ابو فطيرة (( الجزء الثاني ))

[عذبي 71]

الله يسلمك يا بودانه ..
وهذا كله يهون لاجل جيرتكم الحلوه وهذي الوثايق تخلينا نطمن بان العمل ماشي حسب الاصول والخطوات القادمه سريعه...
وقريب ستبدء الزفة..

 

[bu sale7]

عودا حميدا

الحمدلله على السلامه عذبي

غايب لك يومين وجبت وثائق انقليزيه وين هالشركات صايره مقراتها :d

 

[tariq11]

شباب الاراضي الزاويه في بو فطيره على جم ...؟؟

 

[بودانة]

يا هلا اخوى طارق 400 متر زاوية 140 الف وفوق

 

[ودي اربح]

تسلم الايادي يا بو عذبي ذييييييييييييب امعط

 

[ودي اربح]

رديت من الدوام وراسي يعورني تغديت ونزلت الاحصائية حق الشباب بالمنتدي كثيرين يسئلون عنها المهم حطيت راسي ونمت ورا الغدا يعنى بقيل المهم قمت من النوم وانا بين نايم وقاعد خير اللهم اجعله خير وفعلا كنت مانى متاكد هل انا نايم او قاعد المهم دشيت منتدي العقار وشفت واحد ناشط عقاري حاط الاحصائية نفس اللى انا حاطها المهم عبالى انه احد الاخوان المراقبين عنده وجهة نظر وغير اسم وعنوان الموضوع المهم دشيت على الموضوع اللى كان عنوانه بو فطيرة بسعر 11 الف دينار فقط والفنيطيس بسعر 12 الف دينار فقط قلت الحمدالله شنو هالبشاره الحلوه المهم قلت يمكن هذا هاتف بالمنام او شي او رئية ويبيلها الشيخ الفاضل النهام يفسرها الله يحفظه وبعد تمعن شفت ان قصد الكاتب الله يحفظه من كل شر انه بعد ما كانت البيعات القديمه تسجل بسعر 85 الف الحين وكانوا الخوان يتباشرون ويفرحون بالاسعار اللى نزلت للاسف اشوف الحين وصلت بالتسجيل 110 و 120 وفعلا حز بخاطري ان الشباب المساكين الاسعار صارت غالية جدا على الكل وانه البشاره صاره بعيده وصاروا يتباشرون بسعر 110 الاف مع انه السعر زاد خلال سنه 100 % الله المستعان وقمت وصليت على محمد وال محمد وودعيت للجميع واليوم ليلة الجمعه والدعاء مستجاب ان شاء الله وخاصة اننا باول رجب ​

 

[بودانة]

نوم العوافى يا ودى اربح الظاهر مكثر بالمعبوج والمكيف بارد وعساها بشارة خير

 

[ديناركو لمتد]

نوم الهنا

والله يعينك على الدوام والرده بصقعة الظهر

عساك على القوة

 

[yasalam]

السلام عليكم ورحمة الله وبركاتة
الله يجزاكم خير على الفلم الجديد ما شاء الله تبارك الرحمن
بو عذبي والاخوان من باب النصيحه لو ترفقون مع الفلم انشوده دينيه للعفاسي او غيره من المنشيدين يكون افضل ومن ناحيتي انه ما اشوفه الا موطي الصوت
انه اخذت في بو فطيرة واتشرف فيكم يا اخوان

انقولك اغنية وطنية .. اتقول افضل انشودة من العفاسي !!
اشفيك ماتستوعب
شكلك لو نحطلك النشيد الوطني هم ماكو فايدة
ذكرتني بالنائب هايف الل ما وقف للسلام الوطني

 

[q8-speed]

 

[عذبي 71]

ههههههه ...
ودي اربح بصراحه حلمك كان بسبب الاسطى صابونه...
اللي اراد ان يذم فمدح واراد ان يستنقص الاسعار فرفعها وهذا بسبب سوء نيته وعدم حبه للخير للناس غنى وانشد المواوييل الطويله على النزول .... وجانه اليوم باسعار ملتهبه... اذاً هذه الاخبار الصيفيه التي كانوا يبشرون الناس بها....

 

[yasalam]

شباب أمس وانا راد من أبوظبي مرينا بالطيارة من فوق شرق القرين ..
كانت المنطقة ضلمة ماعدا شارع فاصلها بالنص !!

منظر جميل بالمساء 10:30 والقلب خفق من شوفة المحبوبة

 

[ديناركو لمتد]

شباب أمس وانا راد من أبوظبي مرينا بالطيارة من فوق شرق القرين ..
كانت المنطقة ضلمة ماعدا شارع فاصلها بالنص !!

منظر جميل بالمساء 10:30 والقلب خفق من شوفة المحبوبة

حلاته مصور المنظر ومنزله بالمنتدي

 

[MUSAED77]

صابون فلفل بالهنــــد

صابون فلفل بالهنــــد

 

[MUSAED77]

صابون فلفل بالهنــــد

 

[بودانة]

لوووووووووووووووووووووووووووووووول اللة يغربل بليسك يا مساعد يزلق وييحر بعد

 

[عذبي 71]

هههههههه
هذا شامبو بودقوس..

 

[ديناركو لمتد]

هههههههههههههههههههه حق الشماته يا مساعد

يبيله تجربه

 

[عذبي 71]

يا الربع اليوم التقيت مع مهندس في وزارة الكهرباء الله يعينهم دوامهم استنفار 12 ساعه دوام و12 راحه ...طول الاسبوع ابتداءا من يوم الاثنين الماضي والى اشعار اخر..
وكان يتكلم عن كثرة انفجارات المحولات بمعدل 4 محولات يوميا فسالته من وين تعوضون هالتالف؟؟
فقال عندهم مخزون كبير من المحولات الثانوية ويكفي باذن الله لمواجهة المزيد من الحالات الطارئة كما تعتزم الوزارة عقد صفقات مباشرة وعاجله مع شركه كويتيه اسمها الشركه الاهليه متخصصه بصناعة المحولات الثانويه وتم تجربت هذه المحولات في فترات سابقه في مناطق متعدده بالكويت واثبتت كفاءتها وتحملها للاحمال القصوى ويذكر ان اغلب المحولات التي انفجرت خلال الايام الماضيه من نوعية سيمنز الشهيره ...
والله الكويتي انفع...
لذا نتقدم بالشكر لابناء الكويت المخلصين الذين يعملون ليل ونهارا لتوفير سبل الراحه والاستقرار للكويت واهلها واتمنى من الجميع ان يساهم بقدرالامكان بالقتصاد باستهلاك الكهرباء قدر الامكان ونسال الله الكريم ان يرفع هذه الغمه عن هذه الامه وتنحل ازمة الكهرباء يارب*

 

[المنظور الشامل]

السلام عليكم يا أسباع شلونكم وخبروني عن أعلومكم

لكم وله من جوووه نن عيني

وشخبار بوفطيره معاكم


والله تشكرون على المجهود الطيب بالصور أو حتى خبر حلو صغيرون نقلتوه

يعيال ذبحنا الصابون بو ريحه تراه يسد الخشم ويبط الراس من حنته من رأي نخليه يولي ونجرب غيره

وعلى طاري الكهرباء تره حتى مدينة جابر للحين بدون كهرباء الظاهر أهي أزمه ومراح تعدي الا بمشاريع جريئة

ليش البلد ما يستفيد من تجارب الغير خذو مثلا

اليابان بعد قنبلة هيروشيما أشلون رد أقوى من قبل بكل النواحي .

خلنا نسفيد من الغرب أحنا عندنا بحر وعندنا شمس تحرق الخضر واليابس ليش ما نستفيد منها

تصدقون وايد دول تستفيد من النفايات وتحولها إلى كهرباء ... بوخليفه شفيك مو مصدق والله شايف برنامج عن هذا الموضوع واحنا من فضلك ويكرم السامع دراماتنا كلها زبايل وصابون خايس ممكن يستفاد منه .

يعني لازم توفير طاقات بديله مو بس التفكير بالعقار او السياره يعني الكشخه والبلعه والباجي قطه وراك

لازم تثقيف النفس وتهذيبها وتربيه اعيالنا على المحافظه على الثروه عسى ربنا يدومها علينا .

هذاك اليوم لما شفت العداد وصل الاحمر قلت حق أم العيال خفي أستهلاك الكهرباء وطفي الأجهزه إلي مالها داعي هـــــــــــــا يعني أهني دورنا أحنا عرفتوا يالربع .

ونرجع شوي على طاري الصابون وبحلفكم بالله هذا أنسان يكابر ويتهم ويتفلسف وعباله اهو برم وانا صراحه مستغرب منه شلون يتلون بكذا نك نيم .

وأنا بصراحه ودي المشرفين الأفاضل بواسطة الجهاز يكشوفون هذي الشكوله .