ابو فطيرة (( الجزء الثاني ))

[ودي اربح]

سبيد انا اقصد الفلم هذا توه منزله عذبي من عشر دقايق

رابط الفلم
http://www.youtube.com/watch?v=qZpE2t_36RU
__________________

 

[bu sale7]

بو راشد اشلونك وين هالغيبات

 

[المنظور الشامل]

هلا بو صالح هلا بالحبيب مشكور على أهتمامك

بو صالح والله شغلتني الدنيا واليهال والأمتحانات .... ياخوي عندي راشد ومشعل كاسرين ظهري يبون مجابل عدل ... والله تراني كبرت 10 سنين زياده والسبه أهم .

أنا بصراحه مادري وزارة وأنتو بكرامه الربية شنو مستوى التدريس فيها لدرجة أني تعاقدت مع مدرسين أشكال واللوان وأنا حاط لي كرسي عند الباب مدرس حسني داش ومدحت وأنت رايح وأنا من أقدم عرض حق جهة الاختصاص لما ابني قسيمتي بخصص مكان حق جهاز كنت ومجاني عشان يسهل عملية دفع البيزات حق مدرسين الغبره .

وبوصالح ماخفي عليك شكلي بسافر على شهر 7 إلى معشوقتي أوربا بس أنا وأم راشد بن جدد شهر عسلنا وأنا خووك

وخط سير الرحله كالتالي :

الكويت إلى دبي طيران إلى هولندا بعدين قطار بروكسل وقطار إلى فرنسا وبعدها العوده لدبي للتسوق ومن ثم العوده

وراح اقعد بهولندا 4 أيام ولا هاي 3 ايام وبروكسل 3 أيام وبروج 3 أسام وباريس 3 أيام ونيس 5 أيام ودبي 5 ايام هذي كل الحكاية .

الفنادق كلها 5 نجوم يطلع بمعدل الفندق الليله 50 دينار = 1300

طيران التذكره 270 * 2 = 540

الفيزا = 61

قطارات = 70 دينار

مصرف 2000 كاش + ماستر تقريبا على بعض 3500

وعليك الحساب = 5471

طبعا المصرف بيدك حتى الفنادق بيدك يعني ممكن تتقلص الميزانية على 3000 دينار بس راح تصير ناشفه وأم العيال راح تمد بوزها .

شباب هذا عرضي أو قروب لأهل بو فطيرة وشرق القرين كافه شهر عسل للأزواج بقلب أوربا إلي يحب يروح حياه ربي الرحله لمدة 26 يوم بأحلى الفنادق وأجمل الرحلات وقطارات درجه أولى .

بوصالح شاور المره وحياك بس رجاء بدون أطفال واذا قبلت خلنا نعرف حريمنا على بعض ونتوكل على الله وخل الربع يتنقعون بالحر والرطوبه

 

[عذبي 71]

بوراشد لا تنساني بالصوغه ابي صابون بوفستق*

 

[bu sale7]

والله يا بوراشد نتشرف بمعرفتكم

سفرة السنه اللي فاتت ماخذ العايله كلها

بيني وبينك نشفتني لثلاث سنين جدام

بالسلامه بوراشد

لا تنسانا بالصوغه ابي صابون بزعتر

 

[ودي اربح]

بوراشد لا تنساني بالصوغه ابي صابون بوفستق*

وانا ابي صابون بو عنزروت:d

 

[المنظور الشامل]

هلا بالشباب

شفيكم ما مليتو من الصابون

ما لوع جبودكم

بس أفا عليكم مو مقداركم صابون أو صابونتين

وبالنسبه حق أنواع الصابون هناك طب وتخير أهم تخصص صوابين

أنا بصراحه ودوي الصابون ترغي أهنيه بس أدري ما تقدر تخاف تنشات

 

[عذبي 71]

بوراشد انا بطلب من جمعيات شرق القرين تخصص لنا جهاز آلي
مثل اللي قلت عنه...
بس هذا تحط فيه 100 فلس يطلع لك صابون..
تدري تعودنه على الرغاوي

 

[ديناركو لمتد]

رحله ممتعه يالمنظور الشامل


شباب من يذكر ايام الغزو صابون سومر العراقي

ابوصوابين والرغوه يقول فات من الصيف نص شهر الشاب اللطيف مصدق احلامه مواعد الناس ويصبرهم على النزول مايدري انه مراكته تقليد بو يومين

 

[q8-speed]

سلام يا شباب افكر اني اسافر هالسنة وبغير جو ونوي اني اسافر الي بندر عباس وبندر لنقى وبندر قيناوا عند جماعة الشيخ الخزعل وبالمرة امر اصفهان وطهران شرايكم بالسفره ؟؟؟


شباب ما تبون صابون برائحة الثوم والبصل وااااااااااااااااااااااااااااو

 

[عذبي 71]

ههههههه
انت تطلع بسوالف ياديناركولمتد ..
اتذكر زقاير سومر بس صابون سومر مامر علي الا توه

 

[ديناركو لمتد]

ههههههه
انت تطلع بسوالف ياديناركولمتد ..
اتذكر زقاير سومر بس صابون سومر مامر علي الا توه

هلا بالحبيب عذبي

لا اخوي كان موجود ورقوته عراقيه من النوع الممتاز

امن زقاير سومر عجيب من تولعها تجكجك وطير شرار مثل الفحم ههههههههههههههههه

 

[عذبي 71]

هههه هذي الجقاره الاصليه مو زقايرنه ما تشوف منه الا اشويت دخان وعساك ماتنساها الا طفت بروحها جنك كاب عليها ماي وصابون
اقول ديناركولمتد .. تقول باقي شهر ونص على النكسه..
*

 

[ديناركو لمتد]

هههه هذي الجقاره الاصليه مو زقايرنه ما تشوف منه الا اشويت دخان وعساك ماتنساها الا طفت بروحها جنك كاب عليها ماي وصابون
اقول ديناركولمتد .. تقول باقي شهر ونص على النكسه..
*

اخوي عذبي اتوقع فيه نكسة صابون ودي اسئل جم راح يدفع لمن يجدد اقامته

 

[عذبي 71]

اتصدق عاد هذا اللي ضيع البلد تجار الاقامات يستوردونلك هالبشر من كل حدب وصوب ومن يقعد له اربعة ايام بالديره لبس دشداشه وقام يزاحم بسيارته بالشوارع ويقعد بين الرجال ويزحلق عليهم كلام كله عونطه في عونطه.
*

 

[q8-speed]


الفهد يعرض 400 ألف لكل شقة في الصوابر بهدف إخلاء المجمع

علمت «الرؤية» من مصدر حكومي ان نائب رئيس الوزراء للشؤون الاقتصادية ووزير التنمية والاسكان الشيخ احمد الفهد قدم عرضاً لسكان مجمع الصوابر تضمن تقديم تعويض تراوح بين 400-350 الف دينار لكل صاحب شقة في المجمع لترك المجمع والبحث عن موقع آخر للسكن.

وقالت المصادر ان العرض يأتي بهدف تحويل السكن الى استثماري والانتهاء من معاناة المواطنين الكبيرة والطويلة بشأن السكن فيه.

وكان الفهد قد اعطى المتضررين من حريق إحدى عمارات المجمع مبلغ 3 آلاف دينار، كما عمل على تنفيذ التوجيهات السامية بتأمين سكن بديل لمن احترقت شققهم.

 

[القصاص 2]

السلام عليكم ورحمة الله وبركاتة

اخوانى الجيران كيف حالكم
ذهبت يوم الجمعة الى منطقة ابو الفطيرة مع الجهال وجيت الارض ونزلت انه مع الجهال وكانت فرحتى لا تقاس ولا تقدر بثمن وانه انظر الى المبزره اللى عندى الله يحفظم وهم يمشون على الارض جانى ولدي الصغير اضحكنى يقول يبه ليه جايبنه هنه حر وما فيه العاب ولا شي قلته يا البزر بكره تكبر وتذكر انك واقف على بيتك انت واخوانك باذن الله
كان الجو رطب جدا صرت اسبح انه والجهال ولكم الفرحه نستني الحر
وانه سئلتكم الاسبوع الماضي عن موقع الشوارع الجديده اللى جابتوها ابشركم جيت الشوارع وعرفت مكانها قريبه علي اشوى وتم وضع الاسفلت على كذا فريج وشارج رئيسي
الله يجعل المكان مبارك ونحييه بالمساجد وبذكر الله
وعندي اقتراح يا اخوان خل نتعرف على بعضنه ونجي المنطقة ونتقهوه فيها وشكرا

 

[MUSAED77]

السلام عليكم ورحمة الله وبركاتة

اخوانى الجيران كيف حالكم
ذهبت يوم الجمعة الى منطقة ابو الفطيرة مع الجهال وجيت الارض ونزلت انه مع الجهال وكانت فرحتى لا تقاس ولا تقدر بثمن وانه انظر الى المبزره اللى عندى الله يحفظم وهم يمشون على الارض جانى ولدي الصغير اضحكنى يقول يبه ليه جايبنه هنه حر وما فيه العاب ولا شي قلته يا البزر بكره تكبر وتذكر انك واقف على بيتك انت واخوانك باذن الله
كان الجو رطب جدا صرت اسبح انه والجهال ولكم الفرحه نستني الحر
وانه سئلتكم الاسبوع الماضي عن موقع الشوارع الجديده اللى جابتوها ابشركم جيت الشوارع وعرفت مكانها قريبه علي اشوى وتم وضع الاسفلت على كذا فريج وشارج رئيسي
الله يجعل المكان مبارك ونحييه بالمساجد وبذكر الله
وعندي اقتراح يا اخوان خل نتعرف على بعضنه ونجي المنطقة ونتقهوه فيها وشكرا

بالحر هذا والرطوبه نصير شوربه
خلها لمه يبرد الجو انشاء الله

 

[ودي اربح]

عدل كلامك مساعد حرررر

بس يبيله نتجمع ونمر الربع اللى بالمسيله بعد

 

[ديناركو لمتد]

الجو مايرحم عنده بالصيف الله المستعان