ابو فطيرة (( الجزء الثاني ))

[ودي اربح]

عيدكم مبارك جميعااااا والله يجعل ايامكم سعيدة

عذبي شنوووووو هالحركات فعلا صوووره روعة لبوفطيرة

 

[عذبي 71]

عيدكم مبارك يالاحباب
وكل عام وانتم بخير
وكل واحد يحجز مقعده لمشاهدة فيلم العيد الجديد
مطاردة على شاطئ ابوفطيرة
وعساكم من عوادة

لمشاهدة الفيلم اضغط على:

*****
*****
*****
*****
*************
**********
*******
*****
***
**
*​

مطاردة على شاطئ ابوفطيرة​

 

[q8-speed]

 

[ودي اربح]

فلم روووووعة يا عذبي

تسلم ايدك

 

[عذبي 71]

الله يسلمك

 

[MUSAED77]

فلم حلو والله احلي ما فيه يوم طاح عليكم انكم مو من الجريده ....................


لووووووووووووووووووووووووووووووووووووووووووووووووووووول

 

[المنظور الشامل]

خوش ابداع يعطيكم العافية

 

[عذبي 71]

اي مساعد 77 سألني انتو تبع قريدة (وهو مبتسم) والا للزكريات (وهو يخز)
يوم قلتله للزكريات جان يهدني ويمشي
بس ناديته وقلتله انه راح نزيعك عالانترنت فتقبل الموضوع
وللامانه كان في غاية الاحترام وعرض علينه انه نكمل جولتنه
بسيارته خوفا من التغاريز
وارشدنه لاماكن التطورات بالعمل

 

[q8-speed]

يا اخوان جريدة الراي اليوم كاتبة عن تراخيص البناء تكفون شوفو اذا الفنيطيس موجوده او لا

هذي الموقع

http://www.alraimedia.com/Alrai/Article.aspx?id=170145

 

[عذبي 71]

هلا بو اسبيد

المقال يالحبيب يخص استثناءات التجاوز بالبناء...

يعني اذا تبي تبني اكثر من المسموح تحتاج لاستثناء من البلدية
واستثناءك لازم يكون مدعم بــ...
قرب اذنك خلني اساسرك.... (مدعم بالواسطة) عسى محد سمعنا...؟؟؟

لكن وزير البلدية د صفر... يبي البلدية تمشي باستقامة مثل سويسرا
فقام وقف الاستثناءات بكل اشكالها...
ماخلصت السالفم اسمع....

وكمل النظام السويسري بالبلدية وشغل نظام الترخيص الالكتروني...
يعني تطلع رخصتك عن بعد..... بالريمونت كنترول..
او بلغة هاليومين بالانترنت...

يعني مكتب اللاستشارات اللي حضرتك متفق معاه يرسل خرايطك للبلدية
ومرفقات الخرايط واوراقك وكل هالمعاملة مو ملفوفة بملف...
لا ملفوفه بفولدر الكتروني وتنتقل من كبيوتر المدير...
الى المراقب...
الى رئيس القسم... بكبسة زر واحدة لا اكثر...
شوف التطور والتكنولوجيا....
بس ياريت المدير ...والمراقب.... ورئيس القسم يداومون ...
عشان يتعلمون شلون يشغلون الكمبيوتر اذا ركبوه لهم في مكاتبهم
بعد ما ترسي مناقصة تطوير وتحديث الحاسب الالي في بلدية الكويت
وهالمناقصة امبين انها مطولة
لاني سمعت ان أمين السر معاند
ما راح يرسي المناقصة الا اذا عطوه استثناء واسمحوله يتجاوز ببناء دور ثالث في بيته
وحلها انته يا بو سبيد

بصراحة لون السيارات الصفراء كان يوحيلنا بالسابق بعمال يرفعون اكياس القمامةّ(اجلكم الله)

اما اليوم فالسيارات الصفراء اخطر من جهاز امن الدولة...
فهي تتبع فريق الازالة ...
اذا شفتهم امبندرين بالفريج اقرئ كل اللي تحفظه من القرآن ....
لانهم قرروا الهجوم ...
والله يعين انخيلتك وشجيرة هالبمبره ووريدات هالمجنونه...
هاللي حاطين دوبهم دوبها الفقيرة الله يشفيها...

مادري اشحالهم لو نزرع كمثرى ..وبوملي ...وبزاليا؟؟؟؟؟؟
اكيد يهدون علينا فرقتهم المجولقة ...
ويسون انزال جوي وزحف بري وغطس فراشة حرة بحري
ويقصفون هالزريعات
واخص ما يخصون البزاليا مايحبونها مادري ليش
الله يكون بالعون يا بو سبيد

 

[ودي اربح]

السلام عليكم
اشلونكم يا الربع واشلون العيد معاكم
واشلون ضاحيتنه

رابط فيلم مطاردة علي شاطئ بوفطيرة

http://www.youtube.com/watch?v=NZscEMLMeis

 

[عذبي 71]

تسلم يا ودي اربح وبارك الله فيك وبالشباب...

اما اخبار ابوفطيرة فالمطر الغزير الاسبوع الماضي عمل عمايله فيها

لكنها خير ورحمة رب العالمين انزلها من السماء وطهر بها الارض ولله الحمد

ولاحظت يوم امس استئناف العمل واستمراره حتى ساعات من الليل
وكانت كثافة العمل متركزة جهة شارع الضاحيتين الجارتين ضاحية ابوفطيرة و ضاحية الفنيطيس

والظاهر سيتم ربط هذا الشارع بالشارع الرئيسي داخل المنطقة والذي يقطع المنطقة لنصفين

 

[ودي اربح]

هلا بالغالي عذبي

فعلا انا كنت مار على خط الفحيحل تقريبا كانت الساعة بالعشر بالليل وما شاء الله عليهم ضلمه بس بوفطيرة تبين من فوق الجسر جنه فيها خلية نحل وأضواء السيارات والكشافات بكل المنطقة الله يعطيهم العافية

 

[ودي اربح]

 

[Balloons Shop]

ما ادري نختار يوفطيرة وألا الفنيطيس

 

[عذبي 71]

اقول بو اربح
اشرايك ناخذ منطادين من هالتفاخات الحلوة
واندقهم سلف
وانتعلق فيهم
وناخذ لنا دوره في سماء ابوفطيرة
ونصور الفيلم اللي قلت عنه

مو جنها خوش فكرة؟؟؟

يالحبيب على كم اخر ؟؟؟

 

[ودي اربح]

شورك وهدايت الله

بس تبيهم بالهواء الساخن او الهيليوم

 

[ودي اربح]

السلالالالالالام عليكم

 

[بو فراس]

السلااام عليكم

اليوم كانت لي زيارة لإدارة التراخيص في مبارك الكبير

يقولون ليلحين ما ابتدوا بأي ترخيص لأبو فطيره .. ومايدرون متى راح يبدون .. ولا أحد عنده اي خبر

 

[بو فراس]

السلام عليكم

صارلنا فتره ماسمعنا حس احد .. لايكون تحبطتوا ؟؟؟