لذات الملاك بغرض خداع باقي المساهمين وحثهم ع البيع برخيص او الشراء بغالي

فعلا ماكو شي اسمه تحليل فني

 

[ساروق الحديد]

شركة مزايا قبل قليل:

 

[دربك خضر]

السؤال إلي لازم يسأله المتداول بشأن شركة مزايا الراهن هو
س/ هل سعر سهم شركة مزايا بعد توزيع الاسهم المنحة وبعد ذلك انقاص رأس المال ‎%‎23 يستقر سعرة على 46 فلس أو ينزل أو يصعد؟
فبناء على إجابتك قرر تشتري أو لأ

 

[ساروق الحديد]

السؤال إلي لازم يسأله المتداول بشأن شركة مزايا الراهن هو
س/ هل سعر سهم شركة مزايا بعد توزيع الاسهم المنحة وبعد ذلك انقاص رأس المال ‎%‎23 يستقر سعرة على 46 فلس أو ينزل أو يصعد؟
فبناء على إجابتك قرر تشتري أو لأ

انت شاري السهم مضاربة ام استثمار بعيد المدي .... هذا هو السؤال

 

[حديث النفس]

مزايا - نتائج البيانات المالية (الربع الثاني - النصف سنوية) لعام 2023م..

المزايا - نسبة الخسائر المتراكمة وإجراءات معالجتها ..

سعر الإقفال السابق: 46.2 فلساً

 

[ساروق الحديد]

مسيرة مزايا:

 

[Navigator]

انت شاري السهم مضاربة ام استثمار بعيد المدي .... هذا هو السؤال

انا شاريه استثمار بعيد
ولا زلت متمسك فيه وباذن الله يبين بعد فتره

 

[دربك خضر]

انت شاري السهم مضاربة ام استثمار بعيد المدي .... هذا هو السؤال

سيان الأمر هذا أو ذاك لكن الأهم منهما الشراء في الوقت الصح

 

[ساروق الحديد]

انا شاريه استثمار بعيد
ولا زلت متمسك فيه وباذن الله يبين بعد فتره

وانا بعد شاريه استثمار بعيد المدي ليس لي ... لواحد شايب.. هههههه

 

[Navigator]

يا هلا وغلا بو وليد
كل المسأله إني شريت كمية ضخمه بالنسبه لي بالسهم
ومتفائل خير بإذن الله
شفت سعرها نازل حيل

قلت اغامر وياه والله يكتب لي ولكم الخير بالشركه هذي

شفت قروضها ما عجبتني وابنتظر اشوف الفتره القادمه شنو راح تسوي بقروضها

حالياً قروضها 99 مليون دينار
بنشوف نهاية السنه بإذن الله كم نسبة النزول بالقروض
والمصاريف يبيلها تقليل بعد

هالمشاركه قبل سنه وكنت مراقب قروض الشركه وايراداتها

لكم خلق أشرح لكم شنو صار ؟

 

[Navigator]

وفيه شغله لازم نحسب حسابها
وهي الدمج كم راح تكون الحسبه ؟

معقوله تصير 1.3 من دبي يقابلها سهم من مزايا ؟

 

[الراقي]

هالمشاركه قبل سنه وكنت مراقب قروض الشركه وايراداتها

لكم خلق أشرح لكم شنو صار ؟

اشرح ياأمير الله يجزاك خير

 

[Navigator]

مزايا تعثرت لسبب رئيسي وهو تأثر القطاع العقاري بدبي وتوقف تطوير وبيع الوحدات العقاريه ونزلت الاسعار وحلت القروض على الشركه من 2017 وهي ترقع ومو ملحقه والدليل تآكل الاحتياطات والدخول في حسبة التخفيض

 

[Navigator]

لكن المملاحظ خلال الفتره الاخيره ارتفعت ايرادات الايجارات بعد قرار تحويل عقاراتها لمدره للدخل والتخفيف من التطوير لأجل البيع وصارت الايرادات تغطي المطلوبات كل ربع ومن السنه هذي راح تكون ايرادات التأجير فقط 12 مليون دينار
ديون الشركه كانت قريبه من 100 مليون دينار قبل سنه
حالياً 85 مليون دينار ومجدوله لغاية 2029
تطور ملحوظ في ايرادات الايجارات وتقليل القروض
السنه هذي شطبت شركتين تابعتين اليمار الزراعيه واعتقد المزايا الكبرى والمطلوب من الشركه تقليل المصروفات أكثر
النقد زاد السنه هذي تقريباً للضعف وصار اكثر من 11 مليون
خلال هالسنه دفعت 8 مليون دينار لشراء عقارات واتأمل تكون عقارات مدره للدخل لتعظيم الايرادات
كان عندها اراضي بآخر ميزانية 29 مليون حالياً يمكن 17 مليون دينار قيمتهم بما معناه تخارجت خلال هالربع او طورتهم
سجلت 1.800 دينار تخفيض للاصول وهي بنهاية السنه الماضيه مخفضه ما ادري كم مليون من اسعارها ( ما صارت )
الشركه تاريخياً مشهود لها بالتوزيعات وكانت من قادة القطاع العقاري في ما مضى والتخفيض من صالح الشركه مستقبلاً لحسبة التوزيعات لقلة عدد الاسهم في حال حققت ارباح
لكن اللي مو فاهمه ولا ودي يصير مسألة الدمج مع دبي الاولى
صحيح راح تقوي المركز المالي للشركه بس ايرادات دبي مو ذاك الزود وما تشجع بالنسبه لراس المال
راح تتضح الصوره اكثر اذا عرفنا كم سعر التبادل وكم راح يصير راس المال الجديد

 

[Navigator]

شفتوا تخفيض راس المال بنسبة ‎%‎23
يقدرون يردون عدد اسهم المساهمين نفسها اذا حسبو سعر التبادل مع دبي كل سهم من مزايا يقابله 1.23 من دبي
او يمكن اقل من هالرقم او انا فاهم غلط

بس اتذكر لما صار دمج البيت مع الامان اللي كان يملك مليون سهم بالامان صاروا مليون و 400 الف سهم بالبيت

هل الدمج عن طريق الضم يختلف عن الدمج الحالي لمزايا ودبي هذي للامانه ما اعرفها

 

[الراقي]

شفتوا تخفيض راس المال بنسبة ‎%‎23
يقدرون يردون عدد اسهم المساهمين نفسها اذا حسبو سعر التبادل مع دبي كل سهم من مزايا يقابله 1.23 من دبي
او يمكن اقل من هالرقم او انا فاهم غلط

بس اتذكر لما صار دمج البيت مع الامان اللي كان يملك مليون سهم بالامان صاروا مليون و 400 الف سهم بالبيت

هل الدمج عن طريق الضم يختلف عن الدمج الحالي لمزايا ودبي هذي للامانه ما اعرفها

هم افشلوا في الدمج السابق اعتقد سنة 2012
فالوا لنا حنا ملاك الدبي ناخذ منكم 2.5 من دبي ونعطيكم 1سهم من مزايا
حنا ماوافقنا ولم يتم الأستحواذ او الدمج