ابو فطيرة (( الجزء الثاني ))

[buhamood]

مانشتر يونايتد

 

[عذبي 71]

كفو والله يا بوراشد اشهد انك راعي البشاير الي تسر الخاطر..
والواضح من كلامك بأن موضوع الكهرباء لن يمر في فترة زمنيه طويله كمدينة جابر الاحمد وفهد الاحمد يعني شرق القرين منوره قريب ...
مجهود تشكر عليه يا بوراشد والله لايخلينه منك...

الحين الواحد من هالخبر يقدر يخطط صح ويعرف متى يبدي ... لانه قبل هالخبر اللي زفه لنا بوراشد
كنت متخوف من مرور موضوع الكهرباء بنفق طويل وتوقعت ان تزيد عن السنتين بعد الانتهاء من البنيه التحتيه يعني كنت حاسبها : انتهاء البنيه منتصف 2011 +سنتين =منتصف2013

بوصالح شرحك اكثر من شيق وامتعتنا فيه وبانتظار باقي الاحداث معاك بكره
والظاهر الملف الزايد من نصيب اخونا العزيز بونجم

وبانتظار اخبارك بونجم ولا تفرط بملف بوصالح ترى من ايده المبروكه...

بودانه بدأنا بالمصاريف أولها ملفات لو نتحاطط ونشتري بالجمله مايطلع علينا أرخص ...

بوحمود بالبداية لازم تحدد ارضك بواسطة البلدية .. وجيبلك حداد يحطلك كيربي وانتهى الموضوع..

سبيد لا تحرجني لكن بنسوي فريق بوفطيره عندكم فريق يبارينه؟؟؟

 

[فنان999]

مشكور ياالمنظور على الأخبار الطيبة
يا عذبي ويا المنظور الشامل
بس ودي توضحون لنا ليش البلدية ما عطت تصريح للشركات للبدأ في البنية التحتية في الفنيطيس
ودمتم

 

[buhamood]

مشكور عذبي ما قصرت بس شلون الحداد راح يعرف وين الحدود؟ هل البلدية يطلعون لي مساح بنفس اليوم اللي احط فيه الكيربي؟

 

[فنان999]

مشكور عذبي ما قصرت بس شلون الحداد راح يعرف وين الحدود؟ هل البلدية يطلعون لي مساح بنفس اليوم اللي احط فيه الكيربي؟

الي أعرفه ممنوع تحديد الأرض بكيربي الا في وقت البناء
اما تحديد الأرض بطابوق هذا يحتاج رخصه من البلديه
والله اعلم

 

[عذبي 71]

هلا بالاخ الكبير فنان 999...

هالموضوع حصل في ابوفطيره ...
توقع العقد في مايو ...
بالتحديد 5/5 ... وباشرت الشركات العمل في17/6 ...

التأخير كان بسبب تسليم المخططات والارتفاعات
من البلدية للاشغال ...
ومن الاشغال للشركات والروتين يبي حقه...
فتفاؤلو بالخير...

 

[ibrahimi]

علا جم واصله الاراضي الحين

 

[عذبي 71]

مشكور عذبي ما قصرت بس شلون الحداد راح يعرف وين الحدود؟ هل البلدية يطلعون لي مساح بنفس اليوم اللي احط فيه الكيربي؟

البلدية يطلعون معاك مساح يحدد لك ارضك بمسامير ...
بس بموعد ...

بعد التحديد دق عالحداد الطيب وخله يركب الكيربي ...

ومافي مانع تستفسر من البلدية ممنوع التسوير ولا لا
بس ماظن الامور معقده ويمنعونك من تسوير ارضك..

 

[bu sale7]

يستاهل بو نجم

عذبي بسوي بسطه عند البلديه وابيع ملفات شرايك بالمشروع

 

[عذبي 71]

خوش مشروع بوصالح واذا تجيبهم من الصين ملف بورده وملف بو شباصه وملف بوليت تطلع فيها .. بس عند البلدية وبسطه ... ؟؟؟!!!

تذكرني بالمهاره بسوق الكويت لصرخ واحد بلدية تناحشوا الفقارة وتركوا دلاغاتهم وفوطهم ..

اخوي ابراهيم بالنسبه للاسعار اخر ماسمعته الشارع الواحد يبدأ من 105 الاف ..

 

[المنظور الشامل]

الفضل للخبر مال الكهرباء من الأخ الكبير صاحب النظره الثاقبه ابو فلجه

http://www.indexsignal.com/vb/showthread.php?t=215275#post2631262

 

[فنان999]

هلا بالاخ الكبير فنان 999...

هالموضوع حصل في ابوفطيره ...
توقع العقد في مايو ...
بالتحديد 5/5 ... وباشرت الشركات العمل في17/6 ...

التأخير كان بسبب تسليم المخططات والارتفاعات
من البلدية للاشغال ...
ومن الاشغال للشركات والروتين يبي حقه...
فتفاؤلو بالخير...

الله يحيك
مشكور على التجاوب السريع

 

[المنظور الشامل]

{بِسْمِ اللَّهِ الرَّحْمَـنِ الرَّحِيمِ }


{قُلْ أَعُوذُ بِرَبِّ الْفَلَقِ * مِن شَرِّ مَا خَلَقَ * وَمِن شَرِّ غَاسِقٍ إِذَا وَقَبَ *
وَمِن شَرِّ النَّفَّـثَـتِ فِى الْعُقَدِ * وَمِن شَرِّ حَاسِدٍ إِذَا حَسَدَ}.

صدق الله العظيم

أخواني رواد صفحتنا الغالية يوسفني أن أبلغكم أن بعد زياره ميدانية لبلدية الكويت بمنطقة القرين من أحد فرسان ابو فطيرة وصعوده للدور الأول ومقابلة أحد المهندسين مصري الجنسية نفى الأخير الخبر وقال أن التصاريح خاصه فقط لمنطقة غرب بوفطيرة .

علماً بأن تم زيارة بالسابق سكرتارية المراقب وأبلغونا بوجود تصاريح للضاحيتين وأن يوجد ناس فعلا أخرجت التصاريح أضافه إلى أتصال الكثير من الأعضاء وتأكدهم من الخبر .

ولإيضاح الحقيقه مهما كانت سوف نقوم بزيارة المراقب بنفسه وأخذ المعلومه منه لكي نعرف ما هذا التخبط الذي حاصل .

ويأخواني تفائلوا بالخير تجدونه ... تره الأيام الجايه حلوه والخير جدام صدقوني الأمور كلها ماشيه لصالحنا بس ربنا يبعد الحساد عنا أحنا بخير .

 

[بودانة]

مشكور يا المنظور الشامل على مجهودك الطيب وترى المثل يقول ما اقرب من اليوم الا باجر وصدقونى كل تاخيرة وفيها خيرة واحنا بعد ما ودنا نبنى الا وكل البنية التحتية جاهزة عشان لا تنظر صبة بيت العمر من عمال الترصيف ومشكور مرة ثانية وللا تتردد بنشر اى خبر حلو

 

[ابوفلجة]

اشكر الأخ المنظور الشامل على هالأخبار الحلوة مع العلم اني قلت هالخبر من اشهر وكان من المفروض ان تنزل الماقصة شهر 2 ولكن تم تأخيرها بسبب تعديلات فنية على مواصفات المحطة.
وسوف يتم طرح جميع المناقصات الخاصة بمحولات شرق القرين قريبا جدا وتباعا.
ارد واكرر اللي عندة ارض ويبي يسكن يبدا بالمخططات من الأن.

 

[عذبي 71]

شكرا للاستاذ الفاضل ابوفلجه اللي تعودنه منه دائما المصداقية في الاخبار ...

وبالنسبه لمناقصة الكهرباء ..

اليوم اخبرني احد الاصدقاء انه هناك مناقصة رقم 93 من وزارة الكهرباء مطروحة بشهر مارس واغلاقها في مايو تخص شرق القرين...

بالحقيقة حاولت اتتبع هالمعلومة ولم اصل لاي شي يؤكدها او ينفيها..

فارجو ممن لديه اي معلومة عن هالمناقصة يفيدنا وله الشكر الجزيل...

بوراشد امسيك بالخير وامسي على بودانه ...

ورغم الخطأ والتخبط اللي حصل من البلدية واللا مسؤلية في اصدار التصريحات وكأنك متصل او زاير دكان او بقالة مو جهه حكومية حساسة ...

إلا اني أرد وأقول الخيرة في ما اختاره الله ...
وأجلا ام عاجلا سنرى التصاريح...

وكل يوم يمر علينا يقربنا اكثر من الانطلاقة الكبيرة...

وأكرر أول كلمة قلتها يا بوراشد وعادها اليوم بودانه ... أحنا مو مستعجلين..

حتى لو اصدرت البلدية التراخيص فوضع المنطقة لا يسمح بالبناء...
ومفتاح الصبر اللي حطيته بتوقيعك لونه ذهبي يا بوراشد ...

وركزوا يا الربع على كلام هالرجل اللي كلامه مختصر ومفيد...
ابوفلجه يقول: ارد واكرر اللي عندة ارض ويبي يسكن يبدا بالمخططات من الأن..

ومنا للبلديه تحية أجلال و أكبار ونقول لهم :
نوم صح

 

[المنظور الشامل]

السلام عليكم

مشكور بو خليفه على كلامك إلي مثل البلسم على الجروح ودائما تخجلنا بكلامك المعسول .

خلنا نتكلم عن الموعد الأنسب للبناء وخلنا نطلع من مووود تصاريح البناء

أنا سألت كثير من إلي بنا فلل وكان سؤالي أي الشهر المناسب للبناء قال الأغلبية أواخر الصيف يعني 15/10 شهر أكتوبر وعللوا ذلك لعدم نشافية الصبات حيث أنها تحتاج إلى رش دائم لزيادة التماسك والبروده تزيداد فعالية تماسك الصبات أضافه الجو الحلو يخليك تجابل البناء خاصه بالمراحل الأساسيه وهي أول أربع شهور أي مرحلة الأسود والصحي إلى أخره والجو يخلي العامل يشتغل وهو يضحك مو ماد البوززز .

ياريت المهندس الكويتي يتفضل ويجاوب على سؤالي أو أشخص ذو خبر .

وبعدين شباب منو راح يبني على المفتاح يعني غاسل أيده من التعب ومنو إلي يبي أهو إلي يباشر البناء .

طبعا الخيارين لهم عيوب ومزايا .

على فكرة بمرحلة التشطيب ودي أسوي قروب حق الصين عباره عن شباب القرين أي واحد يبي يروح معانا حياله وأكيد بوخليفه أولنا عشان أغش من الأغراض

شباب أتمنى يصير بينا تعارف لو نشوف بعض لزيادة الترابط أو على الأقل رقم الهاتف وإلي يبي يتعرف علي حياه الله وهذا رقمي 55866775 بوراشد لأن معرفة الرجال كنوز

 

[الصفاة]

الله يسعد مساكم يا أخوان
مطلوب شراء أرض في بوفطيره - المسيله - الفنيطيس / بسعر مناسب لايشترط الموقع والدفع كاش ...... للاتصال - 99362080 - بوفهد

 

[ودي اربح]

اشلونكم يا الربع

واشلون منطقتنة بوفطيرة الحبيبة ترى يا جماعة موضوع الكهرباء فعلا خبر يشرح الصدر ولازم ينورونها قبل غيرها شرق القرين عامة عاشنها واجه خط الفحاحيل السريع ولانها اخر منطقة قريبة من الديرة واخر فرصة ومن بعدها ما تشوفون شر

اليوم واحد من اعضاء المنتدي انه القروض وقفت وجبسها في منطقة بوفطيرة اللى مقابل صباح السالم انه فيها ماى ههههههه

 

[MUSAED77]

اشلونكم يا الربع

واشلون منطقتنة بوفطيرة الحبيبة ترى يا جماعة موضوع الكهرباء فعلا خبر يشرح الصدر ولازم ينورونها قبل غيرها شرق القرين عامة عاشنها واجه خط الفحاحيل السريع ولانها اخر منطقة قريبة من الديرة واخر فرصة ومن بعدها ما تشوفون شر

اليوم واحد من اعضاء المنتدي انه القروض وقفت وجبسها في منطقة بوفطيرة اللى مقابل صباح السالم انه فيها ماى ههههههه

اللي بالاحمر مو فاهمه ودي اربح ممكن توضحه