ابو فطيرة (( الجزء الثاني ))

[bu sale7]

ما شاء الله الاخوان صارو يتكلون عن مخططات البنا صبرتو وقدرتو

الله يوفقكم

 

[ديناركو لمتد]

شنو هالابداع يا ديناركولمتد.. والله ابهرتني وخليتني اتمعن بكلامك المليئ بالملاحظات اللي ما مرت علي ولا سمعتاه من احد غيرك اتمنى انك تواصل وتكتب لنا كل شي برحلتك الشيقة..

بعد راسي يا وبوحسين .. طبعا تدري كلنا نبي نسوي ابوتنه افخم القصور بالعالم ونبيها افضل من كل الفلل اللي شفناها بعيونا واجمل من فلل المسلسلات ... وبما انه كل شي بحسابه.. اشلون الواحد يعرف كلفة مخططه قبل لا يعتمد الخريطه..؟؟؟
على سبيل المثال: انا ميزانيتي للبناء 80 الف ..
طبعا ابي احط المواد العمليه والاقتصادية واللي تعيش اكثر وشكلها جميل..
شنو تسويلي هالثمانين ..؟؟؟
تسويلي دورين والا اكثر؟؟؟
ومنتظر ردك يالحبيب ...

***
مســـــــــــــــــــاعد 77

شنو هالنشاط الله يعطيك العافية ولقطه مسائيه عجيبه...

اخوي عذبي العين ماتعلى علي الحاجب
انت المبدع وياخوك تدلل علي

اخوي عذبي الأيام القادمه تجمعنه على خير ونقعد معاك ونشرب الشاي والبقصم

بس انه ابطبعي دقيق بالمور الرئيسيه وادرس الي ابي اسويه دراسه وافيه واتريث بشكل كبير علشان اتحاشه الغلط كثر ما اقدر
ويقولك غلطة الشاطر عن عشره
وغلطتي الي صارت اني سمعت كلام شوية يهال توه ناجح وابوه شاريله لاب توب بطقطق في بالصيف لزوم التسليه ويتكلمون بالعقار
بس الحمد الله على كل حال والخساره بالعمر 25 الف طارت بسبت انتظار انه الأسعار تنزل على قولت اليهال وبرقبتهم وهذي غلطتي طال عمرك

امن اسمع الكلام الي يجمد على الشارب بخصوص 80 الف

يتبع الحلقه القادمه فاصل ونواصل

 

[bu sale7]

دينار كو إسأل عذبي بروح للصين ولا يشطب من الكويت

 

[ديناركو لمتد]

بعد راسي يا وبوحسين .. طبعا تدري كلنا نبي نسوي ابوتنه افخم القصور بالعالم ونبيها افضل من كل الفلل اللي شفناها بعيونا واجمل من فلل المسلسلات ... وبما انه كل شي بحسابه.. اشلون الواحد يعرف كلفة مخططه قبل لا يعتمد الخريطه..؟؟؟
على سبيل المثال: انا ميزانيتي للبناء 80 الف ..
طبعا ابي احط المواد العمليه والاقتصادية واللي تعيش اكثر وشكلها جميل..
شنو تسويلي هالثمانين ..؟؟؟
تسويلي دورين والا اكثر؟؟؟
ومنتظر ردك يالحبيب ...

ياخوك ال 80 الف تشطب لك ثلاث ادوار وربع بمساحة 1050 متر

تشطيب دلوكس بمستوى 85% من غير التكيف والأصنصيل

وتشق وتخيط على كيفك بالديكورات والغرف ودزاينات السنعه ولي يقولك انه ماتكفي وانه بنيانه كلفه فوق 150 الف كلامه صحيح بس تلاقيه محكور بشقه ولمن شاف الدنيه اخترع وتلاقيه الحكومه معطته 400م اهو حسباله 4000م يبي يسوي حوض سباحه معلق بالدور الأرضي يبي يسوي مطابخ حق الخدم من ******* 12 الف يبي يسوي ديكورات ما طلعت من قبل وشغله كله شركات كبيره تستلم مناقصات من الحكومه يبي يسلم بيته لهم تتوقع جم راح يقولون له ولا يبي يسوي ملعب قولف حق السايق علشان مايمل اذا بيته زاويه

اخوي عذبي لازم تدرس امورك عدل واذي فيه شي ما عرفته لاتسأل اي واحد اسأل مجرب او اهل الأختصاص ولاتسأل من هب ودب مثل اصحاب الصابون يقراله كلمتين بالجريده والله العضو الفلاني لعب مقصي شفتو انه قلتلكم راح ينزل العقار والله المجلس الأفلاني اقر قانون اكل البطيخ شفتو انه قلتلكم العقار راح ينهار تقول عماره موفلوس اوادم وسمعت المحلل الفلاني يقول الحكومه تبي تثمن ضاحية عبدالله السالم ويمكن الفيحاء وياهم وبوزعون 200 الف وحده سكنيه مكانهم يحطلك خريطه بالون الأحمر يقولك شوف الأرضي المستقله بالبلد 7% منين يايب هالنسبه ما أدري موجنه النسبه 14،3 % من اراضي مستقله والباجي تبع البترول والدفاع والبلديه حق المرادم ونسى الأجيال القادمه ( عجبتك بالكلام ) شكله باجر يبي يقولك انه قدمت اقتراح ابي اشيل الجيون واسوي بيت مكان فرع الأمداد والتموين ويخربط عليك بشوية كلام مصوبن ( كل هالكلام ومابي اطول عليك )


ويتبع الحلقه القادمه

 

[ديناركو لمتد]

دينار كو إسأل عذبي بروح للصين ولا يشطب من الكويت

عزيزي بوصالح شكلي انه وانت ودي اربح وعذبي بنشطب من الصين

لو انروح مع بعض الصين اوفر البيبان المطابخ البلاط والجرانيت والخلاطات
واطقم الحمامات الفاخره عزكم الله حتى الدرابزين

وبالمره انيب خدم حق ام العيال

شباب اعتقد والله اعلم ابوفطيره قبل نهاية السنه راح يسمحون بالتراخيص

 

[bu sale7]

عزيزي بوصالح شكلي انه وانت ودي اربح وعذبي بنشطب من الصين

لو انروح مع بعض الصين اوفر البيبان المطابخ البلاط والجرانيت والخلاطات
واطقم الحمامات الفاخره عزكم الله حتى الدرابزين

وبالمره انيب خدم حق ام العيال

شباب اعتقد والله اعلم ابوفطيره قبل نهاية السنه راح يسمحون بالتراخيص

راح ان شاء الله ونشوف اغراضك وكل واحد بيعطيك راي وتعليق

 

[بودانة]

مرحبا شباب واللة ولهنا عليكم يا اهل ابو فطيرة

 

[بوعبدالله2007]

السلام عليكم

عندي سؤال وهو متي تقوم وزاره الكهرباء والماء ببناء المحولات الفرعيه والمحطات الميجر الرئسيه علما وحسب خبرتي المتواضعه بناء محطه الميجر بمعداتها سنتان لذا يا اخوان لاحظو المسيله للحين ما بنو شي فيها مع العلم ان ضاحيه
ابوفطيره فيها اكثر من محطه رئيسيه وكل محطه تكلف تقريبا ٢ مليون او اكثر بشوي ناهيك عن الدوره المستنديه
كم من الوقت تاخذ وصدق او لاتصدق مدينه سعد العبدالله قطعه ٨ تمت القرعه ووزعت البيوت الحكوميه ولم يتم بناء
المحطات الميجر الرئيسيه المغذيه لها حسب المخطط العام بل تم اخذ تغذيه مؤقته للبيوت والسبب تأخر الوزاره بتنفيذ
المحطات بالتزامن مع المشاريع الاسكانيه لذا يجب مواجعه الوزاره اداره الانشاءات واداره العقود لمعرفه البرنامج
المقترح للمنطقه حسب وجهه نظر مسؤولو الوزاره وشكرااا

 

[عذبي 71]

ياخوك ال 80 الف تشطب لك ثلاث ادوار وربع ..
***
وتشق وتخيط على كيفك بالديكورات والغرف ودزاينات السنعه ...
***
تلاقيه محكور بشقه ولمن شاف الدنيه اخترع وتلاقيه الحكومه معطته 400م اهو حسباله 4000م يبي يسوي حوض سباحه معلق بالدور الأرضي...
***
وغلطتي الي صارت اني سمعت كلام شوية يهال .. توه ناجح وابوه شاريله لاب توب بطقطق في بالصيف لزوم التسليه ويتكلمون بالعقار ...

ابدعت...
والله انك ذبحتني من الضحك يا بوحسين...

وعشان نكمل مسلسل الضحك شوفو هالمشاركه مع احترامي الكامل لاصحابها: اضغط هنا

طبعا بمشاركتك يابوحسين رفعت معنوياتي وايد وخليتني اتشجع اكثر لاني فعلا كنت مفتكر ال80 الف ما تسوي شي من كلام بعض الاخوان اللي توهم بانين قسايمهم...

***
بوصالح ملك الفنيطيس ملح الحداقة صامل الشدايد..
الصين ياخوي بعيده علي..

 

[bu sale7]

عذبي مو بعيده على هذي http://www.youtube.com/watch?v=P_YjL6EjENY

 

[بوعبدالله2007]

السلام عليكم

احتمال كبيران يتم التأخير لتسليم المشروع لدي الشركتان الي سته شهور نظرا لعدم توفر بايبات المياه لبقيه المشروع حسب مصادري الخاصه من الاخوان في وزاره الاشغال

 

[q8-speed]

يا خوان واحد يرد علي بوعبدالله2007 كلامه يخرع

 

[عذبي 71]

حياك الله بودانه
والله لك وحشة ومن زمان فاقدينك وعسى المانع خير يا الجار الغالي ... واتمنى تواصلك واستمرار مشاركاتك يالحبيب..

هلا بوعبدالله2007
واسعد الله مساءك يالحبيب..
تعقيبا على موضوع الكهرباء ياطويل العمر من مقابلتنا لوزير البلدية الاسبوع الماضي استشرناه بتقديم عريضة منا جميعا الى وزير الكهرباء ..
ونصحنا بان نتريث قليلا بموضوع العريضه..
لانه النيه الجاده موجودة لدى الحكومة بتوصيل الكهرباء لشرق القرين..
وقال بانه تباحث اكثر من مره مع وزير الكهرباء عن موضوع شرق القرين..
خصوصا بان قرار مجلس الوزراء نص على الاسراع بايصال التيار الكهربائي والموضوع معلق على وزارة البلدية لأنها جهة التنسيق ..
واكد لنا بان تأخر الكهرباء لن يكون عائق بوجه اصدار التراخيص..
وقال بالامكان ان نصدر التراخيص مع اخذ تعهدات عليكم بعدم المطالبه بالكهرباء..
طبعا كلام الوزير يستشف منه امر واحد ان سبب البطئ والتأخير بطرح مناقصة الكهرباء ليس لعدم وجود نية او عجز بالميزانية او وجود عوائق بالمنطقه لا الموضوع ةما فيه الروتين الممل وتدخل اطراف خارجية بالقرارات الحكومية..
وهذي ازمة البلد...وعسى الله يسر امرنا...
اما بخصوص الماء يا بوعبدالله فهذا الشي غريب واتمنى تكون هناك تفاصيل اكثر ... لان كلام الشركة قبل ايام كان مطمئن واكدوا لنا ان التأخير اللي كان
من المصدر بالسعودية وتم تسوية الامور وتم استلام دفعات كبيره وبانتظار دفعات قادمة والاخ ودي اربح صور لنا فيلم لشاحنة محمله بالبايبات كانت توها واصله من السعودية.. فلعل الاخبار خير يا بوعبدالله.. وانشاء الله ما من تأخير..

 

[ودي اربح]

صبحكم الله بالخير


عذبي ديناركو سبيد بو صالح بو دانه بو عبدالله اشلونكم جميعا

 

[بو فراس]

سلااااااام عليكم

سامحونا على قلة المشاركات .. الله لايوريكم ضغط شفتات ال 12 ساعه بدون انترنت


شباب .. واحد من الاهل ماخذ ارض في المسيله والبلدية مو معطينه تصريح بناء يقولون ليلحين ماكو اذن بناء

قالهم في بيوت قاعد تبني هناك وطلعوا لى الادوار ال 3 .. قالوله قاعد يبنون على مسؤوليتهم بدون تصاريح .. واللي تلاقي عنده تصريح تعال ارفع علينا قضيه


شرايكم بهالكلام ؟؟؟؟ .. ومامدى صحته ؟؟؟؟

 

[TCR3]

ذابحكم كاس العالم غريبه اليوم ولا مشاركة

 

[بوعبدالعزيز68]

سلااااااام عليكم

سامحونا على قلة المشاركات .. الله لايوريكم ضغط شفتات ال 12 ساعه بدون انترنت


شباب .. واحد من الاهل ماخذ ارض في المسيله والبلدية مو معطينه تصريح بناء يقولون ليلحين ماكو اذن بناء

قالهم في بيوت قاعد تبني هناك وطلعوا لى الادوار ال 3 .. قالوله قاعد يبنون على مسؤوليتهم بدون تصاريح .. واللي تلاقي عنده تصريح تعال ارفع علينا قضيه

شرايكم بهالكلام ؟؟؟؟ .. ومامدى صحته ؟؟؟؟

والله حجي يضحك احنا والحمدلله وفقنا وصلنا للدور الثالث ويقولون بدون ترخيص ولو عندي سكنر شان حطيت الرخصه وايد ناس يمرون علينا ونسمع كل واحد يقولك شيء يبا لا تصدق كل شيء ينقال واذا حبيت حياك عندي اشرب ستكانة شاي وحاضر

 

[ديناركو لمتد]

سلااااااام عليكم

سامحونا على قلة المشاركات .. الله لايوريكم ضغط شفتات ال 12 ساعه بدون انترنت


شباب .. واحد من الاهل ماخذ ارض في المسيله والبلدية مو معطينه تصريح بناء يقولون ليلحين ماكو اذن بناء

قالهم في بيوت قاعد تبني هناك وطلعوا لى الادوار ال 3 .. قالوله قاعد يبنون على مسؤوليتهم بدون تصاريح .. واللي تلاقي عنده تصريح تعال ارفع علينا قضيه


شرايكم بهالكلام ؟؟؟؟ .. ومامدى صحته ؟؟؟؟

عزيزي بوفراس هالكلام مو صحيح كلش

معقوله يجازف بي 3 ادوار وسرداب بقيمة 40 او 50 الف بدون ترخيص وعلي مسؤليته
واكثر من 30 قسيمه قاعده تنبني

انه صارلي جريب الشهرين بالبلديه اراكض على الرخصه ومافيه اي مانع من التصريح
وارفع عليه قضيه ولا تتردد

 

[ديناركو لمتد]

صبحكم الله بالخير


عذبي ديناركو سبيد بو صالح بو دانه بو عبدالله اشلونكم جميعا

مساك الله بالخير ودي اربح طال عمر

 

[ودي اربح]

كل عام وانتوا بخير

مرت علينا الايام يا جيرانا بسرعه كلمح البصر
وبمناسبة مرور سنه نقدم لكم هذا الانتاج الجديد
فيلم ابوفطيرة
رابط الفيلم الجديد
v
v
v
v
v
v
v
v

اضغط هنا
سوينا شي ماصار
صرنا محط انظار​