ابو فطيرة (( الجزء الثاني ))

[q8-speed]

للاسف يا بو فراس الاخبار كلها تضيق الخلق سمعت كلام عن شرق القرين عموما انه مراح يسمحون فيها البنيان الي بعد ثلاث سنين

 

[عذبي 71]

السلام عليكم

ما شاء الله تصوير احلا ولأجمل ........... الله يعطيكم العافية .

الغالي ودي أربح أنا بالسابق كانت مشاركاتي كثيره ومتعدده لأثبات ورفع أسم منطقتي عاليا والحمدلله والفضل للجميع تحقق ما كنت اتمناه وحقق رب العالمين مرادي واصبح اسم بو فطيره على كل لسان .. لدرجه أن بعض الناس أصبحوا يتغنون بها ويتمنون السكن بها بعد ما فاتهم من قطار وضياع الفرص التي قبل كنا نتكلم عنها ........ وبعض الناس أشارو إلينا بأصبع الاتهام وسمونا دلالين .

عزيزي عذبي كلم إلي تعرفه وعروقه بالماي يحط لنا لوحه صفره على خط الفحيحيل

صوتك وصل وتم تركيب اللوحة بالمكان اللي طلبته
الف مبروووووووووووووووك

 

[عذبي 71]

ياهلا ومسهله بوفراس
ويا الف مرحبا بابو سبيد

يا شباب عينوا من الله خير
وماراح يجيكم الا العلم الطيب بإذن الله

شرق القرين... فوق فوف فوق النخل
وبتشوفون
والصبر طيب.

 

[المنظور الشامل]

بارك الله فيك ياعذبي انت ودي اربح او اي شخص يجيب لو معلومه لو صغيره عن ضاحية بو فطيرة السعيده .

بالنسبة لتراخيص البناء يأخ أبو سبيد والأخ بو فراس :

المسيله كلها جم يوم وراح نكحل عيونا بشوفتها ونشوف بيوت أخوانا عسى الله يوفقهم هذه بحد ذاته دافع للصبر ...... وبالسنبة لتراخيص البناء لأبو فطيره حتى لو صرحوا البناء فيها محد راح يبني بالوقت الحالي على أبعد تقدير بشهر 8 /2010 راح يكون فيها البناء سهل ولا يعيقه شئ وخل الكلام بالعقل وليس بالعواطف ...... الحمدلله المشروع أموره ماشية ولأروع وأي شخص مسافر من مده ورد راح ينبهر من نسبة التغير .

بالنسبة حق منطقة الفنيطيس أخر الأخبار من لجنة المناقاصات توجد مشاكل مع الشركات الراسيه عليهم المناقصات والموضوع مبهم .......... حتى وزارة الاشغال لم تربط المشروع ماليا للسنة الحالية وممكن تربط في 4/2010 ........ والموضوع الأهم أن كثير من الناس تقول أن المناقصه لدى ديوان المحاسبه وهذا كلام غير صحيح فكيف ترحل مناقصه للديوان وهي غير مربوطه ماليا والميزانية غير شاملتها ........ أنا شخصيا سألت وسعيت مع أني لأملك قسيمه بالفنيطيس ولكن حب الأستطلاع ونقل المعلومه الصحيحه يعني بالعربي لن تنصب لوحه صفراء بالمنطقه الى بعد مرور سنه على أقل تقدير اذا لم يستجد شئ يلغي المشروع نهائيا .

أعلم أن الكلام مر وصعب لكن هذه الحقائق أتمنى من أحد يعارضني ولكن بالبراهين مو بالتخمين ولكم تحياتي جميعا

 

[بو فراس]

يعطيكم العافيه على الردود الطيبه

وانا شخصيا ماني مستعجل على البناء .. ادري ان في ناس وايد ودهم يبتدون اليوم قبل باجر .. بس خل نكون واقعيين .. برأيي الشخصي لو المنطقة تخلص بالكامل من البنيه التحتيه وبعدين الناس يبلشون يكون وايد افضل


وعندي سؤال لأصحاب الخبره + عندي ملاحظه ويريت احد يفيدنا فيها:

اول شي السؤال: هل راح يتم تحديد القسائم وقت الانتهاء من البنيه التحتيه؟ .. او انها راح تظل سايبه الكل يحفر على كيفه؟

ثانيا الملاحظه: محد فيكم لاحظ ان منطقة المسيله ماكو فيها ولامبنى محول كهربا؟ .. اللهم الشبات والشوارع .. بس محولات مافيييييييييش !!! .. افيدونا شسالفه؟؟ لأن بالعاده اي منطقة تكون جاهزة دائما يضوون شوارعها .. ومثل ما انتوا شايفين المسيله دائما ظلمه

 

[q8-speed]

ليش ليش ليش يا فنيطيس والله حرام ليش جذي الله يستر يارب وبتم توقيع مناقصة الفنيطيس نبي منك الفزعة يا اهل شرق القرين تكفون لا تخلون الفنيطيس بروحه

 

[ودي اربح]

السلام عليكم

صارلنا فتره ماسمعنا حس احد .. لايكون تحبطتوا ؟؟؟

هلا بالغالي بوفراس

تدري طال عمرك عطلعة العيد والجو زين صار الاسبوع اللى طاف مقسوم بين العيد والبر

والاحباط ليش لا سمح الله الامور ماشية بالمنطقة من احسن ما يكون وامانه اللى يمر يم بوفطيرة يطق لنه صوره

 

[ودي اربح]

صوتك وصل وتم تركيب اللوحة بالمكان اللي طلبته
الف مبروووووووووووووووك

هلا بالغالي عذبي

فعلا ملاحظة جيدة كانت من المنظور الشامل

شكرا عذبي جهودك بينت ثمارها

 

[عذبي 71]

العفو بوعلي
وعلى طاري البر
سمعت انك تبحث عن درام للمندي
لقيتلك خوش درام واذا تبي تشوف صورته
شوف الاعلانات اللي فوق برأس الصفحة تداول النفط
وهو (درام اسود) للبيع 60 دولار
والطلي 70 دينار
وهذي لعيونك ياوحش:

**********
*********
********
*******
******
*****
****
***
***********
**********
*********
********
*******
******
*****
****
***
**
*​

 

[ودي اربح]

نتقدم باسمي أيات التهاني لاهالي منطقة المسيلة

مبرووووووووووك

 

[ودي اربح]

هذا الغطا يا عذبي وله بلالالالالالالاش

 

[naf]

السلام عليكم..........ادري بتقولون من وين طالع اليوم.........بس والله دايما متابعكم وانتو مسوين روح للمنتدى...........

وان شاء الله قريب امر البنا في بوفطيره

 

[عذبي 71]

السلام عليكم..........ادري بتقولون من وين طالع اليوم.........بس والله دايما متابعكم وانتو مسوين روح للمنتدى...........

وان شاء الله قريب امر البنا في بوفطيره

يا هــــــــــلا ومرحــــــــــــــــبا بالغالي ناف

بس عندي سؤال مهم انت من وين طالع اليوم ؟؟؟؟

وانتهز الفرصة لابارك لك ترخيص المسيلة

وبشرك الله بالخير على الخبر الطيب اللي نقلته عن ابوفطيرة
وبانتظار المزيد من التفاصيل

ولا تقطع يا الغالي

 

[بو فراس]

يعطيكم العافيه على الردود الطيبه

وانا شخصيا ماني مستعجل على البناء .. ادري ان في ناس وايد ودهم يبتدون اليوم قبل باجر .. بس خل نكون واقعيين .. برأيي الشخصي لو المنطقة تخلص بالكامل من البنيه التحتيه وبعدين الناس يبلشون يكون وايد افضل


وعندي سؤال لأصحاب الخبره + عندي ملاحظه ويريت احد يفيدنا فيها:

اول شي السؤال: هل راح يتم تحديد القسائم وقت الانتهاء من البنيه التحتيه؟ .. او انها راح تظل سايبه الكل يحفر على كيفه؟

ثانيا الملاحظه: محد فيكم لاحظ ان منطقة المسيله ماكو فيها ولامبنى محول كهربا؟ .. اللهم الشبات والشوارع .. بس محولات مافيييييييييش !!! .. افيدونا شسالفه؟؟ لأن بالعاده اي منطقة تكون جاهزة دائما يضوون شوارعها .. ومثل ما انتوا شايفين المسيله دائما ظلمه

ياجماعه ليلحين ناطر ردودكم

 

[بو فراس]

شدعوه ؟؟؟؟ .. هالكثر أسألتي تخوف ؟؟؟؟

حسستوني اني نائب قاعد اسأل وزير


ياجماعه احد يجاوبني .. لا استجوب رئيسكم الحين

​

 

[عذبي 71]

نتائج إستجواب ابوفراس


شعندك يا بوفراس على هالاسئلة التأزيمية...
انا اطالب بتحويلها للمحكمة الدستورية؟؟؟

لكن بأقبل وبأصعد المنصة فداء للسيد الرئيس ودي اربح ووزراء صفحة ابوفطيرة ...

س: مافي محولات بالمسيلة؟؟؟؟

ج: ترى عيزنه واحنا نجاوب على نفس السؤال...

قالكم زميلي وزير الكهرباء الف مرة اذا بديتو تبنون بيوتكم ...
نبدي نبني محولاتنا ... (خوفا عليها من الاتلاف والسرقة)
المحولات الرئسية يستغرق بنائها 24 شهرا بالكثير...
و المحولات الفرعية يستغرق بنائها 6 شهور بالكثير...

لكن خلني ابرد قلبي فيك وانا بوجهلك سؤال
ياحضرة النائب الكريم يا ابوفراس

س: هل بدأ الناس ببناء قسايمهم في المسيله حتى يبدئ وزير الكهربه
ببناء محولات المسيله ؟؟؟
ولا وزير الكهربه مو مخلص معاملاتك وجاي تصفي حساباتك معاه؟؟ ..
يا اخي روح ادفع فواتيرك وخلصنه وقول الحمد لله والشكر...

بعدين تعال وين شايف منطقة محد باني فيها وشوارعها مضوية ؟؟؟

اخاف تقصد مدينة صباح الاحمد...
ترى هذي مخيمات مو شبات يا الغالي...

*******************
بالنسبة للسؤال الثاني:
س:هل سيتم تحديد القسايم ولا بيخلونها سايبه؟؟؟

ج: أولا هالسؤال اعتبره ذئبي....
وانت تقصد زميلي وزير البلدية والاشغال...
واشمعنه يوم وصل سؤالك لوزير البلدية اخترت كلمة سايبة ؟؟
لكن الله المستعان عليكم يا نواب الامة ...

اسمع اخ ابوفراس... ستستلم قسيمتك بعد انتهاء المشروع ..
كما استلم اهل المسيله مسيلتهم ..
واهل جابر الاحمد جابريتهم ..
واهل سعد العبدالله سعديتهم..

يعني بالمختصر وبما انك نائب .... واحنا يا الحكومه معطنك موتر بلاش...
بدال لا تحاسب وزرائنا كلف نفسك 5 دقايق..

وقوم دق سلف وروح المسيلة وشوف شحلو القسايم فيها...
وشوف الترتيب.... اللي بأوربا ما تلقى مثله ...
وتالي قول سايبه .... الله يهديك..

لكن انا بسئلك سؤال وابيك اتجاوب عليه بكل شجاعة ...
يا حضرة النائب المحترم...
س: شنو معناة كلمة ((سايبه))؟؟؟

*********
ومع هالاجابات المفحمة.. اعتقد انه سقطت جميع محاور اسئلتك
واستجاوبك ذهب مع مهب الريح ....
يابوفراس ياللي مناشب الحكومة...
وبذكرك العشا اللي وصيت عليه جاهز بمزرعة العم ودي اربح الليله
ولا تخلي طال عمرك ...
وبيني بينك ترى بعد العشا تحلى الفرفشة.. والسلام عليكم

 

[ودي اربح]

قلبتوووها استجوااااب هههههه
بوفراس انا ملاحظ انه في اشارات استجواب منك تلوح بالافق للاخ عذبي ترى ولدنا وانته عيونا ولا تحتاتى ما اكو الا الخير ان شاء الله

 

[بو فراس]

الى وزير أبوفطيره عذبي 71

القصد بكلمه "سايبه" .. يعني هل راح تتحدد كل ارض سكنية .. ولا كل واحد يحفر على مزاجه؟

ولاحظ نفسك انت تعاونت معاي بالمحور الاول .. وكانت اجابتك راقيه

اما الإجابه عي المحور الثاني .. احس ان فيه شوي نوع من الاستفزاز

لاتخليني وبكل اسف ولهفه وشغف وحسرة قلب وتردد ان اقدم فيك كتاب عدم تعاون

 

[عذبي 71]

تسلم يا ودي اربح والله يخليك لنه ذخر يا ريس الصفحة

اما بخصوص سؤالك يا ابا فراس..
فلن اجيب عليه الا تحت قبة ابوفطيرة (عفوا تحت شبات ابوفطيرة اذا نورت)

عموما المجموعة المشتركة عقدها مع الاشغال لايشمل تنظيف ورفع الانقاض من القسايم و تحديدها
وبالتأكيد سيتم ابرام عقد لهذا الشأن..

اما الشركة الكويتية الاولى فالعقد شامل القسائم والطرق

لكن قبل البدأ بدق اي مسمار في اي قسيمة يتوجب عليك اصدار كتاب تحديد اوصاف وتبيان حدود القسيمة وسوف يتم تحديد ارضك بواسطة
ادارة المساحة بالبلدية ويخرج معك مساح ويدق لك اربع اوتاد تحدد زوايا القسيمة

واما الخوف من التجاوز فهذا امر قد يحدث اذا كان المقاول شارد ومهندس الاشراف داااج...

وارجو من الريس ابو اربح ان يشطب كلمة سايبه من المضبطه
لان فيها مساس لشعور اخواننا اهالي جنوب السرة

واما تهديدنا بعدم التعاون ...
انا اقول : جهزوا خيامكم... ترى الحل جايكم...
والله يعينكم على مصاريف البوفيهات ترى راس النعيمي صار بــ100 دينار

 

[q8-speed]

الاخ عذبي سؤال لو سمحت متي راح يبدا الشغل بمنطقة الفنيطيس ؟