ابو فطيرة (( الجزء الثاني ))

[ودي اربح]

الف مبروووووك


لاهل الفنيطيس​

 

[q8-speed]

الله يبارك فيك ودي اربح

 

[المنظور الشامل]

السلام للجميع شلونكم شباب وبشرونا عن أخباركم وكلكم على راسي أهالي شرق القرين كافة والحمدلله ان أكتملت فرحتنا بتوقيع عقد جارتنا ضاحية الفنيطيس مبروك كويت سبيد ولبركه لدعواتك المستمره الله يوفقك .

أنا قاعد اراغب الوضع بالجارة المسيله بانتظار بناء الأخوان والله يوفقهم وأحنا أخوانكم نعين ونعوان .

الأعتراف بالحق فضيله أنا مقصر بالصفحه جدا لأمور الدنيا والمشاغل التي لا تنتهي بس الحمدلله على كل شئ .

شباب أي معلومه عن ضاحية أبوفطيره لحد يبخل علينا فيها والسؤال متى تصاريح البناء فيه أحد راجع بلدية محافظة مبارك الكبير أرجوا الافادة ؟

أخر خبر كان من أحد فرسان ابوفطيرة الأخ العزيز مساعد وكان بأن تصاريح البناء سيكون مع بناء الارصفه للقسائم وقد أرفق صوره عن الخبر مشكور لكن هل من جديد عذبي أرجوا الافادة بحكم من أقدم الفرسان وناطر الاجابة الشفافه والصريحه .

واللحين بحط رابط عباره عن دليل عقاري ممكن أنكم تعرفونه يوضح اسعار ضاحية أبوفطيرة الحالية العرض والطلب وارجوا من جميع الرواد الاستفاده منه للعرض والشراء .

http://www.findq8.com/SearchWReal.cfm

 

[q8-speed]

الله يبارك فيك المنظور الشامل

 

[TCR3]

سؤال بخصوص الفنيطيس متي يبدأ العمل بالمنطقة ؟

 

[المنظور الشامل]

سؤال بخصوص الفنيطيس متي يبدأ العمل بالمنطقة ؟

حياك الله يالجار وبصراحه هذا السؤال كنا نطرحه بالسابق عن بدأ القيام باعمال البنية التحتية وكنا نتسابق عن تصوير اللوحة الصفره أنا وحبايبي وفاز بتصويرها العزيز على قلبي عذبي ( بوخليفه ) الغائب الحاضر إلى قاعد يتغلى علينا ويبي يعرف يعرف معزته وقدره عندنا عذبي ما نبي اخبار ما نبي تصوير نبي نسمع أخبارك وأنك تكون بسلامه هذا أهم شئ بس الظاهر أنك بعت وخليتنا نقشر بصل عدل ( ودي اربح ) .

أخوي tcr3 أن شاء الله راح تشوف العفره مالت أنطلاق الأعمال البنية التحتية بعد شهرين من الأن وبعدها بكم شهر راح تنصب اللوحه الصفراء وهذا السيناريو صار عندنا وأن شاء الله يكتب لكم الخير بارضكم ، وعلى فكره تره الأسعار عندكم زادت بعد توقيع العقد ويازين أرضكم الله يحفظها لكم من العين موقع ذرب وير بالكم أحد يفرط بشبر من أرضه تره الارض بعد كم يصير سعرها مثل الليره الذهب وذكركم ومالكم من كلام الصابون وبعض الناس .

كله سنه وسنتين وراح نبني بيوتنا وراح نخصص ديوانية فرسان شرق القرين تضم كل اهالي المسيله والفنيطيس وأبوفطيرة قول أن شاء الله .

ومبروك علينا العيد الوطني ويوم التحرير وعمار ياكويت

 

[المنظور الشامل]

للرفع

 

[MUSAED77]

ودنا يعود لهذه الصفحه ايام شبابها

 

[ezee]

اخوانى مطلوب على 90 الف ارض فى ابو فطيرة 500 متر شارع واحد

او 400 متر زاوية

وجاد جدا ت 99866276 اخوكم ابو فهد
__________________

 

[المنظور الشامل]

اخوانى مطلوب على 90 الف ارض فى ابو فطيرة 500 متر شارع واحد

او 400 متر زاوية

وجاد جدا ت 99866276 اخوكم ابو فهد
__________________

حياك يالغالي بالصفحة ونورتنا

لكن السعر المطلوب غير متداول بالوقت الحالي راجع مشاركتي فوق ودش على رابط دليل الكويت

 

[المنظور الشامل]

ودنا يعود لهذه الصفحه ايام شبابها

أكيد يالغالي مساعد بهمتك وهمت كل الرواد وأنا أقولها

مانبي صور مانبي تصوير فيديو نبي تواصل نبي اخبار تفرح القلب عشان ما يكون أهناك كلفه على احد

 

[المنظور الشامل]

مبروك من القلب لأهالي المسيله على حفر أول قسيمة وكان بتاريخ 26/2/2010​

وعقبال ضاحيتنا والفنيطيس ............. وينكم حبايبي ودي أربح ........ بوصالح ....... بوخليفه .......... والكل بدون استثناء وين الهمه والنشاط شكلم ماعندكم اشتراك نت .

ونداء إلى الغالي كويت سبيد بخصوص الاعلان عن تصريف 150 قسيمه بأفطيرة ....... أول شئ لازم تعرف الاسعار وسعر السوق بعدين تكتب كلمة تصريف أي بمعنى القسايم طايحه ولا يوجد عليها أقبال ....... على فكرة أكثر البيوع الان في ابوفطيرة وتقدر تتأكد من السوق والعدل وأزيدك من الشعر بيت أقل قسيمة 110 الف وموقع سد .

أنا اقدر أنزل اعلان واقول تصريف 200 قسيمة بالفنيطيس وأهي مو حلوه بحقنا مع العلم أن الفنيطيس وهذا كلام انا واثق منه أن بيت التمويل يمتلك الربع فيها .

 

[bu sale7]

هلا بالحبيب المنظور الشامل

مبروك للمسيله واهلها والعايده لبوفطيره والفنيطيس

والله اني مقصر لكن دوم اطل عليكم

وين ودي اربح وعذبي نبي نشاط اول يرجع

تصدق بغيت ابيع الارض واشتري بيت جاهز

لما شاورت اهلي وعيالي ضاقت خلوقهم قالو لا تكفي لا تبيع الارض

هذي الفنيطيس اشلون تخلى عنها

قلت تم ما راح ابيعها وراح نبنيها ونشطبها وناثثها من الصين

على فكره ما رحت للصين

 

[المنظور الشامل]

عزيزي الغالي بوصالح

لا تفرط بالذهبه إلي عندك ربي يهنيك فيها ترى العقار يمرض ولا يموت وهذي أرض ذخر ....... الحمدلله ربك سهله وتوقع العقد وكلها ايام ورتح تسعد بشوفتها ومن صبر قدر تصدق عاد في غيرنا عندهم الاراضي من 2006 وللحين ناطرين عشان يحققون حلم العمر ......حجي هذي الفنيطيس وصلي على النبي .

بوصالح بالنسبة للصين بصراحة ما رحت لكن اعرف وايد ناس شطبو بيوتهم أهناك بس الاراء متفاوته منهم يقول الزين غالي يعني درجات ولد عمي ... أنا شرية دسك عن المعارض بكوانزوا بس ما عجبني إلا الاثاث فقط لاغير أما أمور التشطيب ما تستاهل العنوه صدقني وهذا راي الشخصي تدري ليش والسؤال يطرح نفسه أخشاب لك عليها صناعات مو قلبك إلي يحبها ودعايه على الفاضي وأنا مستعد أزيد على نفسي مبلغ فلاني ولا اقامر بتشطيب بيت العمر أنا شفت صورك الرائعه بالصين وأن شاء الله توفقت بالسفره وخذيت أفكار .

بالنسبة حق نشاط الصفحه لا تلوم الربع أشغال الدنيا الله يعينهم ..... وبالنسبة لك مافي أقصور طلتك على الصفحه اللحين تسوى الدنيا صدقني ما نبي شئ نبي أخباركم الطيبه يالغالي .

 

[bu sale7]

هلا بالحبيب المنظور الشامل

ما سالتك عن الصين الا اني عارف بالامر انا رحت للصين 3مرات الاولى كانت سنة 2004 للتشطيب والتاثيث لبيتي السابق الثانيه 2007 مع الربع بعضهم يشطبون وبعضهم ياثث والبعض لرأية الصين انا طبعا مع الفئه الثالثه كانت خوش جوله الثالثه مع العائله 2009 كانت فعلا ممتعه
وان شاء الله اذا بلشنا بنياي نتواجه واعطيك العلوم كلها

 

[ezee]

اخوانى مطلوب على 90 الف ارض فى ابو فطيرة 500 متر شارع واحد

او 400 متر زاوية

وجاد جدا ت 99866276 اخوكم ابو فهد
__________________

 

[المنظور الشامل]

للرفع

 

[ودي اربح]

ودنا يعود لهذه الصفحه ايام شبابها

أكيد يالغالي مساعد بهمتك وهمت كل الرواد وأنا أقولها

مانبي صور مانبي تصوير فيديو نبي تواصل نبي اخبار تفرح القلب عشان ما يكون أهناك كلفه على احد

هلا بالحبيب المنظور الشامل

مبروك للمسيله واهلها والعايده لبوفطيره والفنيطيس

والله اني مقصر لكن دوم اطل عليكم

وين ودي اربح وعذبي نبي نشاط اول يرجع

تصدق بغيت ابيع الارض واشتري بيت جاهز

لما شاورت اهلي وعيالي ضاقت خلوقهم قالو لا تكفي لا تبيع الارض

هذي الفنيطيس اشلون تخلى عنها

قلت تم ما راح ابيعها وراح نبنيها ونشطبها وناثثها من الصين

على فكره ما رحت للصين

للرفع

هلا بالربع اشلونكم والله انى ولهان عليكم

ان شاء الله امورنه طيبة في منطقتنا الغالية بوفطيرة وابشركم الامور ماشية من احسن ما يكووون واعتذر عن ارفاق الصور للتطورات الجديدة عن الفترة السابقة والفترة القليلة المقبلة وان شاء الله اوعدكم بتصوير كل ما هو جديد باذ الله

سلام من الاخ العزيز عذبي الى الجميع
وانا داش الموضوع بغيت ازلق جنه فيه صابونه يا الربع جديده هههه

 

[المنظور الشامل]

ولكم باااااك ودي أربح

وبأ نتظار جديدك

 

[عذبي 71]

ياهلا بأخواني واحبائي وجيراني
انا اذا شميت ريحة الطيب والعود فأكيد المنظور الشامل و مسير علينا
واذا اسفرت وانورت فمساعد77 طل علينا
واذا استهلت وامطرت فبوصالح الكبير اللي مايبيع ارضه صامد ويانه
واسمحوا لي عالانقطاع يالاحباب لكن في بيني وبين ودي اربح مشكلة
وهي اللي منعتني من المشاركة
طبعا الكل وده يعرف شنو هالمشكله وشنو سببها
ابصراحه منتو اغراب وانتو اخواني واتمنى انكم بسماعكم لهالمشكله تكونون طرف اصلاح
لاني يشهد الله علي احب ودي اربح وما ودي اخسره
سمعوا السالفه
انا في احد الايام طلب مني ودي اربح شيئ يبيعه احد اصدقائي

فقلتله انا حاضر ولكن البياع يشرط ما في ضمان بعد البيع
فوافق اخونا ودي اربح وسام سومه محروقه
وكلمتله صاحب الشغله رغم انه سعرها ماوصل لربع السعر الحقيقي
ولانه اخو وعزيز بارك له البايع
وللاسف انه هالسلعه اللي شراها طلعت مضروبه
فرجع ابو اربح زعلان ومعصب وبيده الشغله اللي شراها
وهو يصارخ ويقول ما ترغي.... ماترغي....
انا تعجبت وقلتله اشفيك ... عسه ماشر
قال غشيتني يا عذبي
قلتله انا مالي شغل والبياع قالك ما في ضمان
بس تدري اشلون لا تزعل مني وانا باشتريها منك وباتحمل الخسارة
ومن يومها الريال ما يحاجيني والظاهر السبب انه استعمل هالشغله و تضرر منها...
لكن يالربع انا شذنبي؟؟؟؟
ارجوكم انصفوني...

طبعا الكل بيتساءل شنو هالشغله وشنو هالسلعه
طبعا الجواب كلمه تتكون من 6 احرف
تبدأ بحرف الصاد
وهي ماده رغوية تستخدم للغسيل والتلميع
وعادة تظهر بالمنتدى لاثارة الشغب والاعمال البطالية والحجي الربرباوي
فمن يعرف هالشغله راح يحل الاشكال بيني وبين ودي اربح