ابو فطيرة (( الجزء الثاني ))

[MUSAED77]

انتوا وين كنتوا خليتونا نبيكم تراضونا

بش

ولكم باااااااااااااااااااااااك

 

[المنظور الشامل]

عذبي معروفه الرغوه شنو مصدرها ولكم باك قلبي وتشيك عل مسنجر

 

[ودي اربح]

ولكم باااااك ودي أربح

وبأ نتظار جديدك

هلا والله بالغالي المنظور الشامل

ابشر بعزك طال عمرك :d

 

[ودي اربح]

ياهلا بأخواني واحبائي وجيراني
انا اذا شميت ريحة الطيب والعود فأكيد المنظور الشامل و مسير علينا
واذا اسفرت وانورت فمساعد77 طل علينا
واذا استهلت وامطرت فبوصالح الكبير اللي مايبيع ارضه صامد ويانه
واسمحوا لي عالانقطاع يالاحباب لكن في بيني وبين ودي اربح مشكلة
وهي اللي منعتني من المشاركة
طبعا الكل وده يعرف شنو هالمشكله وشنو سببها
ابصراحه منتو اغراب وانتو اخواني واتمنى انكم بسماعكم لهالمشكله تكونون طرف اصلاح
لاني يشهد الله علي احب ودي اربح وما ودي اخسره
سمعوا السالفه
انا في احد الايام طلب مني ودي اربح شيئ يبيعه احد اصدقائي

فقلتله انا حاضر ولكن البياع يشرط ما في ضمان بعد البيع
فوافق اخونا ودي اربح وسام سومه محروقه
وكلمتله صاحب الشغله رغم انه سعرها ماوصل لربع السعر الحقيقي
ولانه اخو وعزيز بارك له البايع
وللاسف انه هالسلعه اللي شراها طلعت مضروبه
فرجع ابو اربح زعلان ومعصب وبيده الشغله اللي شراها
وهو يصارخ ويقول ما ترغي.... ماترغي....
انا تعجبت وقلتله اشفيك ... عسه ماشر
قال غشيتني يا عذبي
قلتله انا مالي شغل والبياع قالك ما في ضمان
بس تدري اشلون لا تزعل مني وانا باشتريها منك وباتحمل الخسارة
ومن يومها الريال ما يحاجيني والظاهر السبب انه استعمل هالشغله و تضرر منها...
لكن يالربع انا شذنبي؟؟؟؟
ارجوكم انصفوني...

طبعا الكل بيتساءل شنو هالشغله وشنو هالسلعه
طبعا الجواب كلمه تتكون من 6 احرف
تبدأ بحرف الصاد
وهي ماده رغوية تستخدم للغسيل والتلميع
وعادة تظهر بالمنتدى لاثارة الشغب والاعمال البطالية والحجي الربرباوي
فمن يعرف هالشغله راح يحل الاشكال بيني وبين ودي اربح

الاخ العزيز عذبي
انا ما حبيبت انقل الخلافات اللى بينه بره المنتدي الى صفحتنا الغالية بوفطيرة بس انت اللى نقلت السالفة حق الشباب وتبيهم يكونون الفاصل بيني وبينك انا احب اذكرك انه وقت الاتفاق كان شرط الرغوة موجود بس للاسف انا اخذتها من باب الثقة وماحبيت انى اذكر بالعقد واثبت عليكم اتفه الامور عشان ارد حقي يبه يسلم راسك والوجه من الوجه ابيض وانت اخو وعزيز يا عذبي وتدري انه لك مكانه بالقلب كبيره تمسح كل خلاف بيني وبينك واعلنها من صفحتنا هذى انه ما في خاطري اى شي وان شاء الله العوض من رب العالمين :d

 

[ودي اربح]

انتوا وين كنتوا خليتونا نبيكم تراضونا

بش

ولكم باااااااااااااااااااااااك

هلا بالغالي مساعد

 

[ودي اربح]

جديد بوفطيرة

تم الانتهاء من اغلب الحفريات بمنطقة بوفطيرة السعيدة ( الصرف الصحي - الامطار )

وتم التمديد ووضع نقط التجمع للتلفونات

تم وضع اغطية المناهيل الخارجية

تم وضع مواقع اعمدة الانارة الشبات


تم صب الكنكريت على اطارات الصرف الصحي ومجمعات التلفونات

تم تسوية الارض بحدود اربع الى خمس امتار لكل قسيمة ونقطة البدء الرصيف طبعا الذي تم الانتهاء منه باغلب قطع بوفطيرة

هذا ياختصار
واللى حاب يشوف قسيمته الرجاء عدم الوقوف على الرصيف الا بعد التاكد انه الاسمنت ناشف

 

[ودي اربح]

قصة قصيرة اعجبتني للعبره

قصة بوهادي​

كان في قديم الزمان واحد اسمه الصياد الكبير وهو صائد للاسماك لقوت يومه وفي يوم من الايام الصياد الكبير صاد سمكة كبير داخل بطنها دانه كبييييره وحلووه وصاروا الناس يسمونه اسمين بودانه او الصياد الكبير ويوم من الايام فكر انه كل اهل القرية يستفيدون من الخير ويتبرع فيه لخزانت القرية ولمن قالوا له ليش قال البلد الاهم في نظري

 

[المنظور الشامل]

قصة قصيرة اعجبتني للعبره

قصة بوهادي​

كان في قديم الزمان واحد اسمه الصياد الكبير وهو صائد للاسماك لقوت يومه وفي يوم من الايام الصياد الكبير صاد سمكة كبير داخل بطنها دانه كبييييره وحلووه وصاروا الناس يسمونه اسمين بودانه او الصياد الكبير ويوم من الايام فكر انه كل اهل القرية يستفيدون من الخير ويتبرع فيه لخزانت القرية ولمن قالوا له ليش قال البلد الاهم في نظري

صابونة رغت وصوتك وصل :d

 

[المنظور الشامل]

للرفع

 

[القصاص 2]

السلام عليكم ورحمة الله وبركاتة
ممكن تعلموني شنو تعني الرفع ؟
وجزاكم الله خير

 

[المنظور الشامل]

السلام عليكم ورحمة الله وبركاتة
ممكن تعلموني شنو تعني الرفع ؟
وجزاكم الله خير

الرفع لكي يتصدر الموضوع أعلى الصفحه ولتذكير الشباب بالمنتدى باهمية

وهم أقول للرفع

 

[عذبي 71]

السلام عليكم
اهلا بوراشد الغالي بشيك المسنجر بس ترى ماعرف له كلش
بس علمني وين وصلت قلعة الجود قسيمتك العامرة ....
ركبولك كاربستون ولا بعد؟؟
ترى الشغل حامي جدا
***
ابن عمي مساعد 77
كيف حالك واشلون امورك
وموفق لكل خير
***
القصاص للرفع يعني تحريك الموضوع
***
أخي وصديقي وحزام ظهري
ودي اربح

انا حبيت الشباب يحلون مشكلتنه لانه الصابونه زبدت
والرغوة طفحت والزحلاقية بينت

والطيور طارت برزاقها
وانا وياك حبايب يا البوفطيراوي...

واشكرك على الموجز اللي قدمته عن اخر احداث ابو فطيره
اما تعليقي على قصتك القصيرة والهادفه فاقولك

لو تلونت الصابونه بأي لون.... وغيرت رائحتها او اسمها
فهي بالنهايه زلليلقه رغايه وهناك من يكشفها ويبطل مفعولها

وكل إناء بالذي فيه ينضح
يعني اللي ماعونه الخير ما تشوف منه الا الطيب والخير والمعروف
واللي ماعونه صابون ما تشوف منه الا رغوة وكلام طاير بالهوا

وسلامي لكل الاصحاب

 

[عذبي 71]

اخواني احدى الرسائل الخاصة حفظ الله من ارسلها...
يقول لي ليش مافي صور؟؟
من زمان ماصورتوا ابو الفطيرة؟؟
عسى ماشر ؟؟؟
وين وصلت الامور؟؟؟

واسئله كثيره عن المحروسه...

الجواب باختصار :

كنا نصور في البداية انطلاق المكوك الفضائي من محطة الانطلاق الى سماء المجد ....
كان هالانطلاق المبهر محط انظار الجميع...
ومحل تساؤل المؤالف والمخالف...

فلما اختفى هالمكوك عن البصر وتوغل وسط النجوم والاقمار
وواصبح من الصعب اللحاق به...
تركناه لنستريح ساعه .....
ولكن سنعود لمتابعة اللحاق به مجددا وقريبا انشاء الله...
والصور القادمة لن تقل عن شوارع سوداء ..... واعمدة قائمة على الارصفة
ومحروسة من العين يا ابوفطيرة وعين الحسود فيها صابونه...

 

[MUSAED77]

عذبي والله العظيم مشتاقين

 

[عذبي 71]

يا هلا مساعد 77 وانا مشتاق لك يالحبيب

 

[القصاص 2]

السلام عليكم ورحمة الله وبركاتة
بكم اسعار الاراضي بالوقت الحالى
وجزاكم الله كل خير

 

[ودي اربح]

هلا بالغالي عذبي تورت الموضع بمشاركتك الرائعة

هلا بالغالي مساعد


هلا بالغالي القصاص

اشلونكم يا الربع ان شاء الله الكل بخير

عذبي كلامك يشجع ويخلي الواحد يدق سلف ويروح يكحل عيونه وطبعا على الطريج يمر الغالية المسيلة اللى بدت ارضها باحتضان طابوق واسمنت وكركترات العوائل اللى ناطره على نار وتبي تشوف ارتفاع احلامها على ارض الواقع طابوقه طابوقه الله يبارك لهم والفال لنه ان شاء الله

 

[ودي اربح]

للرفع


ومحروسة من العين ​

 

[MUSAED77]

عينة نفسي رئيس رابطة حملة

( نبي صور)

 

[MUSAED77]

وهلا بالشباب كلهم

وبي شي يجج الروح لانه والله انه المواضيع بهذه الصفحه تنتشر الي اكثر من موقع .

وخل الخير يعممممممممممم