شركة جيزان العقارية ش م ك مقفلة ( جيزان )

[boalons]

ربحية السهم للنصف سنوى كانت 200 فلس للسهم
لكن كان لدور المعيار المحاسبى المطبق من قبل البنك المركزى لارباح النصف سنوى للشركات خفض
لم يتم احتساب نسبة مشاركة جيزان بأيفا والانظمه من ارباح حسب السعر السوقى لاخر اقفال قبل الاعلان عن ارباح جيزان للنصف سنوى لعدم اعلان الشركتين ارباح نصف سنويه وعدم احتساب السعر السوقى من ضمن الارباح لعدم ثبات الاسعار وتذبذباتها كان وراء استقطاع ال 200فلس من ارباح النصف سنوى
_________

صراحه مافهمت شي

ياريت توضيح اكثر !!!

 

[iam1956]

حقيقة جيزان !!!

السلام عليكم
جيزان + البحر = منح + مشكلة = وقف الشركة عن التداول
والشاطر يفهم
مع خالص التحية

 

[bo3azoz777]

صدقونى لو شنو ماراح يطلع السهم وهذا السهم راحت عليه

 

[bo3azoz777]

طريقها الى النزول والى يبى يلعبها صح يبيع قبل مايخسر

 

[درب العصامى]

bo3azoz 777

خليك انت الشاطر وبيــــــــــــــــــــــــع.... انت مع سبع الاجل

والناس احرار ....وكفاية تكرار...رسالتكم وصلت وشبعنا منها



اخر الكلام ....
ان غدا لناظره قريب

 

[Abdulazeez]

الســــــــلام عليكم

صــارلي كم يوم اقرأ واحد يمدح جيزان والثاني ينزله ويذمه والثالث متردد والرابع يرفع السهم فووق والأخير يعتبره الغدر وكل واحد على رأيه ..

أنــــا صارلي كم سـنه اتداول بالبورصــه ... وكل الكلام عن جيزان الحين هو نفس الإشاعات من قبل ســنه بالضبط .. لدرجه لمــا أعلنو الأربـاح للتسع الأشهر الأولى لســنه 2003 كل واحد بدأ يتكلم عن السـهم .. ومنهم واحد من كبار السووق وسامعه بإذني يقوول ( سهم راس ماله أقل من 4 ملايين يربح كم مره دبل ... مستحيله .. أكيدد يتاجرون بالمخدرات مو العقارات !! ما في غير هل التفســير )

تصدقوون أشترى اكثر من مليون سهم لمــا تأكد من الأرباح بعد الإعلان الرسمي للسنه الماليه !!!

وواحد يقوول الظاهر يبون ينهبون فلوس الناس .. وواحد قال عندهم خساره ويبون يربحون من المضاربه على سهمهم من الـ 10%أو ملاك الســهم يبوون يصرفون الي عندهم أو يجمعون السهم ...

مو مهم كلام الأخوان المهم مســتغرب ليش كل هل السلبيه لمـا السهم نزل 20 او 40 أو حتى 100 حتى ... نزول السهم ولو لعده ايام مو معانتها مؤشـر بيع .. وهل الشـاطر يعرف السووق عدل .


أمــا بالنسبه للبحر ... فهو معروف أسهم تنزل لمده معينه وكل شركاته بهل الطريقه وبعدها ترتفع وحده ورا الثانيه إنشالله .. والي سواه قبل .. ( صار من الماضي )

أنـا ما عندي ولا ســهم الحين والله .. بس نصيحه للكل ولوجه الله

((( أعتمد على ناس ثقه وأهم شي أدرس وحلل الســهم وخاصه الوقت خله لصالحك ... والشــاطر الي يلعبها صح )))

 

[azoz25]

لو جيزان تستمثر في هذا الصندوق في هذه الحالة راح يكون له اصول بنظركم وراح ترتفع بعينكم يعني؟؟؟


ولا راح تقولون لعبه ؟؟؟


انا بصراحه ودي ان جيزان تعلن انه راح تشارك في هذه الصندوق وتكتتب فيه


وشكرا...

 

[الفهلوي]

مقال جميل من مختصين يمكن اننا نستفيد منهم

http://www.indexsignal.com/vb/showthread.php?t=18001


​

 

[bo3azoz777]

اخوى درب العصامى وانت بعد رسالتك اوصلت

 

[خير الكلام]

السلام عليكم

حبيت بس اضيف شئ مهم للاخوان الذين يؤيدون سهم جيزان الاوهو :
ان كنت تعرف السهم زين توكل على الله ولايهمك اي شئ .
لانك ان كنت تعتمد على ارائنا الشخصيه فهذي والله مصيبه كبيره .
من غير المعقول ان يدخل اي مستثمر على سهم وهو لايعرف عنه اي شئ ؟؟؟؟
جيزان شركه مقفله مملوكه لاشخاص باعوها لمستثمر كبير مشهود له بعدم الثقه .
ولا احد يقدر يحاسبني مادام الحق معي والادله كثيره على كلامي .
ان بغيت تشتري سهم جيزان اشتره ماعليك من اي كلام يااخي المستثمر .
وتبقى الحقيقه المره ان البحر غدار وفيه خير كثير .
باختصار خلك سبع واهرب وقت الهروب .
hit and run

 

[ابو تركى66]

جيزان العقارية

جيزان العقارية صافى الربح 2004 : 17,027,569 ربحية السهم : 142.4

صافى الربح2003 : 2,319,969 ربحية السهم : 19.4


الحر يفهم

اخر الكلام ....

ان غدا لناظره قريب

 

[المضاربه فن]

لا تخافون على جيزان

المنطق يقول هدا الشيء وابشركم من مصادر موثوق منها تقول ان السهم راح يوصل السنه 4دنانير ادا مو اكثر نظرا للارباح الى حققها؟؟؟ واهم شىء ابيكم اتعرفون ان السهم له وظعيه خاصه والى يتتبع السهم السنه الى فاتت يعرف هدا الشىء........والى يشوف المعادن وارتفاعها الى ماله اى مبرر والى هو غير منطقى يعرف ان ه\ى السنه اتبشر بالخير لكل السهم فما بلك جيزان والرباحة القويه.......بس اهم شىء الانتظار والصبر؟؟؟؟؟؟؟؟؟؟؟؟؟؟؟؟ واتوقع ان السهم ادا اعلن عن ارباح الربع الثالث المتوقع انها اتكون مفاجئه احتمال ان السهم ماراح يرتفع اكثر من 200 الى350 اى انه ماراح يتعدا 1550 وبعدها راح ينزل بين1300 و1400 ويبدا بانطلاقه الخيالى بين نصف شهر 12وشهر 1 ................... هدىنظرتى المتواظعهللاخوه المهتمين بسهم جيزان واقو الصبر مفتاح الفرج؟؟

 

[الريان]

اخوي اشلونك عساك بخير


انا اول مره ارد بموضوع يخص جيزان


وابيك تفرق بين المعادن وبين جيزان

اولا المعادن حققت ارباح تشغيليه ميه بالميه والصوره المرفقه راح تبين لك هالشي اولا


المعادن تسبة النمو لديها 300 بالميه

واصدقت هذه الارباح عند اعلان الربع الاول ارباح13 فلس وكانت بالعام الماضي 4 افلوس وكام نسبت النمو 300 بالميه اما الربع الثاني الذي فاج الجميع انه كان 21 فلس وكان بالعام الماضي 7 افلوس اي نسبة النمو 300 بالميه تقريبا ومستمره
واصبح اجمالي الارباح 34 فلس بمقابل ارباح العام الماضي 11 فلس ونص كم النمو 300 بالميه تقريبا وبين كل ربع فرق ميه بالميه


ولنري ارباح العام الماضي كانت 31 فلس يمعني ارباح السنه لن تقل 93 فلس

هذا شي متوقع لكن لانستطيع اثباته ميه بالميه


اما بالنسبه لا ارباح جيزان انتي بنفسك انظر الي البيانات وارجو منك التعليف وانظر الي الفرق

 

[المضاربه فن]

الاخ الريان

الاخ العزيز......الريان اشكرك على اهتمامك بالرد على وجهت نظرى بسهم جيزان وتفريقك لوجه المقارنه بين السهمين.... الى حبيت اوصله للاخوه المستثمرين فى جيزان هو الاطمئنان وعدم التخوف من هدا السهم للاسباب الى سبق وانى دكرتها ....وهدا للعلم فقط.......

 

[المهذب جداً]

بأشد الإختصار : إللي مو عاجبه سهم جيزان ==> مايعرف!

.

السهم بيطق الدينارين على أقل تقدير..................................

أقولكم: إنسوا أمر الشركة و خلونا نشتغل مضاربة بهالسهم؛ زين ولا مو زين ؟

في أحد يبي أكثر من 1.200 ===> 2.000 ؟؟

ترى والله طماع إللي يبي أكثر من جذي.......................

ماني قايل إن السهم واصل 2.800 لأن عنده ثاني أعلى ربحية بالبورصة كلها على الإطلاق و دون أدنى منازع عشان بس ماتزعلون؛ ماراح أقول جذي!


إللي مو عاجبة السهم تراه مايعرف!


أنا أعترف إن سهم مثل سهم المخازن يعتبر One Man Show في بورصة الكويت!

سهم الراحة و الأمان و الإطمئنان.


ولكن ...............................................



.

 

[Abdulazeez]

.

السهم بيطق الدينارين على أقل تقدير..................................

أقولكم: إنسوا أمر الشركة و خلونا نشتغل مضاربة بهالسهم؛ زين ولا مو زين ؟

في أحد يبي أكثر من 1.200 ===> 2.000 ؟؟

ترى والله طماع إللي يبي أكثر من جذي.......................

ماني قايل إن السهم واصل 2.800 لأن عنده ثاني أعلى ربحية بالبورصة كلها على الإطلاق و دون أدنى منازع عشان بس ماتزعلون؛ ماراح أقول جذي!


إللي مو عاجبة السهم تراه مايعرف!


أنا أعترف إن سهم مثل سهم المخازن يعتبر One Man Show في بورصة الكويت!

سهم الراحة و الأمان و الإطمئنان.


ولكن ...............................................



.

بصراحه أخوي .. كلامك عدل بدون نقاش
والأهم ... أنك اتعرف تتصرف وتطلع بسـرعه وبالوقت المناسب

والقانعه كنز لا يفنى

 

[azoz25]

بصراحه اجوف جنه حرب اي واحد يتكلم عن جيزان يتجعم ؟؟

مأأأدري ليش؟؟؟

بس بصراحه جيزان اربحها 143 فلس

والمعادن تقولي جم ؟؟؟ الي قلته مايقارن حتى لوقلنا يابت بأخر السنه93 فلس وتشغيلي يعني بتفهمني السنة اليايه 93 ضرب 3 يعني 300 هذا نظرتكم لان الشركة تشغيليه ....

وجهة نظر...

 

[bo3azoz777]

اخوى ترا انت وايد متفائل ان السهم بيوصل دينارين (ينزل ايه يصعد مستحيل)

 

[قناص]

باعتقادي اذا السهم ما ارتفع بعد اعلان الربحية الثالثة ما راح

يصعد الا في ديسمبر مثل ما ذكر بعض الاخوة

مقارنة مع السنه الماضية

 

[قناص]

باعتقادي ان السهم راح يرتفع بعد اعلان الربحية للربع الثالث

واذا ما ارتفع وقتها لابد وان يرتفع في ديسبمر مثل ما ذكر بعض الاخوة المحليين

بناء على المقارنة مع السنة الماضية